মাইনোরিতী এফিয়র্সকী কেন্দ্র মন্ত্রী শ্রী মুখতার অবাস নাখবিনা ঙসি ন্যু দিল্লীদা হজ ২০২২ দিপুতেসনিস্তশিংগীদমক নুমিৎ নিনিগী ওইবা ওরিয়েন্তেসন-কম-ত্রেনিং প্রোগ্রাম অমা হৌদোকখি৷

থৌরম অদুদা ৱা ঙাংলদুনা, শ্রী নাখবিনা হায়খি মদুদি সরকারনা  “দিসিজন্স ৱিথ দেলিভরী”দা ত্রান্সপরেন্সী লৈহন্দুনা অমদি থৌদাং লৌদুনা  “হজ সবসিদীগী পোলিতিকেল দিসিত” লৌশিনখ্রে৷

হজ প্রোসেস পুম্বদা সরকারনা তৌখিবা মরু ওইবা রিফোর্মশিং অদুনা প্রোসেস অসিবু মপুং ফানা ত্রান্সপরেন্ত ওইহনখ্রে অমদি ভারত সরকারনা  চহি অনিগী মতুংদা হজ উৎকদৌরিবা হজ পিলগ্রিমশিংদা দরকার ওইদবা মওংদা শেলগী পোৎলুম লৈহন্দনবগীদমক এরেঞ্জমেন্তশিং শিন লাংখ্রে হায়না মহাক্না ফোদোকখি৷

ভারতকী মুসলিমশিংগী ওইনদি দিজিতেল/ওনলাইন হজ প্রোসেস অসিনা “ইজ ওফ দুইং হজ”কী মংলান অসি চাদা চাম্মা মংফাওনহল্লে অমদি প্রোসেস অসি “দিজিতেল ইন্দিয়া”গী খ্বাইদগী ফরবা খুদমশিংগী মনুংদা অমনি হায়না শ্রী নাখবিনা ফোংদোকখি৷

হজ ২০২২ অসি মরু ওইবা রিফোর্মশিংগা লোইননা হজ পিলগ্রিমশিংগী হকশেল অমদি য়াইফ-থৌরাংদা খ্বাইদগী মরু ওইনা প্রাইয়োরিতী পীদুনা পাংথোক্লি হায়না মন্ত্রীনা হায়খি৷ হজ ২০২২ প্রোসেস পুম্বসি ভারত সরকার অমদি সাউদি অরাবিয়া সরকারগী দরকার ওইরিবা গাইদলাইনশিংগা লোইননা শেমখিবনি৷ মসিগী মনুং চল্লিবা অদুদি ইলিজিবিলিতী ক্রাইতরিয়া, এজ লিমিত, হকশেলগা মরী লৈনবা অৱাৎপনচিংবনি৷

সরকারগী হজ রিফোর্মশিংদা মনুং চল্লিবশিং অদুদি চহি তরানা শাবা খুজিং কয়া হেল্লক্লবা হজ সবসিদী মুথৎপা; নুপীনা “মেবরাম” (নুপী মরী মতা) খক্তগা হজ উৎকদবনি হায়বসিদা অথিংবা থম্লিববু লৌথোকপা (মসিনা মুসলিম নুপী ৩,০০০ হেনবনা “মেহরাম” য়াওদনা হজ উৎপা য়াহল্লি অমদি মুসলিম নুপী ২০০০রোম্না “মেহরাম” য়াওদনা হজ ২০২২গীদমক চৎলগনি); মসিনা দিজিতেল হেল্থ কার্দ “ই-মসিহা” হেল্থ ফেসিলিতী অমদি “ই-লগেজ প্রি-তেগ্গিং” য়াওনা হজ প্রোসেস পুম্ববু চাদা চাম্মা দিজিতেল/ওনলাইন  ওইহল্লি অমদি মসিনা মক্কা-মেদিনাদগী হৌরগা ভারত মশামক্কী হজ পিলগ্রিমশিংদা একোমোদেসন/ত্রান্সপোর্তেসনগা মরী লৈনবা ই-পাউ পীরি হায়না শ্রী নাখবিনা ফোংদোকখি৷

ভারতকী মুসলিম ৭৯,২৩৭না হজ ২০২২গীদমক চৎলগনি, মসিগী মনুংদা চাদা ৫০দি নুপীশিংনি হায়না শ্রী নাখবিনা ফোংদোকখি৷ মসিগী মনুংদা, ভারতকী মুসলিম ৫৬,৬০১না  ভারতকী হজ কম্মিতীগী খুৎথাংদা হজ ২০২২গীদমক চৎকনি অমদি মুসলিম ২২,৬৩৬না  হজ গ্রুপ ওর্গনাইজরশিংগী (ঐচ.জি.ও.শিং) খুৎথাংদা চৎকনি৷ ঐচ.জি.ও.শিংগী প্রোসেস পুম্বা অসি ত্রান্সপরেন্ত অমদি ওনলাইন ওইহনখ্রে৷ মুসলিম নুপী ২০০০রোম্না “মেহরাম” (নুপা খোংবু) য়াওদনা হজ ২০২২গীদমক চৎকনি, হায়রিবা নুপীশিং অসি লোত্তরী সিস্তেম য়াওদনা হজ চৎকনি৷ কোরোনানা মরম ওইরগা হৌখিবা চহি অনি অসিদা হজ পাংথোকপা ঙমখিদ্রে৷

হজ ২০২২গী ওইনদি, পিলগ্রিমশিংনা এম্বার্কেসন পোইন্ত ১০-অহমেদবাদ, বেঙ্গলুরু, কোচিন, দিল্লী, গুৱাহতি, হায়দ্রবাদ, কোলকতা, লখনৌ, মুম্বাই অমদি শ্রীনগরদগী ভারতকী হজ কম্মিতীগী খুৎথাংদা চৎকনি৷ হজ ২০২২গী ফ্লাইতশিং জুন ৪দগী হৌরগনি হায়না শ্রী নাখবিনা মখাতানা ফোংদোকখি৷

ইন্দিয়ন হজ পিলগ্রিমশিং অসিবু মতেং পাংনবা, এসিস্তেন্ত হজ ওফিসরশিং, হজ এসিস্তেন্তশিং, দোক্তরশিং অমদি পেরামেদিকশিং অমদি হজ কোওর্দিনেতরশিং য়াওনা পুন্না ৩৫৭ সাউদি অরাবিয়াদা দিপ্লোই তৌরগনি৷ মসিগী মনুং চল্লিবশিং অদুদি হজ কোওর্দিনেতর ০৪, এসিস্তেন্ত হজ ওফিসরশিং ৩৩, হজ এসিস্তেন্ত ১৪৩, দোক্তর ৭৩ অমদি পেরামেদিক ১০৪নি৷ হায়রিবা দিপুতেসনিস্তশিং অসিগী মনুংদা নুপী ৪৯ য়াওরি- এসিস্তেন্ত হজ ওফিসর ০১,, হজ এসিস্তেন্ত ০৩, দোক্তর ১৩ অমদি পেরামেদিক ৩২নি৷

নুমিৎ নিনিগী ত্রেনিং প্রোগ্রাম অদুদা, হজ দিপুতেসনিস্তশিং অদুদা হজ পিলগ্রিমেজ, মক্কা অমদি মেদিনাদা লৈরিবা একোমোদেসন, ত্রান্সপোর্ত, হকশেলগী খুদোংচাবশিং, সেফতী মিজরশিংনচিংবগী মরমদা ই-পাউ পুম্নমক পীরি৷

মখোয়বু মক্কা (এন.সি.এন.তি. জোন অমদি অজিজিয়াদা লৈরিবা দিস্পেন্সরীশিং অমদি হোস্পিতালশিং, হেদ ওফিস অমদি ব্রাঞ্চশিং), মেদিনা (ওফিস অমদি ব্রাঞ্চশিং, দিস্পেন্সরীশিং অমদি হোস্পিতালশিং অমসুং মেদিনা এয়রপোর্ত) অমদি জেদা এয়রপোর্ততা দিপ্লোই তৌগনি৷ ভারতকী  হজ পিলগ্রিমশিংদা হকশেলগী খুদোংচাবা মতিক চানা ফংহন্নবা অজিজিয়াদা পুন্না হোস্পিতাল ০২ অমদি ব্রাঞ্চ দিস্পেন্সরী ১০; মক্কাগী এন.সি.এন.তি. জোনদা ব্রাঞ্চ দিস্পেন্সরী ০১; মেদিনাদা ব্রাঞ্চ দিস্পেন্সরী ০৩ অমদি হোস্পিতাল অমা লিংখৎখ্রে৷

*****