প্রধান মন্ত্রী, শ্রী নরেন্দ্র মোদীনা ঙসি ভীদিও কনফরেন্সকী খুত্থাংদা ফিজিদা শ্রী স্রি সাই সথ্য সঞ্জীৱনি হোসপিতল হাংদোকপগী থৌরমদা ৱা ঙাংখি।

থৌরম অদুদা ৱা ঙাংলদুনা , প্রধান মন্ত্রীনা হোসপিতল অসিগীদমক্তা ফিজিগী প্রধান মন্ত্রী অমসুং ফিজিগী মিয়ামদা থাগৎপা ফোংদোকখি অমসুং হোসপিতল অসি লৈবাক অনি অসিগী মরক্তা লৈরিবা মরীগী খুদম্নি, ভারত অমসুং ফিজিগী পুন্না চৎমিন্নরিবা খোংচত্তা অনৌবা পন্দুপ অমা হাপচিল্লক্লে হায়না হায়খি। অঙাংশিগী ওইবা হার্তকী হোসপিতল অসি ফিজি খক্ত নত্তনা সাউথ ইস্ত এসিয়া রিজন পুম্বগী ওইনা অসিগুম্বা মখলগী অমত্তা ঙাইরবা হোসপিতলনি। প্রধান মন্ত্রীনা হায়খি “হার্তকা মরী লৈনবা লাইনা অসিনা য়াম্না অচৌবা শিংনবা অমা ওইবা রিজনগীদমক্তা, মসিগী হোপিতল অসি অঙাং লিশিং কয়া অমদা অনৌবা পুনশি অমা পীনবগী লম্বি অমনি।” মহাক্না মসিদা অঙাংশিং অদু মালেমগী থাক্তা লৈবা লাইয়েং ফংবদা নত্তনা সর্জরী পুম্নমক লেম্না পাংথোক্লগনি হায়বদা অপেনবা ফোংদোকখি অমসুং মসিগীদমক্তা সাই প্রেম ফাউন্দেশন, ফিজি, ফিজি সরকার অমসুংভারতকি শ্রী সথ্য সাই সঞ্জীৱনি চিল্দ্রেন্স হোসপিতলবু থাগৎখি। 

প্রধান মন্ত্রীনআ ব্রাহমলীন স্রি সাই বাবাবু কোক নোন্দুনা ইকাইখুম্নবা উৎখি, মহাক্কী মীওইবগী সেবা তৌবগী উপাম্বি চরা মচা অদুনা ঙসিদি চাউরবা খোংনাং পাম্বি অমা ওইদুনা মীওইবা জাতি পুম্বগী সেবা তৌরি।  প্রধান মন্ত্রীনা নিংশিংখি মদুদি “স্রি সথ্য সাই বাবানা স্পিরিচুৱলিজমবু রিচুৱলশিংদগী তোঙালহন্দুনা মীয়ামগী য়াইফবগা মরী লৈহল্লি। লাইরবা অমসুং কনা লৈজদ্রবশিংগীদমক্তা এজুকেশন, হেল্থকী লমদা তৌখিবা মহাক্কী থবকশিং অদুনা ঙসিসু ঐখোয়বু পুক্নিং থৌগৎলি।” শ্রী মোদীনা গুজরাত্তা জুহার হাখিবা মতমদা সাই দিভোতীশিংনা তৌখিবা সেবাশিং অদু নিংশিংলি। “সথ্য সাই বাবাগী থৌজাল তত্তনা ফংবগীদমক্তা ঐহাক্না ঐহাক অসি  য়াম্না লাইবক ফবনি হায়না খঞ্জৈ অমসুং ঙসিসু অমুক থৌজাল অদু অমুক ফংলি” হায়না প্রধান মন্ত্রীনা হায়খি।

প্রধান মন্ত্রীনা হায়খি মদুদি ভারত ফিজিগী মরী অসিগী লৈরিবা অপুনবা লিগেসী অসি মীওইবা জাতিগী সেবা তৌবগী ৱাখল্লোনদা য়ুমফম ওই। ভারতনা লাইচৎ মনুংদান মশাগী তৌফম থোকপা মথৌশিং অদুমসিগী ভেল্যুশিং অসিদা য়ুমফম ওইরগা মপুং ফানা পাংথোকপা ঙমখি, মরমদি ঐখোয়না লৈবাক ১৫০দা হিদাক-লাংথকশিং পীবা ঙমখি অমসুং চাউরাক্না লৈবাক ১০০দা ভেক্সিন চাউরাক্না মিলিয়ন ১০০ রোম পীখি। মসিগী থবকশিং অসিদা ফিজিবু মতম চুপ্পদা য়াম্না মরু ওইনা লৌখি হায়না মহাক্না হায়খি।

প্রধান মন্ত্রীনালৈবাক অনি অসিগী মরক্তা লৈনরিবা মরী অসিগী মতাংদা কুপ্তনা হায়খি। লৈবাক অনি অসিগী মরক্তআ পাক্লবা মহাসাগরনা খাইদোকচরবসু, ঐখোয়গী কলচরনা ঐখোয়বু নকশিন্ননা থম্বীরি অমসুং ঐখোয়গী মরী অসি অমনা অমবু ইকাইখুম্নবীবা  অমসুং অকনবা মীওই অমনা অকনবা মীওই অমগা মরী থম্বদা য়ুমফম ওই হায়না মহাক্না হায়খি। ভারতনা ফিজিগী সোসিয়ো-ইকোনোমিক দেবেলপমেন্ততা শরুক য়ানবগী খুদোংচাবা ফংবা অসিবু  মহাক্না য়ানিংবা ফোংদোকখি।

প্রধান মন্ত্রী মোদীনা ঙসি ফিজিগী প্রধান মন্ত্রী, ফ্রেঙ্ক বাইনিমারামাবু মহাক্কী মপোক নুমিত্তা য়াইফ-পাউজেল পীখি অমসুং মআক্কী লিচিং মখাদা লৈবাক অনি অসিগী মরক্তা লৈরিবা মরী অসি হান্নদগীসু হেন্না চেৎশিনহল্লগনি হায়না আশা তৌরি হায়না ফোংদোকখি।

My remarks at inauguration of children's heart hospital in Fiji. https://t.co/ThQKuyNZz2

— Narendra Modi (@narendramodi) April 27, 2022

*****