গান্ধিনাগর | মুম্বাই, এপ্রিল ২৩, ২০২২

গান্ধিনাগরদা খ্বাইদগী অহানবা গ্লোবল আয়ুশ ইনভেস্তমেন্ত এন্দ ইন্নোভেশন সম্মিত (জি.এ.আই.আই.এস.)অদু মাইপাক্না ঙরাং নুমিদাং লোইশিনখ্রে । ইনভেস্তমেন্ত প্রোপোজলশিং অসি এফ.এম.সি.জি., মেদিকেল ভেল্যু ত্রাভেল (এম.ভি.তি.) অমসুং সার্বিসশিং, ফার্মস্যুতিকেলস, তেক্নোলোজি অমসুং দাইগ্নোস্তিক্স, অমসুং লৌমীশিং অমসুং লৌউ-শিংউগুম্বা মরু ওইবা কেতেগোরিশিংদা লাকখি।

স্ম্মিত অসিগী মনুংদা, এম.ও.য়ু. (মেমোরেন্দম ওফ অন্দর্স্তেন্দিং) ৭০ হেন্না লৈবাকশিং, মমিং লৈরবা রিসর্চ ইন্সতিত্যুতশিং, লৌমীশিং কাংলুপা অমসুং ইন্দস্ত্রীশিংগী মরক্তা খুৎয়েক পীনখি। ইন্তর্নেস্নেল এক্সচেঞ্জশিং নত্তনা, ভারত শিনবআ থুংনা কেন্তনমেন্ত এরিয়া ৩৫দা আয়ুশ ফেসিলিতীশিং হৌনবা আয়ুশ মন্ত্রালয় অমসুং দিফেন্স মন্ত্রালয়গী মরক্তা এম.ও.য়ু. অমা খুৎয়েক পীনখি।

ভেলিদিক্তরী ফংশন অসিদা ৱা ঙাংলদুনা, কেন্দ্রগী আয়ুশকী মন্ত্রী, সর্বানন্দা সোনোৱালনা হায়খি মদুদি স্ম্মিত অসিনা সেক্তর অসিদা ইনভেস্তমেন্তশিং চিংশিন্নবা ফ্রেমৱার্ক অমা দেবেলপ তৌবদা য়াম্না মরু ওইবা থৌদাং লৌখি। “মালেম পুম্বগী ইনভেস্তরশিং অমসুং এন্তর্প্রেন্যোরশিংনা আয়ুশনা পীরিবা চাংদম্ননিংঙাই ওইরবা খুদোংচাবা অমসুং মসিগী মপাঙ্গল অদু খঙবা ঙম্লে” হায়ন মহাক্না হায়খি। আয়ুশকী লম অসিদা ইনভেস্তমেন্ত অমসুং ইন্নোভেশনগী খুদোংচাবা অসি মপাল নাইদে হায়না শ্রী সোনোৱালনা মখাতানা হায়খি।

থৌরম  অদুদা ৱা ঙাংলদুনা, কেন্দ্রগী স্পোর্তস অমসুং য়ুথ এফিয়র্স অমসুং ইনফোর্মেশন অমসুং ব্রোদকাস্তিং মন্ত্রী, অনুরা্গ থাকুরনা হায়খি মদুদি আয়ুশকী মার্কেত সাইজ অসি ২০১৪দা দোলর বিলিয়ন ৩ ওইরম্বদগী ঙসিদি দোলর বিলিয়ন ১৮ ওইরে, চহি অমদা ৭৫%গী য়াম্না চাউরবা গ্রোথ লাকখি। লৈবাক অসিনা মসিগী সেক্তর অসিদা ইনভেস্ত তৌবা স্তার্তঅপশিং অমসুং বিজনেসশিং য়াম্না থুনা উবা ফংলগনি হায়না মন্ত্রী অসিনা থাজবা ফোংদোকখি। কমপিতিশন থৌগৎনবা, ঐখোয়গী প্রোদক্তশিং অসিগী পেকেজিং নিংথিনা তৌবা তঙাইফদে অমসুং মসিগা লোইননা য়াম্না কন্না মার্কেতিং অমসুং ব্রান্দিং তৌগদবনি হায়না শ্রী অনুরাগ থাকুরনা হায়খি।

মন্ত্রী অসিনা মখাতানা  হায়খি মদুদি “ভারতনা ত্রেদিস্নেল মেদিসিনদা ৱিস্বা গুরু ওইবগী মতম ওইরে। ঐখোয়না ৱান অর্থ, ৱান হেল্থকী ৱাখল্লোনদা থবক তৌগদবনি অমসুং হীল ইন ইন্দিয়াবু প্রোমোত তৌগদবনি, মসিনা ঐখোয়গী লৈবাক অসিবু মেদিকেল তুইরিজমগী হব অমা ওইহল্লগনি”

গুজরাতকী গোবর্নর, শ্রী আচার‍্যা দেব্রতনা স্মইত অসিগী ভেলিদিক্তরী সেসনদা অথোইবা মীথুংলেন ওইখি। তুরিজমগী এম.ও.এস., শ্রী শ্রিপদ য়েস্সো নাইক অমসুং আয়ুশকী এম.ও.এস., দা. মহেন্দ্র মুনজাপরাসু থৌরম অদুদা শরুক য়াখি।

গ্লোবল আয়ুশ ইনভেস্তমেন্ত এন্দ ইন্নোভেশন সম্মিত, ২০২২ অসি ভারতকী থাইনঙৈগী লৌশিং অমসুং চৎনবগী মহৈ-মশিংদা মালেমগী মিৎয়েং চিংশিন্নবা অমসুং মরোমদোম লেপচবা ঙম্বা তুংগীদমক্তা লম্বি অমা শেম্নবগীদমক্তা মসিগী মতেং লৌনবা ভারত সরকারনা পাইখৎলকপা য়াম্না মশক নাইবা থবক অমনি। স্ম্মিত অসি “গুদ হেল্থ এন্দ ৱেল-বিং” প্রোমোত তোনবগী সস্তেন্নেবল দেবেলপমেন্তকী অহুমশুবা পান্দম অদুগী মতুং ইন্না শিনখিবনি।

নুমিৎ হুম্নিগী তেল্লবা মতমগী মনুংদা প্লেনরী সেসন মঙা, রাউন্দতেবল নিপান, ৱার্কশোপ তরুক অমসুং সীমপোজিয়ম অনি অসি পাংথোক্তুনা সম্মিত অসি লোইশিনখি। সম্মিত অসিদা শক্নাইরবা ৱাঙাংলোই ৯০ অমসুং একজিবিতর ১০০ শরুক য়াখি। মসিদা অমুল, দাবর, কামা আয়ুরবেদ, একোর্দ, আয়ুরভৈদ, নেচরেল রেমেদীজ, অম্বরো ফার্মা অমসুং পতাঞ্জলি য়াওনা এফ.এম.সি.জি. ৩০ এন্না শরুক য়াখি।

গ্লোবল আয়ুশ ইনভেস্তমেন্ত এন্দ ইন্নোভেশন সম্মিত অসি মোরিসসকী প্রধান মন্ত্রী, প্রবিন্দ কুমার জগন্নাথ অমসুং ৱার্ল্দ হেল্থ ওর্গনাইজেশনগী দাইরেক্তর, দা. তেদ্রোস ঘেব্রেয়েসসকা লোইননা এপ্রিলগী ২০দা প্রধান মন্ত্রী, নরেন্দ্র মোদীনা হৌদোকখি।  

***