କୃଷି ଓ କୃଷକ କଲ୍ୟାଣ ମନ୍ତ୍ରଣାଳୟ
୨୫ ରୁ ୩୦ ଏପ୍ରିଲ୍ ‘କିଷାନ ଭାଗୀଦାରୀ, ପ୍ରାଥମିକତା ହମାରି’ କାର୍ଯ୍ୟକ୍ରମ
‘କିଷାନ ଭାଗୀଦାରୀ, ପ୍ରାଥମିକତା ହମାରି’କାର୍ଯ୍ୟକ୍ରମ ଆଜାଦୀର ଅମୃତ ମହୋତ୍ସବର ଅଂଶ ବିଶେଷ ଭାବରେ ୨୫ ଏପ୍ରିଲ୍ରୁ ୩୦ ଏପ୍ରିଲ୍ ୨୦୨୨ ପର୍ଯ୍ୟନ୍ତ ଆୟୋଜନ କରାଯିବ
କେନ୍ଦ୍ର କୃଷି ମନ୍ତ୍ରୀ ସାଧାରଣ ସେବା କେନ୍ଦ୍ର/ କମନ ସର୍ଭିସ୍ ସେଂଟର (ସିଏସ୍ସି) ଦ୍ୱାରା ଆୟୋଜିତ ଫସଲ ବୀମା ଉପରେ ଦେଶବ୍ୟାପୀ କର୍ମଶାଳାର ଶୁଭାରମ୍ଭ କରିବେ
ପ୍ରତ୍ୟେକ କୃଷି ବିଜ୍ଞାନ କେନ୍ଦ୍ର ଗୁଡିକରେ କୃଷି ମେଳା ଏବଂ ପ୍ରାକୃତିକ କୃଷି ଉପରେ ପ୍ରଦର୍ଶନୀର ଆୟୋଜନ କରାଯିବ
୭୫ ଜଣ ମନୋନୀତ କୃଷକ ଏବଂ ଉଦ୍ୟୋଗୀ ମାନଙ୍କୁ ନେଇ ଏକ ରାଷ୍ଟ୍ରୀୟ ଆତ୍ମନିର୍ଭର ଭାରତ ସମ୍ମିଳନୀ ଆୟୋଜନ କରାଯିବ
ଅଭିଯାନରେ ଅଂଶଗ୍ରହଣ କରିବେ ୧ କୋଟିରୁ ଅଧିକ କୃଷକ ଏବଂ ହିତାଧିକାରୀ
Posted On:
24 APR 2022 3:25PM by PIB Bhubaneshwar
କୃଷି ଏବଂ କୃଷକ କଲ୍ୟାଣ ମନ୍ତ୍ରଣାଳୟ ଭାରତ ସରକାରଙ୍କର ବିଭିନ୍ନ ଅନ୍ୟ ମନ୍ତ୍ରଣାଳୟ / ବିଭାଗ ଗୁଡିକର ସହଯୋଗରେ ‘ଆଜାଦୀର ଅମୃତ ମହୋତ୍ସବର ଅଂଶ ବିଶେଷ ଭାବରେ ୨୫ ଏପ୍ରିଲ୍ରୁ ୩୦ ଏପ୍ରିଲ୍, ୨୦୨୨ ପର୍ଯନ୍ତ ‘କିଷାନ ଭାଗୀଦାରୀ, ପ୍ରାଥମିକତା ହମାରି’ ଅଭିଯାନର ଆୟୋଜନ କରୁଛି । ଏହି ଅଭିଯାନ ସମୟରେ, କୃଷି ଏବଂ କୃଷକ କଲ୍ୟାଣ ବିଭାଗ କୃଷକ ମାନଙ୍କ ନିମନ୍ତେ ଆଂଚଳିକ ସ୍ତରରେ ସାରା ଦେଶରେ କାର୍ଯ୍ୟକ୍ରମ ଆୟୋଜନ କରିବ ।
କୃଷି ଅନୁସନ୍ଧାନ ଏବଂ ଶିକ୍ଷା ବିଭାଗ ପ୍ରତ୍ୟେକ କୃଷି ବିଜ୍ଞାନ କେନ୍ଦ୍ରରେ କୃଷି ମେଳା ଏବଂ ପ୍ରାକୃତିକ କୃଷି ଉପରେ ପ୍ରତ୍ୟକ୍ଷ ପ୍ରଦର୍ଶନୀର ଆୟୋଜନ କରିବ । କେନ୍ଦ୍ର କୃଷି ମନ୍ତ୍ରୀ ସାଧାରଣ ସେବା କେନ୍ଦ୍ର (ସିଏସ୍ସି) ଦ୍ୱାରା ଆୟୋଜିତ ଫସଲ ବୀମା ଉପରେ ସାରା ଦେଶରେ କର୍ମଶାଳା ଗୁଡିକର ଶୁଭାରମ୍ଭ କରିବେ ।
ଗ୍ରାମ ବିକାଶ ମନ୍ତ୍ରଣାଳୟ ସହିତ ଡିଏୱାଇ – ଏନ୍ଆର୍ଏଲ୍ଏମ୍ ଅଧୀନରେ କୃଷି ପରିବେଶ ଏବଂ ପଶୁଧନ ଅଭ୍ୟାସ ଗୁଡିକ ଉପରେ ଏକ ଆଲୋଚନା ଚକ୍ର ଆୟୋଜିତ କରାଯିବ । ଏହି ସପ୍ତାହରେ ବାଣିଜ୍ୟ ମନ୍ତ୍ରଣାଳୟ ଏବଂ ଖାଦ୍ୟ ପ୍ରକ୍ରିୟାକରଣ ଉଦ୍ୟୋଗ ମନ୍ତ୍ରଣାଳୟ ଦ୍ୱାରା ଗୋଟିଏ ଜିଲ୍ଲା ଗୋଟିଏ ଉତ୍ପାଦ (ଓଡିଓପି) ଉପରେ ଏକ ୱେବିନାର ଆୟୋଜିତ ଅନୁଷ୍ଠିତ ହେବ । ୭୫ ଜଣ ମନୋନୀତ କୃଷକ ଏବଂ ଉଦ୍ୟୋଗୀ ମାନଙ୍କୁ ନେଇ ଏକ ରାଷ୍ଟ୍ରୀୟ ଆତ୍ମନିର୍ଭର ଭାରତ ସମ୍ମିଳନୀ ଆୟୋଜନ କରାଯିବ ।
ଏହି ସପ୍ତାହରେ ଖାଦ୍ୟ ପ୍ରକ୍ରିୟାକରଣ ଉଦ୍ୟୋଗ ମନ୍ତ୍ରଣାଳୟ, ମତ୍ସ୍ୟ ପାଳନ, ପଶୁପାଳନ ଏବଂ ଡେରୀ ମନ୍ତ୍ରଣାଳୟ ବିଭାଗ ଗୁଡିକର ବିଭିନ୍ନ ଯୋଜନା ଗୁଡିକ ସମ୍ପର୍କରେ ଗୋଟିଏ ଜିଲ୍ଲା ଗୋଟିଏ ଉତ୍ପାଦ (ଓଡିଓପି) ଆଧାରିତ କର୍ମଶାଳା, ୱେବିନାର ଏବଂ ସଚେତନତା କାର୍ଯ୍ୟକ୍ରମ ଆୟୋଜିତ କରିବ ।
ଏହି ଅଭିଯାନରେ ସାରା ଦେଶରେ ଉଭୟ ପ୍ରତ୍ୟେକ୍ଷ (ଅଫ୍ଲାଇନ୍) ଏବଂ ଆଭାସୀ (ଅନ୍ଲାଇନ୍) ମାଧ୍ୟମରେ ୧ କୋଟିରୁ ଅଧିକ କୃଷକ ଏବଂ ହିତାଧିକାରୀ ମାନେ ଅଂଶଗ୍ରହଣ କରିବାର ଆଶା ରହିଛି ।
ଏହି ଅଭିଯାନ ସମୟରେ ଭାରତୀୟ ସ୍ୱାଧୀନତାର ୭୫ତମ ବର୍ଷରେ କୃଷି ବିକାଶର ନିମ୍ନଲିଖିତ ମାଇଲ୍ଖୁଂଟ ଉପରେ ଆଲୋକପାତ କରାଯିବ :
- ସବୁଜ ବିପ୍ଲବ : ଖାଦ୍ୟ ଶସ୍ୟ ଉତ୍ପାଦନ କ୍ଷେତ୍ରରେ ଆତ୍ମନିର୍ଭରଶୀଳତା;
- ଉଦ୍ୟାନ କୃଷି ଫସଲର ବୃହତ୍ ଉତ୍ପାଦକ - ଅଦା, ବନ୍ଧାକୋବି, ଆମ୍ବ ଏବଂ ଅମୃତଭଣ୍ଡା
- ହଳଦିଆ ବିପ୍ଲବ (ଅପରେସନ୍ ଗୋଲ୍ଡେନ୍ ଫ୍ଲୋ);
- ମିଠା ବିପ୍ଳବ : ମହୁ ଉତ୍ପାଦନ;
- ଫସଲ ଜଳସେଚନରେ ଉନ୍ନତି;
- କୃଷି କ୍ଷେତ୍ରରେ ଆଇସିଟିର ବ୍ୟବହାର;
- କୃଷିରେ ରିମୋଟ ସେନ୍ସିଂ/ ଜିଆଇଏସ୍/ ଡ୍ରୋନ୍ର ପ୍ରୟୋଗ;
- କୃଷିରେ ବାୟୋଟେକ୍ନୋଲୋଜିର ପ୍ରଭାବ;
- ୱାଟରସେଡ୍ ବିକାଶ କାର୍ଯ୍ୟକ୍ରମର ସଫଳତା;
- ମଞ୍ଜି ଏବଂ ସାରରେ ଆତ୍ମନିର୍ଭରଶୀଳତା;
- ଚାଷ ଯାନ୍ତ୍ରିକୀକରଣରେ ବିକାଶ;
- ମୃତିକା ସ୍ୱାସ୍ଥ୍ୟ ପରିଚାଳନା (ଆଇଏନ୍ଏମ୍)
- କୀଟନାଶକର ପ୍ରଭାବଶାଳୀ ପରିଚାଳନା (ଆଇପିଏମ୍);
‘କିଷାନ ଭାଗିଦାରୀ, ପ୍ରାଥମିକତା ହମାରି’ ଅଭିଯାନ ଭାରତ ସରକାରଙ୍କ ବିଭିନ୍ନ ଫ୍ଲାଗସ୍କିମ୍ ସ୍କିମ୍ ଅନ୍ତର୍ଗତ କାର୍ଯ୍ୟକଳାପ ଏବଂ ସଫଳତା ଉପରେ ଆଲୋକପାତ କରିବ, ଯଥା :
- ପ୍ରଧାନ ମନ୍ତ୍ରୀ କିଷାନ ସମ୍ମାନ ନିଧି ;
- ପ୍ରଧାନ ମନ୍ତ୍ରୀ ଫସଲ ବୀମା ଯୋଜନା ;
- ପ୍ରଧାନ ମନ୍ତ୍ରୀ କୃଷି ସିଂଚନ ଯୋଜନା - ପ୍ରତି ବୁନ୍ଦାରେ ଅଧିକ ଫସଲ ;
- ପ୍ରଧାନ ମନ୍ତ୍ରୀ କୃଷକ ମାନଧନ ଯୋଜନା ;
- କିଷାନ କ୍ରେଡିଟ୍ କାର୍ଡ;
- କୃଷି ଋଣ ;
- ଇ – ଜାତୀୟ କୃଷି ବଜାର (ଇ – ଏନ୍ଏଏମ୍) ;
- କୃଷକ ଉତ୍ପାଦକ ସଙ୍ଗଠନ ସମୂହ (ଏଫ୍ପିଓଜ୍);
- ମୃତିକା ସ୍ୱାସ୍ଥ୍ୟ କାର୍ଡ;
- ଜୈବିକ ଏବଂ ପ୍ରାକୃତିକ କୃଷି ;
- ଉଦ୍ଭିଦ ସୁରକ୍ଷା ଏବଂ ଉଦ୍ଭିଦ କ୍ୱାରେଂଟିନ୍ ;
- ମହୁମାଛି ପାଳନ ;
- ଫାର୍ମ ମେକାନାଇଜେସନ୍/ ଯାନ୍ତ୍ରିକୀକରଣ ;
- ଜାତୀୟ ଖାଦ୍ୟ ସୁରକ୍ଷା ମିଶନ ;
- ବିହନ ଏବଂ ରୋପଣ ସାମଗ୍ରୀ ;
- ଉଦ୍ୟାନ କୃଷିର ସମନ୍ୱିତ ବିକାଶ ଉପରେ ମିଶନ ;
- ବ୍ୟାପକ ସଂସ୍କାର (ଏଟିଏମ୍ଏ) ;
- ଆର୍କେଭିୱାଇ – ରଫ୍ତାର – ଏଗ୍ରି ଷ୍ଟାର୍ଟ ଅପ୍ ;
*****
SSP
(Release ID: 1819620)
Visitor Counter : 191