ঙসি ২০২২গী মালেমগী য়োগ নুমিৎ য়ৌগদৌরিবা নুমিৎ ৫০ ৱাৎলিঙৈ মতম অসিবু মার্ক তৌনবা ভারত সরকারগী অয়ুশ মন্ত্রালয়না অসাম সরকারদগী এক্তিব সপোর্ত লৌদুনা অসামগী শিবসাগরদা লৈরিবা শিবদোলগী মমিং লৈরবা হেরিতেজ সাইততা য়োগ উতসব অমা শিনখি৷ অয়ুশ মন্ত্রালয়গী মখাদা মোরাজি দেসাই নেসনেল ইন্সতিত্যুত ওফ য়োগ (এম.দি.এন.আই.ৱাই.)না শিনখিবা থৌরম অসিদা ভারতকী অৱাং নোংপোক রাজ্যশিংদা লৈরিবা য়োগবু পামজবা মীওই ১০,০০০ হেনবনা শরুক য়াখি৷ উতসব অসি অমুক্তদা অসামগী শিবসাগর জিলাগী ইতিহাসিক ওইরবা মফম তরেৎতা পাংথোকখি, মসিগী মনুং চল্লিবশিং অদুদি থোরা দোল, রুদ্রসাগর দোল, রোংঘর, তোলাতোল ঘর, কারেং ঘর অমসুং জোইদোল, শিবসাগর তাউনগী মনুংদা লৈরিবা ইতিহাসিক্কী ওইনা মরু ওইরবা মফম পুম্নমক য়াওরি৷ থৌরম অসিনা য়োগগী তোঙান তোঙানবা দাইমেন্সনশিং অমদি মসিনা মীওইবগী পুন্সিশিং অসি ফগৎহনবগী তৌবা ঙম্বা অদুগী মতাংদা এৱার্নেস শন্দোক্নবা মীৎয়েং থমখি৷  উতসবকী থীম অসি ‘য়োগবু অদোমগী পুন্সিগী শরুক অমা ওইহনবা’ হায়বসিদা ইকাই খুম্নরবশিং, মহৈরোইশিং অমদি সরকারগী ওফিসিয়েলশিংনা শরুক য়াখি৷

অসামগী মুখ্য মন্ত্রী দা. হিমন্ত বিস্বা শর্ম; অয়ুশ অমসুং পোর্তস, শিপ্পিং অমদি ৱাতরৱেজকী কেন্দ্র মন্ত্রী শ্রী সর্বানন্দ সোনোৱাল; অয়ুশ অমসুং দবল্যু.সি.দি.গী রাজ্য মন্ত্রী দা. মঞ্জপরা মহেন্দ্রভাই কালুভাই, পেত্রোলিয়ম অমসুং গ্যাস অমদি লেবরগী কেন্দ্র রাজ্য মন্ত্রী  রামেশ্বর তেলি অমদি অসামগী রাজ্য হকশেল মন্ত্রী কেশব মহন্ত, শিক্কিমগী হকশেল মন্ত্রী দা. এম.কে. শর্ম, অরুনাচল প্রদেশকী হকশেল মন্ত্রী অলো লিবং, নাগালেন্দগী হকশেল মন্ত্রী এস. পংন্যু ফোমনা থৌরম অসিদা শরুক য়াখি৷ মন্ত্রীশিং অসিদগী হেন্দোক্তুনা, অসাম, নাগালেন্দ, অরুনাচলদগী পার্লিয়ামেন্তগী মেম্বরশিং, মমিং লৈরবা ফম্নাইবশিং, এক্সপর্তশিং, য়োগবু পামজবশিং অমদি মহৈরোইশিং য়াওনা কেন্দ্র অমসুং অৱাং-নোংপোক রাজ্য পুম্নমক্কী সেনিয়র ওফিসিয়েলশিংনা উতসব অসিদা শরুক য়াখি৷ কম্মন য়োগ প্রোতোকোলগী দেমোন্সত্রেসন অদু এম.দি.এন.আই.ৱাই.গী দাইরেক্তর দা. ইশ্বর ভি. বসাবরদিনা লমজিংলিবা তীম অমনা ঙসি অয়ুখ অঙনবদা শিবসাগরদা লৈরিবা শিবদোলগী হোলী পর্মিজেসতা পাংথোকখি৷

থৌরম অসিদা ৱা ঙাংলদুনা, পোর্তস, শিপ্পিং অমসুং ৱাতরৱেজ অমদি অয়ুশকী কেন্দ্র মন্ত্রী সর্বানন্দ সোনোৱালনা হায়খি মদুদি উতসব অসি পাংথোকপগী ৱাখল্লোন অদুদি ঐখোয়গী সিবিলাইজেসনগী চহি লিশিং কয়াগী ফজরবা খুদোল অমা ওইরিবা য়োগ অসিবু মীয়াম্না পাংথোকপদা থৌনা হাপ্পা অসিনি, মসিনা মখোয়গী পুন্সিগী ক্বালিতীবু ফগৎহনবা ঙমগনি৷ অৱাং-নোংপোক রাজ্য পুম্নমক্তদগী মীওই লিশিং কয়ানা য়োগ তৌননবা ফজরবা তাউন শিবসাগরগী ধর্মদা লুপচবা লমদম অসিদা লাকখিবনা, মসিনা ঙসিগী থৌরম অসিগী মতেংদগী মালেমগী মেপতা অসামগী মমিং লৈরবা হেরিতেজ সাইতশিং অসি থম্নবা ঐখোয়না হোৎনরিবা অসিদা মতেং পাংলি হায়না মহাক্না মখাতানা হায়খি৷ থৌরম অসিদা ঐখোয়গী হকচাং অমদি পুক্নিংবু ফগৎহনবদা য়োগগী মরু ওইরিবা অদু পন্নবা অমদি ফজরবা অহোম ইরা আর্কিতেকচরবু পল্লদুনা ঐখোয়গী সোসিও-কলচরেল হেরিতেজপু সেলেব্রেত তৌনবা ঐখোয়না হোৎনখি হায়না মন্ত্রী অসিনা ফোংদোকখি৷

ভারতকী প্রধান মন্ত্রীনা ভারত্তা লৈরিবা আর্কিওলোজিকেল মফম মঙাবু মমিং ওইনা, রাখিগরি (হরিয়ানা), হস্তিনাপুর (উত্তর প্রদেশ), শিবসাগর (অসাম), দোলাবিরা (গুজরাত) অমদি অদিচানালুর (তামিল নাদু) “থোইদোক হেন্দোক্না মমিং চৎলবা” সাইতশিং ওইনা শেমগৎনবা প্লান অমা হৌদোকখিবনা মরম ওইদুনা শিবসাগরবু য়োগ উতসবকীদমক শেমখিবনি৷ শিবসাগর অসি ১৩শুবা অমদি ১৯শুবা চহি চাগী মরক্তা পাল্লম্বা অহোম কিংদমগী ইপিসেন্তর ওইখিবনা শিবসাগরগী হিস্তোরিকেল সিগনিফিকেন্স অসি খ্বাইদগী মরু ওইবা হেল্লি৷

য়োগগী পাউজেল অসি মালেম অসিদা লৈরিবা মীয়মদা হেন্না শন্দোক্নবা মন্ত্রালয়না প্রোগ্রাম কয়ামরোমশিংগী খুৎথাংদা ইন্তরনেসনেল দে ওফ য়োগগী (আই.দি.ৱাই. ২০২২) নিপানশুবা ইদিসনবু য়োকখৎলি৷ আই.দি.ৱাই. ২০২২ য়ৌগদৌবা নুমিৎ ১০০ ৱাৎলিঙৈবু মার্ক তৌনবা কর্তেন রাইজর অমা মার্চ ১৩দা শিনখি অদুগা নুমিৎ ৭৫ ৱাৎলিঙৈগী থৌরম অমনা দিল্লীগী রেদ ফোর্ততা শিনখি৷ আই.দি.ৱাই. ২০২২ য়ৌগদৌবা নুমিৎ ২৫ ৱাৎলিঙৈগী থৌরম অদুনা হায়দ্রবাদতা পাংথোক্লগনি৷ মেলেমগী য়োগ নুমিৎ অসি চহি খুদিংগী জুন ২১দা পাংথোক্লি৷ চহি অসিগী ওইনা, ব্রান্দ ইন্দিয়াবু য়োকখৎনবগীদমক ‘অজাদি কা অমৃত মহোতসব’কী শরুক ওইনা পুৱারীদা মরু ওইরিবা হেরিতেজ সাইত ৭৫দা য়োগ উতসব পাংথোক্লি৷

******