অৱাং-নোংপোক লমদম অসি খা-নোংপোক এসিয়া অমসুং মসিগী ৱাংমগী ভারতকী মহৌশাগী হোজঙনি হায়না ভারতকী রাস্ত্রপতি শ্রী রাম নাথ কোবিন্দনা ফোঙদোকখ্রে‍। মহাক্না ৱাফম অসি ঙসি (মে ৪, ২০২২) অসামগী গুৱাহাতিদা দোনর মন্ত্রালয়না অজাদি কা অমৃৎ মহোৎসবকী শরুক অমা ওইনা পাঙথোকপা নোর্থ ইস্ত ফেস্তিবেল লোইশিনবগী থৌরমদা ৱা ঙাঙবদা ফোঙদোকখিবনি‍।

তোঙান তোঙানবা য়ুমলোন্নবা লৈবাকশিংগা কিলোমিতর ৫,৩০০ হেন্না শাংবা মালেমগী ঙমখৈ লৈদুনা অৱাং নোংপোক লমদমদা মরুওইবা স্ত্রেতেজিক ভেল্যু লৈ হায়না রাস্ত্রপতিনা হায়খি‍। লুক ইস্ত পোলিসী (এল.ই.পি.) হৌদোকখিবগা লোয়ননা নোংপোক্তা লৈরিবা য়ুমলোন্নবশিংগী সিক্যুরিতীদা য়ুম্ফম ওইবা লম্বী অমদা নকশিন্নরকপনা লমদম অসিগী শেন্মিৎলোন চাওখৎহন্নবগীদমক লৈরিবা মতিং অসিবু শীজিন্নদুনা শেন্মিৎলোনগা মরী লৈনবা হীরমশিংদা থবক পায়খৎনবগী মীৎয়েঙ চঙবা হৌরকখি‍। ২০১৫দা এল.ই.পি. অসিবু এক্ত ইস্ত পোলিসীগী (এ.ই.পি.) থাক্তা থাঙ্গত্তুনা মপুং ফাবা অহোংবা অমা পুরক্তুনা অৱাং-নোংপোক লমদমগী লৈরিবা থৌদাংগী মরমদা মশক থোক্না অওনবা মীৎয়েঙ অমা লাকখি‍।

অজাদি কা অমৃৎ মহোৎসবকী শরুক অমা ওইনা পাঙথোক্লিবা নোর্থ ইস্ত ফেস্তিবেল লোইশিনবগী থৌরমসিদা শরুক য়াবা ফংবা অসিমক য়াম্না নুংঙাইবা ফাওই হায়না রাস্ত্রপতিনা ফোঙদোকখি‍। মহাক্না দোনরগী কেন্দ্র মন্ত্রী, অৱাং-নোংপোক স্তেত পুম্নমক্কী গভর্নর অমসুং মুখ্য মন্ত্রীশিং লোয়ননা লমদম অসিগী মীয়ামবু মপুং ফানা শরুক য়াখিবগীদমক্তা নুংঙাইবা ফোঙদোকখি‍। “ঐখোয় কনাদগীসু তাদে” হায়বা ৱাখল্লোন অসিদা মহাক অপেনবা পোকই হায়নসু মহাক্না ফোঙদোকখি‍।

লৈবাকসিনা নীংতম ইহৌবু নীংশিংদুনা থৌরম পাঙথোকপদা, মীয়াম্না মমীং লৈরবা মরৈবাক নীংবা অথৌবশিংগী থৌনা অমসুং মমা লৈবাকপু নুংশিবগী ইহুলখক্তা নত্তনা মখোয়গী থৌদাং অমসুং কত্থোকপা য়াওদনা মীয়ামগী ইহৌ শাগৎপা ঙম্লম্লোইদবা মীয়াম্না শকখঙনবিদ্রবা নৎত্রগা কাউথোক্নখ্রবা অথৌবশিংবুসু নীংশিংলি হায়না রাস্ত্রপতিনা ফোঙদোকখি‍। অসিগুম্বা মীওইশিংগী থৌদাং অমসুং কত্থোকপা লৈবাকসিগী কাচিন কোয়া শিনবা থুংনা লৈরম্মি হায়বা ৱাফমসিদা ঐখোয় চাউথোকফম থোকই‍। ভারত মচা পুম্নমক্না ইমা ভারতপু মীরম লৈঙাক  চুপ্লিগী মখাদগী মনীং তমবা পাম্লম্মি‍। নীংতম লালহৌদা শরুক য়াখিবদা অৱাং-নোংপোক লমদমসু মপা লৈতনা শরুক য়াখিবনি‍।

ঐখোয়না নীংতমবগী ৭৫শুবা চহিগী থৌরম পাঙথোক্লিবা, ঐখোয়না ঐখোয়গী নীংতম ইহৌগী মশক নাইরবা তাঙ্ককশিং নীংশিংলিবা, ঐখোয়গী অথোইবা লুচিংবশিংগী পুন্সি অমসুং মখোয়না লৌরমবা থৌদাং নীংশিংলিবা পুম্নমক অসি মখোয়না মঙলমবা মঙলান্দুগা ঙসি ঐখোয়না লেপ্লিবা লৈমায়সিগা কয়া য়াম্না চঙশিনবা ঙম্লবগে হায়বদু চাংদম্নবা ঙম্নবনি‍। পুম্নমক অসি মখোয়গী মঙলানশিংগী মরমদা হেন্না খঙননবা অমসুং হেন্না ফবা তুংলমচৎ অমা শেমগৎনবগীদমক মখোয়গী ইহৌ অদুনা থৌনা হাপ্নবনি‍।

ঐখোয়গী লৈবাকসিনা নীংতমবা ফংলবা মতমদা, অৱাং-নোংপোক লমদম অসি ঙসি ওইরিবা ফীভমসিদগী য়াম্না খেন্নরমই হায়না রাস্ত্রপতিনা হায়খি‍। হৌরকপা মতমদা লমদম অসি ভারত অনি থোক্না খায়দোকখিবনা মরম ওইরগা ধাকা অমসুং কোলকতানচিংবা মরুওইবা ঈ-পাউ ফাওফম, মহৈ মশিং তম্ফম অমসুং লল্লোন ইতিক্কী মফমদগী মরী তৎনখিবনা মরম ওইরগা য়াম্না ৱাখি‍। ৱেস্ত বেঙ্গলগী অৱাংথংবা শরুক্তা লৈবা অখুবা লম পরিং অমখক্না অৱাং-নোংপোক লমদমবু ভারতকী মফম অতৈগা শম্নহল্লম্মি অমদি মদুনা মরম ওইরগা লমদম অসিদা চাওখৎ থৌরাংগী থবক পায়খৎপদা শিংনবনা থল্লম্মি‍। অদুম ওইদুনসু ঐখোয়না লৈমায়গী ফীভম্না পীরিবা শিংনশিং থেংননবা নীংহন্নবা লৈতনা হোৎনখি‍। হৌখিবা চহি ৭৫সিদা, অৱাং-নোংপোক লমদম্না পেরেমিতর মখল কয়াদা মশক থোক্না খোঙজেল লৈনা চেনখৎলক্লি হায়না রাস্ত্রপতিনা ফোঙদোকখি‍।

অৱাং-নোংপোক লমদমদা মহৌশানা পীরম্বা মপাঙ্গল কয়া লৈ‍। লমদমসিদা লমকোয় লমথুংফম, উহৈ-ৱাহৈ, ইয়োং অমসুং শান্ন-খোৎনবগী লমদা লৈরিবা মতিং তোপ তোপই‍। অৱাং-নোংপোক স্তেতশিংবু ইন্দস্ত্রীগী লমদা চাওখৎলবা স্তেতশিংগা থাক মান্না চাওখৎহন্নবা হোৎনদুনা থবক হেন্না পীবা মথৌ তাই‍। মথৌ তাবা অসিবু খঙদুনা, লৈঙাক্না স্তেতশিং অসিদা ইজ ওফ দুইং বিজিনেসকী পেরামিতরশিং ফগৎহন্নবা অমদি অৱাং-নোংপোক লমদমদা লনাই ইনভেস্তমেন্ত চঙলক্নবগী লম্বী ফগৎহন্নবা থবক পা্য়খৎলি হায়না রাস্ত্রপতিনা হায়খি‍।

মালেমগী ওইনা অইং-অশাগী খল কায়থরকপা অসিনা মীওইবা খুন্নাইগী ওইনা খ্বাইদগী চাউবা শিংনবা ওইরক্লি হায়বা ৱাফম থম্লদুনা রাস্ত্রপতিনা অৱাং-নোংপোক লমদমগী ইনাক খুল্লবা ইকোলোজিকেল হেরিতেজ অসিবু কায়হন্দনা থম্নবগীদমক চেকশিন্না থৌরাং য়াত্তুনা থবক পায়খৎপা মরু ওই হায়খি‍। মফম অসি মালেমগী হোৎস্পোৎ ২৫গী মনুংদা অনি ওইরবা হিমালয়া অমসুং ইন্দো-বর্মা বাইও-দাইভর্সিতী হোৎস্পোৎকী শরুক্নি‍। মরম অসিনা লমদম অসিগী চাউখৎ থৌরাংশিংদা মহৌশাগী রিসোর্স মেনেজ তৌনবা, গ্রীন ইন্দস্ত্রী অমসুং ইনফ্রাস্ত্রকচর শেমগৎনবা লোয়ননা তুং কোইনা চৎকদবা কঞ্জুমসন পেত্তর্নগা মরী লৈনবা লাল্লোং য়াৎপা মথৌ তাগনি‍।

রাস্ত্রপতিগী ৱারোল য়েংনবগীদমক মসিদা নমবিয়ু‍।

*****