প্রধান মন্ত্রী ভারতিয়া জনৌশধি পরিয়োজনা (পি.এম.বি.জে.পি.)না এজেন্সী ওইনা হাপ্লিবা ফার্মাস্যুতিকেলস এন্দ মেদিকেল দিভাইস ব্যুরো ওফ ইন্দিয়া (পি.এম.বি.আই.)না প্রধান মন্ত্রী ভারতিয়া জনৌশধি কেন্দ্রশিং (পি.এম.বি.জে.কে.শিং) হাংদোক্নবা মীওইশিং, থবক ফংদ্রিবা ফার্মাসিস্ত, সরকারদা নোমিনেৎ তৌবা এজেন্সীশিং, এন.জি.ও.শিং, থ্রস, সোসাইতীশিং, অসিনচিংবদগী এপ্লিকেসন কৌরি। এপ্লিকেসনশিং অসি ওনলাইনগী থৌওং অমগী খুৎথাংদা কৌরি। মসিবু পাম্বা এপ্লিকান্তশিংনা পি.এম.বি.আই.গী ৱেবসাইত janaushadhi.gov.inদা থাজিনবা য়াগনি। ইলিজিবল ওইরবা এপ্লিকান্তশিংনা অহানবা লাকপদা পি.এম.বি.জে.পি.গী মিংদা দ্রগ লাইসেন্সকী ইন—্রিন্সিপালগী অয়াবা পীগনি।

মীচম প্রজাদা মরুওইনা লায়রবদা অহোংবা মমলদা অফবা মখলগী হিদাক লাংথক পীনবগী মিয়েংগা লোয়ননা সরকারনা ২০২৪গী মার্চ ফাওবদা না প্রধান মন্ত্রী ভারতিয়া জনৌশধি কেন্দ্রশিং (পি.এম.বি.জে.কে.শিং) ১০০০০দা হেনগৎনবা পান্দম থম্লি। ৩১.০৩.২০২২ ফাওবদা, স্তোর মশিং অসি ৮৬১০দা হেনগৎখ্রে। পি.এম.বি.জে.পি.গী মখাদা, লৈবাক অসিগী দিস্ত্রীক্ত ৭৩৯য়ৌশিনখ্রে। হায়রিবা দিস্ত্রীক্ত ৪০৬কী মনুংদা ব্লোক ৩৫৭৯ য়ৌশিন্নবা অনৌবা এপ্লিকেসন ৩৫৭৯ কৌরি। অপিকপা সহর অমসুং ব্লোক হেদক্বাতরদা লৈবা মীওশিংনা জনৌশধি কেন্দ্রশিং হাংদোকপগী খুদোংচাবা লৌবা য়াই। স্কীম অসিনা নুপী, এস.সি./এস.তি., চীংগী দিস্ত্রীক্তশিং, ইথৎ ওইবা দিস্ত্রীক্তশিং অমসুং অৱাং-নোংপোক্কী রাজ্যশিং য়াওনা কেতগরী কয়া অমা ইন্সেন্তিব/অখন্নবা ইন্সেন্তিব পীরি। হায়রিবা অসিদা লৈবাক অসিগী কাচিন কোয়া কয়াদা লৈরিবা মীয়ামদা অহোংবা মমলদা হিদাক-লাংথক লাইনা ফংহনবা ঙম্লগনি। পি.এম.বি.জে.পি. কেন্দ্র হাংদোকপা অমসুং কেতগরী কয়াগী ইন্সেন্তিব স্কীমগী মরীক চুম্বা তর্মশিং অমসুং কন্দিসনশিং পি.এম.বি.আই.গী ৱেবসাইত মদুদি Janaushadhi.gov.inদা উবা ফংগনি।

পি.এম.বি.জে.পি.গী প্রদক্ত বাস্কেত অসিদা হিদাক লাংথক ১৬১৬ অমসুং সর্জিকেলকী খুলায় ২৫০ য়াওরি হায়রিবা অসিদা লৈবাক শিনবা থুংনা মথৌ তৌরিবা প্রধান মন্ত্রী ভারতিয়া জনৌশধি কেন্দ্রশিং (পি.এম.বি.জে.কে.শিং) ৮৬০০ হেনবগী খুৎথাংদা য়োন্নবগীদমক্তা মরাং কাইনা ফংলি। মসিগী মথক্তা, আয়ুসকী পোৎলম খরা হায়বদি আয়ুরক্ষা কিত, বালরক্ষা কিত অমসুং আয়ুশ-৬৪ তেব্লেৎগুম্বা ইন্দ্রি কনখৎনবা ওইনা পরিয়োজনাগী প্রদক্ত বাস্কেত্তা য়াওরি হায়রিবা অসি খনগৎলবা কেন্দ্র খরগী খুৎথাংদা ফংহল্লি। প্রদক্ত বাস্কেৎ অসিনা মরুওইবা থেরাপ্যুতিক ওইবা গ্রুপ হায়বদি কার্দিওভাস্কুলার, এন্তি-কেন্সরশিং, এন্তি-দাইবেতিসশিং, এন্তি-ইনফেক্তিবশিং, এন্তি-এলর্জিক, গাস্ত্রো-ইন্তেস্তিনেল মেদিসিন, ন্যুত্রাস্যুতিকেলশিং, অসিনচিংবা য়াওরি। মখা তানা পি.এম.বি.আই.না মখোয়গী প্রদক্ত বাস্কেত্তা ফাস্ত-মুবিং কঞ্জ্যুমর গুদস (এফ.এম.সি.জি.)গী পোৎলম অমসুং এফ.এস.এস.এ.আই.গী মখাদা লৈবা পোত্থোকশিং অমসুং মীয়াম্না য়াম্না তান্নবা আয়ুর্বেদিক্কী পোত্থোকশিং পি.এম.বি.জে.পি.গী মখাদা হৌদোক্নবা থবক তৌরি।

পি.এম.বি.আই.না গুরুগ্রাম, চেন্নাই, গুৱাহাতী অমসুং সুরত্তা ৱায়রহাউস মরি লিংখৎতুনা সপ্লাই চেন অসি হেন্না মপাঙ্গল কনখৎহল্লি। মসিগী মথক্তা, ভারতকী মফম খুদিংমক্তা মতম চানা সপ্লাই পীনবা ভারত শিনবা থুংনা দিস্ত্রিব্যুতর ৩৯গী য়াম্না কনবা দিস্ত্রিব্যুতর নেতৱার্ক অমা লৈরি।

*********