ইনফোর্মেসন অমসুং ব্রোদকাস্তিংগী কেন্দ্রগী মন্ত্রী শ্রী অনুরাগ থাকুরনা ঙসি গুজরাত্তা নুমিৎ-মরিনিগী ‘মাধবপুর ঘেদ ফেয়র’গী  অহুমশুবা নুমিৎতা শরুক য়াখ্রে। থৌরম অসিদা মনিপুরগী মুখ্য মন্ত্রী শ্রী এন. বিরেন সিংহ অমসুং গুজরাত সরকারগী মন্ত্রীশিংসু শরুক য়াখি।

থৌরম অসিদা তিল্লিবা মীয়ামদা ৱা ঙাংলদুনা মন্ত্রীনা হায়খি মাধবপুর ঘেদ ফেস্তিবেল অসি লৈবাক অসিগী নোংপোক্লোদা থাপ্না লৈবা অমসুং নোংচুপলোমগী মফমশিংগা পুনফম ওইরিবা অমসুং ভারতকী মীয়ামগী থেংনফম ওইরিবা খ্বায়দগী ৱাংবা মার্কা অমনি। অৱাং নোংপোক্কী মফমশিংদা চাউখৎ থৌরাংগী পায়খৎলিবা থবকশিং অসিদা ৱা ঙাংলদুনা শ্রী থাকুরনা হায়খি লুক ইস্ত পোলিসী অসিনা এক্ত ইস্ত পোলিসীদা ওন্থোরকপা অসি হৌজিক লৈরিবা সরকার অসি খক্তনা ঙম্বনি অমসুং ভারতকী অৱাং নোংপোক থংবা রাজ্যশিংদা অমুক্ত থোকখিদ্রিবা মওংদা ইনফ্রাস্ত্রকচর অমসুং খুদোংচাবশিংদা চাউখৎপা উবা ফংলি।   

শ্রী থাকুরনা হায়খি মদুদি প্রধান মন্ত্রী নরেন্দ্র মোদীগী মখাগী সরকারনা ভারতকী মাংখ্রবা থায়নদগী চৎনরক্লবা হেরিতেজ হিংগৎনবা কন্না হোৎনরী অমসুং হায়রিবা অসিদা প্রধান মন্ত্রীগী মখাদা কেদরনাথ জী লাইশং অসি য়াম্না চাউনা হিংগৎলক্লি অমসুং অতোপ্পা অমদনা সোমনাথ লাইশংসু অৱাংবা থাক অমা ফংবা ঙম্লি। মন্ত্রীনা কাশি বিস্বানাথ কোরিদোরদা, কেন্দ্র সরকারনা রাম লাইশং অমসুং চার ধাম ফজনবা শেমশিনবদা কেন্দ্র সরকারনা পায়খৎলিবা থবকশিংদা থাগৎপা ফোংদোকখি।

মন্ত্রীনা হায়খি মদুদি ভারতনা ১৯৪৭দা রাজনিতীগী ওইবা নিং-তম্বা ফংবা মতমদা কলচরেলগী নিং-খা তম্বদি ফংবা ঙমখিদে অমসুং মসি ২০১৪ খক্তদনি কলচরেল নেস্নেলিজম অসি রাজনিতীগী খন্নবগী মরুওইবা শরুক অমা ওইরকখিবা অসি। মন্ত্রীনা হৌজিক্কী অমসুং তুংগী মীরোলনা কলচরেলগী ওইবা হৌরকফমদগী লোয়ননা শম্নহন্নবা পুক্নিং কন্না থৌগৎখি অমসুং হায়খি মসি ঐখোয়গী ইথৌদাংনি মদুদি ঐখোয়গী কলচরেল লেগেসীগী ৱারীশিং মীয়ামদা শন্দোক্কদবনি।

 মন্ত্রীনা অবু ধাবিদা হন্দক্তা মহাক্না চৎখিবা খোঙচৎপু নিংশিংখি অমসুং হায়খি মদুদি প্রধান মন্ত্রীগী মখাদা অমত্তা ওইবগী মরী শাগৎপনা গুলফ লৈবক্না হৌজিক চাউরবা স্বামি নরায়ন লাইশং অমগী ময়ুম ওইরে।

শ্রী অনুরাগ থাকুরনা অচেৎপা ৱাফম থমখি মদুদি আই.অমসুং বি.গী মন্ত্রালয় অমদি মসিগী মেদিয়া য়ুনিৎশিংগা লোয়ননা ফেস্তিবেল অসিবু পুক্নিং থৌগৎকনি অমসুং হেন্না ফবা অমা ওইহনগনি।

মাধবপুর ঘেদ ফেস্তিবেল অসি ২০২২গী এপ্রিল ১০দগী ১৩ ফাওবা পাংথোক্লি। ফেস্তিবেল অসি ভারতকী রাস্ত্রপতিনা হৌদোকখি অমসুং কলচর মন্ত্রালয় অমসুং দিবলপমেন্ত ওফ নোর্থ ইস্তর্ন রিজনগী মন্ত্রালয়গা লোয়ননা খুৎশম্নদুনা গুজরাত সরকারনা শিল্লি।

*****