પ્રધાનમંત્રી શ્રી નરેન્દ્ર મોદીએ આ વર્ષે કાન ફિલ્મ ફેસ્ટિવલમાં ‘કન્ટ્રી ઑફ ઓનર’ તરીકે ભારતની સહભાગિતા પર ખુશી વ્યક્ત કરી છે. એક સંદેશમાં પ્રધાનમંત્રી શ્રીએ નોંધ્યું હતું કે ભારતની આઝાદીના 75 વર્ષની ઉજવણી, કાન્સ ફિલ્મ ફેસ્ટિવલની 75મી વર્ષગાંઠ અને ભારત અને ફ્રાન્સ વચ્ચેના રાજદ્વારી સંબંધોના 75 વર્ષની ઉજવણીની મહત્ત્વપૂર્ણ બેઠકમાં ભારતની ભાગીદારી છે.

ભારતને વિશ્વમાં સૌથી મોટા ફિલ્મ નિર્માતા દેશ તરીકે સ્થાન અપાતાં પ્રધાનમંત્રી શ્રીએ કહ્યું કે આપણા ફિલ્મ ક્ષેત્રની બહુવિધતા નોંધપાત્ર છે અને સમૃદ્ધ વારસો અને સાંસ્કૃતિક વિવિધતા આપણી શક્તિ છે. પ્રધાનમંત્રીએ ઉમેર્યું હતું કે, ભારતમાં કહેવા માટે ઘણી બધી વાર્તાઓ છે અને દેશમાં ખરેખર વિશ્વનું કન્ટેન્ટ હબ બનવાની અપાર સંભાવનાઓ છે.

ફિલ્મ ક્ષેત્રે વ્યવસાય કરવાની સરળતામાં સુધારો કરવા માટેની ભારતની પ્રતિબદ્ધતાનો પુનરોચ્ચાર કરતાં શ્રી નરેન્દ્ર મોદીએ કહ્યું છે કે આંતરરાષ્ટ્રીય ફિલ્મ-ઉત્પાદનને સરળ બનાવવાથી લઈને સમગ્ર દેશમાં ફિલ્માંકન માટેની પરવાનગીઓ માટે સિંગલ વિન્ડો ક્લિયરન્સ મિકેનિઝમ સુનિશ્ચિત કરવા માટે, ભારત વિશ્વના ફિલ્મ નિર્માતાઓને સીમલેસ શક્યતાઓ પ્રદાન કરે છે.

પ્રધાનમંત્રીએ આનંદ વ્યક્ત કર્યો કે સત્યજિત રેની ફિલ્મ કાન્સ ક્લાસિક સેક્શનમાં સ્ક્રીનિંગ માટે પુનઃસ્થાપિત કરવામાં આવી છે કારણ કે ભારત ઉસ્તાદની જન્મશતાબ્દી ઉજવી રહ્યું છે.

ઘણા બધા પાસાઓમાંથી એક, ભારતના સ્ટાર્ટઅપ્સ સિને-જગતને તેમની શક્તિ દર્શાવશે. પ્રધાનમંત્રીએ વિશ્વાસ વ્યક્ત કર્યો હતો કે ઈન્ડિયા પેવેલિયન ભારતીય સિનેમાના પાસાઓ પ્રદર્શિત કરશે અને આંતરરાષ્ટ્રીય ભાગીદારી અને શિક્ષણને પ્રોત્સાહન આપશે.

પૃષ્ઠભૂમિ:

ફ્રાન્સમાં કાન્સ ફિલ્મ ફેસ્ટિવલની 75મી આવૃત્તિ સાથે આયોજિત આગામી માર્ચે ડુ ફિલ્મમાં ભારત સત્તાવાર દેશ હશે. કંટ્રી ઓફ ઓનરનો દરજ્જો ભારત, તેની સિનેમા, તેની સંસ્કૃતિ અને વારસા પર સ્પોટલાઇટ સાથે મેજેસ્ટિક બીચ પર આયોજિત માર્ચ ડુ ફિલ્મની ઓપનિંગ નાઇટમાં ફોકસ કન્ટ્રી તરીકે ભારતની હાજરી સુનિશ્ચિત કરે છે.

ભારત "કાન્સ નેક્સ્ટમાં પણ ‘કન્ટ્રી ઓફ ઓનર’ છે, જે અંતર્ગત 5 નવા સ્ટાર્ટઅપ્સને ઓડિયો-વિઝ્યુઅલ ઇન્ડસ્ટ્રીમાં પ્રવેશવાની તક આપવામાં આવશે. એનિમેશન ડે નેટવર્કિંગ પર દસ વ્યાવસાયિકો ભાગ લેશે. કાન્સ ફિલ્મ ફેસ્ટિવલની આ આવૃત્તિમાં ભારતની સહભાગિતાની મુખ્ય હાઇલાઇટ તરીકે, શ્રી આર. માધવન દ્વારા નિર્મિત મૂવી "રોકેટરી"નું વર્લ્ડ પ્રીમિયર 19મી મે 2022ના રોજ માર્કેટ સ્ક્રીનિંગના પેલેસ ડેસ ફેસ્ટિવલ્સમાં પ્રદર્શિત થવાનું છે.

ભારતીય પ્રતિનિધિમંડળનું નેતૃત્વ કેન્દ્રીય મંત્રી શ્રી અનુરાગ ઠાકુર કરી રહ્યા છે અને તેમાં ભારતભરની ફિલ્મ હસ્તીઓનો સમાવેશ થાય છે.

SD/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com