দাইরেক্তোরেত ওফ রেভেন্যু ইন্তেলিজেন্স (দি.আর.আই.)না “গোল্দ ওন দ হাইৱে” হায়না কোদ মমিং থোনবা নিংথিনা থৌরাং তৌদুনা সনা সমগ্লিং তৌবগী সীন্দিকেত অমগী মায়োক্তা পাংথোকখিবা য়াম্না মরু ওইবা ওপরেশন  অমদা, ইন্দো-ম্যানমার বোর্দরগী খুত্থাংদা লোন্না পুশিল্লকপা লুপা করোর ৮.৩৮ লোমগী মপান লমগী সনা কে.জি. ১৫.৯৩ অদু গুৱাহাতি অমসুং দিমাপুরদা ২০২২গী মে ১২দা ফাগৎখ্রে।

অখন্নবা ইন্তেলিজেন্সতা য়ুমফম ওইরগা, দি.আর.আই.গী ওফিসরশিংনা মনিপুরগী মাওদগী অসামগী গুৱাহাতিদা তোঙান-তোঙান্না চৎলিবা ওইল তেঙ্কর অনি অমসুং ত্রক অমদা লোন্না সর্ভিলেন্স তৌখি। ২০২২গী মে ১২গী অয়ুক অঙনবদা, মসিগী গারি অনি অসি চপ মান্নবা মতম অমত্তদা দিমাপুর অমসুং গুৱাহাতিগী মরক্তা নেস্নেল হাইৱেদা তোঙান-তোঙানবা মফমশিংদা থিংখি।

২০২১-২২গী ফিস্কেল য়িয়রদা, দি.আর.আই.না লৈবাক অসিদা ওপরেশনশীং চত্থবা মতমদা লুপা করোর ৪০৫গী োইগদবা সনা কে.জি. ৮৩৩ ফাগৎখি। মসিগী মনংউদা অৱাং নোংপোক্কী রাজ্যশিংদগী লুপা করোর ১০২.৬ ওইগদবা সনা কে.জি. ২০৮ ফাগৎখি, হায়রিবা য়াম্না সেন্সিতিবা ইন্দো-ম্যানমার অমসুং ইন্দো-বংগ্লাদেশ বোর্দরদা লোন্না পুশিল্লকখি।

থিংলবা গারিশিং অদু য়াম্না চেকশিন্না য়েংশিল্লবা মতুংদা গার অহুম অসিগী তোঙান-তোঙানবা শরুকশিংদা য়াম্না চেকশিন্না লোৎশিন্দুনা থম্লম্বা কে.জি. ১৫.৯৩ লুম্বা সনাগী বিস্কিত ৯৬ ফংখি। শিন্দিকেত অসিগী মীওই মঙা ফগৎখ্রে অমসুং গারি অহুম অমা ওপরেশণ অসিদা ফাগৎখি। মখাতাবা থিজিনবগী থবকশিং চত্থরি।

দি.আর.আই.না অসিগুম্বা ফাগৎপগী থবকশিং অসিবু মাইপাক্না পাংথোকপা অমসুং নিংথিনা পাংথোকপা ঙম্বা অসিনা ভারতকী ইকোনোমিক ফ্রন্তিয়রশিংবু কমপ্রোমাইজ তৌনবা হোৎনরিবশিং অদুবু থিংলি, দি.আর.আই.না অসিগুম্বা অরান-অথুপকী থবকশিং পাংথোক্লিবা মরাল লৈরবা মীশকশিং অদুগী মায়োক্তা লেপ্তনা ফাগৎপগী থবক থৌবদা অচেৎপা ফিরেপ লৌরি।

****