কমর্স অমসুং ইন্দস্ত্রী মন্ত্রালয়
ভারতকী ফার্মা এক্সপোর্ত অসি ২০১৩-১৪দগী ১০৩% হেনগৎলকখ্রে
২০২১-২০২২দা ফার্মা এক্সপোর্ত অসি মালেমগী ললোন-ইতিক্তা অপনবশিং লৈখ্রবসু পোজিতিব ওইবা গ্রোথ লৈবা ঙমখি
ফার্মা ত্রেদ বেলেন্স অসিনা মখা তানা ভারত্তা তেংবাংখি
ভারতকী ফার্মা এক্সপোর্তশিংগী ৫৫% রোমনা চাউনা রিগ্যুলেৎ তৌবা মার্কেৎশিংদা থারি
Posted On:
01 MAY 2022 12:05PM by PIB Imphal
ভারতকী ফার্মা এক্সপোর্তশিংদা ২০১৩-১৪দগী ১০৩%গী শাহৌ উবা ফংখি, ২০১৩-১৪দা লুপা করোর ৯০,৪১৫ ওইরম্বদগী ২০২১-২২দা লুপা করোর ১,৮৩,৪২২দা হেনগৎলকখি। ২০২১-২২দা তৌখিবা এক্সপোর্তশিং অসিনা ফার্মা সেক্তরগী খ্বাইদগী ফবা এক্সপোর্ত পর্ফোর্মেন্স ওইখি। মসি চহি ৮ দা এক্সপোর্ত য়ু.এস.দি. বিলিয়ন ১০ য়ৌবগা লোয়ননা শীংথানীংঙাই ওইবা গ্রোথ অমা ওইখি।
ত্বিত অমদা মাইপাকপা অসি হাইলাইৎ তৌরদুনা কেন্দ্রগী কম্মর্স অমসুং ইন্দস্ত্রী, কঞ্জুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইল্সকী মন্ত্রী শ্রী পিয়ুশ গোয়লনা প্রধান মন্ত্রী, শ্রী নরেন্দ্র মোদীগী লুচিং মখাদা ভারত অসি ‘মালেমগী ফার্মাসী’ ওইনা মথৌ তৌরি হায়না ফোঙদোকখি।
মমাংগী এফ.ৱাই. ২০২০-২১দা শীংথানীংঙাই ওইবা পর্ফোর্মেসন্স উৎখিবা অদুনা য়ুম্ফম ওইদুনা ভারতকী ফার্মা এক্সপোর্তশিং অসিনা অমুক হন্না ২০২১-২২দা অফবা পর্ফোর্মেন্স অমা রেজিস্তর তৌবা ঙমখি। ২০২১-২২দা ফার্মা এক্সপোর্তস অসি মালেমগী ললোন-ইতিক্তা অপনবশিং লৈজরবসু অমসুং কোবিদকা মরী লৈনবা হীদাক-লাংথকশিংগী দিমান্দ হন্থরক্লবসু পোজিতিব গ্রোথ লৈবা ঙমখি। য়ু.এস.দি. মিলিয়ন ১৫১৭৫.৮১গী সর্প্লস অমগা লোয়ননা ত্রেদ বেলেন্স অসিনা মখা তানা ভারত্তা তেংবাংখি।
মালেমগী ভেক্সিনশিংগী চাদা ৬০ অমসুং জেনরিক মেদিসিনশিংগী ২০%না ভারত্তগী লাকপগা লোয়ননা ভারতকী ফার্মা কম্পনীশিং অসি মখোয়গী মখোয়গী প্রাইস কম্পিতিতিবনেস অমসুং অফবা ক্বালিতীনা মালেমদা মফম কনবা ঙমহনখি।
ভারতনা ভোল্যুমগী মতুং ইন্না প্রদক্সনগী ওইনা মালেম শিনবা থুংনা ৩ শুবদা লৈরি অমসুং ভেল্যুগীগী মতুং ইন্না ১৪শুবদা লৈরি। ভারতকী ফার্মাগী সক্সেস স্তোরী অসি ঐখোয়গী মালেমগী থাক্কী মেন্যুফেকচরিং এক্সিলেন্স, অচৌবা ইনফ্রাস্ত্রকচর, কোস্ত-কম্পিতিতিবনেস, ত্রেন তৌরবা হ্যুমেন কেপিতেল অমসুং ইন্নোবেসন্না শাহৌ পীখি। ভারতকী ফার্মাক্যুতিকেল ইন্দস্ত্রীগী হৌজিক লৈরিবা মার্কেৎ সাইজ অসি য়ু.এস.দি. বিলিয়ন ৫০ ওইরি।
ঐখোয়গী গ্লোবেল এক্সপোর্ত্তা ফার্মাক্যুতিকেল অমসুং দ্রগকী শিয়র অসি ৫.৯২% ওইখি। ফোর্ম্যুলেসনশিং অমসুং বাইওলোজিকেল্সনা মখা তানা ঐখোয়গী অপুনবা এক্সপোর্ত অসিনা ৭৩.৩১%গী অচৌবা শিয়র অমা ওইখি, মসিগী মতুং বল্ক দ্রগস অমসুং দ্রগ ইন্তর্মেদিএৎনা য়ু.এস.দি. মিলিয়ন ৪৪৩৭.৬৪গী এক্সপোর্তস তৌখি। ভারতকী মকোক থোংবা ফার্মা এক্সপোর্ত দিস্তিনেসনশিং অসি য়ু.এস.এ., য়ু.কে., খা অফ্রিকা, রসিয়া অমসুং নাইজেরিয়ানা ওইরি।
ঐখোয়গী ফার্মা এক্সপোর্তসকী ৫৫%রোমদি চাউনা রিগ্যুলেৎ তৌবা মার্কেৎশিংদা থারি হায়বা অসি পনবা য়াই। ভারতকী ফার্মা কম্পনীশিং অসিনা য়ু.এস. অমসুং ই.য়ু.গী প্রেস্ক্রিপসন মার্কেৎতা অচৌবা শিয়র লৈরি। য়ু.এস.কী মপান্দা এফ.দি.এ.না অয়াবা পীবা প্লান্তশিং খ্বাইদগী মশিং য়াম্না ভারত্তা লৈ।
২০২০-২১গী চহিদসু, ভারতকী দ্রগস অমসুং ফার্মাক্যুতিকেল্সনা কোবিদকী শীংনবশিং অসিগী চৈরক্তা চাউনা গ্রোথ রেজিস্তর তৌখি, ৱাই-ও-আই গ্রোথ ১৮%গা লোয়ননা য়ু.এস.দি. বিলিয়ন ২৪.৪গী এক্সপোর্ত অমা ফংখি।
তোয়না তৌখিবা লোক দাউনশিং, গ্লোবেল সপ্লাই চেন্দা অপনবশিং থোকখিবা অমসুং মেন্যুফেকচরিং সেক্তরদা লেপখিবা পুম্নমক অসি থেংনদুনা ২০২০-২১দা শীংথানীংঙাই ওইবা এক্সপোর্তস গ্রোথ লৈখি। ভারতকী ফার্মা ইন্দস্ত্রীনা কোবিদ লাইচৎকী মায়োক্তা লান্থেংনবদা অমসুং মালেমগী হেল্থ ক্রাইসিস অমা থেংনবা মতমদা মালেমদা ঐখোয় অসি রিলাইএবল অমসুং দিপেন্দেন্ত পার্তনর অমনি তাকপদা মরু ওইবা থৌদাং অমা লৌখি।
ভারতকী ভেক্সিন ইন্দস্ত্রীনা অমেরিকা অমসুং ই.য়ু.গুম্বা য়াম্না চাউখৎপা লৈবাকশিংগা থাক মান্ননা অতেনবা মতমগী মনুংদা আই.সি.এম.আর. অমসুং এন.আই.ভি.গুম্বা ভারতকী রিসর্চ ইন্সতিত্যুসনকা লোয়ননা চুংশিন্নদুনা ইন্দিজিনস তেক্নোলোজী শীজিন্নদুনা কোবিদ ভেক্সিন দিবেলপ তৌখি। ভারতনা লৈবাক ৯৭ হেনবদা ভেক্সিনগী দোজ মিলিয়ন ১১৫ পীখি।
ত্রেদ এগ্রীমেন্তশিংগী শরুক ওইনা ভারতনা মার্কেৎশিং অসিদা ভারতকী ফার্মা প্রদক্তশিং এক্সেস তৌবা হেনগৎহন্নবা য়ু.এ.ই. অমসুং ওস্ত্রেলিয়াগা কোওপরেসন এগ্রীমেন্ত অমা খুৎয়েক পীনখি।
********
(Release ID: 1821826)
Visitor Counter : 130