ভারতকী প্রধান মন্ত্রী শ্রী নরেন্দ্র মোদী অমসুং ওস্ত্রেলিয়াগী প্রধান মন্ত্রী শ্রী স্কোত মোরিসন য়াওদুনা পাংথোকখিবা ভর্চুএল থৌরম অমদা ভারত সরকারগী কম্মর্স অমসুং ইন্দস্ত্রী মন্ত্রী, কঞ্জুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রী, অমদি তেক্সতাইল মন্ত্রী, শ্রী পিয়ুশ গোয়াল অমদি ওস্ত্রেলিয়া সরকারগী ত্রেদ, তুরিজম অমসুং ইনবেস্তমেন্ত মন্ত্রী, শ্রী দান তেহান, এম.পি.না ঙসি ইন্দিয়া-ওস্ত্রেলিয়া ইকোনোমিক  কোওপরেসন এন্দ ত্রেদ এগ্রীমেন্ত শহি পীনখি৷

ইন্দিয়া-ওস্ত্রেলিয়া ই.সি.তি.এ.গী মরু ওইবা ফিচরশিং অদু মখাদা লৈরে:

২. চহি তরাগী খুজিং অমা হেল্লবা মতুং অসিদা ইন্দিয়া-ওস্ত্রেলিয়া ই.সি.তি.এ. অসি ভারতকী ওইনদি চাওখৎলবা লৈবাক অমগা থম্নখিবা অহানবা ত্রেদ এগ্রীমেন্তনি৷ এগ্রীমেন্ত অসিদা মরুপ ওইরিবা লৈবাক অনিগী মরক্তা বাইলেতরেল ইকোনোমিক অমসুং কম্মর্সিয়েল রিলেসনশিংগী হিরম পুম্নমক্তা কোওপরেসন পীনবা য়াওরি অমদি  পোৎ-চৈশিংদা ললোন-ইতিক তৌবা, ওরিজিনগী রুলশিং, সর্ভিসেসতা ত্রেদ তৌবা, তেক্নিকেল বেরিয়র্স তু ত্রেদ (তি.বি.তি.), সেনিতরী অমসুং ফাইতোসেনিতরী (এস.পি.এস.) মিজরশিং, চয়েৎনবা লৈবশিং ৱারোইশিন পুরকপা, নেচরেল পর্সনশিং, তেলিকোম, কস্তমস প্রোসিদ্যোরশিং, ফার্মক্যুতিকেল প্রদক্তশিং পুথোক-পুশিন তৌবগী এরিয়াশিং অমদি অতোপ্পা এরিয়াদা কোওপরেসন পীননবা কবর তৌরি৷ এগ্রীমেন্তরী শরুক ওইনা বাইলেতরেল ইকোনোমিক কোওপরেসনগী তোঙান তোঙানবা এস্পেক্তশিং কবর তৌরিবা অখন্নবা সাইদ লেত্তরশিংগী হিরম নিপানসু ৱারোইশিন তাখি৷

ইম্পেক্ত নত্রগা কান্নবশিং:

৩.. লৈবাক অনিগী মরক্তা ললোন-ইতিক তৌরিবা অসিবু থৌনা হাপ্নবা অমদি হেন্না হেন্না তৌহন্নবগী ইন্সতিত্যুসনেল মেকানিজম অমা ই.সি.তি.এ.না পীরি৷ মথংশিৎনা ভারত অমসুং ওস্ত্রেলিয়ানা য়েংশিল্লিবা তেরিফ লাইন অয়াম্বনা ভারত অমদি ওস্ত্রেলিয়াগী মরক্তা লৈরিবা ই.সি.তি.এ.দা কবর  তৌরি৷ ওস্ত্রেলিয়ানা পীরিবা প্রিফরেন্সিয়েল মার্কেৎ এসেসতগী মদুগী তেলিফ লাইনগী ১০০%দা ভারতনা কান্নবা ফংগনি৷ মসিগী মনুং চল্লিবশিং অদুদি ভারত্তা এক্সপোর্তকী লৈরিবা লেবর-ইন্তেন্সিব সেক্তর পুম্নমক খুদম ওইনা জেম্স অমসুং জ্বেল্লরী, তেক্সতাইল্স, লেদর, ফুতৱেয়র, ফর্নিচর, ফুদ অমসুং এগ্রীকল্চরেল পোত্থোকশিং, ইঞ্জিনিয়রিং পোত্থোকশিং, মেদিকেল দিভাইসশিং, অমসুং ওতোমোবাইলশিংনি৷ অমরোমদা, ভারতনা মশাগী তেরিফ লাইনগী ৭০% হেনবদি ওস্ত্রেলিয়াদা প্রিফরেন্সিয়েল এসেস পীরগনি,মসিদা মরু ওইবা রো মেতরিএলশিং অমদি ইন্তরমেদিয়রীশিং খুদম ওইনা কোইলা, মিনরেল ওরশিং অমদি ৱাইননচিংবা পোৎলমশিং অসি ওস্ত্রেলিয়াদা এক্সপোর্ত তৌনবগী লাইনশিং য়াওরি৷

৪. সর্ভিসেসতা ত্রেদ য়াওশিল্লকপা অসি য়েংলগা, ওস্ত্রেলিয়ানা সব-সেক্তর ১৩৫রোমদা চাওরবা কম্মিতমেন্তশিং পীখ্রে অমদি মোস্ত ফেবর নেসন (এম.এফ.এন.)না সব-সেক্তর ১২০দা পীখ্রে, মসিগী মনুং চল্লিবা ভারতকী মরু ওইরিবা এরিয়াশিং অদুদি আই.তি., আই.তি.ই.এস., বিজিনেস সর্ভিসেস, হেল্থ, এজুকেসন, অমসুং ওদিও বিজ্যুলনি৷ সর্ভিসেস স্পেসতা ওস্ত্রেলিয়াদগী ওফর তৌরকখিবা মরু ওইবা এরিয়াশিংগী মনুং চল্লিবশিং অদুদি: চেফশিং অমসুং য়োগ ওজাশিংগী কোতা; রেসিপ্রোকেল বেসিস্তা ভারতকী মহৈরোইশিংগীদমক  চহি ২-৪গী পোস্ত স্তদী ৱার্ক বিসা; প্রোফেসনেল সর্ভিসেস অমদি অতোপ্পা লাইসেন্স/রিগুলেতেদ ওকুপেসনশিংবু অমনা অমবু মশক খঙবিবা; নহা ওইরিবা প্রোফেসনেলশিংগীদমক ৱার্ক অমসুং হোলিদে বিসা এরেঞ্জমেন্ত অসিনি৷ অমরোমদা, ভারতনা ওস্ত্রেলিয়াদা সব-সেক্তর ১০৪রোমদা মার্কেৎ এসেস পীখ্রে অমদি অচৌবা সর্ভিস সেক্তর ১১ খুদম ওইনা ‘বিজিনেস সেক্তরশিং’, ‘কম্ম্যুনিকেসন সর্ভিসেস’, ‘কন্সত্রক্সন অমসুং মরী লৈনবা ইঞ্জিনিয়রিং সর্ভিসেস’ অমদি অতৈ অতৈশিংদগী  মোস্ত ফেবর নেসননা সব-সেক্তর ৩১দা মার্কেৎ এসেস পীখ্রে৷ এগ্রীমেন্ত অসিগী মখাদা নাকল অনিমক্না ফার্মক্যুতিকেল পোত্থোকশিংদা তোখায়না এনেক্স তৌননবসু য়ানখি, মসিনা পেতেন্তেদ, জেনেরিক অমদি বাইওসিমিলর মেদিসিনশিংগীদমক ফাস্ত ত্রেক এপ্রুবল তৌবা ঙমহল্লগনি৷

তাইমলাইনশিং:

৫. ভারত-ওস্ত্রেলিয়া ই.সি.তি.এ.গী নেগোসিয়েসন অদু ফোর্মেল্লী ওইনা ২০২১গী সেপ্তেম্বর ৩০দা অমুক হন্না লোঞ্চ তৌখি অমদি ২০২২গী মার্চকী লোইশিল্লকপা শরুক্তা ফাস্ত-ত্রেক বেসিস্তা ৱারোইশিন তাখি৷

বেকগ্রাউন্দ:

৬. ভারত অমদি ওস্ত্রেলিয়াগী মরক্তা ফজরবা বাইলেতরেল রিলেসনশিং লৈবসিনা হৌখিবা চহিশিং অসিদা ত্রান্সফোর্মেতিব ওইবা অওনবা পুরকপা, পোজিতিব ত্রেক অমগা লোইননা দিবেলপ তৌবা অমদি মরুপ-মপাং ওইবগী পার্তনরশিপ শেম্বা ঙমখিবনি৷ মসি প্লুরেলিস্তিক, পার্লিয়ামেন্তেরী দেমোক্রেসীস, কম্মনৱেল্থ ত্রেদিসনশিং, এক্সপান্দিং ইকোনোমিক এনগেজমেন্ত, মতম কুইনদগী মীগা মীগাগী মরক্তা লৈরক্লিবা মরীশিং অমদি অৱাংবা থাক্কী ইন্তরেক্সন তৌবা হেনগৎলকপগী সেয়র ভেল্যুশিং উৎলিবা অখন্নবা পার্তনরশিপ অমনি৷ ২০২০গী জুন ০৪দা ভারতকী ইকাই খুম্নরবা প্রধান মন্ত্রী হিস এক্সিলেন্সী শ্রী নরেন্দ্র মোদী অমদি ওস্ত্রেলিয়াগী ইকাই খুম্নরবা প্রধান মন্ত্রী হিস এক্সিলেন্সী শ্রী স্কোত মোরিসনগী মরক্তা পাংথোকখিবা ইন্দিয়া-ওস্ত্রেলিয়া লিদর্স ভর্চুএল সম্মিতকী মতমদা হৌদোকখিবা ইন্দিয়া-ওস্ত্রেলিয়া কমপ্রিহেন্সিব স্ত্রাতিজিক পার্তনরশিপ অসি ঐখোয়গী মল্তি-ফেসিতেদ বাইলেতরেল রিলেসনশিংগী ওইনদি কোর্নরস্তোন ওই৷

৭. ইন্দিয়া-ওস্ত্রেলিয়াগী শেল-থুম অমসুং কম্মর্সিয়েলগী ওইবা মরীশিং ফগৎলকপা অসিনা লৈবাক অনিগী মরক্তা লৈরিবা বাইলেতরেল রিলেসনশিপপু স্তেবিলিতীদা পুরকপদা অমদি হেন্না মপাঙ্গল লৈহনবদা কন্ত্রিব্যুত তৌরি৷ ইন্দিয়া অমসুং ওস্ত্রেলিয়া অসি অমনা অমগী য়াম্না মরু ওইবা ত্রেদিং পার্তনরশিং ওইখ্রে৷  মতমগী মতুং ইন্না হায়রিবা বাইলেতরেল  ইকোনোমিক অমসুং কম্মর্সিয়েল রিলেসনশিং অসিনা লেপ্প-লৈতনা ফগৎলক্লি৷ ওস্ত্রেলিয়া অসি ভারতকী ১৭শুবা ত্রেদিং পার্তনরনি অমদি ভারতনা ওস্ত্রেলিয়াগী খ্বাইদগী চাওবদা ৯শুবা ত্রেদিং পার্তনরনি৷ মর্কেন্দাইস অমসুং সর্ভিসেস অনিমক্কী ওইনা লৈরিবা ইন্দিয়া-ওস্ত্রেলিয়া বাইলেতরেল ত্রেদকী ভেল্যু অসি ২০২১দা য়ু.এস.$ বিলিয়ন ২৭.৫নি৷ ২০১৯ অমসুং ২০২১গী মরক্তা ওস্ত্রেলিয়াদা এক্সপোর্ত তৌরিবা ভারতকী মর্কেন্দাইস অসি ১৩৫% য়ৌখ্রে৷ ভারতকী এক্সপোর্তশিং অসি মরু ওইনা ফিনিশ প্রদক্তশিং ওইরি অমদি ২০২১দা মসিগী ভেল্যু অসি য়ু.এস.$ বিলিয়ন ৬.৯ ওইখি৷ ২০২১দা ওস্ত্রেলিয়াদগী লৌশিল্লকখিবা ভারতকী মর্কেন্দাইস ইম্পোর্তশিং অসি য়ু.এস.$ বিলিয়ন ১৫.১ ওইখি, মসিদা রো মেতরিএলশিং, মিনরেলশিং অমদি ইন্তরমেদিয়েত গুদসনা অয়াম্বা ওইরি৷

৮.  ভারত অমসুং ওস্ত্রেলিয়ানা জপানগা লোইননা ত্রাইলেতরেল সপ্লাই চেন রিসইলেন্স ইনিসিয়েতিব (এস.সি.আর.আই.) এরেঞ্জমেন্তদা পার্তনরশিং ওইরি, মসিনা ইন্দো-পেসিফিক রিজনদা সপ্লাই চেনশিংগী রিসাইলেন্স হেনগৎহন্নবা হোৎনরি৷ মখাতানা, ভারত অমসুং ওস্ত্রেলিয়ানা হন্দক্তা ইকুাই কুইদ্রিঙৈদা শেমখিবা য়ু.এস. অমসুং জপানসু য়াওরিবা ক্বাদকী মেম্বরশিংসু ওইরি, মসিনা কোওপরেসন পীনবা হেনগৎহন্নবা অমদি কম্মন কন্সর্নশিংগী তোঙান তোঙানবা ইসু কয়ামরোমদা পার্তনরশিপ শেমগৎনবা হোৎনরি৷

৯. ইন্দিয়া-ওস্ত্রেলিয়া ই.সি.তি.এ. অসিনা লৈবাক অনিগী মরক্তা মাংজৌননা হকচিন্না, চেৎনা অমদি স্ত্রাতিজিক ওইনা লৈখ্রবা মরীশিং অদু মখাতানা চেৎশিলহল্লগনি অমদি মসিনা গুদস অমসুং সর্ভিসেসতা বাইলেতরেল ত্রেদ তৌবা হেনগৎহল্লগনি, অনৌবা থবক্কী খুদোংচাবশিং ফংহল্লগনি, লিবিং স্তেন্দর্দশিং ফগৎহল্লগনি অমদি লৈবাক অনিমক্কী প্রজাগী য়াইফবা হেনগৎহল্লগনি৷

*******