খুমাং চাওশিনবা এচিবমেন্ত অমদা, নেসনেল দোপ তেস্তিং লেবোরেতরী (এন.দি.তি.এল.)না  অনৌবা অমসুং তাংনা ফংবা রিফরেন্স মেতরিয়েল ৬ (আর.এম.শিং) ইন্দিজিনিয়র্সলী শেমগৎখ্রে, মসি মালেম অসিদা লৈরিবা ৱাদা- এক্রিদিতেদ লেবোরেতরী পুম্নমক্তা এন্তি-দোপিং এনালাইসিস তৌবা মতমদা দরকার ওইরিবা কেমিকেলগী খ্বাইদগী শেংবা মখলনি৷ হায়রিবা আর.এম. তরুক অসি এন.দি.তি.এল.না নেসনেল ইন্সতিত্যুত ওফ ফার্মক্যুতিকেল এজুকেসন এন্দ রিসর্স (নিপর)-গুৱাহতি অমসুং সি.এস.আই.আর.-ইন্দিয়ন ইন্সতিত্যুত ওফ ইন্তিগ্রেতিব মেদিসিন (আই.আই.আই.এম.), জম্মুগা খুৎশম্নদুনা চহি অমা য়ৌদনা চংহনদুনা শেমগৎখিবনি৷

আর.এম.শিং অসি স্পোর্তস মন্ত্রালয়গী স্পোর্তস সেক্রেতরী শ্রীমতি সুজতা চতুর্বেদি অমসুং অতোপ্পা সেনিয়র ওফিসিয়েলশিং শরুক য়াদুনা এন.দি.তি.এল.গী ১৫শুবা গবর্নিং বোদী মীতিংগী মতমদা য়ুথ এফিয়র্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুরনা হৌদোকখিবনি৷

হায়রিবা আর.এম.শিং অসি শেম্লক্তুনা, এন.দি.তি.এল. অসি মালেম অসিদা অসিগুম্বা আর.এম.শিং শেমগৎপা ঙম্বা তাংনা ফংলিবা লেব খরগী মনুংদা অমা ওইবা ঙম্বগী ইকাই খুম্নবা অদু ফংবা ঙমখ্রে৷ এচিবমেন্ত অসিগী মতাংদা ঙাংলদুনা, শ্রী থাকুরনা হায়খি, “অসিগুম্বা রিফরেন্স মেতরিয়েলশিং অসি শেমগৎনবা চোকথবা নাইদনা হোৎনখিবা ইন্সতিত্যুসন অহুম অসিগী সাইন্তিস্তশিংবু ঐনা থাগৎলি৷ হায়রিবা রিফরেন্স মেতরিয়েলশিং অসি মালেম অসিদা লাইনা ফংবা ওইদে অদুবু মসি ৱাদা- এক্রিদিতেদ লেবোরেতরী খুদিংমক্না মখোয়গী এন্তি-দোপিং এনালাইসিসকীদমক দরকার ওইরি৷ ভারত মশামক্না আর.এম.শিং অসি কেনদা অমসুং ওস্ত্রেলিয়াদগী পুশিন্দুনা লাক্লি, অদুম ওইনমক, অসিগুম্বা সাইন্তিফিক দিবেলপমেন্ত অসিগা লোইননা, ভারতনা আত্মনির্ভর ভারতকী মাইকৈদা খোংথাং অমা থাংজিনখ্রে, মসি এন্তি-দোপিং সাইন্সকী ফিল্দদি প্রধান মন্ত্রী শ্রী নরেন্দ্র মোদীগী মংলাননি৷ অথুবা মতমদা, ঐখোয়না হায়রিবা আর.এম.শিং অসি অতোপ্পা লৈবাকশিংদা থাদোকপা ঙম্লগনি৷”

শ্রী থাকুরনা মখাতাখি, “হায়রিবা অতাংবা রিফরেন্স মেতরিয়েলশিং ফংহল্লকপা  অসিনা এন্তি-দোপিং কম্ম্যুনিতী পুম্বনা মখোয়গী তেস্তিং কেপাবিলিতীশিং হেন্না মপাঙ্গল লৈহনবদা মতেং পাংলগনি অমদি  মালেমগী স্পোর্তস পোলিসীদা ফেয়র প্লেবু য়োকখৎনবগীদমক লৈবাকশিংগী মরক্তা মুচুএল কো-ওপরেসন পীনবদা মতেং পাংলগনি৷”

থিংখ্রবা পোৎলমশিংগী রিফরেন্স মেতরিয়েলশিং ২০ লৈবাক অসিদা ফেজ নাইবা মওং অমদা চহি ২-৩দা শুংজনবা অমদি শাজনবগীদমক এন.দি.তি.এল.না নেসনেল সাইন্তিফিক ওর্গনাইজেসন অনিমক্কা লোইননা য়ানা ৱারোল (এম.ও.য়ু.) অমা শহি পীনখিবা মতমদা হায়রিবা রিফরেন্স মেতরিয়েলশিং অসিগী রিসর্স তৌবা মমাংগী চহিদা হৌখি৷ ভারত সরকারদগী এক্তিব সপোর্ত অমসুং ফন্দিং লৌদুনা এন.দি.তি.এল. অমসুং নিপর-জি অমদি সি.এস.আই.আর.-আই.আই.আই.এম., জম্মুগী মরক্তা হায়রিবা আর. অমসুং দি. থবক থৌরমশিং অসি পাংথোকখিবনি৷

লৌঞ্চ তৌখিবা রিফরেন্স মেতরিয়েল তরুক্কী মনুংদা, অহুম অমদি নিপর-গুৱাহতি অমসুং সি.এস.আই.আর.-আই.আই.আই.এম., জম্মুগা খুৎশম্নরগা শুংখিবনি৷ মমাংগী চহিদসু, এন.দি.তি.এল. অমদি নিপর-গুৱাহতিগী সাইন্তিস্তশিংনা ২০২১দা লৈবাক অসিদা অতাংবা রিফরেন্স মেতরিয়েল অনি মাই পাকনা শুংদুনা পুথোকখি অমদি ফেল্লো ৱাদা- এক্রিদিতেদ লেবোরেতরীশিংদা সেয়র তৌখি৷

শান্ন-খোন্নববু অচুম্বা মাইকৈদা শান্নহন্নবগী পান্দম থমদুনা লৈবাক অসিদা এন্তি-দোপিং প্রোগ্রামশিং য়োকখৎনবা অমদি মাই-পাক্না চৎনহন্নবা হোৎনরিবা স্পোর্তস মন্ত্রালয়গী অনিংবা অদুগা মরী লৈননা অসিগুম্বা রিফরেন্স মেতরিয়েলশিং পুথোরকপা অসিনা এন্তি-দোপিং তেস্তিংবু ফগৎহল্লগনি৷

*******