মচি ওইবা চীঞ্জাক ফংদবগী, ঈ ৱাৎপগী অমসুং মাইক্রোন্যুত্রিএন্ত ৱাৎপগী ফীভম কোকহন্নবা ‘রাইস ফোর্তিফিকেসন’গী থবক পায়খৎননবা দিপার্তমেন্ত ওফ ফুদ এন্দ পব্লিক দিস্ত্রিব্যুসন্না চোকথবা নাইদনা থবক পায়খৎলি‍।

দিপার্তমেন্ত অসিগী স্তোরেজ অমসুং রিছর্চ দিভিজন্না তোঙান তোঙানবা সোসিএল সিক্যুরিতী প্রোগ্রামশিংগা লোয়ননা এফ.আর.কে. (ফোর্তিফাইদ রাইস কর্নেল) পুথোক্লিবা/মিল্লরনচিংবশিংগী মায়কৈদগী সেল্ফ-দিক্লার্দ ক্বালিতী সর্তিফিইকেসনগী খুত্থাঙদা পোৎ লৌশিনবদগী হৌরগা য়েন্থোকপা ফাওবগী মতাঙদা ফিনিস প্রদক্তশিংগী ক্বালিতী স্তেন্দর্দ য়েংশিল্লি‍। প্রোগ্রাম অসি অপনবা লৈতনা পায়খৎনবা/দোমেস্তিক সপ্লাই চেনগী মখাদা পাম্লিবা ক্বালিতী স্তেন্দর্দ চাং চানা থম্নবগীদমক স্তেন্দর্দ ওপরেতিং প্রোসিজর (এস.ও.পি.) অমা শেমদুনা দিপার্তমেন্ত অসিনা মার্চ, ২০২২দা থোকখ্রে‍।

ফোর্তিফাইদ রাইস কর্নেল অমসুং ফোর্তিফাইদ রাসকী পাম্লিবা ক্বালিতী স্তেন্দর্দ চাং চানা থম্নবগীদমক এস.ও.পি. অসিনা এফ.আর.কে. পুথোকপদগী হৌরগা কান্নবা ফংবা য়ারবা মীওইশিংদা য়েন্থোকপা ফাওবগী থবক্তা পান্দম চাওরবা স্কিম অসিগী মখাদা থবক তৌরিবা তোঙান তোঙানবা স্তেকহোল্দরশিংগী থাক-থাক্কী মতুং ইন্না মথৌ অমসুং থৌদাংশিং মচা খায়না পীরি‍।

দিপার্তমেন্ত অসিনা তোঙান তোঙানবা স্তেকহোল্দরশিংগী মথৌ অমসুং থৌদাং তাকপগা লোয়ননা, ফুদ সেফ্তী এন্দ স্তেন্দর্দ ওথোরিতী (এফ.এস.এস.এ.আই)না প্রোগ্রাম অসিদা মরুওইবা থৌদাং য়ারি‍।

হৌরকপদা, এফ.এস.এস.এ.আই.না ফুদ সেফ্তী স্তেন্দর্দ (ফোর্তিফিকেসন ওফ ফুদ্স) রিগুলেসন, ২০১৮, ফুদ সেফ্তী এন্দ স্তেন্দর্দ (ফুদ প্রদক্তস স্তেন্দর্দ এন্দ ফুদ এদিতিব্স) রিগুলেসন্স, ২০১১নচিংবশিংগী খুত্থাঙদা চেঙ য়াওনা ফোর্তিফাই তৌরবা চীঞ্জাকশিংগী স্তেন্দর্দ থোকখ্রে‍।

এফ.এস.এস.এ.আই.না এফ.আর.কে. (ফোর্তিফাইদ রাইস কর্নেল) মেনুফেকচররশিং ইমপেনেল তৌদুনা, মখোয়দা লাইসেন্স পীদুনা, ফিনিস প্রদক্তশিংগী পেকেচিং অমসুং স্তেন্সিলিংগী তোঙান তোঙানবা ক্বালিতী সর্তিফিকেসন স্তেন্দর্দ/চৎনপথাপশিং, তোঙান তোঙানবা ওপরেস্নেল একমপ্লিসমেন্তশিংগীদমক ফোর্তিফিকেসন ওফ রাইনচিংবগী সেম্প্লিং, তেক্নিকেল হেন্দ আউতশিংগী চৎনপথাপশিং শেম্লে‍। এফ.আর.কে./এফ.আর.গী তোঙান তোঙানবা ক্বালিতী পেরামিতরশিং চাংয়েং তৌবা য়ারবা স্তেতশিংগী মখাদা লৈবা নেস্নেল এক্রেদিতেসন বোর্দ ফোর তেস্তিং এন্দ কেলিব্রেসন লেবোরেতরিজ (এন.এ.বি.এল.)দা এক্রেদিত তৌরবা লেবশিংসু এফ.এস.এস.এ.আই.না মেপিং তৌরি‍।

প্রমোস্নেল অমসুং রিগুলরিতীগী থৌদাংশিংসু এফ.এস.এস.এ.আই.গী ফুদ সেফ্তী ওফিসর (এফ.এস.ও.)শিংনা লৌরি‍। হায়রিবা ওফিসরশিং অসিনা ফোর্তিফাই তৌরবা চেঙগী ক্বালিতী চানা থম্নবগীদমক ক্বার্তর অমদা মহাক্কী মীৎয়েঙ মখাদা লৈরিবা দুকান অমসুং মিল পুম্নমক কোনশিন্নবগীদমক) মিল অমসুং ফ্যের প্রাইস সোপশিংদগী রেন্দম সেম্পল খোমগৎলি‍। ফোর্তিফিকেসনগী রিসোর্স হব অমা ওইনা থবক তৌরিবা এফ.এস.এস.এ.আই.গী য়ুনিৎ অমা ওইরিবা ফুদ ফোর্তিফিকেসন রিসোর্স সেন্তর (এফ.এফ.আর.সি.)না ফুদ বিজিনেস ওপরেতরশিং (এফ.বি.ও.), মিল্লরশিং, স্তেত এফ.সি.আই.নচিংবশিংদা মখল খুদিংমক্কী তেংবাং পীগনি/ত্রেনিং অমসুং কেপাসিতী বিল্দিং (এফ.বি.ও., রাইস মিলশিং, এফ.পি.এস. মপুংশিং, এফ.এস.ও.নচিংবশিংগী) পাঙথোক্কনি অমদি দেভেলপমেন্ত পার্ত্নরশিংগী মতেঙগা লোয়ননা প্রোগ্রাম অসিবু য়েংশিনবা অমদি ইভালুএত তৌবগী থবক পায়খৎকনি‍।

এফ.এস.এস.এ.আই. অসি স্তেন্দর্দ এন্দ ফুদ সেফ্তী, তেক্নোলোজী অমসুং থৌওংশিং, প্রিমিক্স অমসুং খুৎশু খুৎলায় লৈবা অমদি পুথোকপা, ফোর্তিফাই তৌরবা চেঙগী ক্বালিতী এস্যুরেন্স অমসুং ক্বালিতী কন্ত্রোলগী মতাঙদা ঈ-পাউ অমসুং মতেং পীরিবা রিসোর্স হব অমনি‍।

আইরন, ফোলিক এসিদ অমসুং ভিতামিন বি১২নচিংবা মাইক্রোন্যুত্রিএন্তশিং হাপচিনবগী থৌওং, রাইস ফোর্তিফিকেসন অসি ঈ ৱাৎপগী শিংনবা থেংননবা মতিং লৈবা, মাঙজৌননা ঙাকথোক্নবা অমদি শেল য়াম্না চঙদবা কমপ্লিমেন্তরী লাল্লোং অমনি‍। ফোর্তিফাই তৌরবা চেঙনা ঈ ৱাৎপগী ফীভম থেংননবা মতিং লৈবা পামবৈ অমনি হায়না খুদম চাংদম পীদুনা তাক্লবা মালেমগী অমদি ভারতকী ওইবা পাইলোত প্রোজেক্তশিং য়াওনা তোঙান তোঙানবা থিজিনবগী থবকশিং লৈরি‍।

মচি ওইবা চীঞ্জাক ৱাৎপনা মরম ওইরগা ঈ ৱাৎপগী তমথিবা ফীভমশিং থেংননবা থৌরাং অমা ওইনা, ইকায়খুম্নরবা প্রধান মন্ত্রী শ্রী নরেন্দ্র মোদী জীনা ৭৫শুবা নীংতমবা নুমিৎকী (ওগস্ত ১৫, ২০২১) থৌরমদা ২০২৪ ফাওবগী মনুংদা সোসিএল সেফ্তী নেত স্কিম খুদিংমক্তা রাইস ফোর্তিফিকেসন চৎনহন্নবা ৱাফম লাউথোকখি‍। চীঞ্জাক মখল মথেল চাবা অমদি উহৈ-ৱাহৈ অমসুং মনা-মশিংদা চাং ৱাংনা তাংবনা মাইক্রো-ন্যুত্রিএন্ত ফংনবগী পাম্বৈ অমা ওইরবসু য়াম্লবা মীয়ামগী শরুক অমনদি মসি ফংবা হায়বসি মতম পুম্নমক্তা ওইথোক্তে হায়বা ৱাফমসিসু পনবা মথৌ তাই‍। ফোর্তিফাই তৌরবা চেঙ/চাক চাবগী কান্নবশিং পাক শন্না খঙহন্নবগীদমক লৈবাক্কী মফম কয়াদা তোঙান তোঙানবা এৱ্যারনেস প্রোগ্রামশিং পাঙথোক্নবা কেন্দ্রনা হোৎনরি‍। স্তেত লৈঙাকশিংদা মখোয়গী মীয়ামদা ফোর্তিফাই তৌরবা চেঙগী মরমদা লান্না থাজনরিবা ৱাফমশিংগী মরমদা ৱাখল তাহন্নবা চুনবা থবক পায়খৎনবা পাউতাক পীখ্রে‍। পি.দি.এস.কী খুত্থাঙদা ফোর্তিফাই তৌরবা চেঙ য়েন্থোক্নবা সেন্ত্রেল্লী স্পোন্সর পাইলোৎ স্কিইম হেক হৌখিবদগী লৈবাক শিনবা থুংনা স্তেত কয়ানা পব্লিক দিস্ত্রিব্যুসন সিস্তেমগী খুত্থাঙদা ফোর্তিফাই তৌরবা চেঙ য়েন্থোকপগী থবক থোইদোকপা অপনবা লৈতনা মায় পাক্না পায়খৎখ্রে‍। অদুম ওইনমক খঙবা ৱাৎপনা মরম ওইরগা ফোর্তিফাই তৌরবা চেঙ অমসুং মসিগী কান্নবা মমুৎ তানা খঙনদ্রি‍।

ফুদ সেফ্তী এন্দ স্তেন্দর্দ ওথোরিতী ওফ ইন্দিয়া (এফ.এস.এস.এ.আই.)গী পেকেজিং মেতরিএলগী চৎন-পথাপকী মতাঙদা, ফীভমগী মতুং ইন্না ফুদ কোর্পোরেসন ওফ ইন্দিয়া (এফ.সি.আই.)/স্তেত এজেন্সীনচিংবা প্রোগরিং এজেন্সীশিংনা এফ.এস.এস.এ.আই.গী চৎন-পথাপ চেকশিন্না ইল্লি অমদি খাওশিংদা +এফ লোগো অমদি “থলাস্সেমিয়া নাবা মীওইশিংনা মেদিকেল সুপরভিজন মখাদা ফোর্তিফাই তৌরবা চেঙ চাবা য়াই” হায়বা পাউজেল থারি‍।

ফোর্তিফিকেসন হায়বসি চীঞ্জাক্কী মচি ওইবা চাং হেনগৎহন্দুনা হকশেলদা থোইদোকপা অকায়বা থোকহন্দনা মীয়ামগী হকশেলগী কান্নবা পীননবগীদমক চীঞ্জাক্তা ভিতামিন অমসুং মিনরেল (ত্রেস ইলিমেন্তশিং য়াওনা)নচিংবা মথৌ তাবা মাইক্রোন্যুত্রিএন্তশিংগী চাং হেনগৎহনবগী থৌওং অমনি‍। ফুদ ফোর্তিফিকেসন অসি কোপেনহেগন কন্সেন্সস স্তেতমেন্ত, ২০০৮গী মতুং ইন্না চাওখৎলক্লিবা লৈবাকশিংগী মকোক থোংবা প্রাইওরিতী অহুমগী মনুংদা অমা ওইনা লৌনৈ‍। ফোর্তিফাই তৌরবা চীঞ্জাকশিং অসি তশেংবদি ভারত্তা অনৌবা নত্তে‍। ভারত্তা ফোর্তিফাই তৌরবা চীঞ্জাক মখল অমা ওইরিবা আইওদাইজ থুম চাবনা গোইতরগুমবা আইওদিন ৱাৎপগী লায়না থোরকপা হন্থহল্লি‍। চেঙদা ফোর্তিফিকেসন তৌবা অসিসু অতেনবা মতমগী মনুংদা ঈ ৱাৎপগী ফীভম কোকহন্নবা মাঙজৌননা ঙাকথোক্নবা অমদি মতেং পাংশিন্নবা চৎনবা য়াবা থৌওং অমনি‍।

*****