কেন্দ্রগী হকশেল অমসুং য়াইফ য়ুম্বাল মন্ত্রী, দা. মনসুখ মান্দৱিয়ানা ঙসি কেন্দ্রগী হকশেল অমসুং য়াইফ-য়ুম্বালগী রাজ্য মন্ত্রী, দা. প্রবিন পাৱরগা লোইননা নই দিল্লীদা লেদী হার্দিং মেদিকেল কোলেজ (এল.ঐচ.এম.সি.)দা ‘ন্যু স্তেত ওফ আর্ত’ মল্তি-স্পেসিয়েলিতী আউৎপেসেন্ত অমসুং ইন-পেসেন্ত (ো.পি.দি./আই.পি.দি.) ব্লোকশিং শঙ্গাখ্রে।

অনৌবা আই.পি.দি. ব্লোক অসিনা এল.ঐচ.এম.সি.গী ফমুং মশিং অদু ৮৭৭দগী ফমুং ১০০০ হেন্না হেনগৎহল্লগনি। আই.পি.দি. ব্লোক হাউস অসিনা য়াম্না সোফিস্তিকেতেদ ওইবা সি.তি.স্কেন্নর অমা লৈ। অনৌবা মল্তি-্পেসিয়েলিতী ও.পি.দি. ব্লোক অসিনা মেদিকেল অমসুং সর্জিকেল স্পেসিয়েলিতীশিং, আয়ুরবেদ, য়োগ অমসুং নেচরোপেথি অমসুং হোমিয়োপেথী য়াওনা হোলিস্তিক হেল্থ কিয়রগীদমক্তা অহেনবা ফেসিলিতীশিং য়াওরি।

থৌরম অসিদ আৱা ঙাংলদুনা, দা. মন্সুখ মান্দৱিয়ানা হায়খি মদুদি লৈবাক অসিনা “তোকন” অমদগী থাপতোক্নদুনা “তোতল” এপ্রোচকী মাইকৈদা হেন্না চংশিল্লে। মহাক্না হায়খি, “ঙসি ঐখোয়গী ইকাইখুম্নরবা প্রধান মন্ত্রী, শ্রী নরেন্দ্র মোদী জীগী লুচিং মখাদা কেন্দ্র সরকার অসিগী পান্দমদি প্রিভেন্তিব হেল্ধকিয়র অমসুং মতম অসিগী ওইব মেদিকেল ফেসিলিতীশিংগী মরক্তা য়াম্না চাননা খুৎশম্নবগা লোইননা হেল্থ সেক্তরদা য়াম্না হোলিস্তিকেল ওইবা মওংদা থবক তৌবনি। লাইরবশিংগী লাইয়েংবদা চংবা মমল আদু হন্থহনবগা লোইন-লোইননা দোক্তরশিংশিংগী মশিং হেনগৎনবা থবক কয়া অমা পাইখৎলি। ঐখোয়না হোলিস্তিকেল ওইবা মওংদা খনবা হায়বসি তঙাইফদে অমসুং তুং-কোইনা চৎহৌগদবা মওংদা রোদমেপ শেমগদবনি। ঐখোয়না হন্দক্কী চহি অসিদা অজাদি কা অমৃত মাহোতসবকী নুংঙাইবা ফোংদো্কলিঙৈসিদা ঐখোয়না নিংতম্লবা মতুং চহি ১০০ মপুং ফাবা মতমদা ভারতকী হেল্থ ইনফ্রাসত্রকচর অসিনা করম্না ওইহৌগনি হায়বগী ভিজন অসিগা লোইননা থবক তৌবা হায়সি য়াম্না তঙাইফদে।”

মহাক্না মখাতানা হায়খি মদুদি সেন্তরনা শেম্বা প্রোগ্রাম অমহেক্তা থবক ওইনআ পাইখৎপদা রাজ্যশিংনা য়াম্না মরু ওইবা থৌদাং অমা লৌই। “গুজরাতকী কেৱাদিয়াদা পাংথোখিবা হৌখিবা নুমিৎ ৩নি অসিগী মনুংদা স্বাস্থিয়া অসিগী মনুংদা রজ্য খুদংইমক্কী হকশেল মন্ত্রীশিংনা মখোয়গী খ্বাইদগী হেন্না ফবা প্রক্তিসশিং অদু ময়ামদা শিয়র তৌখি অমসুং ঐখোয়না মসিবু করম্না য়ুনিভর্সেল ওইহনগনি হায়বগী মতাংদা য়াম্না কান্নগদবা খন্ন-নৈনবশিংগী থৌরমশিং পাংথোকখি”, হায়না মহাক্না হায়খি।

কেন্দ্রগী হকশেল মন্ত্রীনা মখাতানা হায়খি মদুদি জন ভাগিদারি অসি ভারভ সরকারনা শেম্বা এক্সন প্লান, প্রোগ্রাম, নত্রগা স্কীম অমহেক্তা থবক ওইনা পাইখৎপগীদমক্তা য়াম্না মরু ওই। “হেল্থ অসিবু এক্সেসিবল, এফোর্দেবল অমসুং পেসেন্ত ফ্রেন্দলী ওইহনবা হায়বসি য়াম্ন আমরু ওই। ঐখোয়না হোৎনরিবা থবকশিং অদু লৈবাক অসিগি চাউখৎ-থৌরাংগী মাইকৈদা ওইবগী তঙাইফদে; লৈবাক অসিনা খ্বাইদগী অহানবা ওইগদবনি”, হায়না মহাক্না পনখি।

কেন্দ্রগী রাজ্য মন্ত্রী, দা. ভারতি প্রবিন পাৱরনা লৈবাক অসিগী কেপিতলদা লৈবা খ্বাইদগী লিরবা মেদিকেল কোলেজদা শরুক য়াবা ফংবদা মহাক্না মহাক্কী হরাওবা অদু ফোংদোকখি। মহাক্না হায়খি, “মসিগী মেদিকেল কোলেজ অসিগী চহি চামা হেল্লবা য়মা্নআ শাংলবা পুৱারী লৈ। ইন্সতিত্যুত অসিনা মতম শাংনা অমসুং মতম অসিগা লোইননা খুমাং চাউশিল্লকখি। কঙজিনবদা য়াম্না মরু ওইবা অমনা অফবা এল্থ ফেসিলিতিশিং অসি লাইনাশিং লাইয়েংবা খক্তনা লোইবা নত্তে। মখোয়না সোসিয়েল জস্তিসপু থৌগৎলি অমসুং য়োকখৎলি। লাইরবশিংনা য়াম্না হোংনা অমসুং য়াম্না অফবা লাইয়েং ফংবা মতমদআ সসি্তেম অসিদা মখোয়গী ধাজবআ অদু হেন্না হেগৎহল্লি”। 

জেনরেল হেল্থ সার্বিসকী দাইরেক্তর, দা. অতুল গোএল, লেদী হার্দিং মেদিকেল কোলেজকী দাইরেক্তর দা. রাম চন্দ্র, ফেকল্তী মেম্বরশিং, ইন্সতিত্যুশন অসিগী স্তাফ অমসুং মহৈরোইশিংনা শঙ্গাবগী থৌরম অদুদা শরুক য়াখি।

****