শ্রী রাজিব কুমারনা ঙসি ভারত সরকারগী লো অমসুং জস্তিস মন্ত্রালয়গী ২০২২গী মে ১২গী গেজেত নোতিফিকেশন অদুগী মতুং ইন্না নই দিল্লীগী নির্ৱাচন সাদনদা ভেরতকী ইলেক্সন কমিসনদা ভারতকী ২৫শুবা চীফ ইলেক্সন কমিস্নর ওইনা থৌ পুবা হৌখ্রে।

শ্রী রাজিব কুমারনা ২০২০গী সেপ্তেম্বর ১দগী ই.সি.আই.দা ইলেক্সন কমিস্নর ওইনা থবক তৌদুনা লাকখি। মহাক্না ইলেক্সন কমিস্নর ওইনা পুরিঙৈ মনুংদা ২০২০দা বিহারগী স্তেত এসেমব্লীশিংগী মীখল পাংথোকখি, ২০২১গী মার্চ-এপ্রিলদা কোবিদকী য়াম্না ৱাবা মতম অদুগী মরক অদুদা অসাম. কেরলা, পুদুচেরী, তামিল নাদু, ৱেস্ত বেঙ্গল অমসুং হনদক্তা ২০২০গী হৌরকপদা গোৱা, মনিওউর, পঞ্জাব, উত্তরাখন্দ, উত্তর প্রদেশতসু মীখল পাংথোকখি।

সি.ই.সি. ওইনা থৌ পুবা হৌরবা মতুংদা, শ্রি রাজিব কুমারনা হায়খি মদুদি ঐখোয়গী গনতন্ত্রবু অমুক্কসু হেন্না মপাঙ্গল কনহল্লিবা- ভারতকী সম্বিধাননা খুদোল ওইনা খ্বাইদগী ফবা ইন্সতিত্যুশন অমবু  লুচিংনবগী থৌদাং পীবীবা অসিদা মহাক্না চাউথোকচৈ। মহাক্না মখা তারকখি মদুদি হৌখিবা চহি ৭৫দা ই.সি.আই.না ঐখোয়গী প্রাজশিংদা অরান-অথুপ য়াওদবা অমসুং অচান-মীরাই নাইদবা মীখলশিং পীনবা, ইলেক্তোরেল রোলশিংগী অশেংবা অদুবু মাংহন্দনবা, অরানবা থবক-থৌওংশিং তৌবদগী থিংনবা অমসুং ঐখোয়গী মীখলশিংগী ক্বালিতী হেনগৎহন্নবা থবক কয়া অমা তৌখ্রে। “কমিসন অসিনা হৌংলক্লিবা মতৌশিং অসিগী মতুং ইন্না অওনবা কয়া পুরক্নবগীদমক্তা মরু ওইবা অহোংবা কয়া অমা পুরক্নবা তাথোক-তাশিন তৌনবা অমসুং মীয়াম্না য়ানবা অমা পুরক্নবা মতম কয়াদগী মাইপাক্না চৎনরক্লবা অমসুং গনতন্ত্রগী ওইবা পাম্বৈশিং অদুগী মতুং ইন্না থবক তৌগনি। অমসুং সম্বিধানগী মখাদা মশাগী মথৌ ওইবা ৱাফমশিংদা, ই.সি.আই.না অরুবা ফিরেপশিং লৌবদা খৈদৌনুংদা লৈথোক্লোই”, হায়না মহাক্না মখা তাখি।

শ্রী কুমারনসু হেন্না ফবা মীখল শিনবদা অমসুং পাংথোক্নবগীদমক্তা ত্রান্সপরেন্সী লৈহন্নবা অমসুং ভোতর সার্বিসশিং লাইহন্নবগীদমক্তা থবক্কী থৌওংশিং অমসুং চৎনবিশিং অদুবু লাইহন্নবগীদমক্তা তেক্নোলোজী অসিবু মখাতানা য়াম্না মরু ওইবা ইন্সত্রুমেন্ত ওইহল্লগনি হায়না হায়খি।

***