অজাদি কা অমৃত মাহোতসবতা, প্রধান মন্ত্রী শ্রী নরেন্দ্র মোদীনা নেস্নেল সেলেব্রেশন মঙলান অমা মঙখি অমসুং মদুগী মঙলান অদু মল্তি-পর্পোস সেলেব্রেশন ওইগদবনি

প্রধান মন্ত্রীনা অজাদি কা অমৃত মাহোতসবতগী নিংখা তমখিবগী চহি চামা শুবা ফাওবা চহি ২৫গী মতম অসিবু  অজাদি কা অমৃত কাল হায়না সেলেব্রেত তৌনবা লেপখ্রে

মথংগী চহি ২৫ অসি ভারতকী মী করোর ১৩০না পুল্লপ পুন্না হোৎনমিন্নগদবা মতমনি অমসুং ভারত অসিবু  মালেম অসিগী খ্বাইদগী মকোক থংবদা উবা  ফংনবা, প্রধান মন্ত্রীনা মসিগী মতম অসিবু অমৃত কাল হায়না কৌরি

গ্রাম পঞ্চায়তশিং, পার্লিয়ামেন্ত অমসুং সরকারগী দিপার্তমেন্ত পুম্নমক্না লৈবাক অসিগী চাউখৎ-থৌরাংগীদমক্তা থবক তৌগদবনি, মরমদি অমৃত কালগী চহি ২৫গী মতম অসি চাউখৎপগী মসিগী অচেৎপা ফিরেপ অসিবু নিংবা থুংহন্নবা মতম্নি

২০২১গী মার্চ ১২দা প্রধান মন্ত্রী, শ্রী নরেন্দ্র মোদীনা কাশি গান্ধি আশ্রমদগী অজাদি কা অমৃত মাহোতসব হৌখি, মসিগী মতুংদা লৈবাক শিনা থুংনা থৌরম ২৫,০০০ হেন্না শিনখি

লৈবাক অসি নিংখা তম্লবা মতুং চহি ৭৫ অসিগী মনুংদা মাইপাকপা কয়া অমা লৈখ্রে অমসুং ঐখোয়না ভারত অসিবু মকোক থোংবা লৈবাকশিংগী মরক্তা য়াওহনবদা মাইপাকখি

ঐখোয়না পুন্না হোৎনমিন্নদুনা হীরম কয়া অমদা রেকোর্দ কয়া অমা থম্বা ঙমখি, ঐখোয়না ঐখোয়গী পুৱারী অমসুং চৎনবীবু ঙাক-শেন্দুনা থম্বদা অসমুং য়োকখৎপাদা মাইপাকখি

অজাদি কা অমৃত মাহোতসব অসি কেতেগোরী মঙা– নিংতম লান, আইদিয়া @৭৫, এচীবমেন্ত @৭৫, এক্সন @৭৫ অমসুং ফিরেপ@৭৫ দা সেলেব্রেত তৌনবা মঙলান অমা মঙখি

ঐখোয়না খুঙ্গং অমসুং রাজ্য খুদিংমক মসিদা শরুক য়াহনখি, মাস পার্তিসিপেশন মরু ওইনা নহাশিংবু শরুক য়াহনখি, মখোয়গী পাঙ্গল অদুনা নিংখা তম্বগী চহি চামা শুবদা ভারতপু খ্বাইদগী মকোক্তা লৈহনবদা কান্নগনি

তুং কোইনা লৈহৌগদবা লৈবাক অসিনা মাংদা চৎখৎকদবনি অমসুং প্রধান মন্ত্রীনা লৈবাক অসিগীদমক্তা ওইবা মহাক্কী য়াম্না চাউরবা ভিজনঅদুগা লোইননা মসিগী সংকল্প য়াত্রা অসি কন্সেপচুৱেলাইজ তৌখি, অমসুং ঐখোয় খুদিংমক্না পার্তী পোলিতিক্সকী ৱাংমদা মসিবু মাইপাকহন্নবা সংকল্প য়াত্রা অসিদা শরুক য়াগদবনি

খ্বাইদগী নহা ওইরিবশিংনা নিংতম লানদা মখোয়না শরুক য়ারবদি, মখোয়গী পুনশি অদু লৈবাক্কী চাউখৎ-থৌরাংদা লুপ্তুনা লৈগদবনি, মসি নহারোলশিংবু লৈবাক অসিগী নিংতম লানগি মতাংদা খঙহন্নবা অমসুং লৈবাক অসিগা কনেক্ত তৌনবা য়াম্না তাংনা ফংবা তাঞ্জা অমনি

মেরা গাওন, মেরি ধরোহর অসি লৈবাক শিনবা থুংনা ভর্চুৱল ম্যুজিয়ম লাখ ৬.৫ শানবগী পান্দম থম্লিবা অদুগুম্বা প্রোগ্রাম অমনি, মসিনা জিলা খুদিমক্কা শম্নহনগনি

হৌজিক্তগীনা প্রোগ্রাম অসি লোইবা ফাওবদা, ঐখোয়না পব্লিক এৱেয়রনেস অমসুং পব্লিক  পার্তিসিপেশন হেনগৎহন্নবা থবক তৌগদবনি

লাক্কদৌরিবা নুমিৎশিংদা, প্রোগ্রামশিং খুদম ওইনা হর ঘর ঝন্দা, ইন্তর্নেস্নেল য়োগ দে, দিজিতেল দিস্ত্রিক্ত রিপোজিতরী, স্বতন্ত্র স্বর অমসুং মেরা গাওন, মেরি ধরোহরনা পব্লিক পার্তিসিপেশন শোইদনা তৌহনগদৌরিবনি

ঐহাক্না হর ঘর ঝন্দা, ইন্তর্নেস্নেল য়োগ দে, দিজিতেল দিস্ত্রিক্ত রিপোজিতরী, স্বতন্ত্র স্বর অমসুং মেরা গাওন, মেরি ধরোহরগুম্বা প্রোগ্রামশিং অসি রাজ্যশিংদা মাইপাক্নবা মসিগী মতাংদা ই-পাউ শন্দোক্নবা মীয়ামদা হায়জরি

করিগুম্বা প্রজা করোর ১৩০না দলিতশিং, লাইরবশিং, খুঙ্গংশিংদা লৈবা লাইরিক-লাইশুগী মঙাল ৱাৎনা ফংবশিংগীদমক্তা ফিরেপ অমা লৌরবদি, মসিগী করোর ১৩০গী ফিরেপকী কলেক্তিব কন্ত্রিব্যুশন অদুনা লৈবাক অসিবু য়াম্না অফাওবা লৈবাক অমা ওইহনবদা য়াম্না চাউবা খোংথাং অমা ওইগনি

 

কেন্দ্রগী হোম এফিয়র্স অমসুং কোওপরেশনগী মন্ত্রী, শ্রী অমিত শাহনা ঙসি নই দিল্লীদা লৈবাক অসিগী তুরিজম অমসুং কলচরগী মন্ত্রীশিংগী কনফরেন্স, “অমৃত সমাগম” হৌদোকখ্রে। থৌরম অসিদা, কেন্দ্রগী কলচর, তুরিজম অমসুং দেবেলপমেন্ত ওফ নোর্থ ইস্ত রিজনগী মন্ত্রী, শ্রী জি.কিশন রেদ্দী, পার্লিয়ামেন্তরী এফিয়র্স অমসুং কলচরগী রাজ্য মন্ত্রী, শ্রী অর্জুন রাম মেঘৱাল, এক্তর্নেল এফিয়র্স অমসুং কলচরগী রাজ্য মন্ত্রী, সুকুমারি মীনাক্সি লেখি অমসুং দিফেন্স অমসুং তুরিজমগী রাজ্য মন্ত্রী, শ্রী অজ্য় ভত্তনা ঔরম অদুদা শরুক য়াখি।

 

 

থৌরম অদুদা মহাক্না ৱা ঙাংবা মতমদা, কেন্দ্রগী হোম মিনিস্তরনা হায়খি মদুদি মীরোল অমগী মতুংদা, ঐখোয়না অসুম্না আজাদি কা অমৃত মাহোতসবকী নুংঙাইবা ফোংদোকপা অসি কনাগুম্বা মীওই অমগী লাইবক্তা অসিগুম্বা মতম অসি তমলম্লে। ঐখোয় পুম্নমক্না অসি অমৃত মাহোতসবকী চহি  অসিদা ঐখোয়গা মরী লৈহনবা হায়বসি য়াম্না লাইবক ফবনি। লেবাক অসিনা নিংখা তম্লবা মতুং চহি ৭৫ অসিদা এচীবমেন্ত কয়া লৈখি অমসুং ঐখোয়না মাইপাক্না লৈবাক অসিবু মকোক থোংবা লৈবাকশিংগী মরক্তা থম্বদা মাইপাকলে। ঐখোয়না পুন্না হোৎনমিন্নদুনা হীরম কয়া অমদা রেকোর্দ কয়া অমা থম্বা ঙমখি, ঐখোয়না ঐখোয়গী পুৱারী অমসুং চৎনবীবু ঙাক-শেন্দুনা থম্বদা অসমুং য়োকখৎপাদা মাইপাকখি। অজাদি কা অমৃত মাহোতসবতা, প্রধান মন্ত্রী শ্রী নরেন্দ্র মোদীনা নেস্নেল সেলেব্রেশন মঙলান অমা মঙখি অমসুং মদুগী মঙলান অদু মল্তি-পর্পোস সেলেব্রেশন ওইগদবনি।

 

 

শ্রী অমিত শাহনা হায়খি মদুদি অজাদি কা অমৃত মাহোতসব অসিগী খুত্থাংদা, ঐখোয়গী অনৌবা মীরোলনা ১৮৫৭দগী ১৯৪৭ ফাওবা চহি ৯০গীদমক্তা নিংতম লানগীদমক্তা লান্থেংনখিবশিং অদুনা কত্থোকখিবা অমসুং মখোয়গী অখাং খনবা অদুগী মতাংদা ই-পাউ লৌগদবনি, মখোয়শিং অদুবু ইকাইখুম্নবীগদবনি। মসিগা লোইননা প্রধান মন্ত্রীনা অজাদি কা অমৃত মাহোতসবতগী নিংখা তম্বগী চহি চামা শুবআ ফাওবগী চহি ২৫গী মতম অসিবু অজাদি কা অমৃত কাল হায়নআ সেলেব্রেত তৌগদবনি হায়ন মহাক্না লেপখি।  মথংগী চহি ২৫ অসি ভারতকী মী করোর ১৩০না পুল্লপ পুন্না হোৎনমিন্নগদবা মতমনি অমসুং ভারত অসিবু  মালেম অসিগী খ্বাইদগী মকোক থংবদা উবা  ফংনবা, প্রধান মন্ত্রীনা মসিগী মতম অসিবু অমৃত কাল হায়না কৌরি। মসিগা লোইননা, মহাক্না অজাদি কা অমৃত মাহোতসব অসিবু সংকল্প ৱর্শ ওইনা সেলেব্রতে তৌনবসু লৈপখি অমসুং মহাক্না লৈবাক অসিগী মীয়ামদা অজাদি কা অমৃত মাহোতসবকী চহি অসিদা ঐখোয়না ভারতপু মতেং পাংগদবা ফিরেপ অমা লৌগদবনি হায়না হায়খি। গ্রাম পঞ্চায়তশিং, পার্লিয়ামেন্ত অমসুং সরকারগী দিপার্তমেন্ত পুম্নমক্না লৈবাক অসিগী চাউখৎ-থৌরাংগীদমক্তা থবক তৌগদবনি, মরমদি অমৃত কালগী চহি ২৫গী মতম অসি চাউখৎপগী মসিগী অচেৎপা ফিরেপ অসিবু নিংবা থুংহন্নবা মতম্নি।

 

 

 

কেন্দ্রগী হোম মিনিস্তরনা হায়খি মদুদি ২০২১গী মার্চ ১২দা প্রধান মন্ত্রী, শ্রী নরেন্দ্র মোদীনা কাশি গান্ধি আশ্রমদগী অজাদি কা অমৃত মাহোতসব হৌখি, মসিগী মতুংদা লৈবাক শিনা থুংনা থৌরম ২৫,০০০ হেন্না শিনখি। মতম অসিগি মনুংদা কোবিদ-১৯গী অনিশুবা অমসুং অহুমশুবা ৱেবনা মরম ওইরগা অৱাবা ফিভম কয়া থোরকখি অমসুং প্রোগ্রাম কয়া অমা হাইব্রিদ মোদতা তৌবা তাখি অমসুং মসিনা মরম ওইরগা মীয়াম্না শরুক য়াবা অদু ওইগদবা চাং অদুমক ওইবা ঙমখিদে। হৌজিক্তি লৈবাক অসি কোবিদ-১৯না খুদুম চনবদগী নান্থরক্লে, মসিগী লেমহৌরিবা মতম অসিদা ঐখোয়না আজাদি কা অমৃত মাহোতসব অসিবু মীয়াম পুন্না শরুক য়ামিন্নদুনা নুংঙাইবা ফোংদোকমিন্নগদবনি। মসিগ নুমিৎ নিনিগী কনফরেন্স অসিদা, ঐখোয়না করম্না খুঙ্গং, তেহসিল, জিলা অমসুং রাজ্য খুদিংমক্না অজাদি কা অমৃত মাহোতসব অসিদা করম্না শরুক য়াহনগদগে অমসুং মসিগীদমক্তা প্রোগ্রামশিং শেম্বা অমসু মাইপাকহন্নবগী মতাংদা ফিরেপ অদু লৌগদবনি।

 

শ্রী অমিত শাহনা হায়খি মদুদি অজাদি কা অমৃত মাহোতসব অসি কেতেগোরী মঙা– নিংতম লান, আইদিয়া @৭৫, এচীবমেন্ত @৭৫, এক্সন @৭৫ অমসুং ফিরেপ@৭৫ দা সেলেব্রেত তৌনবা মঙলান অমা মঙখি। মসিগী কেতেগোরী মঙা অসিদা, ঐখোয়না লাক্কদবা মতমশিং অদুবুগীদমক্তা প্লান তৌগদবনি। ঐহাক্না রাজ্যগী মন্ত্রীশিং অমসুং ওফিসিয়েলশিংদা মসিগী এফর্তশিং অসিদা, ঐখোয়না খুঙ্গং অমসুং রাজ্য খুদিংমক মসিদা শরুক য়াবা হেনগৎহনগদবনি, মাস পার্তিসিপেশন মরু ওইনা নহাশিংবু শরুক য়াহনগদবনি, মখোয়গী পাঙ্গল অদুনা নিংখা তম্বগী চহি চামা শুবদা ভারতপু খ্বাইদগী মকোক্তা লৈহনবদা কান্নগনি। তুং কোইনা লৈহৌগদবা লৈবাক অসিনা মাংদা চৎখৎকদবনি অমসুং প্রধান মন্ত্রীনা লৈবাক অসিগীদমক্তা ওইবা মহাক্কী য়াম্না চাউরবা ভিজনঅদুগা লোইননা মসিগী সংকল্প য়াত্রা অসি কন্সেপচুৱেলাইজ তৌখি, অমসুং ঐখোয় খুদিংমক্না পার্তী পোলিতিক্সকী ৱাংমদা মসিবু মাইপাকহন্নবা সংকল্প য়াত্রা অসিদা শরুক য়াগদবনি।

 

কেন্দ্রগী হোম মিনিস্তরনা হায়খি মদুদি নিংতম লান অদু ব্রিতিশশিংগী মায়োক্তা হীরম কয়া অমদা লান্থেংনখি অমসুং ১৮৫৭দগী ১৯৪৭ ফাওবগী নিংখা তম্বগী লান অদুনা হৌগৎলক্লিবা মীরোলশিংগী ৱাখলশিং অদুবু অমুক হন্না মিৎকপ থোকহনগদবনি। পুৱারী খক্তনা মসিগী ই-পাউ অসি নহাশিংদা পীবা ঙম্লোই। থৌনা ফরবা অথৌবশিংগী থৌদোক কয়া অমা অমসুং শক্তম লাংখিবা কয়া অমা মখোয়গী ৱাখল্লোনদা হিংগৎহনবগী মথৌ তাই। অদু কান্দদা মখোয়না নিং তম্বগী লানদা মশানা মশাবু মরী লৈনহনবা ঙমগদৌরিবনি। খ্বাইদগী নহা ওইরিবশিংনা নিংতম লানদা মখোয়না শরুক য়ারবদি, মখোয়গী পুনশি অদু লৈবাক্কী চাউখৎ-থৌরাংদা লুপ্তুনা লৈগদবনি, মসি নহারোলশিংবু লৈবাক অসিগী নিংতম লানগি মতাংদা খঙহন্নবা অমসুং লৈবাক অসিগা কনেক্ত তৌনবা য়াম্না তাংনা ফংবা তাঞ্জা অমনি। মরম অদুনা মসি অনৌবা মীরোলশিংগী ৱাখলদা লৈবাক নিংবগী ৱাখল্লোন অসি শাগৎপদা অসিগুম্বা অনৌবা মীরোলশিং অসি শেমগৎপগী অচৌবা খুদোংচাবা অমনি অমসুং মসিদা য়ুমফম ওইরগা মখোয়না লৈবাক অসিগীদমক্তা পুনশি চুপ্পা থবক তৌবা ঙমগদৌরিবনি। মসিগীদমক্তা লৈবাক অসিগী প্রধান মন্ত্রীনা অমৃত মাহোতসব অসিবু মীয়াম্না শরুক য়াবগা লোইননা সেলেব্রেত তৌনবা হায়রিবনি। নেস্নেল এন্ধেমগী প্রোগ্রামবু ওইরো, রঙ্গোলি শেম্বগী প্রোগ্রামবু ওইরো, নিংতম লানগী মশক খঙবীদ্রবা অথৌবশিংগী রিসর্চ অমসুং কমপাইলেশন তৌবগী প্রোগ্রামবু ওইরো, ইশাগী খুঙ্গংবু ওইরো, ইশাগী চৎনবীবু ওইরো। মেরা গাওন, মেরি ধরোহর অসি লৈবাক শিনবা থুংনা ভর্চুৱল ম্যুজিয়ম লাখ ৬.৫ শানবগী পান্দম থম্লিবা অদুগুম্বা প্রোগ্রাম অমনি, মসিনা জিলা খুদিমক্কা শম্নহনগনি।

 

শ্রী অমিত শাহনা হায়খি মদুদি অসিগুম্বা প্রোগ্রাম কয়া অমা পাংথোকখ্রে। প্রধান মন্ত্রীদা পোস্তকার্দশিং ইখ্রে, ব্রিতিশনা অথিংবা থমখিবা শৈরেংশিংকমপাইল তৌখিবা স্বতন্ত্র স্বর, ৱন্দে মাতরম দান্স ফেস্তিভল পাংথোকখ্রে, ১৮৫৭গী নিংতম লান অদুবু নিংশিংনবা প্রোগ্রাম য়াওখি, মসিগী প্রোগ্রামশিং অসিনা ৱাখল খনথবা হৌহনখি। হৌজিক্তগীনা প্রোগ্রাম অসি লোইবা ফাওবদা, ঐখোয়না পব্লিক এৱেয়রনেস অমসুং পব্লিক  পার্তিসিপেশন হেনগৎহন্নবা থবক তৌগদবনি। চহি অমদা পুন্না প্রোগ্রাম ২৫,০০০ পাংথোকখি অদুবু প্রোগ্রাম ৭,২০০ অমদি রাজ্যশিং আমসুং য়ুনিয়ন তেরিতোরিশিংদা পাংথোকখি। মসিগী মশিং অসি হেনগৎলকখিগনি অমসুং ঐখোয়না সরকারগী মিৎয়েংদগী অজাদি কা অমৃত মাহোতসব অসিবু মাইপাকপা অমা ওইহনগনি।

 

কেন্দ্রগী হোম মিনিস্তর অমসুং কোওপরেশনগী মন্ত্রীনা হায়খি মদুদি লাক্কদৌরিবা নুমিৎশিংদা, প্রোগ্রামশিং খুদম ওইনা হর ঘর ঝন্দা, ইন্তর্নেস্নেল য়োগ দে, দিজিতেল দিস্ত্রিক্ত রিপোজিতরী, স্বতন্ত্র স্বর অমসুং মেরা গাওন, মেরি ধরোহরনা পব্লিক পার্তিসিপেশন শোইদনা তৌহনগদৌরিবনি। হর ঘর ঝন্দা প্রোগ্রাম অসি রাজ্য সরকারশিং অমসুং পঞ্চায়ত, মুনিসিপাল কোর্পোরেশন, জিলা পঞ্চায়ত, তেহসিল পঞ্চায়তনা শরুক য়াদনা মাইপাকপা ঙম্লোই। মসি স্কুল খুদিংমক্না শরুক য়াদনা মাইপাকপা ঙম্লোই অমসুং মসি ঐখোয়না মাং লোমদআ পুখৎকদবনি। ঐহাক্না হর ঘর ঝন্দা, ইন্তর্নেস্নেল য়োগ দে, দিজিতেল দিস্ত্রিক্ত রিপোজিতরী, স্বতন্ত্র স্বর অমসুং মেরা গাওন, মেরি ধরোহরগুম্বা প্রোগ্রামশিং অসি রাজ্যশিংদা মাইপাক্নবা মসিগী মতাংদা ই-পাউ শন্দোক্নবা মীয়ামদা হায়জরি। নিংতম্বগী খোংজংগা মরী লৈনবা মফমশিং অদুবু নৌহৌননা অমুক নিংশিংগদবনি, নিংতম্বগী খোংজংদা করমত্তা তৌখিদবা খুঙ্গং আমত্তা লৈখিদে, মরু ওইবা থৌদোক ধৌকখিদবা জিলা অমত্তা লৈতে।  ঐখোয়না থৌদোকশিং , মখোয়গী মেমোরী অদুবু অমুক হিংগৎহনবা ঙমগদ্রা, ঐখোয়না নিংতম লান্মীশিংগী য়ুমদা, মখোয়গী খুঙ্গংশিংদা স্কুলগী অঙাংশিবু পুবিবগী প্রোগ্রাম শেম্বা ঙমগদ্রা? ঐনা খনবদা অসিগুম্বা তৌবনা য়াম্না ফজরবা মৃঐবাক নিংবগ ৱাখল্লোনা অমা শাগৎপা ঙমগনি অমসুং অঙাংশিং অমসুং ঐখোয়নগী অনৌবা মীরোলশিং অদুবু মসিগা মরী লৈনহনবা ঙমগনি। মসিদা কোলেজশিং য়াওহনগদবনি অমসুং কোলেজ ৭৫গী কেপসুল অমা শেমদুনা লৈবাক শিনবা থুংনা লৈরিবা নিংতম লানগা মরী লৈনবা নিংশিং খুবমশিং অদু ইকাইখুম্নবীগদবনি অমসুং মীশিংগ ৱাখলদা অমুক হন্না হিংগৎহনগদবনি। ঐখোয়না অসিগুম্বা প্রোগ্রামশিং অসি শিনবদা য়াম্না কান্নগনি।

 

 

শ্রী অমিত শাহনা হায়খি মদুদি মী ময়াম অমনা নিংতম লানদা জর্নেলিজমগী খুত্থাংদা লৈবাক অসিগী সেবা তৌখি। ঐখোয়না করিগুম্বা জর্নেলিজমগী মহৈরোইশিং অদুবু নিংতম লানদা জর্নেলিজমনা লৌখিবা থৌদাং অদুগী মতাংদা খঙহল্লবদি থবক কবা অমা পাংথোকপা য়াগনি। থিয়েত্রিকেল অমসুং ম্যুজিক্তা থৱাই য়াওজবা মীশিংনা নিংতম লানগী মতমদা কনেক্ত তৌকি অমসুং আর্ত শিজিন্নদুনা নিংতম্বগী খোংজংদা মী কয়া অমা কনেক্ত তৌনবা হোৎনখি, ঐখোয়না মসিবু মাংদা লোমদা চিংখৎপগদবনি। ফাইন আর্তশিংগী মহৈরোইশিংসু মসিদা শরুক য়াহন্দুনা অনৌবা ৱাখল্লোন অমা শাগৎকদবনি। মহাক্না হায়খি  মদুদি প্রধান মন্ত্রী, মোদীনা নিংতম্বগী খোংজংগী নিংতম লান্মী খুদিংমক্তা ইকাইখুম্নবীগদবনি অমসুং মখোয়গী মেমোরী অদুবু হিংগৎহনগদবনি। ঙসি মফম অসিদা শরুক য়ারিবা কলচর মন্ত্রী আমসুং তুরিজমগী মন্ত্রীশিংনা মশামশাগী রাজ্যশিংদা মসিগী হীরমশিং অসিদা খম থেংবা ফাওবা পুখৎনবা হোৎগনি হায়না আশা তৌরি। অচেৎপা ফিরেপ লৌবা হায়বসিনা অজাদি কা অমৃত মাহোতসব অসিগী থৱায়নি, কেন্দ্রগী ওম মিনিস্তর অসিনা হায়খি মদুদি করিগুম্বা প্রজা করোর ১৩০ অসিনা মশা-মশাগী ওইবা ফিরেপ অমা খক্তং ওইরবসু লৌরবদি, অচৌবা ইনর্জী অমা শেম্বা ঙমগনি। করিগুম্বা প্রজা করোর ১৩০না দলিতশিং, লাইরবশিং, খুঙ্গংশিংদা লৈবা লাইরিক-লাইশুগী মঙাল ৱাৎনা ফংবশিংগীদমক্তা ফিরেপ অমা লৌরবদি, মসিগী করোর ১৩০গী ফিরেপকী কলেক্তিব কন্ত্রিব্যুশন অদুনা লৈবাক অসিবু য়াম্না অফাওবা লৈবাক অমা ওইহনবদা য়াম্না চাউবা খোংথাং অমা ওইগনি মসি য়াম্না মরু ওইনা উদবা য়াই অদুবু করিগুম্বা মী করোর ১৩০ অসিনা পাংথোক্লবদি মশিগী পাঙ্গল অসি য়াম্না চাউগনি অমসুং অমৃত মাহোতসব, অমৃত মতমগী মতম অমসুং নিংখা তমখিবগী চহি চামা শুবা অসি ভারতপু ফাওহন্নবগী মতম্মি, ভারতপু মালেম অসিগী খ্বাইদগী মকোক থোংবা মফমদা চিংখৎনবগী মতমনি অমসুং ভারত অসিবু ‘ৱিস্বা গুরু’ ওইহন্নবগী মতম ওইরে হায়না ঐহাক্না থাজৈ। মসিনি প্রধান মন্ত্রী, মোদীনা ঐখোয় ময়ামদা থম্লিবা থাজবা অসি।

 

শহরী অমিত শাহনা হায়খি মদুদি মসিগী নুমিৎ নিনিগী সেমিনার অসিদা, ঐখোয়না অমৃত মাহোতসবকী মতম অসিদা রাজ্যশিংদা মীয়ামগীদমক্তা কন্সিয়সনেস সেন্তরোইগদবা মফমশিং খরা শেমগদবনি। ঐআক লাইরিক-লাইশু হৈরে অমসুং ঐহাক্না লাইরিক-লাইশু হৈতবা অহলশিংদা তাকপীগনি হায়বগুম্বা অসিগুম্বা ফিরেপশিং অসি শন্দোক্কদবনি। ৱাখল্লোনশিং, লৈবাক নিংবা অমসুং চাউখৎ-থৌরাং শন্দোক্নবা থবকশিং তৌরিবা অসিগুম্বা ফিরেপশিং অসি লৌনবা মফম অসিদগী অসিগুম্বা মখলগী এক্সন প্লানশিং শেমগনি হায়বসি ঐহাক্কী থাজবনি হায়না মহাক্না হায়খি। অমুক্কহন্না ঐহাক্না নখোয় ময়ামদা হায়জরি মদুদি প্রধান মন্ত্রী, শ্রী নরেন্দ্র মোদীনা অজাদি কা অমৃত মাহোতসবতগী নিংখা তমখিবগী চহি চামা শুবা ফাওবগী অমৃত মতম অসি ফিরেপশিং অদুবু নিংথুংহনবা মতম্নি, ঐখোয় খুদিংমক্না ভারতপু য়াম্না মমিং লৈবা অমা ওইহন্নবগী খোংচৎ অসিদা কনেক্ত তৌনবগী য়াম্না চাউরবা থৌদাং লৈ। কোবিদ-১৯গী মতম লাক্লে, ইস্বরগী থৌজালদগী অমসুং ভারত সরকার অমসুং রাজ্য সরকারগী হোৎনজমনদগী ঐখোয়না মসিদগী নান্থোকপা ঙম্লে, হৌজিক অমুক্কহন্না ঐখোয়না মসিগী খোংচৎ অসিবু মখাতানা অনৌবা পাঙ্গল থৌনাগা লোইননা চৎকদবনি।

****

(Release ID: 1816180) Visitor Counter : 154