প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা ইন্তর্নেসনেল কনফরেন্দ ওন দিজাস্তর রেসিলিয়েন্ত ইনফ্রাস্ত্রকচরগী মরিশুবা ইদিসনগী হৌদোকপগী সেসন্দা ৱা ঙাংখ্রে। সেসন অসিদা ওস্ত্রেলিয়াগী প্রধান মন্ত্রী ইকাই খুম্নরবা স্কোত মোরিসন এম.পি., ঘানাগী রাস্ত্রপতি ঐচ.ই. নানা এদো দঙ্কৱা অলুফো-এদো, জপানগী প্রধান মন্ত্রী ইকাই খুম্নরবা ফুমিও কিশিদা অমসুং মেদাগাস্করগী রাস্ত্রপতি ঐচ.ই. অন্দ্রে নিরিনা রাজোলিনানসু ৱা ঙাংখি।

অহৌয়দা প্রধান মন্ত্রীনা মীতিন অদুদা কনাগুম্বা অমত্তবা নাথৈদুনা থমদবা হায়বা অসি সস্তেনেবল দিবেলপমেন্ত গোলশিংগী অচেৎপা ৱাশক্নি হায়না নৌহৌনা নীংশিংহনখি। “মরম অসিনা ঐখোয়না মখোয়গী অনিংবা, অপাম্বশিং থুংহন্নবা নেক্স জেনরেসন ইনফ্রাস্ত্রকচর শেমগৎতুনা খ্বাইদগী লায়রবা অমসুং খ্বাইদগী শোত্থরবশিংগী তঙাইফদবশিং থুংহন্নবা অচেৎপা ফিরেপ অমা অদুমক লৌরি”, হায়না মহাক্না ফোঙদোকখি। প্রধান মন্ত্রীনা ইনফ্রাস্ত্রকচর অসি মীয়ামগীদমক্তনি অমসুং মখোয়দা ক্বালিতী লৈবা, থাজবা য়াবা অমসুং সস্তেনবেল সর্ভিসশিং খেন্নবা লৈতবা মওং অমদা ফংহনবনি হায়না ফোঙদোকখি। “ইনফ্রাস্ত্রকচর অমা হেক্তা শেমগৎপা মতমদা মীয়ামবু মরু ওইনা লৌগদবনি। অমসুং ঐখোয়না ভারত্তা তৌরিবা অসি মসিমক্নি”, হায়না মহাক্না ফোঙদোকখি।

ভারত্তা লৈরিবা এজুকেসন, হকশেল, থক্নবা ঈশিং, সেনিতেসন, ইলেক্ত্রিসিতী, ত্রান্সপোর্ত অমসুং অতোপ্পা কয়াগী লমদা ভারতনা ফন্দমেন্তেল সর্ভিসেসকী প্রোবিজন হেনগৎহল্লিবা হায়না প্রধান মন্ত্রীনা ফোঙদোকখি। “ঐখোয়না য়াম্না হকথেংননা ক্লাইমেৎ চেঞ্জ অসি লাকশিল্লি। মরম অসিনা সি.ও.পি.-২৬তা ঐখোয়গী চাউখৎ-থৌরাংগী ওইবা খোঙথাংশিং অসিগা চানবা মওংদা ২০৭০দা ‘নেৎ জিরো’গী পান্দম ফংনবা হোৎনরি”।

প্রধান মন্ত্রীনা মীওইবগী তৌবা ঙম্বশিং উৎথোক্নবা ইনফ্রাস্ত্রকচর রেসিলিয়েন্তগী মতাংদা ফোঙদোকখি অমসুং ইনফ্রাস্ত্রকচরদা অমাং-অতা থোকহনবনা চারোল-শুরোল কয়া ফাওবা মতম শাংনা মাংহল্লি হায়না ফোঙদোকখি। কনতেক্স অসিদা প্রধান মন্ত্রীনা হংখি “ঐখোয়না পুথোক্লিবা মতমগা চুনরবা তেক্নোলোজী অমসুং ৱাখল্লোন অসিনা মতম শাংনা চৎকদবা অৱাংবা থাক্কী ইনফ্রাস্ত্রকচর অমা ঐখোয়না শেমগৎপা ঙমগদরা”? মসিগী শিংনবা অসি য়েংলগা ঐখোয়না সি.দি.আর.আই. শেমখিবনি হায়না মহাক্না ফোঙদোকখি। মহাক্না কোলিসন অসি চাউথোক্লে অমসুং মমল য়াম্লবা কান্নবশিং ফংলে হায়না ফোঙদোকখি। মহাক্না সি.ও.পি-২৬তা হৌদোকখিবা ‘ইনফ্রাস্ত্রকচর ফোর রেসিলিয়েন্ত আইলেন্দ স্তেৎস’কী অনৌবা খোংথাঙ অমসুং মালেমদা লৈরিবা এয়রপোর্ত ১৫০দা পাইখৎলিবা সি.দি.আর.আই.গী রেসিলিয়েন্ত এয়রপোর্তস স্তদিয়িংগী থবক্কী মতাংদা মহাক্না ফোঙদোকখি। সি.দি.আর.আই.না লুচিংদুনা পাইখৎলিবা ‘গ্লোবল এসেমেন্ত ওফ দিজাস্তর রেসিলিয়েন্স ওফ ইনফ্রাস্ত্রকচর সিস্তেমস’ অসিনা য়াম্না কান্নরগদবা মালেম পুম্বগী ৱাখল্লোন শাগৎপদা মতেং পাংলগনি হায়না শরী মোদীনা ফোঙদোকখি।

ঐখোয়গী তুংলমচৎ অসি রেসিলিয়েন্ত ওইনবা ঐখোয়না ‘রেসিলিয়েন্ত ইনফ্রাস্ত্রকচর ত্রাঞ্জিসন’ অমগী মাইকৈদা থবক পাইখৎকদবনি হায়না প্রধান মন্ত্রীনা ফোঙদোকখি। রেসিলিয়েন্ত ইনফ্রাস্ত্রকচর অসি ঐখোয়গী পাক চাউরবা এদাপতেসন তৌবা ঙম্বগী থৌওংশিংগী সেন্তরপিচ অমা ওইবা য়াগনি। “করিগুম্বা ঐখোয়না ইনফ্রাস্ত্রকচর অসি রেসিলিয়েন্ত ওইহল্লবদি, ঐখোয়না দিজাস্তরশিং অসি ঐখোয় খক্তগী নত্তনা তুংগী মীরোল কয়াগীসু ঙকথোকপা ঙমগনি’ হায়না মহাক্না ফোঙদোকখি।

***