ہماچل پردیش کے لوگ کھیلوں میں مہارت حاصل کرنے کا قدرتی ہنر رکھتے ہیں اور حکومت ہند اسے استعمال کرنے کے لئے ہر سہولت فراہم کرنے کے لیے پرعزم ہے۔نوجوانوں کے امور اور کھیل اور اطلاعات و نشریات کے مرکزی وزیر جناب انوراگ ٹھاکر نے آج سرمور (ہماچل پردیش) کے ماجرا میں یہ بات  گورنمنٹ سینئر سیکنڈری اسکول میں ہاکی آسٹروٹرف کا سنگ بنیاد رکھنے کے بعد کہی۔

جناب ٹھاکر نے کہا کہ اس ہاکی ٹرف پر 6 کروڑ روپے خرچ کئے جائیں گے جس میں کھلاڑیوں کے لئے لڑکیوں کا ہوسٹل، چینج روم، بیت الخلا اور کوچنگ وغیرہ جیسی سہولیات ہوں گی۔ انہوں نے تجویز پیش کی کہ ریاست میں کھیلوں کے مختلف شعبوں میں ابھرتے ہوئے کھلاڑیوں کو پہچاننے کے لئے ریاستی حکومت کی طرف سے ٹیلنٹ ہنٹ پروگرام منعقد کئے جا سکتے ہیں۔ وزیر موصوف نے کہا کہ پگٹکا، کلاریپائیتو، تھانگ تا، ملاکھمبا اور یوگاسنا کے پانچ روایتی کھیل آئندہ کھیلو انڈیایوتھ گیمز 2021 کا حصہ ہوں گے اور حکومت ہند انہیں عالمی پلیٹ فارم پر مقبول بنانے کے لئے پرعزم ہے۔ وزیر موصوف نے مزید کہا کہ ریاست میں روایتی کھیلوں کو بھی منظوری دی جا سکتی ہے۔ انہوں نے کہا کہ پاونٹا صاحب میں ایک انڈور اسٹیڈیم بنایا جائے گا۔

نوجوانوں کے امور اور کھیل کے وزیر نے کہا کہ اس سال بنگلورو میں حال ہی میں ختم ہونے والے کھیلو انڈیایونیورسٹی گیمز میںیونیورسٹی گیمز کے دو قومی ریکارڈ اور 76 سابقہ ریکارڈ ٹوٹ گئے جو ہمارے نوجوانوں میں کافی صلاحیتوں کو ظاہر کرتے ہیں۔

نوجوانوں کے امور اور کھیل کے وزیر نے ضلع ریڈ کراس سوسائٹی کی جانب سے شِلّئی تحصیل کلدیپ سنگھ کے گاؤں کوٹا کے معذور کو ایک اسکوٹی بھی پیش کی۔

ہریانہ، پنجاب اور ہماچل پردیش کی ریاستوں پر مشتمل خطہ میں وزیر کا دو روزہ سرگرم دورہ آج اختتام پذیر ہوا۔ جناب ٹھاکر نے سنیچر کے دن ہریانہ کے وزیر اعلیٰجناب منوہر لال اور دیگر معززین کے ساتھ پنچکولہ (ہریانہ) کے اندرا دھنش آڈیٹوریم میں کھیلو انڈیایوتھ گیمز 2021 کا لوگو، ترانہ، ماسکوٹ اور جرسی لانچ کی۔ اس کے بعد پٹیالہ (پنجاب) میں اسپورٹس اتھارٹی آف انڈیا (ایس اے آئی) کے نیتا جی سبھاش نیشنل انسٹی ٹیوٹ آف اسپورٹس میں پروجیکٹوں کو جھنڈی دکھائی۔

***

ش حَ ع س ۔ ک ا