ঐহাক অমসুং ঐহাক্কী দেলিগেসনবু অদোম্না তরাম্না ওকপীবগীদমক্তা ঐহাক্না অদোমগী মফমদা থাগৎপা ফোংদোকচরি। মসিনা অদোমগী নীংথিজরবা লৈবাক্তা ঐহাক্কী অহানবা খোঙচৎ ওইবতা নত্তনা ভারতকী রাস্ত্রপতি অমগী সেন্ত ভিন্সেন্ত অমসুং গ্রেনাদিনগী খ্বাইদগী অহানবা খোঙচৎসু ওইরি।

ঐহাক্না ইকায় খুম্ননীংঙাই ওইরবা পার্লিয়ামেন্তকী মেম্বরশিংগী মরক্তা লৈজবদা য়াম্না নুংঙাইবা ফাওই। লেজিস্লেতর অমা ওইবা হায়বসিদা মীয়ামগী অপাম্বা ফংহন্নবগীদমক্তা খোঙফম চেৎপগী মতাংদা অচেৎপা অনীংবা অমসুং কত্থোকপগী মথৌ তাই।

ভারত অমদি সেন্ত ভিন্সেন্ত অমসুং গ্রেনাদিনগী ওইনা ঐখোয়গী ইপা ইপুশিংনা ঐখোয়গী লৈবাক অনিমক্না নীংতম্বা ফংদ্রিঙৈগী চহি কয়াগী মমাংদগী শেম্বীরম্লবা পুৱারী ওইরবা মরী লৈনরি। ঐখোয়গী লৈবাক অনিমক অসি ব্রিতিশকী লোইলম লৈঙাক্কী মখাদা লৈরম্বগী মান্নবা মতৌ চেনবগা লোয়ননা জাত-বিজাৎ মখল য়াম্না তাবা খুন্নাইনি। ঐখোয়গী মরূপ-মপাংগী মরী অসিদা পুৱারী অমসুং হেরিতেজতা মান্নবগা লোয়ননা গনতন্ত্র, ইনক্লুজন, নীংতম্বা অমসুং আইনগী কাঙলোনগী মতাংদা মান্নবা ৱাখল্লোন লৈবসিনা হেন্না চেৎশিনহল্লি।

ঐখোয়গী লৈবাক অনিগী মরক্তা তেংবাংনবগী থৌওংনা মমাংগী চহি খরদা হেন্না ফগৎখি। ইকায় খুম্ননীংঙাই ওইরবা প্রধান মন্ত্রী, রাল্ফ গোনজালভেজনা সেপ্তেম্বর ২০১৯দা ভারত্তা লাক্লম্বা অদুনা ঐখয়গী মরীদা অনৌবা শক্তি হাপখিবনি। ভারতকী চাউখৎ-থৌরাংগী পার্ত্নরশিপ্তা লৈবাক অসিগী তোঙানবা খুন্নাই কয়ানা শরুক য়াবা অসিদা ঐহাক্না য়াম্না নুংঙাইবা ফাওই। বেকিয়া মার্কেত নৌনা শেমজিন শাজিনবা, গ্লেন্সাইদ ভিলেজ মারিয়াকাগী কম্ম্যুনিতী দিভেলপমেন্ত প্রোজেক্ত অমসুং চেত্যু-বেলাইর এগ্রিকলচর দিপোবু শেমদোক-শাদোক্তুনা প্রোসেসিং অমসুং ত্রেনিং ফেসিলিতীদা ওন্থোকপগী প্রোজেক্তশিংনা লোইশিল্লকপা নত্ত্রগা লোইশিল্লকপা য়াবগী অৱাংবা থাক্তা লৈ হায়বসি ঐহাক্না পনজনীংই। ভারতনা কোবিদ লাইচৎকী মতমদসু সেন্ত ভিন্সেন্ত অমসুং গ্রেনাদিনগীদমক্তা লেপখিবনি। ঐখোয়না সেন্ত ভিন্সেন্ত অমসুং গ্রেনাদিনগী মীয়ামগীদমক্তা তেংবাংবা ওইনা পুন্সি কনবা য়াবা হিদাক লাংথক অমসুং প্রোতেক্তিব গিয়রগী শিপমেন্ত অমসু লাইচৎ হৌরকপা মতমদা থাখি। ভারতনা মমাংগী চহিদসু ভারত্তা শাবা কোভিশিল্দ ভেক্সিন থাখিবনি।

ভারতনা মিলিয়ন অমা হেনবা ভারতকী দাইস্পোরা লৈবা কেরিকোমগা রিজনেল লেভেলদা এস.ভি.জি.গা মরী লৈনরি। ঐখোয়গী কেরিকোমগা লোয়ননা লৈনবা পান্দমগী মনুং চনবা তোঙানবা থবক-থৌরম কয়াদা এস.ভি.জি.না থৱাই য়াওনা শরুক য়াবা অসিবু ঐখোয়না থাগৎলি। লমদম অসিগী খ্বাইদগী লিরবা ইন্তিগ্রেসন গ্রুপিং ওইরিবা কেরিকোমগা ঐখোয়গা লৈনরিবা মরীবু ঐখোয়না য়াম্না লুনা লৌই। চাউখৎ-থৌরাং অমসুং অতোপ্পা হীরম কয়াগী মতাংদা থেংনরিবা শিংনবা কয়াগী ৱারোইশিন পুরক্নবা হোৎনবদা ভারতনা রিজনেল মেকানিজম অসিগা লেপ্তনা অমসুং মখা তানা খুৎশম্নখিগনি।

মালেম শিনবা থুংবগী মীয়াম অমসুং লৈবাক কয়াগী মরক্তা মখল কয়াগী মরী লৈবগী থৌওংনা মশক তাকপা মালেমদা ঐখোয়না লৈরি। ঙসিদি, মীওইবগী পুৱারীদা মমাংদা লৈরম্বা চাংদগী হেন্না, মালেমগী খুন্নাইনা তোঙানবা থাক্তা অমত্তা ওইবগী মরী লৈনরিঃ হৌজিক্কী মতমগী সপ্লাই চেন্না শেন্মিৎলোনগী মতাংদা লৈনবা মরীবু হেন্না চেৎহল্লি; তেক্নোলোজীগী ঙমখৈ লৈত্রে; ঐখোয়গী ইমুং অমসুং মরুপশিংনা মালেম শিনবা থুংবদা লৈনরি; অমসুং ঐখোয় পুম্নমক্না মালেমগী পোত্থোক অমসুং সেবা কয়াগী কঞ্জ্যুমর ওইনরি।

ঙসিদগী চহি-চা কয়াদগী চৎনদুনা লাক্লবা, মীয়াম্না মহাদ্বীপ লান্না চৎনবা অমসুং য়ুম হোংনবগী থৌওংনা মালেমবু অমত্তা ওইনা পুন্সিনবগী মতাংদা অখন্নবা ৱাহন্থোক অমা পীরি। ইন্দো-ভিন্সেনতিয়ন হায়বা অমা লৈরিবা অসিনা অসিগুম্বা অমত্তা ওইবগী নীংথিরবা খুদম অমনি। মফমসিদা ১৯শুবা চহি-চাদা শিন্মী ওইনা লাকখিবা ভারত মচাশিংনা অদোমগী খুন্নাইগী তৎন-থানবা য়াদ্রবা শরুক অমা ওইরি।

য়াম্না চেৎনা পুন্সিল্লবা ঙসিগী মালেম্না অনৌবা কৈথেল, মহৈ-মশিং অমসুং থবক্কী অনৌবা খুদোংচাবা কয়া হাংদোকপা, ই-পাউ লায়না ফংহনবা অমসুং মপান লৈবাক্কা মরী লৈনবা য়াহন্নবা অনৌবা খুদোংচাবা কয়া পীবগী খুত্থাংদা মালেম শিনবা থুংবগী মীয়ামদা চাউরবা কান্নবা কয়া ফংহল্লি।

মসিগী গ্লোবেলাইজ ওইরবা ৱর্ল্দ ওর্দরনা মশাগী ওইবা শিংনবা কয়াসু অদুমক লৈজরি। অইং-অশা হোংবা, মালেমগী তংদু লৈতানা লৈবদা অকায়বা পীরিবা পোলিতিকেল কনফ্লিক্ত, ঙমখৈ লানবা তেরোরিজম, সপ্লাই চেন্দা অয়েৎপা পীবা হায়রিবশিং অসি ঐখোয় পুম্নমক্তা অকায়বা পীবা মালেমগী মরু ওইবা শিংনবশিংগী মরক্তা খরনি। লৈবাক খুদিংনা মশাগী ওইজবা থাদোক্তুনা ঐখোয়গী তুংগী চারোন শুরোনগী য়াইফনবগীদমক্তা শিংনবশিং অসি ৱারোইশিন পুথোক্নবা হোৎনবা তাই।

ইবেম্মা অমদি ইবুংঙোশিং,

মলতিলেতরেলিজম হায়বসি ঙসিগী ইন্তর-কন্নেক্তেদ অমসুং ইন্তর-দিপেন্দেন্ত মালেম অসিদা ঐখোয়গী পুৱারীগী মান্নবা মতমশিংদা লৈরম্বদগী হৌজিক্না হেন্না য়াম্না চুনবা হেল্লে। মলতিলেতরেলিজম হায়বসি লৈবাক পুম্নমক্কী মরক্তা মপাঙ্গল লৈবা, তুং কোইনা চৎপা, খল নাইবা অমসুং হীরম খুদিং মনুং চন্না চাউখৎপগী থৌওং খুমাং চাউশিলহন্নবা খুৎলায় অমা ওইনা শিজিন্নফম থোকই।

অদুবু, মলতিলেতরেলিজম অসিবু চুনবা অমসুং কান্নবা ওইহন্নবগীদমক্তা, ইন্সতিত্যুসনশিংবু শেমদোকপগী তঙাই ফদবা লৈরে। মালেমগী লাঞ্জাও অনিগী মতুংদা থোক্লকপা স্ত্রকচর অমসুং ইন্সতিত্যুসনশিংনা মরু ওইবা হীরম অমদা মিৎয়েং থম্মি – মথংগী মালেমগী লাঞ্জাও থোকহন্দবা। ঙসিগী লুরবা শিংনবা কয়া থেংননবগীদমক্তা, ঐখোয়না শেম্বা পাম্লিবা অনৌবা ৱর্ল্দ ওর্দর অসিদি ইনক্লুসিব ৱর্ল্দ ওর্দর অমা ওইগদবনি। মসিদা লৈবাক খুদিংনা মখোয়গী তসেংবা অপাম্বা ফোংদোকপা য়াহনগদবনি। মসিদি মালেমগী মরু ওইবা ইন্সতিত্যুসনশিংগী করিগুম্বা অমগী মীহুৎ ওইবগী পথাপ্তা পাকথোক চাউথোকহনবা অমসুং হেন্না নীংথিজনা শেম্লবা মতমদা ওইথোকপা য়াগনি।

মরম অদুনা, হৌজিক্কী ৱর্ল্দ ওর্দর, য়ুনাইতেদ নেসন্স অমসুং মসিগী ইন্সতিত্যুসনশিংগা লৈনরিবা, অসিনা হায়রিবা শিংনবশিং অসিগা মাইয়োক্নবদা মালেমগী খুন্নাইদা তেংবাংলিবরা হায়বা নীংথিনা য়েংশিন্দুনা খন্ন-নৈনবগী মথৌ তাই।

ঐখোয়না ইনক্লুসিব ৱর্ল্দ ওর্দর অমা হৌদোক্লিবা অসিগী পান্দমদি মালেমগী ওইবা, কাঙলোন্দা য়ুম্ফম ওইবা, নুং-পান ফাওবা উবা, মাংজৌননা করি ওইগনি হায়বা ঙম্বা, অচান-মীরাই নাইদবা অমসুং মান্ননা কান্নবা ফংবা মলতিলেতরেল সীস্তেম অমা লৈহনবনি। মরম অদুনা, হৌজিক্কী মতমগী খ্বাইদগী তঙাই ফদবা অসিদি য়ু.এন. সেক্যুরিতী কাউন্সিলনা ময়াইদা লৈদুনা লৈরিবা মালেমগী ইন্সতিত্যুসনশিং শেমদোক্তুনা হৌজিক্কী মতমগী মালেমগী তসেংবা ফিভম অসিবু ময়েক শেংহনবনি।

হীরম অসিগী মতাংদা ভারত অমদি সেন্ত ভিন্সেন্ত অমসুং গ্রেনাদিনগী অপাম্বা, ৱাখল্লোন অমসুং মিৎয়েং মান্নৈ। ঐখোয়গী লৈবাক অনিমক অসি এল.৬৯ গ্রুপকী চাউখৎলক্লিবা লৈবাক মেম্বর ৪২গী শরুক ওইরি। গ্রুপ অসিনা য়ু.এন. সেক্যুরিতী কাউন্সিলগী পর্মানেন্ত অমসুং ন-পর্মানেন্ত মেম্বরশিপ চাউথোকহনবগী খুত্থাংদা কাউন্সিল অসিবু শেমদোক্নবগীদমক্তা য়াম্না থৱাই য়াওনা হোৎনরি।

সেন্ত ভিন্সেন্ত অমসুং গ্রেনাদিন্না ইং ২০২০-২১দা সেক্যুরিতী কাউন্সিলগী মেম্বর ওইরিঙৈগী মরক্তা সেক্যুরিতী কাউন্সিলদা রিফোর্ম তৌনবগীদমক্তা ইন্তর-গবর্নমেন্তেল নেগোসিএসনগী থৌওংশিংদা ৱাহন্থোক লৈবা অমসুং অকক্নবা মতমগী মনুংদা ৱারোইশিন ফংনবগীদমক্তা মশক নাইবা থৌদাং পাংথোকখিববু ঐহাক্না থাগৎচরি।

ভারতনা নীংতম্বগী চহি ৭৫ মপুং ফারকপগী নুংঙাইবা ফোংদোক্লিবা অসিদা, ঐখোয়না মালেমগী তেংবাংনবগী থৌওংবু বাসুধাইভা কুতুম্বাকম নত্ত্রগা “মালেম অসি অপুনবা ইমুং-মনুং অমনি’ হায়বগী ফিলোসোফীগী মতুং ইন্না হেন্না খুমাং চাউশিনহল্লি। ভারত্তা, ঐহাক্কী সরকারগী মোত্তোদি “সবকা সাথ, সবকা বিকাস, সবকা বিশ্বাস অমসুং সবকা প্রয়াস’, হায়বদি মীয়াম পুন্না, মীয়ামগী চাউখৎপা, মীয়াম্না থাজবা অমসুং মীয়াম পুন্না হোৎনমিন্নবা হায়বনি। মসিনা ভারতনা মালেমগী ফম্বাক্তা ইনবা কাঙলোন তাক্লি অমসুং চাউবা পীকপা নত্ত্রগা ইনাক খুনবা লায়রবা নাইদনা লৈবাক অমসুং লমদম খুদিংগী অপাম্বা খঙবা ইনক্লুসিব ওইবা ৱর্ল্দ ওর্দর অমদা ভারতনা থাজবা থম্মি হায়বনি।

ঐখোয়না মীওইবা খুন্নাই পুনবগীদমক্তা খল্লি অমসুং থবক পাংথোকই। ভারতনা মরুপ ওইরিবা চাউখৎলক্লিবা লৈবাকশিংগা ঐখোয়গী এক্সপেরিএন্স, লৌশিং অমসুং মহৈ-মশিং লান্নগনি হায়না খোঙফম চেত্তুনা লাক্লি। ভারত অমসুং সেন্ত ভিন্সেন্ত অমসুং গ্রেনাদিন্না ইনক্লুসিব ৱর্ল্দ ওর্দর অমগীদমক্তা মান্নবা পান্দম ফংনবগীদমক্তা মখা তানা নক্ননা থবক তৌমিন্নখিগনি হায়বগী ঐহাক্না থাজবা থম্মি।

ঐহাক্না ৱারোলশিং অসিগা লোয়ননা ঙসিগী ওগস্ত এসেমব্লী অসিদা ৱা ঙাঙবগী খুদোংচাবা পীবীবগীদমক্তা মেদাম স্পীকরবু থাগৎচরি। ঐহাক্না মালেমগী খ্বাইদগী চাউবা গনতন্ত্রগী মীহুৎ অমা ওইনা মফমসিদা ঙসি লৈজবা ফংবা অসি লাইবক ফবনি। ঐহাক্না অদোমগী মফমদা ইশাগী ৱাখল্লোন থম্বা ফংখিবদা য়াম্না নুংঙাইবা ফাওজৈ। ঐহাক্না ভারত অমসুং সেন্ত ভিন্সেন্ত অমসুং গ্রেনাদিনগী মীয়াম্বু য়াম্না নুংঙাই য়াইফবা তুংগী মতম অমা লৈসনু হায়না থৌনীজরি।

থাগৎচরি!

*****