খেলো ইন্দিয়া য়ুনিভর্সিতী গেম্স (কে.আই.য়ু.জি.)না মালেমগী থাক্তা শান্নরোইশিং শেম-শাদুনা লৈহনবদা মতেং পাংগনি হায়না য়ুথ এফিয়র্স অমদি স্পোর্তসকী কেন্দ্র মন্ত্রী শ্রী অনুরাগ থাকুরনা ফোংদোকখ্রে৷ কর্নাতকাদা পাংথোক্কদৌরিবা খেলো ইন্দিয়া য়ুনিভর্সিতী গেম্সকী মতাংদা মহাক্না ঙসি ন্যু দিল্লীদা মেদিয়াগী মীওইশিংদা তেল্লপনা ফোংদোকখি৷ উন্নবগী থৌরম অদুদা স্পোর্তস দিপার্তমেন্তকী সেক্রেতরী শ্রীমতি সুজতা চতুর্বেদী, এস.এ.আই.গী দি.জি. শ্রী সন্দীপ প্রধান অমদি মন্ত্রালয়গী অতোপ্পা সেনিয়র ওফিসরশিংসু শরুক য়াখি৷ য়ুনিভর্সিতী গেম্স অসি প্রধান মন্ত্রী শ্রী নরেন্দ্র মোদীগী মংলাননি, মহাক্না গেম্সকী অহানবা ইদিসনদা শরুক য়ারিবা মীওইশিংদা ৱারোল থমখি অমদি মহাক্না ওলেম্পিক্স য়াওনা অচৌবা মালেমগী তোর্নামেন্তশিংদা ভারতকী মহুৎ শিন্দুনা শরুক য়াগদৌরিবা শান্নরোইশিংগী  বেদরোক ওইরিবা য়ুনিভর্সিতী গেম্সকী মরু ওইবা অদুগী মতাংদা ৱা ঙাংখি৷

কে.আই.য়ু.জি. ২০২১ অসি খেলো ইন্দিয়া য়ুনিভর্সিতী গেম্সকী অনিশুবা ইদিসননি হায়না শ্রী থাকুরনা ফোংদোকখি, মসিদা জেন দীম-তু-বি য়ুনিভর্সিতীনা গেমশিং অসিগী হোস্ত য়ুনিভর্সিতী ওইদুনা বেঙ্গালুরুদা পাংথোক্কদৌরি৷ ভারত সরকারগী য়ুথ এফিয়র্স অমদি স্পোর্তস মন্ত্রালয়গা লোইননা কর্নাতকা সরকারনা শিল্লিবা কম্পিতিসন অসি ২০২২গী এপ্রীল ২৪দগী মে ৩ ফাওবা পাংথোক্কনি৷ “কে.আই.য়ু.জি. ২০২১দা য়ুনিভর্সিতী ১৯০রোমদগী মীওই ৩৮৭৯ হেনবনা শরুক য়াগনি অমদি মসিদা মল্লাখম্বা অমদি য়োগসনা য়াওনা ইন্দিজিনিয়র্স স্পোর্তশিং য়াওনা দিসিপ্লিন ২০দা অমদি গোল্দ মেদল ২৫৭কীদমক লম্বা তৌনরগনি”, হায়না মহাক্না মখাতাখি৷

মশান্নশিং অসিদা অহানবা খেলো ইন্দিয়া গ্রীন গেমশিং য়াওনা গেমশিংদা অহানবা ওইনা শরুক য়াবা মশান্না কয়ামরোম লৈরি হায়না কেন্দ্র মন্ত্রীনা মখাতাখি৷ গেমশিংদা রিসাইক্লেবল মেতরিএলশিং লৈরগনি অমদি মদু জিরো ৱেস্ত গেম অমা ওইরগনি৷ অসিগীসু মথক্তা, মখল অদুগী অহানবা মোবাইল এপ্লিকেসন অমা গেমশিং অসিগীদমক শেমগৎখ্রে অমদি মসিদা শান্নরোইশিংনা গেমগী মমাং অমদি মনুংদা শিজিন্নবা য়াহন্দুনা দিজিতেল ইন্দিয়া এপ্রোচকা লোইননা শরুক য়ারিবা মীওইশিংদা লাইহন্নবা গেমশিং অসিগী মরমদা দরকার ওইরিবা ই-পাউ পুম্নমক ফংহল্লগনি৷

শ্রীহরি নতারাজ অমদি দুতী চান্দ য়াওনা ওলেম্পিয়ন কয়ামরোম্না মশান্নশিং অসিদা শরুক য়াগনি অমদি ২০২৮ ওলেম্পিক্সকীদমক ত্রেনিং তৌরিবা শান্নরোই কয়ামরোম্না শরুক য়াগনি৷

খেলো ইন্দিয়া য়ুনিভর্সিতী গেম্স অসি য়ুনিভর্সিতীগী থাক্তা লৈরিবা শান্নরোইশিংগী ওইনা খ্বাইদগী চাওবা প্লেতফোর্মনি অমদি মসিদা য়ুনিভর্সিতীগী মহৈরোইশিং মখোয়গী হৈ-শিংবা অদু উৎথোক্নবা অমদি তোঙান তোঙানবা মশান্নশিংগীদমক নেসনেল তীম সেলেক্তরশিংগী মীৎয়েং চিংশিনহন্নবগীদমক নেসনেল-লেবেল লোঞ্চ পেদ অমা পীনবা মীৎয়েং থম্লি৷

মশান্নশিং অসিদা এ.আই.আর., প্রসার থারতি, খেলো ইন্দিয়া অমদি অতোপ্পশিং য়াওনা সোসিএল মেদিয়া প্লেতফোর্মশিংগী প্লেথোরা অমগা লোইননা, সোনী ও.তি.তি. প্লেতফোর্ম সোনী এল.আই.ভি. য়াওনা মশান্নশিং অসি দি.দি. অমদি সোনী ৬তা লাইব ওইনা শন্দোক্কনি৷

মশান্নশিংদা শরুক য়ারিবা শান্নরোইশিংদা দোপিংগী চৈথেংগী মরমদা নিংথিনা খঙহন্নবগীদমক মসিনা শরুক য়ারিবা শান্নরোইশিংদা ই-পাউ শন্দোক্নবা, তাকপি-তম্বিনবা অমদি পাউ ফাওদোক ফাওজিন তৌনবগী এপ অমা এন.এ.দি.এ.না শিজিন্নগদৌরিবা অসিনা ইহান হানবা ওইরি৷

*******