কেন্দ্রগী ফাইনান্স অমসুং কোর্পোরেত এফিয়র্সকী মন্ত্রী, শ্রীমতি নির্মলা সিতারামন্না ২০২২গী এপ্রিল ১৮দগী হৌরগা ওফিসিয়েল ওইবা খোংচৎ অমগীদমক্তা য়ু.এস.এ.দা চৎলগনি। মহাক্কী খোংচৎ অসিগ মনুংদা, শ্রীমতি নির্মলা সিতারামন্না ইন্তর্নেস্নেল মোনিতরী ফন্দ (আই.এম.এফ.) অমসুং ৱার্লদ বেঙ্ককী স্প্রিং মীতিংশিং, জি.২০ ফাইনান্স মন্ত্রীশিং অমসুং সেন্ত্রেল বেঙ্ক গোবর্নর মীতিং (এফ.এম.সি.বি.জি.) মীতিংশিংদা শরুক য়ারগনি।

ফাইনান্স মন্ত্রীনা ইন্দোনেসিয়া, সাউথ কোরিয়া, স্রি লঙ্কা অমসুং সাউথ অফ্রিকা য়াওনা লৈবাক কয়া অমগা লোইননা বাইলেতরেল মীতিং অমদা শরুক য়ারগনি।

ফাইনান্স মন্ত্রীনা সেমিকন্দক্তর, ইনর্জী অমসুং ভারত সরকারগীদমক্তা য়াম্না মরু ওইবা অতোপ্পা সেক্তরশিংদগ সি.ই.ও.শিংগা লোইননা ৱান-ওন-ৱান মীতিংসু পাংথোক্লগনি।

অৱাংবা থাক্কী মীফম অমদা, ফাইনান্স মন্ত্রীনা ৱার্লদ বেঙ্ককী প্রেসিদেন্ত শ্রী দেবিদ মালপাসগসু উনরগনি।

মহাক্কী খোংচৎ অসিগী মনুংদা, শ্রীমতি নির্মলা সিতারামন্না আই.এম.এফ.কী মেনেজিং দাইরেক্তরনা হোস্ত তৌবা “মনী এত এ ক্রোসরোদ”কী মতাংদা অৱাংবা থাক্কী পেনেল দিসকসন অমদা শরুক য়ারগনি।

ৱার্লদ বেঙ্ক, আই.এম.এফ.,জি.-২০ অমসুং ফাইনান্সিয়েল এক্সন তাস্ক ফোর্সকা লোইননা ওফিসিয়েল ওইবা মীফমদা শরুক য়াবদা নত্তনা ফাইনান্স মন্ত্রী অসিনা ৱাশিংতন দি.সি.দা লৈবা মমিং লৈরবা থিঙ্ক তেঙ্ক, এত্লান্তিক কাউন্সিলদা থৌরম অমা শরুক য়ারগনি অমসুং স্তেন্দফোর্দ য়ুনিভর্সিতীদা ফেকল্তী অমসুং মহেরোইশিংগা ৱারী-ৱাতাইসু শানরগনি।

****