পেন্সনরশিং অমসুং সুপরএনুএতেদ এল্দর সিতিজনশিংগী খুদোংচানবশিংগীদমক সিঙ্গল ৱিন্দো পোর্তেল হাংদোক্নবা ঙসি সাইন্ত অমসিং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোনেল, পব্লিক গ্রিভান্সেস, পেন্সেন্স, এতোমিক ইনর্জী অমসুং স্পেস, দা. জিতেন্দ্র সিংনা লাওথোকখি৷ পোর্তেল অসিনা পেন্সনরশিং অমদি লৈবাক অসিদা লৈরিবা মখোয়গী এসোসিয়েসনশিংগসু লেপ্প-লৈতনা পাউ ফাওনহনবা ঙম্লগনি অমদি নিংথিনা রেস্পোন্স পীবা ঙম্নবগীদমক চাং নাইনা মখোয়গী ইনপ্যুতশিং, সজেসনশিং অমদি মখোয়না মাইয়োক্নরিবা খুদোংচাদবশিং অদুসু ফংলগনি হায়না মহাক্না ফোংদোকখি৷

রিভ্যু এন্দ রেসনেলাইজেসন ওফ পেন্সন রুল্স হায়বদি (সি.সি.এস.) (পেন্সন) রুল্স, ২০২১গীদমক স্তেন্দিং কম্মিতী ওফ ভোলুন্তিয়র এজেন্সীস (এস.সি.ও.ভি.এ.)কী ৩২শুবা মীফমদা ৱা ঙাংলদুনা, দা. জিতেন্দ্র সিংহনা হায়খি মদুদি প্রধান মন্ত্রী নরেন্দ্র মোদীগী লুচিং মখাদা, প্রজাগী “হিংবগী পুন্সি লাইথোকহনবা” ঙম্নবগীদমক পেন্সন রুলশিংদা ২০১৪দগী হৌরগা অওনবা অহোংবা কয়া অমা পুরকখি৷

কম্মন পেন্সন পোর্তেলগী পান্দম অসি সিঙ্গল ৱিন্দো দিজিতেল মেকানিজম অমা শেমগৎনবনি, মসিদা পেন্সনরশিংনা মখোয়গী খুদোংচাদবা কয়া পুখৎলকপা য়াগনি অমদি তোঙান তোঙানবা ওথোরিতীশিংদা মশানা উন্নবগী থবক তৌদনা প্রোব্লেমশিং সম্তাইনবা  য়াগনি হায়না দা. জিতেন্দ্র সিংনা হায়খি৷  পেন্সন থাদোকপা, সে়ঙ্কসন নত্রগা পেন্সন দ্যুশিং পীথোকপনচিংবা য়াওনা মসিগী থবকশিং অসিদা মন্ত্রালয় পুম্নমক্কী থৌদাং মথৌ তাই, মসি পুম্নমক মসিগী সিস্তেম অসিগা লিঙ্ক তৌনগনি অমদি পেন্সনরশিংগী খুদোংচাদবা লাকপা মতমদা মরী লৈনবা মন্ত্রালয়দা পুখৎপা য়াগনি হায়না মহাক্না হায়খি৷পেন্সনরশিং অমদি নোদেল ওফিসরনা সিস্তেম অসিদা দিস্পোজেল তৌদ্রিমখৈ গ্রিভেন্সকী স্তেতস অদু ওনলাইনদা য়েংবা য়াগনি৷

স্কোবা অসি স্তেকহোল্দরশিং হায়বদি পেন্সনরশিংনা মখোয়গী এসোসিয়েসনশিং অমদি মরী লৈনবা মন্ত্রালয়শিং/দিপার্তমেন্তশিংগা তাথোক-তাশিন তৌনবগী কান্নবা প্লেতফোর্ম অমনি৷ মসিনা এসোসিয়েসনশিংদা মরী লৈনবা মন্ত্রালয়শিং/দিপার্তমেন্তশিংগী মমাংদা পেন্সনরশিংগী য়াইফনবগীদমক মখোয়গী ইসুশিং অদু দাইরেক্লী পুখৎলকপা য়াবগী খুদোংচাবা অমা পীরি৷ জম্মু, জয়পুর, তামিল নাদু, কর্নাতকা, চান্দিগর অমসুং লৈবাক অসিগী অতোপ্পা শরুকশিংদগী পেন্সনর এসোসিয়েসনশিংনা মীফম অসিদা শরুক য়াখি৷

ঙসিগী মীফম অদুদা, সি.জি.ঐচ.এস. ৱেলনেস সেন্তরশিংদা দোক্তরগী অৱাৎপা লৈরিবা, পেন্সনরশিং চাং-নাইনা হকথেল চেক-অপ তৌবা, জম্মুদা লৈরিবা ৱেলনেস সেন্তরদা মরী লৈনবা ইসু কয়ামরোম, লাইফ তাইম এরিয়রশিংগীদমক পেন্সনরশিংগী নোমিনেসন, পেন্সন এদালত অমসুং খন্দোক্লা পেন্সনর্স এসোসিয়েসনশিংদা গ্রান্দ-ইন-এইদ অমসুং লেপতোপ পীথবগা মরী লৈনবা ইসুশিংগী মতাংদা খন্ন-নৈনখি৷

ঐখোয়না থবক্তগী পোত্থাখ্রবা এমপ্লোইয়ীশিংগী লৌশিং, এক্সপরিয়েন্স অমসুং ইফর্তশিং অদু নিংথিনা শিজিন্নবগী তঙাই ফদবা লৈরি অমদি মসিনা দিপার্তমেন্ত ওফ পেন্সন অমসুং পেন্সনর্স ৱেলফেয়রদা ভেল্যু হাপচিনবদা মতেং পাংগনি হায়না দা. জিতেন্দ্র সিংহনা হায়খি৷

২০২০গী নবেম্বর থাদা পোস্তমেনগী খুৎথাংদা দিজিতেল লাইফ সর্তিফিকেৎ (দি.এল.সি.) পীশিন্নবগীদমক দোরস্তেপ সর্ভিস হেক হৌদোকখিবদগী, ইন্দিয়া পোস্ত পেমেন্তস বেঙ্ক (আই.পি.পি.বি.)কী খুৎথাংদা লাইফ সর্তিফিকেৎ ৩,০৮,৬২৫ হেন্না পীশিনখ্রে হায়না দা. জিতেন্দ্রনা ফোংদোকখি৷ জীবন প্রমান পোর্তেলগী খুৎথাংদা লাইফ সর্তিফিকেৎ ওনলাইনদা পীশিনবগী খুদোংচাবা অসিদি প্রধান মন্ত্রীনা ২০১৪গী নবেম্বর থাদা হৌদোকখিবনি, মসিনা  পেন্সনরশিংদা লাইফ সর্তিফিকেৎ পীশিন্নবগীদমক হেন্না খুদোংচাবা অমসুং ত্রান্সপরেন্ত ওইবা খুদগোংচাবা অমা ফংহন্নবগী পান্দম থম্লি৷ লাইফ সর্তিফিকেৎশিং খোমজিন্নবগী দোরস্তেপ বেঙ্কিং অসি পব্লিক সেক্তর বেঙ্কশিংনা শহর ১০০দা থমখ্রে অমদি বেঙ্কিং এজেন্তশিংগী খুৎথাংদা পীখিবা লাইফ সর্তিফিকেৎশিংগী মশিং অসি ৪২৫৩নি হায়নসু মহাক্না মখাতাখি৷

লাইফ সর্তিফিকেৎ পীশিন্নবগীদমক এন্দ্রোইদ ফোন শিজিন্নদুনা ফেস ওথেন্তিকেসন তৌনবা তেক্নিক অসি ২৯.১১.২০২১দা হৌদোকখিবনি অমদি ঙসি ফাওবদা,  ফেস ওথেন্তিফিকেসন তৌদুনা লাইফ সর্তিফিকেৎ ২০,৫০০ হেন্না পীশিনখ্রে হায়না দা. জিতেন্দ্র সিংহনা হায়খি৷ মতৌ অসিগুম্না, ২০১৪দগী হৌরগা ঙসি ফওবদা, কেন্দ্র সরকারগী পেন্সনরশিংনা পীশিল্লকখিবা দি.এল.সি.শিংগী মশিং অসি ১,০৭,৭৫,৯৮০রোম্নি হায়না দা. জিতেন্দ্র সিংহনা হায়খি৷ ২০২১দা, ঙসি ফাওবদা,পীশিল্লকখিবা দি.এল.সি. অসি পুন্না ১৯,৮০,৯৭৭নি হায়না মহাক্না ফোংদোকখি৷

ইন্তিগ্রেতেদ ওনলাইন পেন্সন প্রোসেসিং সিস্তেম অমা ওইরিবা ‘ভাবিশ্য’ প্লেতফোর্ম অসি হৌজিক হৌজিক এতেচ ওফিস ৮১৩ য়াওনা মন্ত্রালয়শিং/দিপার্তমেন্ত ৯৬কী মেন সেক্রেতরিয়েৎতা মাই পাক্না চৎনরি হায়না দা. জিতেন্দ্র সিংহনা হায়খি৷ ঙসি ফাওবদা, কেস ১,৫০,০০০ হেন্না, হায়বদি ই-পি.পি.ও. ৮০,০০০ হেন্না য়াওরিবা পি.পি.ও. ইসু প্রোসেস তৌখ্রে৷ ই.পি.পি.ও.বু  দিজিলোক্করদা পুশ তৌনবা অনৌবা ফিচর অমগা লোইননা ভাবিশ্য ৮.০ অসি ২০২০গী ওগস্ত থাদা রিলিজ তৌখিবনি হায়নসু মন্ত্রীনা ফোংদোকখি৷ ভাবিশ্য অসি দিজিলোক্করগী দিজিলোক্কর আই.দি. বেজ পুশ তেক্নোলোজী শিজিন্নবা অহানবা এপ্লিকেসননি৷

হৌজিক হৌজিক লৈরিবা পোলিসীগী ৱাল মরিদা তাশিন্দুনা লৈরিবা কেন্দ্র সরকার পেন্সনরশিংগী ক্রোনিক গ্রিভান্সশিং অসি রিসোল্ব তৌনবা পেন্সন এদালতশিং পাইনবগী অখন্নবা এক্সপরিমেন্ত দিপার্তমেন্ত অসিনা ২০১৭তা হৌদোকখ্রে অমদি অহানবা পেন্সন এদালত অদু ২০.০৯.২০১৭তা পাংথোকখি হায়না মন্ত্রীনা হায়খি৷ হৌজিক ফাওবগী ওইনা, দিপার্তমেন্ত অসিনা পেন্সন এদালত পুন্না ৬ পাংথোকখ্রে৷ মথংগী পেন্সন এদালত অসি ০৫.০৫.২০২২দা পাংথোক্নবা মতম লেপ্লি৷

ওফিসিয়েল অমদি সোসিয়েল মেদিয়া চেনেলশিং শিজিন্নদুনা পেন্সনরশিংগী য়াইফ-থৌরাং অসিগীদমক ইনিসিয়েতিবশিং অসি পাক-শন্না শন্দোক্নবা দা. জিতেন্দ্র সিংহনা ওফিসিয়েলশিংদা খঙহনখি৷

মমাংগী পেন্সন রুলশিং অসি চহি ৫০গী মমাং ১৯৭২দা ফোংখিবনি হায়না দা. জিতেন্দ্র সিংহনা ফোংদোকখি৷ মতম অদুদগী হৌরগা, সি.সি.এস. (পেন্সন) রুল্স, ১৯৭২দা এমেন্দমেন্ত কয়া অমা পাংথোকখ্রে৷ অসিগুম্বা অহোংবশিং অমদি রুলশিং অসিগী তোঙান তোঙানবা প্রোবিজনশিংবু ক্লেরিফাই তৌরিবা ওফিস মিমোরেন্দা কয়া অমবু য়েংলগা, দিপার্তমেন্ত অসিনা রুলশিং অসি রিভাইস তৌখ্রে অমদি রুলশিং অসিগী  হায়বদি সিবিল সর্ভিসেস (সি.সি.এস.) (পেন্সন) রুল্স, ২০২১গী অপদেত বর্জন অমা পুরকখ্রে হায়না মহাক্না ফোংদোকখি৷

রিভাইস রুলশিং অসিনা পেন্সন, ইমুংগী পেন্সন নত্রগা গ্রেতুইতীগী শেনফমদা অহোংবা অমতা লাকহল্লোই হায়না দা. জিতেন্দ্র সিংহনা শেংদোকখি৷ অদুম ওইনমক, অনৌবা রুলশিং অসিনা অনৌবা পোলিসী কয়ামরোম পুরক্লি অমদি সেন্ত্রেল সিবিল সর্ভিসেস (পেন্সন) রুল্স, ১৯৭২দা ইমপ্রুবমেন্ত লাকহল্লি৷ অদুগা, অরিবা রুলশিংদা য়াওবা প্রোবিজন খরদি মতমগী মতুং ইন্না মরু ওইরক্তবদগী অনৌবা রুলশিংদগী লোৎশিনখ্রে হায়না মন্ত্রীনা মখাতাখি৷

দিপার্তমেন্ত ওফ পেন্সন অমসুং পেন্সনর্স ৱেলফেয়র, সেক্রেতরী শ্রী ভি. শ্রীনিবাসনসু দিপার্তমেন্ত অসিগী হন্দক্কী রিফোর্মশিং অমদি ইনিসিয়েতিবশিং অদুগী মতাংদা ৱা ঙাংখি৷

*******