ঙসি আয়ুশ মন্ত্রালয় অমসুং গুজরাত সরকারনা ভারত্তা লৈরিবা ত্রেদিস্নেল মেদিসিনগী লমদা মরু ওইবা দিবেলপমেন্ত অনি – দবল্যু.ঐচ.ও. গ্লোবেল সেন্তর ফোর ত্রেদিস্নেল মেদিসিন (জি.সি.তি.এম.)গী গ্রাউন্দব্রেকিং ইভেন্ত অমসুং গ্লোবেল আয়ুশ ইনভেস্তমেন্ত এন্দ ইন্নোবেসন সম্মিত (জি.এ.আই.আই.এস.) পাঙথোকপগী মতাংদা খন্ননবা কর্তেন রেজর প্রেস কনফরেন্স অমা শীনখ্রে। থৌরম অনিমক গুজরাত্তা পাঙথোক্কনি অমসুং ইকাই কুম্নরবা প্রধান মন্ত্রী শ্রী নরেন্দ্র মোদী, মোরিসিয়সকী প্রধান মন্ত্রী, শ্রী প্রবিন্দ জুগনোথ অমসুং দবল্যু.ঐচ.ও.গী দিরেক্তর-জেনরেল, দা. তেদ্রোস ঘেব্রেয়েসসনা শরুক য়াগদুনা চীং-লেম্না পাঙথোক্কনি। থৌরম অনিমক্তা এম্বেসেদর কয়ামরুমনা শরুক য়াগনি।

মালেমদা মখল অসিদা অহানবা ওইরিবা, দবল্যু.ঐচ.ও. গ্লোবেল সেন্তর ফোর ত্রেদিস্নেল মেদিসিন অসি জামনাগরদা এপ্রিল ১৯, ২০২২দা শঙ্গাগনি। সেন্তর অসিনা তেক্নোলোজীগী ওইবা এদভান্সমেন্তশিং অমসুং ইভিদেন্স-বেজ রিসর্চকা লোয়ননা মসিবু ইন্তিগ্রেৎ তৌদুনা ত্রেদিস্নেল মেদিসিনগী মতিক-ময়াই অসি চেনেল তৌনবগী পান্দম জামনগরনা বেজ ওইনা মথৌ তৌদুনা অনৌবা সেন্তর অসিনা মালেমগীদমক থবক তৌনবা অমসুং কান্নবা পীনবা পান্দম থম্মি। জি.সি.তি.এম.না গ্লোবেল হেল্থতা ত্রেদিস্নেল মেদিসিন্না শরুক তমলিবা অসি হনগৎহন্ননবা মপুং ওইবা মরু ওইবা লম মরিদা মীৎয়েং থম্মি; ইভিদেন্স অমসুং লর্নিং, দেতা অমসুং এনলাইতিক্স; সস্তেনেবিলিতী অমসুং ইক্বিতী; অমসুং ইন্নোবেসন অমসুং তেক্নোলোজী।

গ্লোবেল আয়ুশ ইনভেস্তমেন্ত এন্দ ইন্নোবেসন সম্মিত অসি গান্ধীনগরদা এপ্রিল ২০দগী এপ্রিল ২২ ফাওবা পাঙথোক্কনি। সম্মিত অসিনা ত্রেদিস্নেল মেদিসিনগী লমদা ইনভেস্তমেন্তশিং হেনগৎহন্নবা অমসুং ইন্নোবেসনশিং উৎনবা পান্দম থম্মি। মসি মতম শাংনা চৎকদবা পার্তনরশিপশিং থৌগৎনবা, এক্সপোর্তশিংদা শাহৌ পীনবা অমসুং সস্তেনেবল ইকোসিস্তেম য়োকখৎণবা অখন্নবা থৌরাং অমনি।

পাঙথোক্কদৌরিবা থৌরমশিং অসিগী মতাংদা আয়ুশকী কেন্দ্রগী মন্ত্রী, শ্রী সর্বানন্দ সোনোৱালনা হায়খি, “থৌরম অনিমক অসিনা ভারতকী আয়ুশকী ইন্দস্ত্রীগী মাইলস্তন অমা ওইরগনি। গ্লোবেল আয়ুশ ইনভেস্তমেন্ত এন্দ ইন্নোবেসন সম্মিত অসিনা ভারতকীদমক আয়ুর্বেদিক অমসুং হর্বেল প্রদক্তশিংগীদমক গ্লোবেল মার্কেৎ অমা শেমগৎনবা খুদোংচাবা অমা পীরগনি। ঐখোয়না গোল্দন ইরা অমগী থোংজিলদা লেপ্পি, মসিদা ভারতনা ঐখোয়গী ত্রেনিস্নেলগী লৌশিং অসি কেপিতেলাইজ তৌদুনা অমসুং মসিবু মালেমগী শেবা তৌবদা শীজিন্নবা য়ারগনি।” মহাক্না মখা তারদুনা হায়খি, “গ্লোবেল সেন্তর ফোর ত্রেদিস্নেল মেদিসিন অসিনা দবল্যু.ঐচ.ও. অমসুং ভারতনা গ্লোবেল হেল্থকীদমক শীংথানীংঙাই ওইবা ফিরেপ অদু তাক্লি। এদভান্স তেক্নোলোজী অমসুং অরিবা লৌশিংগী অহৌবদা লেপ্লিবা অসিদা ঐখোয়গী মাংদা লৈরিবা অমত্তা ঙাইরবা লম্বেল অসি চাউখৎপনি”।

রাজকোত্তা পাংথোকপা প্রেস কনফরেন্সতা আয়ুশকী কেন্দ্রগী মন্ত্রী, শ্রী সর্বানন্দা সোনোৱল; আয়ুশকী কেন্দ্রগী রাজ্য মন্ত্রী দা. শ্রী মুঞ্জপরা মহেন্দ্রভাই কালুভাই; অমসুং আয়ুশ মন্ত্রালয়গী সেক্রেতরী, শ্রী বাইদ্য রাজেশ কোতেচানচিংবা মমিং লৈরবা মীথুংলেনশিংনা ত্রেদিস্নেল মেদিসিনগী দবল্যু.ঐচ.ও. গ্লোবেল সেন্তর অমসুং গ্লোবেল আয়ুশ ইনোবেসন এন্দ ইনবেস্তমেন্ত সম্মিৎ (জি.এ.আই.আই.এস.) মশক তাকখি। মখোয়না আয়ুশ মন্ত্রালয় অমসুং দবল্যু.ঐচ.ও.গী মরক্তা লৈরিবা পার্নরশীপ অসিগী মরুওইবা মচাকশিংগী মতাংদা খন্নখি অমসুং কোবিদ মতুংগী মালেমদা ত্রেদিস্নেল মেদিসিনগী লমদা ইবেস্তমেন্ত অমসুং ইনোবেসনশিংগী মরুওইবা অদুগী মতাংদা ফোঙদোকখি। কনফরেন্স অসিদা গুজরাত সরকারগী হকশেল ভিভাগকী এদিস্নেল চীফ সেক্রেতরী শ্রী মনোজ অগ্রৱালসু শরুক য়াখি।

জি.সি.তি.এম.না ত্রেদিস্নেল মেদিসিনগী পোত্থোকশিংদা পোলিসীশিং অমসুং স্তেন্দর্দ শেম্নবা হোৎনরি অমসুং লৈবাক অসিনা অপুনবা, শাফরবা অমসুং অৱাংবা ক্বালিতীগী হেল্থ সিস্তেম অমা শেম্বদা মতেং পাংলি। গ্লোবেল আয়ুশ ইবেস্তমেন্ত অমসুং ইনোবেসন সম্মিৎ অসি ত্রেসিস্নেল ওইবা পোত্থোকশিং, লায়েং পথাপশিং অমসুং মরী লৈনবা লমশিংদা গ্লোবেল হব অমা ওইনবা ভারতনা হোৎনরিবশিং অসিগী লালোং য়াৎনবা অনৌবা খোঙথাং অমনি।

****