প্রধান মন্ত্রী, শ্রী নরেন্দ্র মোদীনা লুচিংবা কেবিনেত কম্মিতী ওন ইকোনোমিক এফিয়র্সনা পঞ্চায়তী রাজ ইন্সতিত্যুসনশিংগী (পি.আর.আই.) লৈঙাকপা ঙম্বগী মতিক হেনগৎনবগীদমক্তা রাস্ত্রিয় গ্রাম স্বরাজ অভিয়ান (আর.জি.এস.এ.)গী কেন্দ্রনা স্পোন্সর তৌবা অনৌবা মওংদা শেমদোক্লবা স্কিম্বু ১/৪/২০২২দগী ৩১/৩/২০২৬  (১৫শুবা ফাইনান্স কম্মিসনগা মান্ননা) ফাওবা শাংদোকপগী অয়াবা পীখ্রে।

শেল-থুমগী মতাং:

কেন্দ্রনা লুপা করোর ৩৭০০ অমসুং রাজ্যনা লুপা করোর ২২১১ পুথোক্তুনা স্কিম অসিগী অপুনবা কাইথোকপা শেনফম অসি লুপা করোর ৫৯১১নি।

থবক পীবা ঙম্বগী মতিক য়াওনা অতোপ্পা মরু ওইবা কান্নবশিং:

• অরৈবা রিসোর্সশিংবু মতিক চানা শিজিন্নবদা মিৎয়েং চঙবগা লোয়ননা হীরম পুম্নমক মনুং চনবা লোকেল গবর্নেন্সকী খুত্থাংদা এস.দি.জি.গী পান্দম ফংবা ঙম্নবগীদমক্তা লৈঙাকপগী মতিক হেনগৎহন্নবগীদমক্তা ত্রেদিস্নেল বোদীশিংন য়াওনা রুরেল লোকেল মোদী লাখ ২.৭৮দা আর.জি.এস.এ. স্কিমগী অয়াবা পীখিবনা তেংবাংগনি। এস.দি.জি.গী মরু ওইবা ৱাখল্লোন, হায়বদি, মীওই অমত্তা চিত্থহন্দবা, খ্বাইদগী অরাপ্পদা হান্না য়ৌবা অমসুং য়ুনিভর্সেল কভরেজকা লোয়ননা জেন্দর ইক্বেলিতীবু ত্রেনিং, ত্রেনিং মোদ্যুল অমসুং মেতরিএল য়াওনা কেপাসিতী বিলদিং তৌবগী থোওং খুদিংগী মনুং চলহনগনি। লৈবাক্কীদমক্তা মরু ওইবা হীরমশিংবু মমিংশিং, ১) খুঙ্গংশিংদা লাইরবা লৈতবা অমসুং পুন্সি মহিং হেন্না ফগৎহনবা, ২) হকশেল ফবা খুঙ্গং, ৩) অঙাংশিংগা চুনবা খুঙ্গং, ৪) ঈশিং মতিক চানা ফংবা খুঙ্গং, ৫) লু-নানবা অমসুং গ্রীন খুঙ্গং, ৬) খুঙ্গংশিংদা মরোমদোম লেপচবা ঙম্বা ইনফ্রাস্ত্রকচর লৈবা, ৭) অচেৎপা খুন্নাই লৈবা খুঙ্গং, 8) অফবা লৈঙাক লৈবা খুঙ্গং অমসুং ৯) খুঙ্গংশিংদা চাউখৎপা লৈহনবা, অসিগী মখাদা অহানবা মিৎয়েং চঙগনি।
• পঞ্চায়তশিং অসিদা সেদ্যুল কাস্ত, সেদ্যুল ত্রাইব অমসুং নুপীশিংগী মীহুৎ লৈবনিনা অমসুং গ্রাসরুতকা খ্বাইদগী নক্নবা ইন্সতিত্যুসন ওইবনা, পঞ্চায়তপু মপাঙ্গল লৈহনবনা সোসিএল জস্তিস অমসুং খুন্নাইগী শেন্মিৎলোন্দা চাউখৎপা পুরকপগা লোয়ননা মান্নবা মিৎয়েং য়েংবা অমসুং হীরম খুদিংগী মনুং চলহনবগী থৌওং হেন্না খুমাং চাউশিলহনগনি। পি.আর.আই.শিংনা ই.-গবর্নেন্স শিজিন্নবা হেনগৎলকপনা হেন্না ফবা সর্ভিস দেলিবরী তৌবা ঙম্বা অমসুং নুং-পান ফাওনা উবা ঙমহনবদা তেংবাংগনি। স্কিম অসিনা গ্রাম সভাশিংনা নাগ্রিকশিংবু, মরু ওইনা অৱাবা তাগনবা মীওইশিং, খুন্নাইগী শরুক ওইবা মথৌ নীংথিনা পাংথোকপা ইন্সতিত্যুসন  অমা ওইহনবদা তেংবাংগনি। মসিনা পি.আর.আই.শিংবু লৈবাক, রাজ্য অমসুং জিলাগী থাক্তা কেপাসিতী বিলদিং তৌনবা মতিক চাবা হ্যুমেন রিসোর্স অমসুং ইনফ্রাস্ত্রকচরগা লোয়নবা ইন্সতিত্যুসনগী মওং-মতৌ অমা শেমগৎকনি।
• এস.দি.জি.গী পান্দম ফংবা অমসুং হকশেল ফনা চাংয়েংনবগী ইথিল লৈহন্নবগীদমক্তা পঞ্চায়তকী থৌদাংবু শকখঙবগী লৈবাক্কী ওইনা মরু ওইবা হীরম কয়াদা য়ুম্ফম ওইরগা ইন্সেন্তিবাইজ তৌবগী খুত্থাংদা পঞ্চায়তশিংবু লেপ্তনা মপাঙ্গল হেনগৎহনগনি।
• স্কিম অসিগী মখাদা পর্মানেন্ত পোস্ত অমত্তা শেম্লোই অদুবু স্কিম অসিগী থবক থৌরম য়েংশিন্নবা অমসুং স্কিম অসিগী মখাদা লৈবা পান্দমশিং ফংনবা রাজ্য/য়ু.তি.শিংদা তেক্নিকেল সপ্পোর্ত পীনবগীদমক্তা তঙাই ফদবগী মতুং ইন্না হ্যুমেন রিসোর্স্পুদি কন্ত্রেক্ততা লৌগনি।

বেনিফিশরী মশিং:

লৈবাক শিনবা থুংবগী ত্রেদিস্নেল বোদী য়াওনা রুরেল লোকেল বোদীশিংগী মীয়াম্না খল্লবা মীহুৎ, থৌবুরোই অমসুং অতোপ্পা স্তেকহোলদর চাউরাক্না লাখ ৬০না স্কিম অসিগী হকথেংনবা বেনিফিশরী ওইগনি।

অকুপ্পা মরোলশিং:

১) শেমদোক্লবা আর.জি.এস.এ. অসিদা কেন্দ্র অমসুং সরকারগী থৌওংশিং য়াওগনি। স্কিম অসিগী কেন্দ্রগী থৌওংশিংবুনা ভারত সরকারনা মপুং ওইনা শেল থাদগনি। রাজ্যগী থৌওংগী মথৌ তৌবগী মওংনা কেন্দ্র অমসুং রাজ্যগী মরক্তা মথংশিৎনা ৬০:৪০গী রেসিওদা লৈগনি, হায়রিবসি এন.ই., চিংগী রাজ্য অমসুং জম্মু অমসুং কশ্মিরগী য়ুনিয়ন তেরিতোরীগী ওইনা কেন্দ্র অমসুং রাজ্যগী রেসিও অসি ৯০:১০ ওইগনি। অদুবু, অতোপ্পা য়ু.তি.গী ওইনা কেন্দ্রগী শরুক্না ১০০% ওইগনি।

২) স্কিম অসিদা কেন্দ্রগী থৌওং – লৈবাক্কী থাক্তা লৈবা থবকশিং, মিং ওইনা পল্লবদা, নেস্নেল প্লান ওফ তেক্নিকেল এসিস্তেন্স, ই-পঞ্চায়তকী মিসন মোদ প্রোজেক্ত, পঞ্চায়তশিংবু ইন্সেন্তিব পীবা, এক্সন রিসর্চ অমসুং মিদিয়া; অমদি রাজ্যগী থৌওং – পঞ্চায়তী রাজ ইন্সতিত্যুসন (পি.আর.আই.)শিংগী কেপাসিতী বিলদিং অমসুং ত্রেনিং (সি.বি. অমসুং তি.) তৌবা, দিস্তেন্স লর্নিংগী খুদোংচাবা, গ্রাম পঞ্চায়ত (জি.পি.) ভবন শাবদা তেংবাংবা, জি.পি. ভবনশিংদা কম্মন সর্ভিস সেন্তর (সি.এস.সি.) পুন্না লৈমিন্নবা অমসুং এন.ই. রাজ্যশিংদা অহেনবা মিৎয়েং চঙদুনা জি.পি.শিংগী কম্প্যুতর পুথোকপা, পি.ই.এস.এ.গী মফমশিংদা গ্রাম সভাশিংগী মপাঙ্গল হেনগৎহন্নবা অখন্নবা তেংবাং, ইন্নোভেসনগী তেংবাং, শেন্মিৎলোন চাউখৎহনবা অমসুং চাগা হেনগৎহন্নবগীদমক্তা শেন্মিৎলোন চাউখৎহনবা অমসুং চাগা হেনগৎহনবগী তেংবাংশিংনচিংবা অনিমক য়াওরি।

৩) স্কিম অসিগী থবক পাংথোকপা অমসুং য়েংশিনবগা সস্তেনেবল দিভেলপমেন্ত গোল (এস.দি.জি.) ফংবগা চুনহনগনি। পঞ্চায়তশিং অসি চাউখৎ-থৌরাংগী থবক অমসুং এস.দি.জি. ফংনবগীদমক্তা লৈবা তোঙানবা মন্ত্রালয়/বিভাগ অমসুং রাজ্য সরকারগী  স্কিমশিংগী থবক পাংথোকপা খুদিংগী মিৎয়েং চঙফম্নি।

৪) শেমদোক্লবা আর.জি.এস.এ.গী মখাদা লৈবা মন্ত্রালয়না মখোয়গী মিৎয়েংবু পি.আর.আই.গী মীয়াম্না খনগৎলবা মীহুৎশিংবু লুচিংবগী থৌদাং লৌনবা তেংবাংবদা হোংজিনগনি। মসিগী মরমদি, হীরম মাপল, মিং ওইনা পল্লবদা, ১) খুঙ্গংশিংদা লাইরবা লৈতবা অমসুং পুন্সি মহিং হেন্না ফগৎহনবা, ২) হকশেল ফবা খুঙ্গং, ৩) অঙাংশিংগা চুনবা খুঙ্গং, ৪) ঈশিং মতিক চানা ফংবা খুঙ্গং, ৫) লু-নানবা অমসুং গ্রীন খুঙ্গং, ৬) খুঙ্গংশিংদা মরোমদোম লেপচবা ঙম্বা ইনফ্রাস্ত্রকচর লৈবা, ৭) অচেৎপা খুন্নাই লৈবা খুঙ্গং, 8) অফবা লৈঙাক লৈবা খুঙ্গং অমসুং ৯) খুঙ্গংশিংদা চাউখৎপা লৈহনবগী এস.দি.জি.শিংবু মখোয়গী মফমগা চুনহন্নবা হোৎনবা ঙমহন্নবা মথৌ নীংথিনা পাংথোকপা সরকারগী অহুমশুবা তাইয়র অমা শেম্নবনি। 

৫) স্কিম অসিনা এস.দি.জি. ফংনবগীদমক্তা অতোপ্পা মন্ত্রালয়/বিভাগশিংগী কেপাসিতী বিলদিং তৌবগী থৌওংশিংবুসু পুন্সিনগনি। ত্রেদিস্নেল বোদীশিং য়াওনা রুরেল লোকেল বোদীশিংগী সেক্তর ইনএব্লরশিংবু তোঙানবা মন্ত্রালয়/বিভাগশিংগী ত্রেনিং প্রোগ্রামশিংগী মনুং চলহনগনি অমসুং থৌবুরোই অমসুং স্তেকহোলদরশিংবু মখোয়গী মরী লৈনবা মশাগী দোমেনশিংদা ত্রেনিংসু পীগনি।

৬) এস.দি.জি.গী পান্দম ফংবা অমসুং হকশেল ফনা চাংয়েংনবগী ইথিল লৈহন্নবগীদমক্তা পঞ্চায়তকী থৌদাংবু শকখঙবা। পঞ্চায়তশিংগী মথৌ য়েংশিনবদা নোদেল মন্ত্রালয়গী অচৌবা থৌদাং লৈহনবা অমসুং মখোয়গী মশাগী মফমশিংদা মনা পীবগী ৱাফমসু খন্নরি।

৭) কুপথনা য়েংশিন্নবগীদমক্তা খুদমদা য়ুম্ফম ওইবা রিসর্চ স্তদীজ পাংথোকপা অমসুং য়েংশিনবগী থৌওংশিংবু পি.আর.আই.গা মরী লৈনবা হীরমশিংদা পাংথোক্কনি। মীয়ামদা খঙহনবা, খুঙ্গংগী মীয়ামদা ই-পাউ পীবা, সরকারগী পোলিসী অমসুং স্কিম্বু ইলেক্ত্রোনিক, প্রিন্ত অমসুং সোসিএল অমদি কনভেন্সনেল মিদিয়াগী খুত্থাংদা তাকপগী থৌওংসু পাংথোক্কনি।

থবক ওইনা পাংথোকপগী থৌরাং অমসুং পান্দমঃ

কেন্দ্র অমসুং রাজ্য সরকারশিংনা মখোয়গী থৌদাংশিংগীদমক্তা অয়াবা পীরবা থবক-থৌরমশিং লোইশিন্নবা পাংথোকফম থোকপা খুদিংমক পাংথোক্কনি। রাজ্য সরকারগী তঙাই ফদবা অমসুং পাংথোকফম থোকপা থৌওংগী মখা পোন্না মখোয়না কেন্দ্র সরকারদগী তেংবাং লৌনবা চহিগী ওইবা এক্সন প্লান শেমগনি। স্কিম অসিবু দিমান্দ দ্রিভন মোদকী মখাদা থবক ওইনা পাংথোক্কনি।

মনুং চনগদবা রাজ্য/জিলাশিং:

স্কিম অসিনা লৈবাক্কী রাজ্য অমসুং য়ু.তি. খুদিং কোনগনি অমসুং পঞ্চায়ত লৈতবা নন-পারত ৯গী মফমশিংগী রুরেল লোকেল গবর্নমেন্তকী ইন্সতিত্যুসনশিংবুসু মনুং চলহনগনি।

বেকগ্রাউন্দঃ

মতমদুগী শেল-থুম মন্ত্রীনা মহাক্কী ইং ২০১৬-১৭কী বজেৎকী ৱারোলদা সস্তেনেবল দিভেলপমেন্ত গোল (এস.দি.জি.) ফংহন্নবগীদমক্তা পঞ্চায়তী রাজ ইন্সতিত্যুসন (পি.আর.আই.)শিংগী লৈঙাকপগী মতিক হেনগৎহন্নবগীদমক্তা নৌনা শেমদোক্লবা রাস্ত্রিয় গ্রাম স্বরাজ অভিয়ান (আর.জি.এস.এ.) হৌদোক্লগনি লাউথোকখিবনি। লাউথোকখিবা অসিগী মতুং ইন্না অমসুং নিতি-আয়োগকী ভাইস চেয়র্মেনগী লুচিং মখাদা শেম্বা কম্মিতীনা হায়বগী মখা পোন্না, আর.জি.এস.এ.গী কেন্দ্রনা স্পোন্সর তৌবা স্কিম অসিবু শেনবা চহি ২০১৮-১৯দগী ২০২১-২২ (১/৪/২০১৮দগী ৩১/৩/২০২২ ফাওবা) ফাওবা চত্থনবা কেন্দ্রগী কেবিনেতনা ২১/৪/২০১৮দা অয়াবা পীখিবনি।

ইং ২০২১-২২গী মনুংদা পাংথোকখিবা আর.জি.এস.এ.গী থর্দ পার্তী ইভালুএসন। ইভালুএসন রিপোর্ত অসিনা আর.জি.এস.এ. স্কিমগী মখাদা পায়খৎখিবা থৌওংশিংবু থাগৎখি অমসুং পি.আর.আই.শিংগী মপাঙ্গল হেনগৎহন্নবগীদমক্তা মখা তানা চত্থনবা ৱাফম থমখি। মখা তাবা ওইনা, পঞ্চায়তকী মীহুৎ অয়াম্বশিং অসি চহি মঙা খুদিংগী ইনৌ নৌনা চঙলকপা ওইনা খল্লকপা ওইবনা, সি.বি. অমসুং তি. অসিদি লেপ্তনা চত্থবা থবক অমনি। মখোয়শিং অসিবু লৌশিং, এৱিয়র্নেস, এতিচ্যুদ অমসুং লোকেল গবর্নেন্স ওইবদা মথৌ তাগদবা মহৈগী মতাংদা তম্বীদবা য়াদে। মরম অদুনা, তঙাই ফদবা লৌশিং অমসুং রিফ্রেশর ত্রেনিং পীবা হায়বসি মখোয়দা শিন্নরিবা থৌদাং নীংথিজনা পাংথোকপা ঙমহন্নবগীদমক্তা চিত্থবা য়াদনা পানয়খৎকদবা থৌওং অমা ওইরিবনি। মরম অদুনা, নৌনা শেমদোক্লবা আর.জি.এস.এ.বু ১/৪/২০২২দগী ৩১/৩/২০২৬ (১৫শুবা ফাইন্সনা কম্মিসনগা মতাং চান্ননা) ফাওবা মখা তানা চত্থবগী ৱাহৌদোক শেমখ্রিবনি।

করিগুম্বা হান্ননা চত্থবা ওইরবদি, মসিগী হৌজিক ওইরিবা মথৌ পাংথোকপগী ফিভমঃ

1. আর.জি.এস.এ.গী কেন্দ্রনা স্পোন্সর তৌবা স্কিম অসিবু শেনবা চহি ২০১৮-১৯দগী ২০২১-২২ ফাওবা পায়খৎনবগীদমক্তা কেন্দ্রগী কেবিনেৎনা ২১/৪/২০১৮দা অয়াবা পীখিবনি। কেন্দ্রগী ওইবা মরু ওইবা থৌওংদি পঞ্চায়তপু ইন্সেন্তিবাইজ তৌবা অমসুং অতোপ্পা থৌওং কয়া কেন্দ্রগী থাক্তা পাংথোকপা য়াওনা ই-পঞ্চায়তকী মিসন মোদ প্রোজেক্তনি। রাজ্যগী মরু ওইবা থৌওংশিংদা য়াওবশিংদি সি.বি. অমসুং তি.গী থবক, সি.বি. অমসুং তি.গী ইন্সতিত্যুস্নেল মেকানিজমগা লোয়ননা অতোপ্পা থৌওং কয়াবু অকক্নবা অমগী মখাদা পায়খৎপনি।
2. আর.জি.এস.এ. স্কিমগী মখাদা পঞ্চায়তপু ইন্সেন্তিবাইজ তৌবা অমসুং ই-পঞ্চায়তকী মিসন মোদ প্রোজেক্ত য়াওনা, রাজ্য/য়ু.তি./পঞ্চায়ত অমসুং থবক পাংথোকপা অতোপ্পা এজেন্সীশিংদা ইং ২০১৮-১৯দগী ২০২১-২২ (৩১/৩/২০২২ ফাওবগী) ফাওবদা লুপা করোর ২৩৬৪.১৩গী শেনফম থাদোকখ্রে।
3. পি.আর.আই.শিংগী  মীয়াম্না খল্লবা মীহুৎ, থৌবুরোই অমসুং অতোপ্পা স্তেকহোলদর চাউরাক্না করোর ১.৩৬না স্কিম অসিগী মখাদা ২০১৮-১৯দগী ২০২১-২২ (৩১/৩/২০২২ ফাওবগী) ফাওবদা তোঙানবা ত্রেনিং কয়া ফংনখ্রে।

*****