ਉਪ ਰਾਸ਼ਟਰਪਤੀ ਸਕੱਤਰੇਤ
ਉਪ ਰਾਸ਼ਟਰਪਤੀ ਨੇ 'ਮੋਦੀ ਵਰਤਾਰੇ'; ਕਾਰਕਾਂ ਅਤੇ ਗੁਣਾਂ ਦੀ ਰੂਪਰੇਖਾ ਦੀ ਵਿਆਖਿਆ ਕੀਤੀ
ਸ਼੍ਰੀ ਵੈਂਕਈਆ ਨਾਇਡੂ ਨੇ ਕਿਹਾ ਕਿ ਵਿਲੱਖਣ ਅਨੁਭਵੀ ਯਾਤਰਾ ਅਤੇ ਕੰਮ, ਜਨੂੰਨ ਅਤੇ ਊਰਜਾ, ਲੋਕਾਂ ਦੇ ਸੰਘਰਸ਼ਾਂ ਦੀ ਡੂੰਘੀ ਸਮਝ, ਸੁਪਨੇ ਲੈਣ ਅਤੇ ਵੱਡਾ ਸੋਚਣ ਦੀ ਹਿੰਮਤ, ਦ੍ਰਿੜ੍ਹ ਸੰਕਲਪ ਮੋਦੀ ਨੂੰ ਸਫ਼ਲ ਬਣਾਉਂਦਾ ਹੈ
ਭਾਰਤ ਦੇ ਵੱਡੇ ਪੱਧਰ 'ਤੇ ਭਲਾਈ ਅਤੇ ਵਿਕਾਸ ਦੀਆਂ ਪਹਿਲਾਂ ਨੂੰ ਵਧਾਉਣ ਤੋਂ ਪਹਿਲਾਂ ਗੁਜਰਾਤ ਵਿੱਚ ਪ੍ਰਯੋਗ ਕਰਨ ਲਈ ਸ਼੍ਰੀ ਮੋਦੀ ਨੂੰ ਇੱਕ ਵਿਗਿਆਨੀ ਦੱਸਿਆ
ਉਨ੍ਹਾਂ ਦਾਅਵਾ ਕੀਤਾ ਕਿ ਵਾਅਦੇ, ਕਾਰਗੁਜ਼ਾਰੀ ਅਤੇ ਸਪੁਰਦਗੀ ਸ਼੍ਰੀ ਮੋਦੀ ਦੀ 'ਆਸ ਦੀ ਰਾਜਨੀਤੀ' ਦੀ ਨਿਸ਼ਾਨਦੇਹੀ ਕਰਦੇ ਹਨ
ਪ੍ਰਧਾਨ ਮੰਤਰੀ ਸ਼੍ਰੀ ਮੋਦੀ ਦੇ ਅਧੀਨ ਭਾਰਤ ਨੂੰ ਮਾਨਤਾ ਅਤੇ ਸਨਮਾਨ ਦਿੱਤਾ ਜਾ ਰਿਹਾ ਹੈ
ਪ੍ਰਧਾਨ ਮੰਤਰੀ ਸਿਰਫ਼ ਲਾਗੂ ਹੋਣ ਵਿੱਚ ਦੇਰੀ ਅਤੇ ਧੀਮੀ ਪ੍ਰਗਤੀ ਪ੍ਰਤੀ ਬੇਤਾਬ ਹਨ
'ਮੋਦੀ @20: ਡ੍ਰੀਮਸ ਮੀਟ ਡਿਲਿਵਰੀ' ਕਿਤਾਬ ਰਿਲੀਜ਼ ਕੀਤੀ
Posted On:
11 MAY 2022 4:19PM by PIB Chandigarh
ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੂੰ ਆਧੁਨਿਕ ਭਾਰਤ ਦੇ ਸਭ ਤੋਂ ਹਰਮਨ ਪਿਆਰੇ ਅਤੇ ਪ੍ਰਤੀਕ ਨੇਤਾਵਾਂ ਵਿੱਚੋਂ ਇੱਕ ਦੱਸਦੇ ਹੋਏ,ਭਾਰਤ ਦੇ ਉਪ ਰਾਸ਼ਟਰਪਤੀ, ਸ਼੍ਰੀ ਐੱਮ ਵੈਂਕਈਆ ਨਾਇਡੂ ਨੇ ਅੱਜ ਸ਼੍ਰੀ ਮੋਦੀ ਦੀਆਂ ਵਿਸ਼ੇਸ਼ਤਾਵਾਂ ਅਤੇ ਇਸ ਵਿੱਚ ਯੋਗਦਾਨ ਪਾਉਣ ਵਾਲੇ ਹੋਰ ਕਾਰਕਾਂ ਦੇ ਵਿਸਤ੍ਰਿਤ ਬਿਰਤਾਂਤ ਦੇ ਨਾਲ 'ਮੋਦੀ ਵਰਤਾਰੇ' ਨੂੰ ਡੀਕੋਡ ਕੀਤਾ। ਉਨ੍ਹਾਂ 'ਮੋਦੀ @ 20: ਡ੍ਰੀਮਸ ਮੀਟ ਡਿਲਿਵਰੀ' ਸਿਰਲੇਖ ਹੇਠ ਇੱਕ ਕਿਤਾਬ ਰਿਲੀਜ਼ ਕੀਤੀ, ਜੋ ਕਿ 22 ਡੋਮੇਨ ਮਾਹਰਾਂ ਦੇ 21 ਲੇਖਾਂ ਦਾ ਸੰਕਲਨ ਹੈ, ਜਿਸ ਵਿੱਚ ਗੁਜਰਾਤ ਦੇ ਮੁੱਖ ਮੰਤਰੀ ਅਤੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਵਜੋਂ 2021 ਤੋਂ 20 ਸਾਲਾਂ ਤੱਕ ਵੱਖ-ਵੱਖ ਖੇਤਰਾਂ ਵਿੱਚ ਸ਼੍ਰੀ ਮੋਦੀ ਦੀ ਸੋਚ ਅਤੇ ਕਾਰਗੁਜ਼ਾਰੀ ਦੇ ਵੱਖ-ਵੱਖ ਪਹਿਲੂ ਸਾਹਮਣੇ ਆਉਂਦੇ ਹਨ।
ਸ਼੍ਰੀ ਮੋਦੀ ਦੀ ਸੋਚ, ਤਰੀਕਿਆਂ ਅਤੇ ਦ੍ਰਿਸ਼ਟੀਕੋਣ ਦੀ ਆਪਣੀ 35 ਮਿੰਟ ਦੀ ਵਿਆਖਿਆ ਵਿੱਚ, ਉਪ ਰਾਸ਼ਟਰਪਤੀ ਨੇ ਕਈ ਗੁਣਾਂ ਨੂੰ ਸੂਚੀਬੱਧ ਕੀਤਾ, ਜਿਨ੍ਹਾਂ ਨੇ ਸ਼੍ਰੀ ਮੋਦੀ ਨੂੰ ਪਹਿਲਾਂ ਗੁਜਰਾਤ ਅਤੇ ਹੁਣ ਪ੍ਰਧਾਨ ਮੰਤਰੀ ਵਜੋਂ ਭਾਰਤ ਦੇ ਹਿਤਾਂ ਨੂੰ ਅੱਗੇ ਵਧਾਉਣ ਲਈ ਇੱਕ ਵਿਲੱਖਣ ਨੇਤਾ ਅਤੇ ਪ੍ਰਦਰਸ਼ਨਕਾਰ ਬਣਾਇਆ।
ਪ੍ਰਧਾਨ ਮੰਤਰੀ ਦੀ ਸਫ਼ਲਤਾ ਨੂੰ ਰੇਖਾਂਕਿਤ ਕਰਨ ਵਾਲੇ ਗੁਣਾਂ ਦਾ ਹਵਾਲਾ ਦਿੰਦੇ ਹੋਏ, ਸ਼੍ਰੀ ਨਾਇਡੂ ਨੇ ਸੂਚੀਬੱਧ ਕੀਤਾ: 1. 17 ਸਾਲ ਦੀ ਅੱਲ੍ਹੜ ਉਮਰ ਵਿੱਚ ਘਰ ਛੱਡਣ ਤੋਂ ਬਾਅਦ ਸ਼੍ਰੀ ਮੋਦੀ ਦੀ ਸ਼ੁਰੂਆਤੀ ਅਨੁਭਵੀ ਯਾਤਰਾ ਵਿਆਪਕ ਯਾਤਰਾਵਾਂ ਅਤੇ ਸਮਾਜਿਕ- ਸੱਭਿਆਚਾਰਕ ਕੰਮ; 2. ਭਾਰਤੀਆਂ ਅਤੇ ਭਾਰਤ ਦੇ ਸੰਘਰਸ਼ਾਂ ਅਤੇ ਉਨ੍ਹਾਂ ਦੀਆਂ ਸੰਭਾਵਨਾਵਾਂ ਦੀ ਡੂੰਘੀ ਸਮਝ; 3. ਭਾਰਤ ਅਤੇ ਵਿਅਕਤੀਆਂ ਦੀਆਂ ਸੰਭਾਵਨਾਵਾਂ ਵਿੱਚ ਵਿਸ਼ਵਾਸ ਨੂੰ ਕਾਇਮ ਰੱਖਣਾ; 4. ਵੱਡੇ ਸੁਪਨੇ ਦੇਖਣ ਦੀ ਹਿੰਮਤ ਅਤੇ ਸੰਕਲਪ ਨੂੰ ਸਿੱਧੀ ਵਿੱਚ ਬਦਲਣ ਦੀ ਦ੍ਰਿੜ੍ਹਤਾ; 5. ਵੱਡੀ ਸੋਚ ਅਤੇ ਪੈਮਾਨੇ ਵਿੱਚ ਕੰਮ ਕਰਨਾ; 6. ਸਾਹਸਿਕ ਫ਼ੈਸਲੇ ਲੈਣ ਦੀ ਯੋਗਤਾ; 7. ਅਸਥਾਈ ਅਸਫ਼ਲਤਾਵਾਂ ਅਤੇ ਪ੍ਰਾਸੰਗਿਕ ਅਚੰਭੇ ਤੋਂ ਨਿਰਲੇਪ ਹੋਣਾ; 8. ਜਨੂੰਨ, ਊਰਜਾ ਅਤੇ ਸਖ਼ਤ ਮਿਹਨਤ; 9. ਸੋਚਣਾ ਅਤੇ ਵੱਖਰਾ ਕੰਮ ਕਰਨਾ; 10. ਸੰਕਟ ਨੂੰ ਮੌਕੇ ਵਿੱਚ ਬਦਲਣਾ; 11. ਲੋਕਾਂ ਦੀ ਭਾਗੀਦਾਰੀ ਨੂੰ ਯਕੀਨੀ ਬਣਾਉਣ ਲਈ ਨੀਤੀ ਬਣਾਉਣ ਅਤੇ ਅਮਲ ਵਿੱਚ ਲਿਆਉਣ ਲਈ ਹੇਠਲੇ ਪੱਧਰ 'ਤੇ ਪਹੁੰਚ ਅਪਣਾਉਣਾ; 12. ਵੇਰਵਿਆਂ ਅਤੇ ਮੁੱਦਿਆਂ ਅਤੇ ਨਤੀਜਿਆਂ ਦੇ ਵਿਆਪਕ ਮੁਲਾਂਕਣ ਲਈ ਖੋਜ; 13. ਰਾਸ਼ਟਰੀ ਪੱਧਰ 'ਤੇ ਨੀਤੀਆਂ ਅਤੇ ਪ੍ਰੋਗਰਾਮਾਂ ਦੇ ਸਬੂਤ ਅਧਾਰਿਤ ਨਿਰਮਾਣ ਲਈ ਗੁਜਰਾਤ ਪ੍ਰਯੋਗਾਂ ਦੇ ਤਜ਼ਰਬਿਆਂ ਅਤੇ ਨਤੀਜਿਆਂ ਨੂੰ ਤੈਨਾਤ ਕਰਨਾ; 14. ਪ੍ਰਭਾਵਸ਼ਾਲੀ ਸ਼ਾਸਨ ਲਈ ਟੈਕਨੋਲੋਜੀ ਨੂੰ ਵਿਆਪਕ ਅਪਣਾਉਣਾ; ਅਤੇ 15. 'ਪ੍ਰਦਰਸ਼ਨ, ਸੁਧਾਰ ਅਤੇ ਪਰਿਵਰਤਨ' ਦੇ ਮੰਤਰ ਦਾ ਤੀਬਰ ਪ੍ਰਚਾਰ।
ਪ੍ਰਧਾਨ ਮੰਤਰੀ ਦੀ ਸ਼ਾਨਦਾਰ ਅਤੇ ਪਰਿਵਰਤਨਸ਼ੀਲ ਲੀਡਰਸ਼ਿਪ ਦਾ ਜ਼ਿਕਰ ਕਰਦੇ ਹੋਏ, ਸ਼੍ਰੀ ਨਾਇਡੂ ਨੇ ਕਿਹਾ; "ਇਥੋਂ ਤੱਕ ਕਿ ਉਨ੍ਹਾਂ ਦੇ ਵਿਰੋਧੀ ਵੀ ਇਸ ਗੱਲ ਨਾਲ ਸਹਿਮਤ ਹਨ ਕਿ ਸ਼੍ਰੀ ਮੋਦੀ ਹੁਣ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਇੱਕ ਅਜਿਹਾ ਵਰਤਾਰਾ ਹੈ, ਜਿਸ ਕਾਰਨ ਭਾਰਤ ਨੂੰ ਮਾਣ ਅਤੇ ਸਤਿਕਾਰ ਦਿੱਤਾ ਜਾ ਰਿਹਾ ਹੈ"।
ਇਹ ਦੱਸਦੇ ਹੋਏ ਕਿ ਸ਼੍ਰੀ ਮੋਦੀ ਦੇ ਵਿਜ਼ਨ ਨੂੰ ਗੁਜਰਾਤ ਦੇ ਮੁੱਖ ਮੰਤਰੀ ਬਣਨ ਤੋਂ ਪਹਿਲਾਂ ਉਨ੍ਹਾਂ ਦੇ ਲੰਬੇ ਸਾਲਾਂ ਦੇ ਅਨੁਭਵੀ ਸਫ਼ਰ ਦੁਆਰਾ ਆਕਾਰ ਦਿੱਤਾ ਗਿਆ ਹੈ, ਉਪ ਰਾਸ਼ਟਰਪਤੀ ਨੇ ਜ਼ੋਰ ਦੇ ਕੇ ਕਿਹਾ ਕਿ “ਇਹ ਬੁਨਿਆਦੀ ਵਿਭਿੰਨਤਾ ਹੈ ਜੋ ਸ਼੍ਰੀ ਮੋਦੀ ਨੂੰ ਕਈ ਤਰੀਕਿਆਂ ਨਾਲ ਵਿਲੱਖਣ ਬਣਾਉਂਦਾ ਹੈ। ਸਮਕਾਲੀ ਸਮਿਆਂ ਵਿੱਚ ਸ਼ਾਇਦ ਕੋਈ ਹੋਰ ਜਨਤਕ ਸ਼ਖਸੀਅਤ ਨਹੀਂ ਹੈ, ਜਿਸ ਨੇ ਅਜਿਹੀ ਅਨੁਭਵੀ ਯਾਤਰਾ ਕੀਤੀ ਹੋਵੇ”। ਉਨ੍ਹਾਂ ਅੱਗੇ ਕਿਹਾ ਕਿ ਦੇਸ਼ ਲਈ ਪ੍ਰਧਾਨ ਮੰਤਰੀ ਦਾ ਦ੍ਰਿਸ਼ਟੀਕੋਣ ਇੱਕ ਸਮਾਜਿਕ ਕਾਰਕੁੰਨ ਵਜੋਂ ਸ਼ੁਰੂ ਕਰਨ ਅਤੇ ਬਾਅਦ ਵਿੱਚ, ਇੱਕ ਰਾਜਨੀਤਕ ਕਾਰਕੁੰਨ ਦੇ ਤੌਰ 'ਤੇ ਆਪਣੇ ਕਾਰਜਕਾਲ ਦੌਰਾਨ ਇਕੱਠੇ ਕੀਤੇ ਗਏ ਬਹੁਤ ਸਾਰੇ ਅਨੁਭਵਾਂ ਦਾ ਪ੍ਰਗਟਾਵਾ ਅਤੇ ਪ੍ਰਦਰਸ਼ਨ ਹੈ।
ਸ਼ਹਿਰੀ ਵਿਕਾਸ ਦੇ ਕੇਂਦਰੀ ਮੰਤਰੀ ਵਜੋਂ ਪ੍ਰਧਾਨ ਮੰਤਰੀ ਦੇ ਨਾਲ ਆਪਣੇ ਕੰਮ ਨੂੰ ਯਾਦ ਕਰਦੇ ਹੋਏ, ਸ਼੍ਰੀ ਨਾਇਡੂ ਨੇ ਮਜ਼ਬੂਤ ਅਤੇ ਅਸਫ਼ਲ ਸਬੂਤ ਯੋਜਨਾ ਅਤੇ ਅਮਲ ਨੂੰ ਸਮਰੱਥ ਬਣਾਉਣ ਲਈ ਹਰ ਮੁੱਦੇ ਦੇ ਵੇਰਵਿਆਂ ਲਈ ਸ਼੍ਰੀ ਮੋਦੀ ਦੀ ਉਤਸੁਕਤਾ ਬਾਰੇ ਵਿਸਥਾਰ ਨਾਲ ਦੱਸਿਆ। ਸ਼੍ਰੀ ਨਾਇਡੂ, ਵਿਸ਼ੇਸ਼ ਤੌਰ 'ਤੇ, ਸਵੱਛ ਭਾਰਤ ਮੁਹਿੰਮ ਨੂੰ ਇੱਕ ਰੁਟੀਨ ਸਰਕਾਰੀ ਪ੍ਰੋਗਰਾਮ ਦੇ ਰੂਪ ਵਿੱਚ ਦੇਖਣ ਦੀ ਬਜਾਏ, ਇੱਕ 'ਜਨ ਅੰਦੋਲਨ' ਬਣਾਉਣ ਲਈ ਸ਼੍ਰੀ ਮੋਦੀ ਦੀ ਪ੍ਰਤੀਬੱਧਤਾ ਨੂੰ ਉਜਾਗਰ ਕੀਤਾ, ਜੋ ਇੱਕ ਫਲਸਫਾ ਪ੍ਰਧਾਨ ਮੰਤਰੀ ਦੀਆਂ ਸਾਰੀਆਂ ਪਹਿਲਾਂ ਨੂੰ ਦਰਸਾਉਂਦਾ ਹੈ।
ਉਪ-ਰਾਸ਼ਟਰਪਤੀ ਨੇ ਕਿਹਾ ਕਿ ਵੱਡੀਆਂ ਸਮੱਸਿਆਵਾਂ ਨਾਲ ਜੂਝ ਰਹੇ ਭਾਰਤ ਦੇ ਸੰਖਿਆ ਵਿੱਚ ਵੱਡੇ ਹੋਣ ਬਾਰੇ ਜਾਣੂ ਹੋਣ ਦੇ ਕਾਰਨ, ਪ੍ਰਧਾਨ ਮੰਤਰੀ ਸ਼੍ਰੀ ਮੋਦੀ ਸੋਚਦੇ ਹਨ ਕਿ ਪੈਮਾਨੇ ਅਤੇ ਗਤੀ ਵਿੱਚ ਵੱਡੇ ਕਾਰਜ ਕੀਤੇ ਜਾ ਸਕਦੇ ਹਨ ਅਤੇ ਨਤੀਜੇ ਵਜੋਂ ਅਣਪਹੁੰਚਿਆਂ ਲਈ 45 ਕਰੋੜ ਤੋਂ ਵੱਧ ਬੈਂਕ ਖਾਤੇ ਖੋਲ੍ਹੇ ਗਏ ਹਨ; 12 ਕਰੋੜ ਤੋਂ ਵੱਧ ਪਖ਼ਾਨੇ ਅਤੇ 3 ਕਰੋੜ ਮਕਾਨ ਗ਼ਰੀਬਾਂ ਦੇ ਜੀਵਨ ਪ੍ਰਤਿਸ਼ਠਾ ਲਈ ਬਣਾਏ ਗਏ; ਉੱਦਮੀਆਂ ਨੂੰ ਮੌਕਾ ਦੇਣ ਲਈ 5 ਕਰੋੜ ਮੁਦਰਾ ਕਰਜ਼ੇ ਮਨਜ਼ੂਰ ਕੀਤੇ ਗਏ ਹਨ; ਟੈਕਨੋਲੋਜੀ ਦੀ ਪ੍ਰਭਾਵਸ਼ਾਲੀ ਵਰਤੋਂ ਕਰਕੇ ਡੀਬੀਟੀ ਅਧੀਨ 320 ਸਕੀਮਾਂ ਦੇ ਤਹਿਤ ਲਾਭਾਰਥੀਆਂ ਨੂੰ 20 ਕਰੋੜ ਰੁਪਏ ਤੋਂ ਵੱਧ ਟ੍ਰਾਂਸਫਰ ਕੀਤੇ ਗਏ; ਗ਼ਰੀਬ ਮਹਿਲਾਵਾਂ ਨੂੰ ਰਸੋਈ ਲਈ ਲੱਕੜਾਂ ਦੀ ਵਰਤੋਂ ਕਰਨ ਦੀ ਔਕੜ ਤੋਂ ਰਾਹਤ ਦੇਣ ਲਈ 8 ਕਰੋੜ ਐੱਲਪੀਜੀ ਸਿਲੰਡਰ ਦਿੱਤੇ ਗਏ ਅਤੇ 19 ਕਰੋੜ ਘਰਾਂ ਨੂੰ ਪਾਈਪ ਰਾਹੀਂ ਪਾਣੀ ਦੀ ਸਪਲਾਈ ਯਕੀਨੀ ਬਣਾਇਆ ਗਿਆ।
ਸ਼੍ਰੀ ਨਾਇਡੂ ਨੇ ਪ੍ਰਧਾਨ ਮੰਤਰੀ ਨੂੰ ਨਤੀਜਿਆਂ ਦੇ ਅਧਾਰ 'ਤੇ ਜਦੋਂ ਸ਼੍ਰੀ ਮੋਦੀ ਗੁਜਰਾਤ ਦੇ ਮੁੱਖ ਮੰਤਰੀ ਸਨ, ਸਫ਼ਲਤਾਪੂਰਵਕ ਲਾਗੂ ਕੀਤੀਆਂ ਗਈਆਂ ਵੱਖ-ਵੱਖ ਯੋਜਨਾਵਾਂ ਨੂੰ ਅੱਗੇ ਵਧਾਉਣ ਅਤੇ ਇਸ ਤਰ੍ਹਾਂ ਪ੍ਰੋਜੈਕਟਾਂ ਅਤੇ ਯੋਜਨਾਵਾਂ ਦੇ ਸਬੂਤ ਅਧਾਰਿਤ ਫਾਰਮੂਲੇ ਨੂੰ ਸਮਰੱਥ ਬਣਾਉਣ ਲਈ ਇੱਕ 'ਵਿਗਿਆਨੀ' ਦੱਸਿਆ।
ਸ਼੍ਰੀ ਮੋਦੀ ਨੂੰ 'ਚੋਣ ਮਸ਼ੀਨ' ਕਹੇ ਜਾਣ ਦਾ ਜ਼ਿਕਰ ਕਰਦੇ ਹੋਏ, ਸ਼੍ਰੀ ਨਾਇਡੂ ਨੇ ਨੋਟ ਕੀਤਾ ਕਿ ਸ਼੍ਰੀ ਮੋਦੀ ਲਈ, ਚੋਣਾਂ ਰਾਜਨੀਤੀ ਦਾ ਨਤੀਜਾ ਨਹੀਂ ਹਨ, ਪਰ ਆਮ ਲੋਕਾਂ ਦੇ ਜੀਵਨ ਸੰਦਰਭਾਂ ਦੀ ਡੂੰਘੀ ਸਮਝ ਅਤੇ ਉਨ੍ਹਾਂ ਦੀਆਂ ਇੱਛਾਵਾਂ ਦੀ ਡੂੰਘੀ ਸਮਝ ਦੇ ਨਾਲ ਉਹ ਸਮਾਜਿਕ ਵਿਗਿਆਨ ਦਾ ਗਠਨ ਕਰਦੇ ਹਨ ਜੋ ਸ਼੍ਰੀ ਮੋਦੀ ਇੱਕ ਸਫ਼ਲ ਪ੍ਰਚਾਰਕ ਬਣਾਉਦਾ ਹੈ।
ਸ਼੍ਰੀ ਨਾਇਡੂ ਨੇ ਦੇਸ਼ ਵਿੱਚ ਲੋਕਤੰਤਰ ਨੂੰ ਮਜ਼ਬੂਤ ਕਰਨ ਵਿੱਚ ਸ਼੍ਰੀ ਮੋਦੀ ਦੇ ਯੋਗਦਾਨ ਦੀ ਪ੍ਰਸ਼ੰਸਾ ਕੀਤੀ, ਜਿਸ ਵਿੱਚ ਹਰ ਸਫ਼ਲ ਚੋਣ ਵਿੱਚ ਲੋਕਾਂ ਵਿੱਚ ਦਿਲਚਸਪੀ ਪੈਦਾ ਕਰਕੇ ਆਪਣੇ ਆਪ ਨੂੰ ਇੱਕ ਅਜਿਹਾ ਸਾਬਤ ਕੀਤਾ ਗਿਆ ਹੈ, ਜੋ ਕੀਤੇ ਵਾਅਦਿਆਂ ਨੂੰ ਪੂਰਾ ਕਰਦਾ ਹੈ ਅਤੇ ਇਸ ਤਰ੍ਹਾਂ ਲੋਕਾਂ ਦੀਆਂ ਆਸਾਂ ਅਤੇ ਉਮੀਦਾਂ ਉੱਤੇ ਖਰਾ ਉਤਰਦਾ ਹੈ। ਇਹ ਦੱਸਦੇ ਹੋਏ ਕਿ ਲੋਕ ਸ਼੍ਰੀ ਮੋਦੀ ਨੂੰ ਇੱਕ ਅਜਿਹੇ ਵਿਅਕਤੀ ਦੇ ਰੂਪ ਵਿੱਚ ਦੇਖਦੇ ਹਨ ਜੋ ਉਨ੍ਹਾਂ ਦੇ ਟੁੱਟੇ ਹੋਏ ਸੁਪਨਿਆਂ ਦੀ ਮੁਰੰਮਤ ਕਰਨਗੇ ਅਤੇ ਭਾਰਤ ਦੀ ਖੁਸ਼ਹਾਲੀ ਨੂੰ ਬਹਾਲ ਕਰਨਗੇ, ਸ਼੍ਰੀ ਨਾਇਡੂ ਨੇ ਸ਼੍ਰੀ ਮੋਦੀ ਦੀ ਰਾਜਨੀਤੀ ਨੂੰ ਇੱਕ 'ਆਸ' ਦੱਸਿਆ।
ਉਪ ਰਾਸ਼ਟਰਪਤੀ ਨੇ ਅੱਗੇ ਕਿਹਾ ਕਿ "ਪ੍ਰਧਾਨ ਮੰਤਰੀ ਸ਼੍ਰੀ ਮੋਦੀ ਦੀ ਯੋਗਤਾ, ਗਤੀਸ਼ੀਲਤਾ ਅਤੇ ਸਥਿਰਤਾ (ਲੋਕ ਸਭਾ ਵਿੱਚ ਲੋੜੀਂਦੇ ਬਹੁਮਤ ਨਾਲ) ਭਾਰਤ ਨੂੰ ਖੁਸ਼ਹਾਲੀ ਵੱਲ ਲੈ ਜਾ ਰਹੀ ਹੈ।" ਸ਼੍ਰੀ ਨਾਇਡੂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਸ਼੍ਰੀ ਮੋਦੀ ਸਿਰਫ਼ ਨੀਤੀਆਂ ਅਤੇ ਯੋਜਨਾਵਾਂ ਨੂੰ ਦੇਰ ਨਾਲ ਲਾਗੂ ਕਰਨ ਲਈ ਬੇਤਾਬ ਹਨ, ਕਿਉਂਕਿ ਉਹ ਲਾਗੂ ਕਰਨ ਦੇ ਪੈਮਾਨੇ ਅਤੇ ਗਤੀ ਲਈ ਉਤਸੁਕ ਹਨ ਜਦ ਕਿ ਭਾਰਤ ਅਜੇ ਵੀ ਅਜ਼ਾਦੀ ਦੇ 75ਵੇਂ ਸਾਲ ਵਿੱਚ ਵਿਕਾਸ ਦੇ ਪਾੜੇ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਉਹ ਇਸ ਪਾੜੇ ਨੂੰ ਪੂਰਾ ਕਰਨ ਲਈ ਉਤਸੁਕ ਹਨ।
ਸ਼੍ਰੀ ਨਾਇਡੂ ਨੇ ਕਿਹਾ ਕਿ ਮੋਦੀ ਵਿਕਸਿਤ ਭਾਰਤ ਦੇ ਨਿਰਮਾਣ ਦੇ ਮਿਸ਼ਨ ਬਾਰੇ ਹਨ (MODI is all about the Mission of Making of Developed India)ਅਤੇ ਵੱਖ-ਵੱਖ ਰਾਜਾਂ ਵਿੱਚ ਸੱਤਾਧਾਰੀ ਸਾਰੀਆਂ ਪਾਰਟੀਆਂ ਨੂੰ ਅਪੀਲ ਕੀਤੀ ਕਿ ਉਹ ਦੇਸ਼ ਨੂੰ ਅੱਗੇ ਵਧਾਉਣ ਲਈ ਸਾਰੇ ਉਪਲਬਧ ਵਿਕਾਸ ਅਤੇ ਲੋਕਤਾਂਤਰਿਕ ਪਲੈਟਫਾਰਮਾਂ ਦੀ ਪ੍ਰਭਾਵਸ਼ਾਲੀ ਵਰਤੋਂ ਕਰਨ। ਉਨ੍ਹਾਂ ਨੇ ਇਸ ਮਿਸ਼ਨ ਨੂੰ ਸਾਕਾਰ ਕਰਨ ਲਈ ਸਾਰੇ ਤਣਾਅ ਤੋਂ ਮੁਕਤ ਹੋ ਕੇ ਦੇਸ਼ ਵਿੱਚ ਸ਼ਾਂਤੀਪੂਰਨ ਮਾਹੌਲ ਨੂੰ ਯਕੀਨੀ ਬਣਾਉਣ ਦਾ ਸੱਦਾ ਦਿੱਤਾ।
ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ; ਵਿਦੇਸ਼ ਮੰਤਰੀ ਡਾ. ਐੱਸ ਜੈਸ਼ੰਕਰ, ਹੋਰ ਸੀਨੀਅਰ ਮੰਤਰੀ, ਸੰਸਦ ਮੈਂਬਰ, ਸੀਨੀਅਰ ਸਰਕਾਰੀ ਅਧਿਕਾਰੀ ਅਤੇ ਵੱਖ-ਵੱਖ ਖੇਤਰਾਂ ਦੇ ਪਤਵੰਤੇ ਇਸ ਮੌਕੇ ਹਾਜ਼ਰ ਹੋਏ।
**********
ਐੱਮਐੱਸ/ਆਰਕੇ/ਡੀਪੀ
(Release ID: 1824578)
Visitor Counter : 105