হেলথ অমসুং ফেমিলী ৱেলফিয়রগী মন্ত্রালয় (এম.ও.ঐচ.এফ.দবল্যু.)না রাজ্যশিং অমসুং য়ুনিয়ন তেরিতোরীশিংগা খুৎশম্নদুনা ২০২২গী এপ্রিল ১৬তগী ২২ফাওবা অজাদি কা অমৃত মহোৎসবকী মখাদা আয়ুশমান ভারত হেলথ অমসুং ৱেলনেস সেন্তরশিং (এ.বি.-ঐচ.দবল্যু.সি.শিং)গী ৪শুবা কুমওন থৌরম পাংথোক্লি। থৌরম অসি লৈবাক শিনবা থুংনা য়াম্না থৱায় য়াওবগা লোয়ননা পাংথোকখি। কেন্দ্রগী হেলথ মন্ত্রী, রাজ্যশিং/য়ু.তি.শিংগী হেলথ মন্ত্রী, এম.পি.শিং. এম.এল.এ.শিং, রাজ্যগী হেলথ দিপার্তমেন্তগী মকোক থোংবা ওফিসরশিং, মীহুৎশিং অমসুং লোকেলগী দিগ্নতরীশিংসু  এ.বি.-ঐচ.দবল্যু.সি.শিং অসিদা লাকখি অমসুং হেলথ কেয়রদা অহোংবা অমসুং পীবা য়াবশিংদা এ.বি.-ঐচ.দবল্যু.সি.শিংগী মরুওইবশিংগী মরমদা মীয়ামদা পাউজেল পীখি। 

২০২২গী এপ্রিল ১৮দগীনা ২২ফাওবদা, লৈবাক শিনবা থুংনা রাজ্য/য়ু.তি.গী দিস্ত্রীক্ত খুদিংগী য়ামদ্রবদা ব্লোক অমদা এ.বি.-ঐচ.দবল্যু.সি.শিং লাখ অমা হেন্না ব্লোক লেবেল হেলথ মেলা শিনখি। ব্লোক লেবেল হেলথ মেলা খুদিংমক নোংমগী ওইগনি অমসুং রাজ্য/য়ু.তি.শিংদা লৈরিবা ব্লোক খুদিংমক য়ৌশিনগনি। 

হেলথ মেলা অসিগী মঙাশুবা নুমিৎতা, মীওই লাখ ৪গা লিশিং ৫৩ হেন্না শরুক য়াখি অমসুং চাওরাক্না ব্লোক ৪৯৬না লৈবাক শিনবা থুংনা হেলথ মেলা শিনখি। মখা তানা, হায়পরতেন্সন, দাইবিতিস অসিনচিংবগী স্ত্রীনিং লিশিং অমা তৌবগী মথক্তা এ.বি.ঐচ.এ. হেলথ আই.দি.শিং ৫৯,০০০ হেন্না শেমখি অমসুং পি.এম.জে.এ.ৱাই. গোল্দন কার্দ ১৭,০০০ পীখি।

২০২২গী এপ্রিল ১৬তা আয়ুশমান ভারত হেলথ অমসুং ৱেলনেস সেন্তরশিং (এ.বি.-ঐচ.দবল্যু.সি.শিং)দা ই-সঞ্জীবানি প্লেতফোর্মগী খুত্থাংদা তেলেকনসল্তেসন লাখ ৩ রেকোর্দ তৌখি। হায়রিবা অসি নোংমগী নুমিৎতা এ.বি.-ঐচ.দবল্যু.সি.শিংদা তেলেকনসল্তেসন খ্বায়দগী ৱাংনা মশিং তৌখিদুনা, মসিগী হান্নগী রেকোর্দ তেলেকনসল্তেসন নোংমদা লাখ ১.৮ তৌখিবদগী হেল্লি। ২০২২গী এপ্রিল ২২দা লৈবাক শিনবা থুংনা তেলেকনসল্তেসন ২৮,০০০ হেন্না পাংথোকখি। 

২২.০৪.২০২২দা ওইখিবা রাজ্য খায়বা ব্লোক হেলথ মেলাগী রিপোর্ত মখাদা পীরি:

****