প্রধান মন্ত্রী, শ্রী নরেন্দ্র মোদীগী লুচিং মখাদা সরকারনা মরোমদোম লেপচবা ঙম্বা ভারত অমা শেম্বা ঙম্নবগীদমক্তা ‘সবাক সাথ, সবকা বিকাস, সবকা বিশ্বাস, সবকা প্রয়াস’কী ৱাখল্লোন্দা খোঙফম চেৎনা লেপ্লি। লাইরবা অমসুং খুন্নাইগী মশিং য়ামদ্রবা মীওইশিংগী হীরম খুদিংদা য়াইফ য়ুম্বাল পুরক্নবগীদমক্তা তোঙানবা খোঙথাং অমসুং স্কিম কয়াগী খুত্থাংদা লৈবাক্কী নাগ্রিক খুদিংদা মখোয়গী তঙাই ফদবশিং পীনবা সরকারনা হোৎনরি। হোৎনরিবশিং অসি পীরামিদকী খ্বাইদগী মখাদা লৈবা খ্বাইদগী অরোইবা মীওই ফাওবদা কান্নবশিং ফংহন্নবা পান্দম থমদুননি। হৌখিবা চহি ৮ অসিদা, হায়রিবা পান্দম অসি ফংনবা হোৎনবগী থৌওংদা মশক থোকপা খুমাং চাউশিনখি। হান্নগুমা ওইখিদ্রিবা য়ুমগী মশিং ওইরো (পি.এম. অৱস য়োজনা), ঈশিং য়ৌহনবা ওইরো (জল জীবন মিসন), বেঙ্ক একাউন্ত হাংবা ওইরো (জন ধন), লৌমীশিংদা দাইরেক্ত বেনেফিত ত্রান্সফর তৌবা ওইরো (পি.এম. কিসান) নত্ত্রগা লেম্না গ্যাস কন্নেক্সন পীবা ওইরো (উজ্বালা), লাইরবশিংগী পুন্সি মহিংদা মশক থোকপা অহোংবা লাকপগী শক্তম উবা ফংখি।

সবকা বিকাস মহাক্বিজ সেরিজ হৌদোকখ্রে

ভারতনা নীংতম্বগী চহি ৭৫ মপুং ফাবগী আজাদী কা অমৃত মহোৎসব পাংথোক্লিঙৈ অসিদা সরকারনা মখোয়গী মীয়াম্বু শরুক য়াবা লৈঙাক অমসুং স্কিম অমসুং খোঙথাং য়ৌহনবগী থৌওংগা মরী লৈহন্নবা হোৎনবগী থৌওং কনখৎলক্লি। মীপুম খুদিংদা কান্নবা ফংহনবগী থৌওং অমা ওইনা, মাইগোবনা ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়গী মখাদা নাগ্রিকশিংদা এৱিয়র্নেস লৈহন্নবা পায়খৎপা খোঙথাংগী শরুক অমা ওইনা সবকা বিকাস মহাক্বিজকী পরিং অমা শীন-লাঙলি। ক্বিজ অসিনা শরুক য়ারিবা মীয়ামদা সরকারগী তোঙানবা স্কিম অমসুং খোঙথাংগী মতাংদা খঙহন্নবা অমসুং কান্নবশিং অসি মতৌ করম্না ফংগনি হায়বগী মতাংদা খঙহন্নবা পান্দম থম্লি। ক্বিজ অসিদা মীয়াম মশিং য়াম্না শরুক য়ারকপনা সরকারনা গ্রাসরুত লেবেলদা তৌরিবা থবকশিংগী মরা হেন্না চেৎশিলহনগনি। হীরম অসিগা মরী লৈননা, মাইগোবনা মীয়ামদা ক্বিজ অসিদা শরুক য়ানবা অমসুং মখোয়গী অনৌবা ভারতকী লৌশিংবু চেংয়েংনবা পাউজেল পীরি।

এপ্রিল ১৪, ২০২২দা ক্বিজ হৌদোকপা

ক্বিজ অসি ভারত রত্না দাঃ বাবাসাহেব ভিমরাও অম্বেদকরগী মপোক কুমওনদা এপ্রিল ১৪, ২০২২দা য়াম্না মতাং চানা হৌদোক্লি। বাবাসাহেব অম্বেদকর অসি খুন্নাইদা অচুম্বা ৱাইয়েল ফংহনবা অমসুং খুন্নাইবু মপাঙ্গল হাপ্পগী ফীদম্নীংঙাই ওইরবা মীওই অমনি, অমসুং সরকারনা লাইরবা, মশিং য়ামদবা মীওই অমসুং অৱাবা তাগনবা মীওইশিংবু তেংবাংদুনা মহাক্কী মতুং ইল্লি।

কেন্দ্রগী মন্ত্রী, শ্রী অশ্বিনি বৈশ্নৌনা হৌদোকপগী থৌরমদা ভারত মচা খুদিংনা মসিগী “বিকাস পর্ব” অসিদা শরুক য়াদুনা মীয়াম্বু শরুক য়াহনবগী খোঙথাংগী মপাঙ্গল হাপ্লসি হায়না ফোংদোকখি।

কেন্দ্রগী রাজ্য মন্ত্রী, শ্রী রজীব চন্দ্রসেখরনা সবকা বিকাস মহাক্বিজ অসিবু সরকারনা পায়খৎপা মীয়াম পুম্বা শরুক য়াহনবগী খ্বাইদগী চাউবা থোউওং অমনি হায়না ফোংদোকখি। “পি.এম. নরেন্দ্র মোদীজীগী সরকার অমসুং লৈঙাকপগী থৌওংনা কান্নবা ফংহনবা অমসুং অফবা শাফু পীবগী অনৌবা থাক অমা শেম্লে অমসুং সরকারগী খোঙথাং খুদিংদা সবকা সাথ, সবকা বিকাসকী ৱাখল্লোন হাপ্লে। খোঙথাংশিং অসিগী শাফু অমসুং মখোয়না য়ৌবা ঙম্বা, মরু ওইনা লাইরবশিংদা, অসিদি অনৌবা থৌওং অমনি অমসুং অহোংবা কয়া পুরকখি। মসিনা নাগ্রিকশিংদা কান্নবা পীবা হেনগৎলকপগা লোয়ননা, নাগ্রিক খুদিংনা মসিগী মরমদা খঙবা হায়বসি য়াম্না তঙাই ফদবনা ওইরক্লি”, হায়না মহাক্না মখা তাখি।

সরকার অসিনা লৈঙাকপগী থৌওংগী অনৌবা ৱাহন্থোক পীনবা লেপ্তনা হোৎনদুনা লাক্লি। সবকা বিকাস মহাক্বিজ অসি মীয়ামদা ই-পাউ খঙহনবগী খ্বাইদগী চাউবা খোংথাংনি অমসুং মসিনা মীয়ামদা ই-পাউ খঙনবা পুক্নিং থৌগৎলি।

খোঙথাং অসিবু হৌদোকপগী নুমিৎ অসি দাঃ বাবাসাহেব অম্বেদকরজীগে মপোক কুমওনা ওইরিবা এপ্রিল ১৪ নত্তনা হেন্না ফবা নুমিৎ লৈতে। মান্নবা থাক, অচুম্বা ৱায়েল অমসুং পুম্নমকপু মনুং চলহনবগী বাবাসাহেবকী ৱাখল্লোন অসিনা সরকারনা মীওই খুদিংদা কান্নবা ফংহন্নবা হোৎনরিবা অমসুং মখোয়গী অন্ত্যোদয়াগী ৱাখল্লোন অসিগী লমজিং মৈরা ওইবীরি হায়না চন্দ্রসেখরনা হায়খি।

পি.এম.জি.কে.এ.ৱাই.না ক্বিজ অসিগী অহানবা হীরম ওইগনি

খ্বাইদগী অহানবা ক্বিজনা কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রালয়গী মখাদা চলায়বা প্রধান মন্ত্রী গরীব কলয়ান অন্না য়োজনা (পি.এম.জি.কে.ৱাই.)দা ওইগনি। প্রধান মন্ত্রী গরীব কলয়ান অন্না য়োজনা (পি.এম.-জি.কে.এ.ৱাই.) অসি লাইরববু তেংবাংবা স্কিম অমনি অমসুং কোবিদ-১৯না ওইহনবা চৈথেংনা মরম ওইরগা লাইরবশিংনা থেংনবা অৱাবশিংবু হন্থহন্নবা হায়দুনা হৌদোকখিবনি। মসিগী খ্বাইদগী হকথেংনবা পান্দমদি লাইরবা মীওই অমত্তা চরা হেলহন্দবনি। স্কিম অসিগী মখাদা, নেস্নেল ফুদ সেক্যুরিতী এক্ত (এন.এফ.এস.এ.)গী বেনিফিশরী খুদিংদা থা খুদিংগী চেং-হৱাই কিলো ৫ পীখি। মসিদি এন.এফ.এস.এ. বেনিফিশরীশিংনা মমল তানা চেং হৱাই ফংলিবা অসিগী মথক্তনি।

পি.এম.জি.কে.এ.ৱাই. অসিদি লৈবাক্কী লাইরবশিংদা কোবিদনা পীবা চৈথেংগা মাইয়োক্নবা ঙম্নবা পায়খৎপা তোপ তোপ্পা স্কিম অমনি। মসিনা মরম ওইদুনা, স্কিম অসিগী মখাদা চেং হৱাই এম.তি. লাখ ১০০০ হেন্না হৌজিক ফাওবদা য়েন্থোকখ্রে। স্কিম অসিদা চঙখ্রে হায়না পানরিবা অপুনবা শেনফম অসিদি লুপা করোর লাখ ৩.৪নি। প্রধান মন্ত্রীনা অসুম্না হায়খিরবা অদুনি, “প্রধান মন্ত্রী গরীব কলয়ান অন্না য়োজনানা মীওই অমত্তনা চরা হেল্লগা তুমহন্দনবা কন্না হোৎনরি”।

স্কিম অসিনা লাইচৎ মনুংদা এক্সত্রীম পোবর্তীগী থাক নেমহন্দনবা হোৎনবদা মায় পাকখি অমসুং ইন্তর্নেস্নেল মনীতরী ফন্দ (আই.এম.এফ.)না শেম-শাবা ৱর্কিং পেপর অমদা স্কিম অসিবু য়াম্না থাগৎখি। “লাইচৎ মমাংগী চহি, ইং ২০১৯দা এক্সত্রীম পোবর্তীনা ০.৮% ফাওবদা খ্বাইদগী নেম্বা থাক্তা লৈখি, অমসুং চিঞ্জাক ফংহনবনা লাইচৎকী চহি, ইং ২০২০দসু মান্নবা থাক্তা অদুমক লৈহনখি”, পেপর অসিনা অসুম্না হায়খি।

ক্বিজকী অকুপ্পা মরোল

ক্বিজ অসি তোঙানবা লোল কয়াদা পাংথোক্কদৌরিবা সবকা বিকাস মহাক্বিজ পরিংগী শরুক অমনি। পি.এম.জি.কে.এ.ৱাই. ক্বিজ অসি এপ্রিল ১৪, ২০২২দা হৌদোকখিবনি অমসুং এপ্রিল ২৮, ২০২২গী নুমিদাংগী পুং ১১.৩০ (আই.এস.তি.) ফাওবা লাইব ওইগনি। মসিদি ৱাহং ২০ য়াওবা অমসুং সেকেন্দ ৩০০গী মনুংদা পাউখুম পীগদবা অকক্নবা মতমগী ক্বিজনি। ক্বিজ অসি লোল ১২ – ইংলিশ, হিন্দি, অসামীজ, বেঙ্গালী, গুজরাতী, কন্নর, মলায়লম, মরাথী, ওরিয়া, পঞ্জাবী, তমিল অমসুং তেলেগুদা ফংগনি। স্কোর খ্বাইদগী য়াম্না ফংবা মীওই খ্বাইদগী য়াম্লবদা ১০০০বু ক্বিজ অমমমগী মকোকথোংবা ওইনা খনগৎকনি অমসুং মীওই অমমমদা লুপা ২০০০গী মনা পীগনি।

ক্বিজ অসি মসিদা য়াওবা য়াগনিঃ http://mygov.in/mahaquiz

*********