ৱিমেন অমসুং চাইল্দ দিভেলপমেন্তকী কেন্দ্র মন্ত্রী, শ্রীমতি স্মৃতী জুবিন ইরানীনা লুচিংদুনা হয়েং, হায়বদি, এপ্রিল ১২, ২০২০দা মুম্বাইদা পাংথোক্কদবা নোংচুপ লমদমগী স্তেকহোলদর অমসুং রাজ্য/য়ু.তি.শিংগী জোনেল কনফরেন্স পাংথোক্কনি। মহারাস্ত্রা, রাজস্থান, গোৱা, গুজরাত, মধ্য প্রদেশ, দাদ্রা অমসুং নগর হবেলী অমসুং দামন অমসুং দ্যুনা মীফম অসিদা শরুক য়াগনি। হন্দক্তা হৌদোকখিবা মিসন ৩ – পোশন ২.০, বতসলয়া অমসুং শক্তিগী মপুং ফানা কান্নবা ফংহন্নবগীদমক্তা, ৱিমেন অমসুং চাইল্দ দিভেলপমেন্ত মন্ত্রালয়না লৈবাক্কী মফম খুদিংগী রাজ্য সরকার অমসুং স্তেকহোলদরশিংগা জোনেল কনফরেন্স পরিং কয়া পাংথোক্লি। গুৱাহাতীদা পাংথোক্কদৌরিবা জোনেল কনফরেন্স অসিনা পরিং অসিগী অহুমশুবা ওইগনি। অসিগুম্বা অহানবা মীফম অসি এপ্রিল ২দা চান্দিগরদা, অনিশুবনা এপ্রিল ৪দা বেঙ্গালুরুদা অমসুং অহুমশুবনা এপ্রিল ১০দা গুৱাহাতীদা পাংথোকখ্রবনি।

ভারতকী মীশিংগী শরুক ৬৭.৭% ওইরিবা অঙাং অমসুং নুপীশিংবু মপাঙ্গল হাপ্পা অমসুং ঙাক-শেনবা অমসুং তেক্ত-কায়দবা অমসুং শোই-ঙামদবা অকোয়বগী ফিভম অমদা মখোয়গী মপুং ওইবা চাউখৎপা পুরকপা হায়বসি লৈবাক্কী তুং কোইনা অমসুং মান্ননা চাউখৎপদা য়াম্না মরু ওই অমসুং শেন্মিৎলোন অমদি খুন্নাইদা অহোংবা পুরকপগীদমক্তসু য়াম্না মরু ওই। হায়রিবা পান্দমশিং অসি ফংনবগীদমক্তা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী কেবিনেৎনা মন্ত্রালয় অসিগী মিসন মোদতা পায়খৎকদবা মরু ওইবা অম্ব্রেল্লা স্কিম ৩গী অয়াবা পীখ্রবনি। স্কিমশিং অদুদি মিসন পোশন ২.০, মিশন শক্তি অমসুং মিসন বতসলয়ানি। মিসন ৩ অসি ২০২১-২৫দগী ২০২৫-২৬গী ১৫শুবা ফাইনান্স কম্মিসনগী মতমগী মনুংদা থবক ওইনা পায়খৎকনি। অম্ব্রেল্লা মিসনশিং অসিগী মখাদা লৈবা স্কিমশিং অসিদি কেন্দ্রনা তেংবাংদুনা পুথোকপা স্কিমশিংনি অমসুং রাজ্য সরকার/য়ু.তি. লৈঙাক্লোইশিংনা অচঙবা শেনফম পুথোকমিন্নবগী কাঙলোনগী মখাদা অচঙবা শেনফম পুথোক্নদুনা থবক ওইনা পায়খৎকদবনি। রাজ্য/য়ু.তি.শিংদা স্কিমগী কাঙলোনশিং পীরি।

ৱিমেন অমসুং চাইল্দ দিভেলপমেন্ত মন্ত্রালয়গী মরু ওইবা পান্দম অসিদি নুপী অমসুং অঙাংগী মতাংদা রাজ্যশিংনা থবক তৌবদা অৱাৎপা লৈবশিং য়েংশিনবা অমসুং জেন্দরশিংনা মান্ননা কান্নবা ফংবা, অঙাংশিংদা য়ুম্ফম ওইবা লেজিসলেসন, পোলিসী অমসুং প্রোগ্রাম কয়া শেম্নবগীদমক্তা মন্ত্রী অমসুং সেক্তরগী মরক্তা পুন্সিন্নববু খুমাং চাউশিলহনবা অমসুং নুপী অমসুং অঙাংশিংদা অচান মীরায় নাইবা অমসুং খুদোংথীবা নংবা কয়াদগী মনীং তম্বগা লোয়ননা লায়না ফংবা য়াবা, শেল য়াম্না চঙদবা অমসুং থাজবা য়াবা অকোয়বগী ফিভম অমা লৈহনবনি। হীরম অসিগা মরী লৈননা, মন্ত্রালয়গী স্কিমশিং অসিগী পান্দমশিংবু স্কিম অসিবু গ্রাউন্দদা শেন্নবগী থৌদাং লৌরিবা রাজ্য সরকার অমসুং য়ু.তি. লৈঙাক্লোইশিংনা শৌগৎলবা তুংদা ফংগদবনি।

জোনেল কনফরেন্স অসিগী পান্দমদি লৈবাক্কী নুপী অমসুং অঙশিংগী কান্নবা পুরক্নবা মিসন অসিদা থম্লিবা খুন্নাইদা অহোংবা পুরকপগী ৱাখল্লোনবু শোইদনা মায় পাকহন্নবা কো-ওপরেতিব ফেদেরেলিজমগী অশেংবা ইথিলগা লোয়ননা মথংগী চহি ৫গী মনুংদা স্কিমশিং অসিবু নীংথিজনা পায়খৎপদা তেংবাংনবগীদমক্তা রাজ্য সরকারশিংবু মন্ত্রালয়গী অম্ব্রেল্লা মিসন ৩গী মতাংদা নীংথিজনা খঙহনবনি।

মিশন পোশন ২.০ অসিদি ইন্তিগ্রেতেদ ন্যুত্রিসন সপ্পোর্ত প্রোগ্রাম অমনি। মসিনা ন্যুত্রিসন কন্তেন্ত অমসুং দেলিবরীদা অহোংবা পুরক্লবা নীংথিজনবা থৌরাং য়াৎপগী খুত্থাংদা অমসুং হকশেল, হকশেল ফনা লৈবা অমসুং ইম্যুনিতী ফগৎহনববু পুক্নিং থৌগৎপা অমসুং ওইথোকহনবা ইকো-সীস্তেম কয়া পুন্সিনবগী পথাপ অমা শেমদুনা অঙাং, ইনখৎলক্লিবী নুপীমচা, মীরোনবী নুপী অমসুং শঙ্গোম পীথক্লিবী মমাশিংনা থেংনরিবা মেলন্যুত্রিসনগী শিংনবশিংবু থেংননবা পান্দম থম্লি। পোশন ২.০না সপ্লিমেন্তরী ন্যুত্রিসন প্রোগ্রামগী মখাদা চিঞ্জাক্কী মগুন ফগৎহনবা অমসুং পীবগী থৌওংবু নীংথিজনা পাংথোকহনগনি। পোশন ২.০না মরু ওইবা প্রোগ্রাম/স্কিম ৩ – আঙ্গনৱারী সর্ভিস, ইনখৎলক্লিবা নুপীমচাশিংগী স্কিম অমসুং পোশন অভিয়ানবু মসিগী মখাদা চলহনগনি।

মিসন শক্তিনা ইন্তিগ্রেতেদ কেয়র, সেফতী, প্রোতেক্সন, রিহেবিলিতেসন অমসুং ইম্পাৱর তৌবগী খুত্থাংদা নুপীশিংনা মখোয়গী পুন্সিগী তোঙানবা থাক কয়া লান্দুনা চৎপদা অয়েৎপা অমত্তা পীদনা মখোয়দা অমত্তা ওইনা পুন্সিল্লবা সিতিজন-সেন্ত্রিক লাইফাসাইকল সপ্পোর্ত পীবগী পান্দম থম্লি। মসিন শক্তিগী সব-স্কিম অনি লৈ – ‘সম্বাল’ অমসুং ‘সামর্থ্য’।‘সম্বাল’ সব স্কিম অসিনা নুপীশিংগী তেক্ত-কায়দবা অমসুং ঙাক-শেনবগীনি অদুগা ‘সামর্থ্য’ অসিনা নুপীশিংবু মপাঙ্গল হাপ্পগীনি।

মিসন বতসলয়াগী পান্দমদি লৈবাক অসিগী অঙাং খুদিংগী হকশেল ফবা অমসুং নুংঙাইবা অঙাং ওইবগী মতম ফংহনবা; অঙাংশিং চাউখৎপগী সেন্সিতিব, সপ্পোর্তিব অমসুং সীঙ্ক্রোনাইজ ওইবা ইকো-সীস্তেম অমা লৈহনবা; জুভেনাইল জস্তিস এক্ত, ২০১৫গী কাঙলোনশিং পাংথোকপদা রাজ্য/য়ু.তি.শিংবু তেংবাংবা; এস.দি.জি.গী পান্দমশিং ফংহনবা অসিনি। মিসন অসিগী মখাদা লৈবা থৌওং কয়াগী মনুং চনবশিংদি স্তেত্যুতরী বোদী; সর্ভিস দেলিবরী স্ত্রকচর; ইন্সতিত্যুস্নেল কেয়র/সর্ভিস; নন-ইন্সতিত্যুস্নেল কম্ম্যুনিতী বেজ কেয়র; ইমর্জেন্সী আউতরীচ সর্ভিস; ত্রেনিং অমসুং কেপাসিতী বিলদিংনি।

****