য়ুথ এফিয়র্স অমসুং স্পোর্তসকী কেন্দ্রগী মন্ত্রী, শ্রী অনুরাগ থাকুরনা সংকল্প সে সিদ্ধীগী মথক্তা পাংথোকপা কনফরেন্সকী “ভোলুন্তিয়র এনগেজমেন্ত স্ত্রাতেজী ফোর ইন্দিয়া@১০০” সেসন্দা ৱা ঙাংখ্রে: অমৃত মহোৎসবকী মখদা অনৌবা ভারত অনৌবা ৱারেপ শিনখ্রে। কলচরগী মন্ত্রালয়, কনফেদেরেসন ওফ ইন্দিয়ন ইন্দস্ত্রী (সি.আই.আই.) অমসুং ইন্দিয়া@৭৫ ফাউন্দেসন্না খুৎশ্নদুনা কনফরেন্স অসি ঙসি নই দিল্লীদা শিনখি।

শ্রী অনুরাগ থাকুরনা মহাক্না ৱা ঙাংবদা হায়খি মদুদি লায়চৎ অসিনা ঐখোয়বু মতৌ করম্না লায়চৎকী মতুংদা হিংগদগে হায়বা হন্না ৱাখল অমুক খলহল্লি অমসুং অমুক হন্না ৱাখল শাগৎহল্লি। লৈবাক পুম্বনা লোকদাউন্দা লৈরিঙৈদা, ঐখোয়গী মশানা চোংথোক্তুনা হোৎনবগী ইথিলদা লায়রবশিংবু পি.এম.জি.কে.ৱাই.গী মখাদা রাসন পীদুনা অমসুং লৈবাক শিনবা থুংনা নহাশিংনা মতম খরগী ওইবা চখুম শেমগৎখি অমসুং অশাবা চাকলেন লৈত-লায়রশিংদা পীজখি।       

অনৌবা ভারত অনৌবা ৱারেপকী মতাংদা ৱা ঙাংলদুনা শ্রী থাকুরনা হায়খি মদুদি করিগুম্বা নহা ওইরিবা মীয়াম্না চাউখৎ-থৌরাংগী খোঙথাংশিংদা শরুক য়ারবা অমসুং থবকশিংদা য়াওরবা মতম খক্তদা তিংজং-কাইজংদবা জাতি ওইবা ঙমগনি। “নহারোলশিংনা মতম চুপ্পদা নিংতম লান্মীশিংনা লৌখিবা থৌদাং অমসুং কৎথোকখিবশিং নিংশিংগদবনি। অদোম্না কৎথোকপগী মথৌ তাদ্রে অদুবু অদোম্না থৌদাংদি লৌবিগদবনি,” হায়না শ্রী থাকুরনা মখা তাখি।

 শ্রী থাকুরনা মখা তানা হায়খি মদুদি হৌজিক ভারতনা নিং-খা তম্বগী চহি ৭৫দা লৈরিঙৈ অসিদা, অমৃত কাল মনুং মদুদি হৌজিক্তগীনা ইন্দিয়া@১০০ ফাওবদা ঐখোয়না তানগদবা অমসুং ঐখোয়না লৌগদবা থৌদাংশিংগীদমক ৱাশক লৌহৌরগদবনি। লৈবাক অসি হৌজিক অমসুং তুংগী লাইবক অসি নহারোলশিংগী মখুৎতা লোইনা লৈরিবনি।

শ্রী থাকুরনা মসিমসু উৎখি মদুদি ভারতকী চাউখৎ-থৌরাং কয়াদা কেন্দ্রগী সরকার অমসুং কেন্দ্রগী স্কীমশিংদা নহাশিং য়াওরি। ২০৩০গী চাউখৎ থৌরাংগী লেঙদবা থাক অমদা থম্বগী এজেন্দাদা মীয়ামগী শরুক য়াবা, মপু ওইবা অমসুং সোলিদরিতীশিংদা মপাল তাংলি। শ্রী থাকুরনা লায়চৎ মনুংদা মতৌ করম্না স্তার্তঅপশিং লিংখৎলকখিবা অমসুং চাওরাক্না য়ুনিক্রোন ৪৭ লাকখিবা অদুবু পনখি।

শ্রী থাকুরনা প্রোগ্রাম কয়া শিনবদা নহারোলশিংবু পুক্নিং চিংশিন্নবা অমসুং য়াম্না চাওনা শরুক য়ানবা অতোপ্পা ওর্গানাইজেসনশিং অমসুং লনাইগী সেক্তরশিংগা লোয়ননা মন্ত্রালয় কয়াগা পুন্না থবক তৌমিন্ননবা হায়খি।

শ্রী থাকুরনা মখা তানা হায়খি মদুদি হৌখিব চহি খরা অসিদা নহারোলশিংনা থবকশিং হেন্না য়াওরকপা ঐখোয়না উবা ফংলি, মসিদা রাজনিতীগী ওইনা শরুক য়াবা অমসুং সিবিল সোসাইতীগী থবকশিংগী খুৎথাংদা থবকশি য়াওরকপা অসিনি। মহাক্না মখা তাখি মদুদি মিল্লিয়ন অমনা ২০৩০গী ইন্দিয়াগী ৱার্কফোর্স য়াওনবা লৈরি, মরম অদুনা নহা ওইরিবা মীয়াম্বু লৈবাক শেমগৎপগী থৌওংশিংদা শরুক য়াননবা মফম অমা পীবা মসিদা মখোয়গী হৈ-শিংবা হেনগৎনবা খুদোংচাবশিং পীবা লোয়ন-লোয়ননা প্লেতফোর্ম অমা পীবা মথৌ তাই। অমসুং ঐখোয়না চু্মা চৎলবদি, ভারতনা মৈলেমদা খ্বায়দগী চাউবা থবক তৌনবা মী লৈগনি, হায়না মন্ত্রীনা ফোংদোকখি। মন্ত্রীনা প্রাইবেৎ সেক্তরশিংবা অনৌবা মফম অমা শেম্বিবা অমসুং নহারোলশিংবু অনৌবা ৱাখল্লোনগা লোয়ননা য়াম্না ৱাহন্থোক থোকপা থবকশিং পীনবা পুক্নিং থৌগৎলি।

কলচর মন্ত্রালয়না ভারতকী নিং-খা তম্বগী ৭৫শুবা চহি গী নিংশিং থৌরম পাংথোক্নবা, ইন্দিয়া@৭৫ অজাদী কা অমৃত মহোৎসবকী মখাদা থৌরম পরিং অমা চহি চুপ্পা শিল্লি। সংকল্প সে সিদ্ধী সমিত অসি অসিগুম্বা খ্বায়দগী মরুওইবা থৌরম অমনি।

স্তেকহোল্দর কয়া অমা য়াওবা “সংকল্প সে সিদ্ধী”গী সমিত অসি ভারত সরকারগী কলচর মন্ত্রালয়, কনফদেরেসন ওফ ইন্দিয়া ইন্দস্ত্রী (সি.আই.আই.) অমসুং ইন্দিয়া @৭৫ ফাউন্দেসন্না খুৎশম্নদুনা শিনবনি। সমিত অসিদা মরুওইবা স্তেকহোল্দরশিংনা লৈবাক অসিগী মফম কয়াদা লৌখৎখিবা চাউখৎ থৌরাংশিং য়েংনবা পুনখিবনি।

*******