প্রধান মন্ত্রী, শ্রী নরেন্দ্র মোদীনা ২০২২গী এপ্রিল ২৮দা অসামদা চৎকদৌরি। অয়ুক্কী পুং ১১.০০ তাবা মতমদা মহাক্না কার্বি আঙলোং জিলাগী দিফুদা ‘পীস, য়ুনিতী এন্দ দেবেলপমেন্ত রেলী’দা ৱা ঙাংগদৌরি। থৌরম অসিদা, মহাক্না এজুকেশন সেক্তরদা প্রোজেক্ত কয়া অমগী উরেপ-উয়ুং তম্লগনি। মসিগী মতুংদা নুংথিলগী পুং ০১.৪৫ তাবা মতমদা, প্রধান মন্ত্রীনা দিব্রুগরগী অসাম মেদিকেল কোলেজতা চৎকনি অমসুং দিব্রুগর কেন্সর হোসপিতাল অসিবু লৈবাক মীয়ামদা কত্থোক্লগনি। মতুংদা নুংথিলগী পুং ৩ তাবা মতমদা, মহাক্না দিব্রুগরগী খারিকর গ্রাউন্দদা মীয়ামগী মীতিন অমদা শরুক য়ারগনি, মসিদা মহাক্না লৈবাক অসিগী মীয়ামদা অহেনবা কেন্সর হোসপিতাল ৬ অমুক কত্থোক্লগনি অমসুং অনৌবা কেন্সর হোসপিতাল ৭কী উরেপ-ঊয়ুং তম্লগনি।

পি.এম.না কার্বি আঙলোংগী দিফুদা

রিজন অসিগী শান্তি অমসুং চাউখৎ-থৌরাংগী মাইকৈদা প্রধান মন্ত্রীগী অচেৎপা ফিরেপ অদু কার্বি মিলিতেন্ত আউৎফিতশিংগা লোইননা ভারত সরকার অমসুং অসাম সরকারনা হান্দক্তা খুৎয়েক পীনখিবা মেমোরেন্দম ওফ সেতলমেন্ত (এম.ও.এস.) শাখি ওইখি। এম.ও.এস. অসিনা রিজন অসিদা শান্তিগী অনৌবা মতম অমা পুরক্লি। ‘পীস, য়ুনিতি অমসুং দেবেলপমেন্ত রেলী’ অসিদা থমগদবা প্রধান মন্ত্রী ৱারোল অদুনা রিজন অসিদা শান্তিঈ অনৌবা খোংথাংশিংদা য়াম্না চাউবা ইনোৎ অমা হাপ্লগনি।

প্রধান মন্ত্রীনা ভেতরিনরী কোলেজ (দিফু), দিগ্রী কোলেজ (ৱেস্ত কার্বি আঙলোং) অমসুং এগ্রিকলচরেল কোলেজসু (কোলোঙ্গা, ৱেস্ত কার্বি আঙলোং) উরেপ উয়ুং তম্লগনি। লুপা করোর ৫০০ হেনবা মসিগী প্রোজেক্তশিং অসিনা রিজন অসিদা স্কিলিং অমসুং এমপ্লোইমেন্তকীদমক্তা অনৌবা খুদোংচাবা কয়া অমা পুরক্লগনি। 

থৌরম অসিদা, প্রধান মন্ত্রীনা অমৃত সরোৱর প্রোজেক্ত ২৯৫০ হেন্নগীসু উরেপ-উয়ুং তম্লগনি। রাজ্য অসিনা মসিগী অমৃত সরোৱর প্রোজেক্তশিং অসি অপুনবগী ওইনা চাউরাক্না লুপা করোর ১১৫০ চংনা শাগদৌরিবনি।

দিব্রুগরদা পি.এম.

অসাম কেন্সর কিয়র ফাউন্দেশন, অসাম সরকার অমসুং তাতা ত্রস্তকী অপুনবা ভেঞচর অসিনা রাজ্য অসিদা পাক শন্না কেন্সর কিয়র হোসপিতাল ১৭কী সাউথ এসিয়াগী খ্বাইদগী চাউবা অহোংবা কেন্সর কিয়র নেতৱার্ক অমা শানবা প্রোজেক্ত অমা পাইখৎলি। প্রোজেক্ত অসিগী ফেজ ১ মখাদা, হোসপিতাল ১০গী মনুংদা হোসপিতাল ৭কীদি শাবা লোইখ্রে অদুগা অহুম অমনা শাবগী তাঙ্কক কয়া অমা য়ৌশিনখ্রে। ফেজ ২দা প্রোজেক্ত অসিনা অনৌবা কেন্সর হোসপিতাল তরেত শারগনি।

প্রধান মন্ত্রীনা লৈবাক মীয়ামদা প্রোজেক্ত অসিগী ফেজ ১গী মখাদা শাবা লোইশিল্লবা কেন্সর হোসপিতাল তরেত কত্থোক্লগনি। মসিগী কেনস্র হোসপিতালশিং অসি দিব্রুগর, কোক্রাঝার, বার্পেতা, দরাং, তেজপুর, লাখিমপুর অমসুং জোরহাত্তা শারগনি। প্রধান মন্ত্রীনা প্রোজেক্ত অসিগী ফেজ ২গী মখাদা ধুব্রি, নালবরি, গোপারা, নাগাওন, সিবসাগার, তিনসুখিয়া অমসুং গোলাঘাত্তা অনৌবা কেন্সর হোসপিতাল তরেত অমগী উরেপ-উয়ুং তম্লগনি।

****