প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদী অমসুং য়ু.এস.এ.গী প্রেসিদেন্ত হিস এক্সেলেন্সী, শ্রী জোসেপ আর. বাইদেনগী মরক্তা ভর্চুৱলগী ওইবা মীফম
प्रविष्टि तिथि:
11 APR 2022 10:12PM by PIB Imphal
প্রধান মন্ত্রী, নরেন্দ্র মোদী অমসুং প্রেসিদেন্ত জোসেপ আর. বাইদেননা ঙসি ভর্চুৱলগী ওইবা মীফম অমা পাংথোকখ্রে। ইন্দিয়া-য়ু.এস. ২+২ মিনিস্তেরিয়েল দাইলোগকীদমক্তা ৱাশিংতনদা লৈরিবা রক্সা মন্ত্রী, শ্রী রাজনাথ সিং অমসুং এক্সতর্নেল এফিয়র্সকী মন্ত্রী, দা. এস. জয়শঙ্করনা মখোয়গী য়ু.এস. কাউন্তরপার্তশিং, সেক্রেতরী ওফ দিফেন্স লোইদ ওস্তিন অমসুং সেক্রেতরী ওফ স্তেত ব্লিঙ্কেনগা লোইননা ৱারী-ৱাতাই শানবা অদুদা হ্বাইত হাউসতা মখোয়সু শরুক য়াখি।
লুচিংবা অনি অদুনা কোবিদ-১৯ লাইচৎ, গ্লোবল ইকোনোমিক রিকোভরী, ক্লাইমেত এক্সন, সাউথ এসিয়া অমসুং ইন্দো-পেসিফিক রিজনদা হন্দক্ক্তা নৌনা তৌরক্লিবা থৌদোকশিং, অমসুং য়ুক্রেনদা লৈরিবা ফিভমগুম্বা রিজনেল অমসুং গ্লোবলগী ওইবা ৱাফমশিংদা মখোয়গী ৱাখল্লোনশিং অদু তাথোক-তাশিন তৌনখি।
মখোয়না হন্দক্কী চহি খরা অসিদা লৈবাক অনি অসিগী মরক্তা লৈরিবা মরীদা শিংথানিংঙাই ওইবা মওংদা খুমাং চাউশিনখিবা অদুবুসু য়েংশিনখি।
লুচিংবা অনি অদুনা ইন্দিয়া-য়ু.এস. কমপ্রেহেন্সিব গ্লোবল স্ত্রেতেজিক পার্তনরশীপ অসিবু মখাতানা চেৎশিনহনবনা লৈবাক অনি অসিদা য়াম্না চাউনা কান্নবা পীগনি, অমসুং মালেম অসিবু শান্তি লৈনা, নুংঙাই-য়াইফনা অমসুং মরা চেৎনা থম্বদা চাউরবা থৌদাংসু লৌগনি হায়বা ৱাফম অসিদা য়ানখি।
*****
(रिलीज़ आईडी: 1815823)
आगंतुक पटल : 183
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam