ৱিমেন অমসুং চাইল্দ দিবলপমেন্তগী কেন্দ্রগী মন্ত্রী স্মৃতী ইরানীনা ঙসি গুৱাহাতীদা অৱাং নোংপোক মফমশিংগী স্তেকহোল্দরশিংগা লোয়ননা রাজ্য সরকারশিংগী জোনেল কনফরেন্সতা ময়াই তাঙবল লৌখ্রে। আসম, অরুনাচল প্রদেশ, মনিপুর, ত্রিপুরা, মিজোরম, মেঘালয়, সিক্কিম অমসুং নাগালেন্দগী শরুক য়ারিবশিংনা কনফরেন্স অসিদা য়াওখি।

মন্ত্রীনা মহাক্কী ৱা ঙাংবদা মন্ত্রালয় অসিগী পোশন অভিয়ান অমসুং অতৈ লৌখৎলিবা খোঙথাংশিংগী মরীক চুম্বা উৎখি। মহাক্না হায়খি মদুদি অৱাং নোংপোক্কী মফম শিনবা থুংনা লৈরিবা অঙ্গনৱাদী অমসুং ৱান স্তোপ সেন্তরশিংনা ভারত সরকারগী অতৎপা লৈরিবা জিওগ্রাফিকেল অমসুং লোজিস্তিকেল ওইবা থেংনরিবা অৱাবশিং য়াম্না থুনা কোক্নবা মতেং পীগনি।  

মহাক্না হায়খি মদুদি নুপী অমসুং অঙাংশিংদা চিঞ্জাক্কী মগুন ফগৎলক্লিবা অসি ঙসিদি জন অন্দোলন্দা ওন্থোক্লে। স্তেকহোল্দরশিংনা মখোয়গী মথৌদাং লৌবদা হোৎনরিবা অসিদা থাগৎপা ফোংদোক্লদুনা মন্ত্রীনা হায়খি মদুদি নুপীশিংগী হকশেল অমসুং অঙাংশিংগী চিঞ্জাক্কী ইসুশিং কোকহনবা ঙম্লিবা অসি মখোয়গী মতেং পাংলকপনা ওইথোকপা ঙম্বনি।

ৱান-স্তোপ সেন্তরশিংগী মরমদা ৱা ঙাংলদুনা মহাক্না হায়খি মদুদি ৱান স্তোপ ক্রাসিস সেন্তরনা সরকারগী মশা কয়া খুৎশ্নদুনা হোৎনব উরি মদুদি পুলিস, সাইকো-সোসিএল কাউন্সেলর, লেগেল কাউন্সেলর অমসুং পুম্নমক্না অমত্তা ওইনা লৈরি। হৌখিবা চহি ৩দা লৈবাক অসি শিনবা থুংনা ৱিমেন হেপলাইনগা লোয়ননা খুৎশম্নদুনা, নুপী লাখ ৭০না রাজ্য অমসুং কেন্দ্র সরকারদগী মতেং ফংখ্রে, হায়না মহাক্না পাউদমখি। মন্ত্রীনা মসি অমসু পাউদমখি মদুদি অসিগুম্বা সেন্তর ৩০০ হেন্না হাংদোক্লগনি।  

সরকারনা লৌখৎপা অতোপ্পা খোঙথাংশিংগী মরমদা পল্লদুনা শ্রীমতি ইরানীনা হায়খি মদুদি জন-ধন য়োজনানা কান্নবা পীবা মখোয়গী পুন্সিদা অহানবা ওইনা বেঙ্ক একাউন্ত হাংবা নুপী করোর ২৫ লোম লৈরে। মুদ্রা য়োজনাগী বেনিফিসরীশিংগী চাদা ৬৮ অমদি নুপীনি অমসুং স্তেন্দ-অপ ইন্দিয়াগী বেনিফিসরীশিং চাদা ৮০ অমদি নুপীনি, হায়না শ্রীমতি ইরানীনা হায়খি।

ৱিমেন অমসুং চাইল্দ দিবলপমেন্তগী রাজ্যগী মন্ত্রী দাঃ মুঞ্জপারা মহেন্দ্রভাই কালুভাইনা মহাক্কী ৱা ঙাংবদা ৱিমেন অমসুং চাইল্দ দিবলপমেন্ত মন্ত্রালয়গী মরুওইবা অমব্রেলা স্কীম অহুম মদুদি মিসন পোশন, মিসন শক্তি অমসুং মিসন বাতসাল্যা উৎখি। লৈবাক অসিগী রাজ্য কয়াদা পাংথোকখিবা জোনেল কনফরেন্সকী মতাংদা ৱা ঙাংলদুনা মহাক্না হায়খি মদুদি সরকারনা স্কীম কয়া অমগী খুৎথাংদা নুপীশিংবু শক্তি পীনবা মিৎয়েং থম্লি অমসুং মসিগী জোনেল কনফরেন্স অসিগী পান্দম অসি লাক্লিবা চহি ৫ অসিদা মন্ত্রালয় অসিগী অমব্রেলা মিসনশিং ৩গী স্কীমশিং অসিবু মফম চানা শিজিন্নবা রাজ্য সরকারশিং/য়ু.তি. এদমিনিস্ত্রেসনশিংবু সেন্সিতাইজ তৌবনি।   

আসম সরকারগী ফাইনান্স অমসুং সোসিএল ৱেলফিয়রগী মন্ত্রী শ্রীমতি অজান্তা নিওগনসু ঙসিগী থৌরমদা খুদোল তৌখি। শ্রীমতি নিওগনা মহাক্কী ৱা ঙাংবদা নুপী অমসুং অঙাংগী য়াইফ-থৌরাংগীদমক রাজ্য সরকারনা লৌখৎলিবা খোঙথাংশিং উৎখি। আসম সরকারনা রাজ্য অসিদা নুপী অমসুং অঙাংশিংগী অপুনবা চাউখৎ থৌরাংগীদমক লেপ্লি, হায়না মহাক্না হায়খি।

নুপী অমসুং অঙাংশিংগী শক্তি পীবা অমসুং ঙাক-শেনবা হায়রিবা অসিনা ভারতকী মীশিং ৬৭.৭% ওইরিবা অমসুং শাফবা অমসুং তেক কাইরোইদবা এনভাইরোনমেন্ত অমদা মখোয়গী মশা মউ ফবা হায়বা অসিনা লৈবাক অসিগী চাউখৎপগীদমক অমসুং ইকোনোমিক অমসুং সমাজগী অহোংবা অমগীদমক মরুওইবা অমা ওই। পান্দম অসি ফংননবা, প্রধান মন্ত্রী শ্রী নরেন্দ্র মোদীনা ময়াই তাঙবল লৌবা কেন্দ্রগী মন্ত্রীমন্দলনা মিসন মোদতা হাপ্নবা মন্ত্রালয় অসিগী মরুওইবা স্কীম ৩ মদুদি মিসন পোশন ২.০, মিসন শক্তি অমসুং মিসন বাতসাল্যা হন্দক্তা অয়াবা পীখি। মসিগী মিসন ৩ অসি ২০২১-২২দগীনা ২০২৫-২৬ ফাওবগী মনুং ১৫শুবা ফাইনান্স কমিসন্দা হাপক্নি। অমব্রেলা মিসনশিংগী মখাদা লৈরিবা স্কীমশিং অসি কেন্দ্রনা পুথোকপা স্কীম্নি হায়রিবা অসি রাজ্য সরকার/য়ু.তি. এদমিনিস্ত্রেসনশিংনা কোস্ত শিয়রিং নোর্মশিংগী মতুং ইন্না কোস্ত-শিয়রিং তৌগনি। স্কীমগী লমজিং-লমতাকশিং রাজ্যশিং/য়ু.তি.শিংগা লোয়ননা শিয়র তৌগনি।   

ৱিমেন অমসুং চাইল্দ দিবলপমেন্ত মন্ত্রালয়গী মরুওইবা পান্দমদি রাজ্যনা নুপী অমসুং অঙাংশিংগীদমক পায়খৎলিবা থবকশিংদা লৈরিবা অহোবশিং মেনখৎনবনি অমসুং জেন্দর মান্নবা পুরক্নবা অমসুং অঙাংশিংগী লেজিস্তলেসন, পোলিসী অমসুং প্রোগ্রামশিং অমসুং নুপী অমসুং অঙাংশিংবু এসেসিবল, এফোর্দেবল, রিলাইএবল ওইবা অমসুং মখল অমত্তগী নমথবা অমসুং হিংসা তৌবদা ইন্তর-মিনিস্ত্রিএল অমসুং ইন্তর-সেক্তোরেলগী পুক্নিং থৌগৎনবনি। মসিগী মাইকৈদা, মন্ত্রালয় অসিগী স্কীমশিং অসিগী মখাদা থম্লিবা পান্দম অসি স্কীম অসিগী এদমিনিস্ত্রেসনগী থৌদাং অসি গ্রাউন্দা পায়গদৌরিবা রাজ্য সরকার অমসুং য়ু.তি. এদমিনিস্ত্রেসনগী মতেংগা লোয়ননা ফংনবা হোৎনবা অসিনি।

*****