আয়ুশ
azadi ka amrit mahotsav

ফুদ সেফতী অমসুং স্তেন্দার্দস ওথোরিতী ওফ ইন্দিয়া (এফ.এস.এস.এ.আই.) অমসুং এম.ও.এ.না ‘আয়ুরবেদ আহারা’ প্রোদক্তশিংগীদমক্তা রেগুলেশনশিং শেমখ্রে

‘আয়ুরবেদ আহারা’গী মেন্যুফেকচরিং অমসুং মার্কেতিংদা স্তেন্দার্দাইজেশন পুরক্নবা সেফতী অমসুং ক্বালিতী স্তেন্দার্দশিং য়াম্না চেকশিন্না ইনবা – আয়ুশ মন্ত্রালয়

Posted On: 12 MAY 2022 5:20PM by PIB Imphal

আয়ুশ মন্ত্রালয় অমসুং এম.ও.ঐচ.এফ.দবল্যু.গী মখাদা লৈবা ফুদ সেফতী অমসুং স্তেন্দার্দস ওথোরিতী ওফ ইন্দিয়া (এফ.এস.এস.এ.আই.), ফুদ রেগুলেশনগীদমক্তা ভারতকী মকোক থংবা সংস্থান অসিনা ‘আয়ুরবেদ আহারা’ কেতেগোরীগী মখাদাফুদ প্রোদক্তশিংগীদমক্তা সেফ্তী অমসুং খ্বালিতী স্তেন্দার্দশিংগী রেগুলেশনশিং শেমখ্রে। মসিগী কমপ্রেহেন্সিব ওইবা অনৌবা খোংথাং অসিনা খ্বালিতী লৈবা আয়ুরবেদা ফুদ প্রোদক্তশিং মেন্যুফেকচর তৌহনবদা মতেং পাংলগনি অমসুং মেক-ইন-ইন্দিয়া প্রোদক্তশিংগীদমক্তা ইন্তর্নেস্নেল মার্কেত চাউথোকহনবদা মতেং পাংলগনি। আয়ুশ মন্ত্রালয়না থাজবা থম্লি মদুদি মসিগি রেগুলেশনশিং অসিনা আয়ুশ সীস্তেমগী কস্তোদিয়ন অমা ওইনা মালেম আসিদা ভারতকী মফম অসিবু মখাতানা চেৎশিনহনবদ আমতেং পাংগনি। 

মসিগী চৎ-পথাপশিং অসিগী মতুং ইন্না, ‘আয়ুরবেদ আহার’ প্রোদক্তশিংগী মেন্যুফেকচরিং অমসুং মার্কেতিং অসি হৌজিক্তি ফুদ সেফ্তী অমসংউ স্তান্দার্দস (আয়ুরবেদ আহারা)রেগুলেশন্স, ২০২২ রুলশিং অসিবু য়াম্না চেকশিন্না ঙাক্না চৎহল্লগনি অমসুং এফ.এস.এস.এ.আই.দগী লাইসেন্স/অয়াবা লৌরবা মতুংদতা মার্কেত্তা ফংগনি। “আয়ুরবেদ আহারা” কেতেগোরীগীদমক্তা অখন্নবা লোগো অমা শেমখ্রে, হায়রিবা অসিনা য়াম্না লাইনা মশক খঙবা ঙমহল্লগনি আমসুং আয়ুরবেদ ফুদ প্রোদক্তশিংগী ক্বালিতী হেনগৎহল্লগনি।

আয়ুশ মন্ত্রালয়না খঙই মদুদি ফুদ সেফ্তী অমসুং ক্বালিতী অসি মেন্যুফেকচররশিং, কঞ্জজুমরশিংগী মরক্তা অনমক্না লৌগদবা থৌদাংনি অমসুং ঐখোয়না চারিবা চিঞ্জাক অসি সেফ আমসুং হেল্থী ওইহন্নবা মখোয় খুদিংমক্না লৌগদবা থৌদাং লোইনা লৈ। মসি কোবিদ-১৯ লাইচৎ হেক হৌরকপদগী মসি মখাতানা কনখৎহনখ্রে, কোবিদ লাইচৎ অসিনা মরম ওইরগা ফুদ , ন্যুত্রিশন, হেল্থ, ইম্যুনিতী অমসংউ সস্তেনেবিলিতীদা মীৎয়েং চিংশিনখি।

রেগুলেশনশিং অসিগী মতুং ইন্না, আয়ুরবেদকী ওথোরিতেতিব ওইবা লাইরিকশিংদা পল্লিবা রেসিপিশিং/মচলশিং/থৌওংশিংগী মতুং ইন্না শেম্বা চিঞ্জাক পুম্নমক “আয়ুরবেদ আহারা” ওইনা লৌগনি। হকশেল য়োকখৎনবা, অখন্নবা ফিজিয়োলোজিগী ওইবা তঙাইফদবশিংগীদমক্তা চিঞ্জাক্কী রেসিপিশিং অমসুং মচলশিং অমসুং অখন্নবা লাইনা নারিঙৈ মনুংদা নত্রগা লাইনাশিং অসিগী মতুংদা, আয়ুরবেদতা পথ্যা হায়না হায়বা দিসওর্দরশিং অসি মসিগী রেগুলেশনশিং মনুং চল্লি।ফুদ সেফ্তী

‘আয়ুরবেদ আহারা’গী লেবেলিং অদুনা মরম অদুগী মতাংদা, তার্গেত তৌরিবা কঞ্জুমর গ্রুপ, শিজিন্নবগীদমক্তা রিকমেন্দ তৌরিবা মতম অমসুং অতোপ্পা অখন্নবা রিক্বায়রমেন্তশিং। ‘আয়ুরবেদ আহারা’গী তোঙান-তোঙানবা কেতেগোরীশিংগীদমক্তা  হেল্থ ক্লেমশিং অমসুং লাইনদগীখুদোংথিবা হন্থহনবা অমসংউ মখোয়গী অয়াবা পীবগী প্রোসেস অদু রেগুলেশনশিং অদুদা পল্লিবা মথৌ তাবশিং অদুগী মতুং ইন্না ওইগনি। অদুবু, ‘আয়ুরবেদ আহারা’না আয়ুরবেদিক দ্রগশিং নত্রগা প্রোপ্রাইতরী আয়ুরবেদিক মেদিসিনশিং অমসুং মেদিসিনেল প্রোদক্তশিং, কোসমেতিকশিং, নার্কোতিক নত্রগা সাইকোপেথিক সবস্তেন্সশিং অমসুং হর্বশিং য়াওরোই। মসিগী মথক্তা, আয়ুরবেদ আহারা অসি চহি ২গী মকাদা লৈবা অঙাংশিংগীমক্তদি মসি রিকমেন্দ তৌদে।

‘আয়ুরবেদ আহারা’না মাংজৌননা অয়াবা লৌবা মথৌ তাই, হায়রিবশিং অসি ফুদ সেফতী অমসুং স্তেন্দার্দস (নন-স্পেসিফিক ফুদ অমসুং ফুদ ইনগ্রিদিয়েন্তশিং)গী রেগুলেশন, ২০১৭গী মতংউ ইন্না ওইগনি। এফ.এস.এস.এ.আই.না এফ.এস.এস.এ.আই.গী মীহুৎশিং য়াওনা মরু ওইবা এক্সপর্তশিংনা পুন্দুনা শেম্বা আয়ুশ মন্ত্রালয়গী মখাদা এক্সপর্ত কমিতী অমা শেম্লগনি, হায়রিবশিং অসি ক্লেমশিং অমসংউ প্রোদক্তশিংগী অয়াবা পীনবগী রিকমেন্দেশনশীং পীনবগীদমক্তনি অমসুং কমিতী অসিনা “আয়ুরবেদ আহারা” মরী লৈনবা রেজিস্ত্রেশন নত্রগা লাইসেন্সিং নত্রগা সার্তিফিকেশন নত্রগা লেবোরেতরী এক্তরিদিতেশন নত্রগা তেস্তিং নত্রগা ক্বালিতী ইশুশিংগী মতাংদা লৈরিবা অৱাবশিং অদুবু য়েংশিন্নবা এমপাৱর তৌরগনি।

ফুদ সেফ্তী অমসুং স্তেন্দার্দস রেগুলেশন, মরু ওইবা বি.আই.এস. স্পেসিফিকেশনশিংগী মখাদা পীরিবা ক্রাইতরিয়াগী মতুং ইন্না মচলশিং অদুগীদমক্তা পীরিবা কবালিতী পেরামিতরশিং অদুবু ফুদ বিজনেস ওপরেতরশিংনা ঙাক্না চৎকদবনি।

****



(Release ID: 1824979) Visitor Counter : 30