নামো বুদ্ধয়া!

নেপালগী প্রধান মন্ত্রী, ইকাইখুম্নরবা শ্রী শের বহাদুর দ্যুবা জী, ইকাইখুম্নরবা শ্রীমতি আর্জু দ্যুবা জী, মীফম অসিদা শরুক য়ারিবা নেপাল সরকারগী মন্ত্রীশিং, বুদ্ধিস্ত মোঙ্কশিং অমসুং মসিদা তিল্লিবা মশীং য়াম্লবা বুদ্ধিস্তশিং,

তোঙান-তোঙানবা লৈবাকশিংদগী দিগ্নিতরীশিং

নুংশিরবা ইচিল-ইনাওশিং!

বুদ্ধ জয়েন্তিগী য়াইফরবা থৌরম অসিদা, মফম অসিদা তিনবীরিবশিং, নেপালিশিং, অমসুং মালেম অসিগী দিভোতীশিং পুম্নমক্তা লুম্বিনিগী শেংলবা লম অসিদগী বুদ্ধা পুর্নিমাগীদমক্তা য়াইফ-পাউজেল পীজরি।

মমাংদসু, বৈশাখি পুর্নিমাগী নুমিত্তা, ঐহাক্না ভগবান বুদ্ধগা মরি লৈনবা থৌরমশিংগীদমক্তা মহাক্কা মরী লৈনবা শেংলবা মফমশিংদা চৎপগী খুদোংচাবা ফংখি। ঐহাক্না ভারতকী মরুপ নেপাল, ভগবান বুদ্ধগী পোক্নফম, লুম্বিনি চৎপগী খুদোংচাবা ফংলে। মতম খরগী মমাংদা মায়াদেবি তেম্পল চৎপগী খুদোংচাবা ফংবা অদুসু ঐহাক্না কাউঙম্লরোই। ভগবান বুদ্ধ মশামক পোকখিবা লমদম, মফম অদুগী ইনর্জী, ফম অদুগী ৱাখল্লোন অদু তোঙানবা অমনি। মফম অসিদা ঐহাক্না ২০১৪দা খুদোল তৌখিবা মহাবোধি পাম্বিগী চরা অদুসু উপাল ওইনা ওল্লকপা অসি ঐহাক য়াম্না হরাওই।

মরুপশিং,

পশুপতি ওইগেরা, মুক্তিনাথ জী ওইগেরা, জনকপুরধাম ওইগেরা নত্রগা লুম্বিনি ওইগেরা, ঐহাক্না নেপালদা লাকপা খুদিং, নেপালগী স্পিরিচুৱল ব্লেসিংশিং অদুনা ঐহাকপু পেলহল্লি।

মরুপশিং,

জনকপুরদা ঐহাক্না হায়খি মদুদি “ঐখোয়গী রাম অসিসু নেপাল য়াওদনা মপুং ফাদে”। ঐহাক্না খঙলে মদুদি ঙসি ভারত্তা ভগবান শ্রী রামগি চাউরবা লাইশং অমা শাবা মতমদা, নেপালগী মীয়াম্না চপ মান্ননা হরাওবা ফাওই।

মরুপশিং,

নেপাল হায়বসি, মালেম অসিগী খ্বাইদগী ৱাংবা চিংজাও-সাগরমাথাগী লৈবাক্নি! নেপাল হায়বসি, শেংলবা লাইনিংবা কয়াগী, লাইশং কয়াগী  অমসুং মালেম অসিগী মোনাস্তরীশিংগী লৈবাক‌নি! নেপাল হায়বসি, মালেম অসিগী অরিবা সভ্যতাগী চৎনবী কয়াবু ঙাক-শেন্দুনা থম্লিবা লৈবাক্নি! ঐহাক্না নেপালদা লাকপা মতমদা, অতোপ্পা পোলিতিকেলগী ওইবা খোংচৎশিংদগী তোঙানবা স্পিরিতচুৱলগী ওইবা এক্সপরিয়েন্স অমা ফংঙি।

ভারত অমসুং ভারতকী মীয়াম্না নেপালদা চহি লিশিং কয়াগী ভিজন অমসুং থাজবা অমগা লোইননা য়েংঙি। ঐহাক্না থাজৈ মদুদি, মতম খরগী মমাংদা শের বহাদুর দ্যুবা জী অমসুং শ্রীমতি আর্জু দ্যুবা জীনা ভারত্তা লাকপা মতমদা অমসুং কাশি বিস্বনাথ ধামদা চৎপা মতমদা দ্যুবা জীনা তাকপা অদুগুম্না মহাক্কী ওইনা ভারতকীদমক্তা অসিগুম্না চপ মান্না ফাইবা হায়বসি মহৌশানি।

মরুপশিং,

মসিগী কমন হেরিতেজ, কলচর, থাজনবী অমসুং মীনুংশি অসি ঐখোয়গী খ্বাইদগী চাউবা এসেতনি। মসিগী এসেত অসিনা হেন্না য়াম্না ফজরিবা মখৈ, ঐখোয়না পুন্না মালেম অসিদা ভগবান বুদ্ধগ পাউজেল অসি য়ৌহনবা ঙমগদৌরিবনি অমসুং মালেম অসিদা লমজিং-লমতাক পীবা ঙমগদৌরিবনি। ঙসি শেম্লক্লিবা অসিগুম্বা মালেমগী ফিভম অসিদা হেন্না চেৎশিল্লক্লিবা অমসুং নকশিল্লক্লিবা ভারত অমসুং নেপালগী নুংশিনবগী মরী অসি অসিনা মীওইবা খুনাইদা কান্নহনগদৌরিবনি। অমসুং মসিদা ভগবান বুদ্ধদা লৈবাক অনি অসিগী থাজবা, মহাকপু মপাল নাইদনা নিংজবা অদুনা ঐখোয় পুম্নমক অসিবু অমত্তা ওইনা লংলা অমদা পুনশিনহন্দুনা অমসুং ইমুং অমত্তগী মী অমা ওইহল্লে।

নুংশিরবা ইচিল-ইনাওশিং,

বুদ্ধ অসি মীওইবা খুনাইগী অপুনবা ওইবগী ৱাখল্লোন অদুগী শাইওননি। বুদ্ধা পর্সেপ্সনশিং লৈ অমসুং বুদ্ধ রিসর্চশিংসু লৈ। বু্দ্ধগী ৱাখল্লোন লৈ অমসুং বুদ্ধ সমস্কারাশিংসু লৈ। বুদ্ধ অসি য়াম্না তোপ-তোপ্পি মরমদি মরমদি মহাক্না লাইনিং লিশোলগী পাউতাক পীবদা নত্তনা মহাক্না মীওইবা খুনাই অসিবু লৌশিং লৈহল্লম্মি। মআক্না মহাক্কী মতিক-মঙাল লৈরবা লৈবাক অমসুং নুংঙাইবা থাদোক্লমখি। তশেংনা মহাক অসি অচম্বা অঙাং ওইনা পোক্লকখিদে। মহাক্না ঐখোব পুম্নমক্তা কত্থোকপা হায়বসিনা ফংবদগী হেন্না মরু ওই হায়বসি খঙহনখি। রিয়েলাইজেশন হায়বসি মপুং ফানা কত্ধোক্লবআ মতমদতআ মপুং ফাগনি। মরম অদুনা মহাক্না উমং-ৱামংদা কোইচৎ চৎখি, মশানা মশাবু ৱারকচখি, থজিনখি। মসিদা ৱাখল তারবা মতুংদা, মহাক্না নোলেজকী খ্বাইদগী অথোইবা মফম অদু য়ৌবা মতমদা, মহাক্না মীয়ামগী য়াইফনবগীদমক্তা অঙকপা অমত্তা তৌখি হায়না হায়খিবা লৈতে।  মসিগী মহুত্তা ভগবান বুদ্ধনা ঐখোয়দা মহাক মশামক্না হিংখিবা লম্বি অদুবু তাকপীখি।  মহাক্না “আপ দীপো ভৱা ভিকখ্বে” “পরিক্সয় ভিক্সৱো,  গ্রাহয়ম মদ্দচো, ন তু গৌৱাত” হায়রিবা মন্ত্র অসি ঐখোয়দা পীখি।  হায়বদি নশাগী থাওমৈ ওইয়ু। ঐবু ইকাইখুম্নবনা মরম ওইরগা ঐগী ৱাহৈশিং অসি লৌবা তৌগনু। মসিগী মহুত্তা নশানা চাংয়েং তৌজৌ অমসুং মদুবু লৌশিল্লু।

মরুপশিং,

ঙসি ঐহাক্না পনগদবা ভগবান বুদ্ধগা মরী লৈনবা হীরম অতোপ্পা অমসুং লৈ। বুদ্ধ অসি বৈশাখি পুর্নিমাগী নুমিত্তা লুম্বিনিদা সিধার্তথা ওইনা পোকখি। মসিগী নুমিৎ অসিদা বোধ গয়াদা মহাক্না লোশিং ফংখি অমসুং ভগবান বুদ্ধ ওইখি। মসিগী নুমিৎ অসিদা কুশিনাগরদা মহাক্কী মহাপরিনির্ভনা থোকখি। চপ মান্নবা নুমিৎ বৈশাখি পুর্নিমাদা ভগবান বুদ্ধগী পুনশিগী খোংচৎকী তাঙ্কক অহুম অসি তান চানরুবা নত্তে। মসিদা বুদ্ধ ওইখিবগী ফিলোসোফিকেল ওইবা মপাউ অমসু পীরি, মসিদা পুনশি, নোলেজ অমসুং নির্ভানা অসি পুল্লপ পুল্লি। অহুম অসি মরী লৈনৈ। মসিনি মীওইবগী পুনশিদা মপুং ফাবা হায়বসি অমসুং মসিনা মরম ওইরগা ভগবান বুদ্ধনা পুর্নিমাগী শেংলবা তাং অসি খল্লম্বা ওইরম্বা য়াই। মীওইবগী পুনশীবু অসিগুম্না মপুং ফানা উবা মতমদা,  দিবিজন অমসুং দেস্ক্রিমিনেশণগী মফম লৈতে। মতম  অদুদা ঐখোয় ইশানা ইশাবু ‘ৱাসুধৈবা কুতুক্বকুম’গী ৱাখল্লোনদা হিংবা হৌরকই, মসিদা ‘সর্ৱে ভৱন্তু সুখিনা’দগীনা বুদ্ধগী সর্মন ‘ভাবতু সব মঙ্গলম’ ফাওবগী ৱাখল্লোন অদু ফোংদোকই। মরম অদুনা জিয়োগ্রাফিকেল বাউন্দরীশিংদগী হেন্দোক্তুনা বুদ্ধ অসি মীপুম খুদিংমক্কীনি।

নমরুপশিং,

ঐসু ভগবান বুদ্ধগা অতোপ্পা মরী অমা লৈনৈ। মসিসু য়াম্না ঙক্নিংঙাই ওইবা তান চানরুবা থৌদোক অমনি অমসুং য়াম্নসু নুংঙাই। ঐহাক্না পোকখিবা মফম, গুরাতকী ৱদনাগর অসি চহি চা কয়াগী মমাংদা বুদ্ধিস্ত লর্নিংগী বাম্না অফাওবা সেন্তর অমা ওইরম্মি। ঙসি ফাওবা মফম অদুদা মমাংঙৈগী অরিবা মফমশিং অদু খোত্তোক্লি, হায়রিবশিং অসিগী কঞ্জার্বেশনগী থবকসু পাংথোক্লি। অমসুং ঐখোয়না খঙই মদুদি অসিগুম্বা তাউন কয়া অমা ভারত্তা লৈ, সিতী কয়া অমা, মফম কয়া অমা, রাজ্য অসিগী মীয়াম্না য়াম্না চাউথোক্না রাজ্য অদুগী কাশি হায়না খঙনৈ। মসিনা ভারতক স্পেসিয়েলিতী ওইদুনা লাকখি, অমসুং মরম অদুনা নখোয়নসু কাশি মনাক্তা লৈরিবা সর্নাথকা ঐগী মরী অদু খঙই। ভারত্তা সর্নাথ, বোধ গয়া অমসুং কুশিনাগরদগীনা নেপালগী লুম্বিনিদা লৈরিবা মসিগী শেংলবা মফমশিং অসিনা ঐখোয়গী সেয়র্দ হেরিতেজ অমসুং ভেল্যুশিং অদুবু উৎলি। ঐখোয়না হেরিতেজ অদুবু পুন্না দেবেলপ তৌগদবনি অমসুং মখাতানা চাউখৎহনগদবনি। হৌজিক-হৌজিক লৈবাক অনিমক্কী প্রধান মন্ত্রীনসু মফম অসিদা ইন্দিয়া ইন্তর্নেস্নেল সেন্তর ফোর বুদ্ধিস্ত কলচরগী উরেপ-উয়ুং তমখ্রে। হায়রিবা অসি ভারতকী বুদ্ধিস্ত কনফিদরেশন্না শারগনি। প্রধান মন্ত্রী দ্যুবা জীনা ঐখোয়গী কোওপরেশন অসিগী দেকেদ কয়াগী মঙলান অসিবু মঙফাওনহনবদা য়াম্না মরু ওইবা থৌদাং লৌখি। লুম্বিনি দেবেলপমেন্ত ত্রস্তকী চেয়রমেন ওইনা মহাক্না ইন্তর্নেস্নেল বুদ্ধিস্ত কনফিদরেশনদা লম অসি পীনবা ৱারেপ লৌখ্রে। অমসুং হৌজিক্তি মসিগী প্রিজেক্ত অসিবু লোইশিন্নবসু মহাক্কী মাইকৈদগি মপুং ফানা কোওপরেশন পীরি। মসিগীদমক্তা ঐখোয়না তৌবীমল খঙবা উৎচরি। নেপালগী সরকারনা বুদ্ধ সরক্যুইত আমসুং লুম্বিনিগী দেবেলপমেন্তকীদমক্তা থবক খুদিংমক্তা মতেং পাংলি অমসুং দেবেলপমেন্ত অসিগিদমক্তা ওইথোকপা য়াবা পুম্নমক মাইপাক্না পাংথোকপা ঙম্লবদা ঐহাক্না নুংঙাইবা ফোংদোক্লি। নেপালদা লুম্বিনি ম্যুজিয়ম শবা অসিসু লৈবাক অনি অসিগী মরক্তা অপুনবা ওইনা খুৎশম্নদুনা থবক তৌমিন্নবগী খুদম অমনি। অমসুং ঙসি ঐখোয়না বুদ্ধিস্ত য়ুনিভর্সিতীদা বুদ্ধিস্ত স্তদীশিংগীদমক্তা দা. বাবাসাহেব অম্বেদকর চেয়র লিংখৎনবসু ৱারেপ লৌখ্রে।

মরুপশিং,

ভারত অমসুং নেপালদগ পিলগ্রিমেজ কয়া অমনা চহি চা কয়া অমদগী সিবিলাইজেশনগী পাক চাউরবা ত্রেদিশন, কলচর অমসুং নোলেজ অসিদা ইনোৎ কয়া অমা হাপ্লি। ঙসিসু, মালেম অসিগী মফম কয়াদগী দিভোতী লাখ কবা অমনা চহি খুদিংগী মসিগী শ্রাইন অসিদা লাক্লি। তুংদা ঐখোয়না হোৎনরিবশিং অসিদা অহেনবা ইনোৎ কয়া অমা হাপকদবনি। ঐখোয়গী সরকার শিংনসু ভৈরাহৱা অমসুং সোনাউলিদা ইন্তিগ্রেতেদ চেক পোস্তশিং ধম্বগুম্বা ফিরেপ কয়া অমা লৌরি।মসিগি থকসু  হৌখ্রে। মসিগী পোস্তশিং অসি লোইরবা মতুংদা, ঙমখৈদা মীশিংগী চৎথোক-চৎশিন তৌনবগীদমক্তা কুদোংচাবসু হেনগৎলগনি। ভারত্তা লাক্লিবা ইন্তর্নেস্নেল তুরিস্তশিংনা নেপালদা য়াম্না লাইনা চৎপা য়ারগনি। মসিনা তঙাইফদবা পোৎলমশিংগী ত্রেদ অমসুং ত্রান্সপোর্তেশনদা খোংজেল বাংখৎহল্লগনি। ভারত অমসুং নেপাল, লৈবাক অনি অসিগী মরক্তা পুন্না থবক তৌমিন্নবগী অসিগুম্বা পোতেন্সিবেল অমা য়াম্না চা্না লৈ। লৈবাক অনিমক্কী প্রজাশিংনা মশিগী থবকশিং অসিদগী কান্নগনি।

মরুপশিং,

ভারত অমসুং নেপালগী মরী অসি চিংজাউগুম্না লেংদনা লৈ, অমসুং চিংজাউগুম্না লিরে। ঐখোয়না হিমালয়গুম্না ঐখোয়গী থমোইগী ইথিলদগী ফাওরকপা অমসুং মহৌশাগী ওইবা মরী অসিবু অনৌবা অৱাংবা থাক অমদআ পুখৎকদবনি। ঐখোয়না চহি লিশিং কয়াদগী লৈরক্লবা মরী, চিঞ্জাক্তগী, ইশৈ-নোংমাই, কুমহৈশিং অমসুং ইমুং-মনুংগী ওইবা মরীশিংগী চৎনবী অসিসু হৌজিক্তি সাইন্স, তেক্নোলোজী, অমসুং ইনফ্রাস্ত্রকচরগুম্বা অনৌবা হিরমশিং অসিদা অমুক থমগদবনি। মসগী মাইকৈ অসিদা ভারতনা নেপালগা লেং মান্ননা থবক তৌমিন্নবা অসিদ ঐহাক্না অপেনবা ফাওই। লুম্বিনি বুদ্ধিস্ত য়ুনিভর্সিতী, কাথমান্দু য়ুনিভর্সিতী অমসুং ত্রিভুৱন য়ুনিভর্সিতীদা ভারতকী কোওপরেশন অসি মসিগী য়াম্না চাউরবা খুদম অমনি। ঐহাক্না মসিগী লম অসিদা ঐখোয় মশেলগি মরক্তা কোওপরেশণ হেন্না হেনগৎহনবগী য়াম্না চাউনা ওইথোকপা য়াবা কয়া অমা উবা ফংই। পুন্না ঐখোয়না মসিগী ওইথোপা য়াবশিং অমসুং ভারত অমসুং নেপালগী মঙলান অসিবু মঙফাওনহল্লগনি। ঐখোয়গী মতিক চারবা নহাশিংনা মাইপাকগী ক্বাইদগী অৱাংবা থাক ফাওবা য়ৌবা ঙম্লগনি অমসুং মালেম শিনবা থুংনা বুদ্ধগী ৱায়েলশিং অদুগী পাউজেল্লোইশিং ওইরগনি।

মরুপশিং,

ভগবান বুদ্ধনা হায়খি:- सुप्पबुद्धं पबुज्झन्ति, सदा गोतम-सावका। येसं दिवा च रत्तो च, भावनाये रतो मनो। মসিনা হায়রিবা অসি নুংশি-চান্ননা লৈরিবশিং, অফবা ৱাখল্লোনগা লোইননা থৌজাল হৈবশিং, গৌতমাগী মতুং ইনবশিংনা মতম চুপ্পদা ৱাখল লৌশিংগী মঙাল লৈ। হায়বদি, মখোয় বুদ্ধগি অশেংবা ফোলোৱরশিংনি। ঙসিদি ঐখোয়না মীওইবা খুনাই পুম্বগীদমক্তা হোৎনগদবনি। মসিগী ৱাখল্লোন অসিগা লোইননা ঐখোয়না মালেম অসিদা নুংশি-চান্ননা লৈবগী ৱাখল্লোন অসিবু চেৎশিনহনগদবনি। ভারত-নেপালগী নুংশি-চান্নবগী মরী অসিনা মীওইবগী য়াইফনবগী ফিরেপ অদুবু মপুং ফাহন্নবা মখাতানা পুন্না থবক তৌমিন্নরগনি হায়বসি ঐগী থাজবনি।

মসিগী ৱাখল্লোন অসিগা লোইননা, বৈশাখি পুর্নিমাগী থৌরম অসিদা অমুক্কা হন্না নখোয় ময়ামদা য়াই-পাউজেল পীরি।

নামো বুদ্ধয়া!

নামো বুদ্ধয়া!

নামো বুদ্ধয়া!

***