قابل تجدید توانائی کو فروغ دینے اور اس کے ذریعہ کاربن سے پاک معیشت کی جانب بڑھنے  کی  حکومت ہند کی کوششوں کےایک قدم کے طور پر، امور داخلہ کے مرکزی وزیر داخلہ جناب امیت شاہ کی رہنمائی میں، امور داخلہ کی وزارت نے سینٹرل آرمڈ پولیس (سی اے پی ایف) اور نیشنل سیکیورٹی گارڈ (این ایس جی) کے احاطوں میں سمشی توانائی کے پینل کو نصب کرنے  کی ایک تجویز پر کام شروع کیا ہے۔ اس کے مطابق ، 6 مئی کو امور داخلہ کی وزارت اور سولر انرجی کارپوریشن آف انڈیا لمیٹڈ (ایس ای سی آئی) کے درمیان نئی دہلی میں، وزارت داخلہ کے سکریٹری اور نئی اور قابل تجدید توانائی  کی وزارت  کے سیکریٹری کی موجودگی میں ایک مفاہمت نامے پر دستخط کئے گئے ۔ اس امبریلا  مفاہمت نامے کے تحت دونوں فریق سولر روف ٹاپ پی وی پاور پلانٹس کی مشترکہ تنصیب کے لیے تعاون کریں  گے۔

دستیاب اعداد و شمار کی بنیاد پر، سولر انرجی کارپوریشن آف انڈیا (ایس ای سی آئی) نے سی اے پی ایف اور این ایس جی کے کیمپس میں 71.68 میگاواٹ کی کل شمسی توانائی کی صلاحیت کا تخمینہ لگایا ہے۔ ایس ای سی آئی  شمسی توانائی کے پروجیکٹوں کے شعبے میں مہارت رکھتی ہے، جو کہ  براہ راست یا مسابقتی ٹینڈر کے عمل کے ذریعے منتخب کی گئی  ایجنسی یا ایجنسیوں کے ذریعے روف ٹاپ سولر  پی وی پاور پلانٹس کے نفاذ میں وزارت داخلہ  کی مدد کرے گی۔

۔۔۔۔۔۔۔۔۔۔۔

ش ح۔ا گ ۔ن ا۔

(2022۔05۔07)

U- 5114