থাগৎখিবা:
21 APR 2022 12:57PM by PIB Imphal
হেলথ অমসুং ফেমিলী ৱেলফিয়রগী কেন্দ্রগী মন্ত্রী দাঃ মনসুখ মন্দাবিয়ানা ঙসি নেস্নেল একাদেমী ওফ মেদিকেল সাইন্সেস (এন.এ.এম.এস.)কী ৬২শুবা ফাউন্দেসন দেগী থৌরমদা ৱা ঙাংখ্রে। এন.আই.তি.আই. আয়োগকী ভাইস চেয়রমেন, দাঃ রজিব কুমার, এন.এ.এম.এস.কী প্রসিদেন্ত দাঃ এস.কে. সরিন, এন.এ.এম.এস.কী ভাইস প্রসিদেন্ত দাঃ আর. দয়াল অমসুং এন.এ.এম.এস.কী এক্স-প্রসিদেন্ত দাঃ এস.সি. গোপালসু শরুক য়াখি।
এন.এ.এম.এস. মখোয়গী ৬২শুবা ফাউন্দেসন দেদা হরাওবা ফোংদোক্তুনা দাঃ মনসুখ মন্দাবিয়ানা থৌরম অসিদা লৈবাক শিনবা থুংবদগী মমিং লৈরবা ইন্সতিত্যুসন ২০গী মথক্তা শরুক য়াবগীদমক মহাক্না থাগৎপা ফোংদোকখি।
ভারতকী য়াইফ থৌরাংশিংদা একাদেমী অসিনা লৌরিবা থৌদাংশিংদা থাগৎপা ফোংক্লদুনা, দাঃ মন্দাবিয়ানা মরুওইবা পীখি মদুদি “লৈবাক অসিদা থবক তৌবিনবা অমসুং হৈ-শিংবা মীগী অৱাৎপা লৈতে। ঐখোয়না শুপ্নতগী লৈগদবা অসি ইশানা-ইশাবু থাজবা থম্বা অসিনি”। মহাক্না তিল্লিবা মীয়াম্দা ইশাগী ওইবা ইরমদমগী রিসর্স মাংলোম পুরক্নবগীদমক ইশানা-ইশাবু থাজবা থমগদবনি হায়না পুক্নিং থৌগৎখি। “হৌজিক মতমদা তঙাইফদনা চংলিবা অসি ঐখোয়না মতমগা চুনরবা হিদাক লাকথকশিং শিজিন্নবগা লোয়ননা ঐখোয়গী ইশাগী ওইবা ইরমদমগী সিস্তেম হায়বদি আয়ুর্বেদা, য়োগা অসিগুম্বগা পুন্না চৎমিন্নবা মথৌ তাই। রিসর্স অমসুং ইনোভেসন্দা হেন্না মরুওইবা পীগদবনি” হায়না মহাক্না হায়খি।
কোবিদ লায়চৎ মনুংদা হন্দক্তা উখিবা ভারতকী হেলথকেয়রগী খুদোংচাবশিংগী খুমাং চাউশিনবদা ৱা ঙাংদুনা মন্ত্রী হায়খি মদুদি, “ঐখোয়না কোবিদ-১৯ ভেক্সিন খক্তা শেগৎতে অদুবু য়াম্না তেল্লবা মতমদা মদুবু মেনুফেকচর তৌখি অমসুং মপাল লমদসু থাদোকখি। ভারতকী কোবিদ মেনেজমেন্ত স্ত্রাতেজীদা তুংগা আসা য়াম্না উখি অদুবু ঐখোয়না লায়চৎ অসিবু নিংথিনা শেন্নবা ঙমখিদ্রবসু ঐখোয়না মালেমগী ওইনা খ্বায়দগী ঙম্বা থাক্তা হোৎনখি”।
দাঃ মন্দাবিয়ানা একাদেমী অমসুং রিসর্সরশিংবু রিসর্স অমসুং ইনোভেসন্দা লনাইগী সেক্তরশিংগা লোয়ননা চৎমিন্ননবা পুক্নিং থৌগৎখি। মহাক্না ভারতকী হেলথ সেক্তরদা হেন্না ফগৎনবগীদমক মীয়াম্না পীরকপা অনিং অপাম্বশিংবু তরাম্না ওকখি।
কেন্দ্রগী হেলথ মন্ত্রীনা “জর্নী ওফ এন.এ.এম.এস.” হায়বা লাইরিক অসি ফোংখি অমসুং মীতিন অসিদা শরুক য়ারিবা একাদেমিক্সকী প্রসিদেন্তশিং অমসুং এসোসিএসনশিংবু থাগৎপা ফোংদোকখি।
****