যুনাইতেদ নেসন্স এজুকেসনেল, সাইন্তিফিক এন্দ কলচরেল ওর্গনাইজেসন (য়ুনেস্কো)গা খুৎশম্নদুনা ভারত সরকারগী ত্রাইবেল এফিয়র্স মন্ত্রালয়না (এম.ও.তি.এ.) ন্যু দিল্লীগী য়ুনেস্কো হাউসতা ‘ত্রাইবেল ফ্রীদম ফাইতর্স ম্যুজিয়মশিং শেমগৎনবগী প্রিন্সিপলশিং অমদি রিকম্মেন্দেসনশিং’গী মতাংদা নুমিৎ ২গী ৱার্কশোপ  অমা শিনখ্রে৷ হৌখিবা চহিশিংদা মন্ত্রালয়গা লোইননা দিবেলপমেন্ত প্রোজেক্ত কয়া অমদা থবক তৌমিন্নরিবা য়ুনাইতেদ নেসন্স দিবেলপমেন্ত প্রোগ্রাম (য়ু.এন.দি.পি.)না থৌরম অসি শিল-লাংখিবনি৷

অসিগুম্বা অখন্নবা ত্রাইবেল  ফ্রীদম ফাইতর্স ম্যুজিসমশিং অসি শেমগৎনবগী ইনিসিয়েতিব অসিনা মালেম অসিদা অসিগুম্বা মখলগী অহানবা ওইবনা মখল অসিগীদমক য়ুনেস্কোগী দাইরেক্তর অমদি রিপ্রজেন্তেতিব শ্রী ইরিক ফোল্তনা ভারত সরকারবু মহাক্কী ৱারোলদা থাগৎখি৷ থবক অসি য়াম্না কমপ্লেক্স ওই হায়না মহাক্না ফোংদোকখি অমদি ত্রাইবেল কম্ম্যুনিতীশিংবু প্রাইমরী স্তেকহোল্দরশিং ওইনা খন্দুনা অমদি কন্সেপ্ত, দিজাইন অমদি বিজ্যুলাইজেসনগী দিবেলপমেন্তদা  মখোয়গা খুৎশম্নদুনা মতৌ করম্না প্রোজেক্তকী ইন্তিগ্রিতী অমদি ত্রাইবেল কম্ম্যুনিতীশিংগী ওনরশিপ লেপকদগে হায়বদুগী মতাংদা রিকম্মেন্দেসন কয়া অমা ফোংদোকখি৷ মতৌ করম্না ন্যু জিলেন্দগী ‘তি পাপা’ বাইকলচরেল অমসুং কুরেতোরিএল ম্যুজিয়ম অসি ত্রাইবেলশিং অমদি ন্যু জিলেন্দ সরকারগা খুৎশম্ননা মপু ওইমিন্নদুনা চলাইবগে হায়বদু মহাক্না শন্দোক্না তাকখি৷ মতৌ অসিগুম্না, য়ুনাইতেদ স্তেতস ওফ অমেরিকাদা লৈরিবা নেসনেল ম্যুজিয়ম ওফ দি অমেরিকান দ্রীমগী দিজাইন অমদি নৌমিয়াদা লৈরিবা অনৌবা কেলিদোনিয়া ম্যুজিয়ম অসি মতৌ করম্না মহৌশাগা চুশিন্নরিবনি৷

হায়রিবা ম্যুজিয়মশিং অসিনা নিংতম ইহৌদা ত্রাইবেলশিংনা লৌখিবা থৌদাং অদুবু মশক খঙবিবদা নত্তনা মসিনা মখোয়গী ত্রাইবেল কলচরেল হেরিতেজপু মাংহন্দনা থম্লগনি হায়না ত্রাইবেল এফিয়র্স মন্ত্রালয়গী সেক্রেতরী শ্রী অনিল কুমার ঝানা ফোংদোকখি৷ লৈবাক্কী নিংতম ইহৌদা অচৌবা থৌদাং লৌবিখিবা ময়াম্না মশক নিংথিনা খঙজহৌদ্রবা অথৌবশিং অদুবু নিংশিংবা ওইনা অসিগুম্বা ম্যুজিয়মশিং অসি শেমগৎলিবনি হায়না মহাক্না ফোংদোকখি৷ হায়রিবা ম্যুজিয়মশিং অসিগী দিবেলপমেন্তদা সিস্তেমেতিক ওইবা এপ্রোচ অমা শেমগৎপা অমদি ম্যুজিয়মশিং অসি শেমগৎপদা দরকার ওইরিবা ইনক্লুসিব প্রোসেসশিং অদুদা মরু ওইবা ওফিসিয়েলশিং য়াওহনবা হায়বসিনা ৱার্কশোপ অসি শিনবগী মরম ওইরি৷

লৈবাক অসিদা লৈরিবা তোঙান তোঙানবা ম্যুজিয়মশিংগী প্রোগ্রেস অদু ত্রাইবেল এফিয়র্স মন্ত্রালয়গী জোইন্ত সেক্রেতরী দা. নবালজিৎ কাপুরনা খন্ন-নৈনখি৷ লৈবাক অসিগী এক্সপর্ত ৫০ হেনবনা শরুক য়ারুরিবা ভোপালগী ৱার্কশোপ অদুদগী খঙলকপশিং অদুসু মহাক্না সেয়র তৌখি৷ ত্রাইবেল কম্ম্যুনিতীনা প্রোজেক্ত অসিদা ওনরপশিপকী ৱাখল্লোন অমা লাকহন্নবগীদমক কন্তেন্ত শেমগৎপা অমদি চুমব্রা হায়না য়েংশিনবা, কম্ম্যুনিতী শরুক য়াহনবা অসি এক্সপর্তশিংনা পনখিবা অচৌবা চেলেঞ্জশিং ওইখি৷

ত্রাইবেল ফ্রীদম ফাইতরশিংনা পুৱারী অসিবু উৎলগনি অমদি কলচরেল রাইতশিং, এজুকেসন, এসেসিবিলিতী, লিবলীহুদ অমদি সোসিয়েল ইনক্লুজন প্রমোত তৌবা তুং অমগীদমক ইন্সতিত্যুসনশিং শেম্লগনি অমসুং সস্তেনেবল দিবেলপমেন্ত গোলশিংগী এচিবমেন্তদা কন্ত্রিব্যুত তৌরগনি” হায়না য়ু.এন.দি.পি.গী রিসাইদেন্ত রিপ্রজেন্তেতিব শ্রীমতি শোকো নোদানা ফোংদোকখি৷

ইনক্লুসিব ম্যুজিয়ম অমদি সস্তেনেব হেরিতেজ দিবেলপমেন্তদা ফমফম লাংখিবা প্রোফেসর অমরেশ্বর গল্লা কার্দিনেল প্রিন্সিপল কয়ামরোমদা শন্দোক্না তাকখি৷ কম্ম্যুনিতীদগী থাজনিংঙাই ওইবা নুপা অমদি নুপীশিং, সবজেক্ত মেত্তর এক্সপর্তশিং অমদি ত্রাইবেল কম্ম্যুনিতী লিদরশিং শরুক য়াবগা লোইননা প্রাইমরী স্তেকহোল্দর (শিং)না মরু ওইবা ফমফম লাংখি৷

ত্রাইবেলগী কন্ত্রিব্যুসনশিংদা মরু ওইনা নিংতম ইহৌগা মরী লৈননা নোলেজকী বোদী ফগৎহনবগী তঙাই ফদবা লৈ হায়নসু মহাক্না পনখি৷ মসি ক্রেদিবল সোর্সশিংগা লোইননা ইবিদেন্স-বেজ কন্তেক্স ওইগদৌরিবা শোকপা-পনবা য়াবা নত্রগা শোকপা-পনবা য়াদবা হেরিতেজ অমা ওইগদৌরি৷ অতোপ্পা রিকম্মেন্দেসননা এজেন্সী, ফর্স্ত বোইস অমদি ওনরশিপপু পুক্নিং থৌগৎনবা ম্যুজিয়মশিংগী প্লানিংদা ম্যুজিয়ম পর্সোনেল অমদি লোকেল কম্ম্যুনিতীশিংগী কেপাসিতী পাক-শন্না শেমগৎনবা হোৎনবা অসিনা ওইখি৷ অৱাং-নোংপোক্কী রাজ্য নিপানগী ইন্দিজিনিয়র্স মীওইশিংগা লোইননা ইন্তেঞ্জিবল কলচরেল হেরিতেদ অমদি শিল্লোং চার্তর ওফ ৱার্কিংবু ঙাক শেন্দুনা থম্নবগী ইথিকেল প্রিন্সিপলশিংসু মহাক্না খন্ন-নৈনখি৷

ৱার্কশোপ  অসিদা এনথ্রোপোলোজিকেল সর্ভে ওফ ইন্দিয়া, ত্রাইবেল রিসর্স ইন্সতিত্যুতশিংগী দাইরেক্তরশিং অমদি রিপ্রজেন্তেতিব, নেসনেল লেবেল কম্মিতীগী মেম্বরশিং অমদি রাস্ত্রিয়া মানব সংগ্রহলয় অমদি ইন্দিয়ন ইন্সতিত্যুত ওফ ফোরেস্ত মেনেজমেন্ত, ভোপালগী মরু ওইবা এক্সপর্তশিংনা শরুক য়াখি৷

******