নেস্নেল হেল্থ ওথোরিতী (এন.ঐচ.এ.)না অয়ুস্মান ভারত দিজিতেল মিসন (এ.বি.দি.এম.)গী মখাদা হেল্থ প্রোফেস্নেল রেজিস্ত্রীগী নর্সশিংগী মোদ্যুল চৎনহনখ্রে‍। হেল্থ প্রোফেস্নেল রেজিস্ত্রীদা মেদিসিনগী সিস্তেম পুম্নমক্তগী দোক্তরশিংগী মোদ্যুল অমসুং মখোয়বু ওনবোর্দিং তৌবগী থবক হান্না চৎনদুনা লৈরে অমসুং নর্স মোদ্যুল লৈবাক পুমবগী ওইনা চৎনহনখিবগা লোয়ননা মতমগী অমদি মহৌশাগী লায়েং পথাপশিংদা হকশেলগী থৌগল তৌরিবা নর্সশিংসু হৌজিক্তি হেল্থকেয়র প্রোফেস্নেল রেজিস্ত্রীদা এনরোল তৌবা য়ারগনি‍। রেজিস্ত্রী অসিদা এনরোল তৌবগী এপ্লিকেসনশিং মরী লৈনবা কাউন্সিলনা ভেরিফাই তৌগনি‍। থৌরাং অসি মখা তানা চঙশিন্দুনা, পেরা-মেদিকেল, গ্রাসরুত লেভেল কম্ম্যুনিতী হেল্থ ৱর্করশিং (অশা), মেদিকেল সপ্পোর্ত স্তাফ, এলাইদ হেল্থকেয়র প্রোফেস্নেলনচিংবা অতৈ হেল্থ প্রোফেস্নেল কাঙলুপশিংসু রেজিস্ত্রী অসিদা এনরোল তৌনবা এন.ঐচ.এ.না খুজিল থৌরাং য়াৎলি‍।

হেল্থ প্রোফেস্নেল রেজিস্ত্রি (ঐচ.পি.আর.) অসি মোদর্ন অমসুং ত্রেদিস্নেল সিস্তেম ওফ মেদিসিন অনিমক্তা হকশেলগী থবক থৌরমশিং পীরিবা হেল্থকেয়র প্রোফেস্নেল পুম্নমক্কী ওইবা পুক্কৈ অমনি‍। ঐচি.পি.আর. অসি অয়ুস্মান ভারত দিজিতেল মিসন (এ.বি.দি.এম.)গী মরুওইবা বিল্দিং ব্লোক অমনি‍। ঐচ.পি.আর.গী খুত্থাঙদা হেল্থকেয়র প্রোফেস্নেলশিংনা ভারতকী দিজিতেল হেল্থ ইকোসিস্তেমদা শরুক য়াশিন্দুনা লাস্ত মাইল কভরেজ ফংহন্নবগীদমক অনাবা মীওইশিংগা অমদি হেল্থকেয়র প্রোভাইদরশিংদা মরী শমনহনবা য়াই‍।‍ ঐচ.পি.আর.গী কান্নবশিংগী মনুংদা তোপ তোপ্পা অমদি থাজবা য়াবা আইদেন্তিতী, ওনলাইন প্রজেন্স অমসুং দিসকভরেবিলিতীগা লোয়ননা তেলিমেদিসিন অমসুং য়ুনিফাইদ দিজিতেল সর্ভিসশিং য়াওরি‍।

হেল্থ প্রোফেস্নেল অমনা মখোয়গী আধার কার্দ নৎত্রগা দ্রাইভিং লাইসেন্স শীজিন্নরগা ৱেবসাইত https://hpr.abdm.gov.in/ দা রেজিস্তর তৌদুনা ঐচ.পি.আর.দা য়াওবা য়াই‍।

নেস্নেল হেল্থ ওথোরিতী (এন.ঐচ.এ.) অসি ভারত লৈঙাক অমসুং স্তেত লৈঙাক্কী তোঙান তোঙানবা মন্ত্রালয়/লোয়শঙশিং, অমসুং লনাই সেক্তর/সিভিল সোসাইতী ওর্গনাইজেসনশিংগা খুঙশম্নদুনা অয়ুস্মান ভারত দিজিতেল মিসন (এ.বি.দি.এম.) পায়খৎপদা মকোক চিংলিবা ভারত লৈঙাক্কী মকোক থোংবা লূপ অমনি‍। মসিনা দিজিতেল হায়ৱেগী খুত্থাঙদা হেল্থকেয়র ইকোসিস্তেমগী তোঙান তোঙানবা স্তেকহোল্দরশিংগী মরক্তা লৈরিবা অহোবা অদু মেনশিনগনি‍। এ.বি.দি.এম.না হকশেলগী মরী লৈনবা ৱাফমশিংগী ঙাকশেল, থাজবা অমদি অরোন অথুপশিং ঙাকপগা লোয়ননা ৱাইদ-রেঞ্জ দেতা, ইনফোর্মেসন অমসুং ইনফ্রাস্ত্রকচর সর্ভিস পীদুনা অমদি ওপন, ইন্তরওপরেবল অমসুং স্তেন্দর্দতা য়ুম্ফম ওইবা দিজিতেল সিস্তেম শীজিন্নদুনা অপনবা লৈবা ফম্পাক অমা শেমগৎকনি‍। এন.ঐচ.এ.না অসুস্মান ভারত – প্রধান মন্ত্রী জন অরোগ্য য়োজনা (এ.বি. পি.এম.-জে.এ.ৱাই.) হায়রিবা ফ্লেগসিপ স্কিম অসিসু পায়খৎলিবনি‍।

****