কেন্দ্রগী এগ্রীকলচর মন্ত্রী, শ্রী নরেন্দ্র সিংহ তোমারনা ঙসি নই দিল্লীগী এন.এ.এস.সি. কমপ্লেক্সতা এগ্রীকলচর ফোর খারিফ কেম্পেন ২০২২-২৩দা নেস্নেল কনফরেন্স হৌদোকখ্রে। মন্ত্রীনা অপেনবা ফোংদোকখি মদুদি ২শুবা এদভান্স এস্তিমেৎ (২০২১-২২)গী মতুং ইন্না, লৈবাক অসিদা পুথোক্লিবা চান-থক্নবগী অপুনবা অসি লাখ তোন ৩১৬০ হায়না পারি, হায়রিবা অসিনা মতম পুম্বগী রেকোর্দ ওইরগনি। অহুমশুবা এদভান্স এস্তিমেৎকী মতুং ইন্না, ২০২০-২১গী মনুংদা হোর্তিকলচরনা পুথোক্লিবা পোত্থোক অসি লাখ তোন ৩৩১০.৫নি হায়রিবা অসি ভারতকী হোর্তিকলচরগী খ্বায়দগী ৱাংনা পুথোকপনি। মন্ত্রীনা হায়খি মদুদি কেন্দ্র অমসুং রাজ্যশিং পুন্না হোৎনমিন্নদুনা লৌমীশিংগী পৈশা চংবা হন্থহন্নবা পেস্তিসাইদশিং অমসুং মরুশিং শোইদনা ফংহনগনি। মহাক্না কন্না তকশিনখি মদুদি য়ুরিয়াগী মহুৎতা নানো-য়ুরিয়া শিন্নবা লালোং অমা লৈহনগদবনি। মহাক্না লাওথোকখি মদুদি সরকার অসিনা মহৌশাগী অমসুং ওর্গানিক ফার্মিংদা মরুওইবা পীরগনি। মপাল লমদা থাদোকপগী মতাংদা মন্ত্রীনা হায়খি মদুদি মপাল লমদা এগ্রীকলচরগী পোৎলম থাদোকপা হেনগৎলকপনা, অফবা মখলগী পোত্থোক্তা পুক্নিং চংদুনা মালেমগী ওইবা কৈথেলদা চাংদম্নবা ঙমহনগদবনি। এক্সপোর্তরশিং অমসুং ফার্মরশিং অনিমক কান্নবা ফংহনহদবনি।  

কনফরেন্স অসিগী পান্দম অসি মহৈ-মরোং পান্থাগী মমাংদা মহৈ-মরোংগী উৎথোরক্লিবশিং য়েংশিন্নবা অমসুং রাজ্য সরকারশিংগা তান্নদুনা খারিফ পান্থা মনুংগী মহৈ-মরোং খায়না পান্দমশিং থম্নবা, হায়রিবা অসিনা মহৈ-মরোং পুথোকপা হেনগৎহন্নবা মিৎয়েংগা লোয়ননা অনৌবা তেক্নোলোজীগী মরুওইবা পীনবগীদমক থম্বনি। সরকারনা পায়খৎনবা থম্লিবা মরুওইবা থবকশিং অসি ফৌ অমসুং গেহুগুম্বা হেন্না মরুওইবা পোলমশিংদগী এগ্রো-ইকোলোজিকেলদা য়ুম্ফম ওইবা অতৈ মহৈ-মরোংগী থৌরাং তৌবা অসিনি। সরকারনা থাওমরু অমসুং হৱাই অমসুং ওইল পাল্ম পুখৎতুনা মরোমদোম ওইনা মতিক চানা লৈনবগী মিয়েংগা লোয়ননা ক্রোপ দাইবর্সিফিকেসন্দা য়াম্না হেন্না লুম্না লৌবা অসিনি। লৈবাক অসিদা ক্রোপ দাইবর্সিফিকেসন প্রগ্রামগী নেস্নেল পোলিসী ফ্রেম ৱার্ক লোইশিন্নবা মরু ওইবা রাজ্যশিং, রিসর্সরশিং, ইন্দস্ত্রীশিং অমসুং পোলিসী শেম্লিবশিংগী স্তেকহোল্দরশিং পুম্বগা লোয়ননা তান্নদুনা পাংথোক্লি। রাজ্য পুম্বনা পোৎলমশিং পুত্থদুনা লৈরিবা অসিদা এগ্রীকলচরবু লেঙদবা থাক অমদা থম্নবা, শেন্দোং লৈনবা অমসুং মরোমদোম মতিক চানা কোন্ননবা ক্রোপ দাইবর্সিফিকেসন্দা পুন্না হোৎনমিন্নগদবনি।  

কনফরেন্স অসিনা অপুনবা চান-থক্নবগী মরু-মরাং অসি হৌজিক চৎলিবা চহি অসিদা লাখ তোন ৩১৬০ পোত্থোক পুথোকপদগী ২০২২-২৩গী চহিদা লাখ তোন ৩২৮০ পুথোক্নবা পান্দম থম্লি। হৱাইগী পোত্থোক অমসুং হৱাইগী পান্দম অসি ২০২২-২৩দা লাখ তোন ২৯৫.৫ অমসুং ৪১৩.৪দা থমখ্রে। ন্যুত্রি-সেরিয়েলগী পোত্থোক অসি২০২১-২২দা ১১৫.৩ ওইবদগী ২০২২-২৩দা তোন লাখ ২০৫.০দা হেনগৎহনগনি। লালোং অসি ঐচ.ৱাই.ভি.শিং হৌদোকপা অমসুং পোত্থোক য়াম্না থোক্তবা মফমদা চান্নবা এগ্রোনোমিক্কী থৌওংশিং চৎথবগী খুত্থাংদা ইন্তর-ক্রোপিং অমসুং ক্রোপ দাইবর্সিফিকেসন অমসুং  পোত্থোক হেনগৎহনবগী খুত্থাংদা মফমশিং হেনগৎহনগদবনি।  

সেক্রেতরী (এগ্রীকলচর অমসুং ফার্মরস ৱেলফিয়র), শ্রী মনোজ অহুজানা হায়খি মদুদি লৈবাক অসিনা ২০১৫-১৬দগী চান-থক্নবা মরু-মরাং পুথোকপা হেনগৎনবা ত্রেন্দ অমা থমদুনা লাক্লি। হৌখিবা চহি ৬ অসিদা অপুনবা চান-থক্নবা মরু-মরাং অসি তোন মিল্লিয়ন ২৫১.৫৪দগী ৩১৬.০১দাওইদুনা ২৬% হেনগৎখি। থাওমরুশু হায়রিবা ত্রেন্দ অসিদা লৈরি অমসুং ২০১৫-১৬দা তোন মিল্লিয়ন ২৫.২৫দগী ২০২১-২২দা তোন মিল্লিয়ন ৩৭.১৫দা লৈদুনা ৪২% হেনগৎপা উখি। ভারতকী এগ্রীকলচরগী পোত্থোক অসি ২০২১-২২গী মনুংদা ১৯.৯২% হেনগৎতুনা দোলর বিল্লিয়ন ৫০.২১ য়ৌখি। পোৎলমশিং হায়বদি গেহু, অতৈ সেরিয়েলশিং, চেং (বাসমতিগী মথক্তা), সোয়া মিল, লশিং, অতেকপা মনা-মশিং অমসুং লিদুনা থম্বা মনা-মশিং অসিনচিংবা অসি হেন্না ফবগী রেজিস্তর তৌখি।

মহাক্না হায়খি, “ঐখোয়না খুঙ্গংগী মফমশিংদা ফুদ অমসুং ন্যুত্রিস্নেল সেক্যুরিতী লৈনবা এগ্রীকলচর অমসুং হোর্তিকলচর সেক্তরদা পোত্থোক হেনগৎনবা হোৎনগদবনি। সরকারনা লৌমীশিংগী ইনকম হেনগৎনবা মিৎয়েংদা চাউখৎ থৌরাংগী প্রোগ্রামশিং, স্কীমশিং, রিফোর্মশিং অমসুং পোলিসীশিং পায়খৎলি। লুপা করোর ৩৮১.৯৫কী শেনফমগা লোয়ননা থাওমরু পুম্নমক্কী চহি ৩গী সীদ রোলিং প্লান (২০২১-২২দগী ২০২৩-২৪ফাওবা)গী এক্সন প্লান্না লাক্লিবা চহি ৩দা অনৌবা ঐচ.ৱাই.ভি.শিংগী অফবা মরু অপুনবা ক্বিন্তল লাখ ১৪.৭ অমা পুথোক্লগনি।

খারিফ পান্থাদা মহৈ-মরোং মেনেজমেন্তগী লালোংদা মরীক চুম্বা প্রজেন্তেসন পীদুনা এগ্রীকলচর কম্মিস্নর, দাঃ এ.কে. সিংহনা হায়খি মদুদি লৈবাক অসিনা মরু-মরাং, থাওমরুশিং অমসুং হোর্তিকলচরগী পোত্থোকশিং মতমগী মতুং ইন্না রেকোর্দ তৌরি। হৌজিক্তি, থাওমরুশিং, হৱাই অমসুং ন্যুত্রিয়া-সেরিয়েলশিংদা অখন্নবা মিৎয়েং থম্লে। নোংজুথা মতুং, নোং-চুবা অসি মহৌশাদগী হেল্লি অমসুং চাওরাক্না হেক্তর লাখ ৫৫.৭৬ অমদি কালেন্দা লৌ উরি। সরকারগী পোলিসী মতুং ইন্না ফৌ থাবগী মফম হন্থরক্লি লোয়ননা থাওমরু অমসুং হৱাই থাবা হেনগৎলক্লি। (মরীক চুম্বা প্রজেন্তেসনগীদমক্তা মফম অসিদা ক্লিক তৌবিয়ু)

সেক্রেতরী (ফর্তিলাইজর)না লাক্লিবা পান্থাগী হার য়েন্নবগী লৈরিবা ফিভমদা লুম্না লৌখি। ন্যুত্রি-সেরিয়েলশিং পুথোকপা হেনগৎনবগীদমক লৌখৎপা অনৌবা খোঙথাংশিং অমসুং ২০২৩দা ইন্তর্নেস্নেল ইয়ার ওফ মিলেতস পাংথোক্নবা মরীকচুম্বা প্রজেন্তেসন উৎখি। আর.কে.ভি.ৱাই.গী মখাদা চংশিল্লিবা কেফেতরিয়াগী খোঙজং অমসুং রাজ্যশিংগী কান্ননবগীদমক্তা ফার্ম মেকানিজমগী সব-স্কীমশিং শিয়র তৌখি। দিজিতেল এগ্রীকলচর, পি.এম.-কিশান অমসুং নেচুরেল ফার্মিংদা প্রজেন্তেসনসু পীখি।

দি.এ.অমসুং এফ.দবল্যু., আই.সি.এ.আর.দগী এদ্দিস্নেল সেক্রেতরী অমসুং মকোক থংবা ওফিসরশিং অমসুং রাজ্য সরকারশিংগী ওফিসরশিংনা নেস্নেল কনফরেন্স অসিদা শরুক য়াখি। গুজরাত, অসাম, কর্নাতকা, মধ্য প্রদেশ অমসুং উত্তর প্রদেশ রাজ্যশিংনা মখোয়গী চংশিল্লিবা থবকশিং শিয়র তৌখি। মসিগী মতুংদা এগ্রীকলচর প্রদক্সন কম্মিস্নরশিং অমসুং রাজ্যশিংদগী প্রিন্সিপাল সেক্রেতরীশিং পুম্বগা খারিফ পান্থা মনুংদা মখোয়-মখোয়গী রাজ্যশিংদা মফম হেনগৎনবা, পোত্থোক হেনগৎনবগী ইসুগী মরমদা ইন্তরেক্সন সেসন অমা লৌখি।

******