ہندوستان کی قومی تحقیقاتی ایجنسی نے دہشت گردی کے معاملات کی چھان بین میں تجربات کے اشتراک سے متعلق کولمبو سیکورٹی کانکلیو کی غیر روایتی کانفرنس کا انعقاد 19 اپریل 2022 کو کیا۔ اس غیر روایتی کانفرنس میں ہندوستان، مالدیپ، ماریشس، سری لنکا اور بنگلہ دیش کے پینلسٹوں اور شرکاء نے شرکت کی۔

یہ کانفرنس ان مصروفیت کی سرگرمیوں میں سے ایک تھی جن کی نشاندہی کولمبو سیکیورٹی کانکلیو کے 23-2022 کے لئے تعاون اور سرگرمیوں کے روڈ میپ میں کی گئی تھی جس سے رکن ممالک نے 9-10 مارچ 2022 کو مالدیپ میں ہونے والی 5ویں این ایس اے سطح کی میٹنگ میں اتفاق کیا تھا۔

شرکاء نے اپنے اپنے ممالک میں دہشت گردی سے متعلق مختلف درپیش آزمائشوں پر تبادلہ خیال کیا۔ اور دہشت گردی کے معاملات کی کارروائی، غیر ملکی جنگجوؤں سے نمٹنے اور انٹرنیٹ اور سوشل میڈیا کے غلط استعمال کا مقابلہ کرنے کی حکمت عملی کے بارے میں تجربات کا تبادلہ کیا۔ پینلسٹوں نے دہشت گردی اور بنیاد پرستی سے متعلق معاملات کی موثر چھان بین اور کارروائی کے لئےکولمبو سیکورٹی کانکلیو کے رکن اور مبصر ممالک کے درمیان قریبی تعاون اور ہم آہنگی کی ضرورت پر زور دیا۔

شرکاء نے ان مخصوص شعبوں کی نشاندہی کرنے پر اتفاق کیا جن میں کولمبو سیکورٹی کانکلیو کے تحت دہشت گردی اور بنیاد پرستی کے خلاف تعاون کو آگے بڑھانا ہے۔

***

ش ح۔ع س۔ ک ا