নুমিৎ নিনিগী নেস্নেল ৱার্কশোপ  অমা (২০২২গী এপ্রীল ৭ অমসুং ৮) দিবেলপমেন্ত সপোর্ত এজেন্সী ওফ গুজরাত (দি.এস.এ.জি.), গুজরাতকী ত্রাইবেল দিবেলপমেন্ত দিপার্তমেন্ত অমদি ভারত সরকারগী ত্রাইবেল এফিয়র্স মন্ত্রালয়না মধ্য প্রদেশকী ভোপালদা শিনখি৷ হিস্তোরিয়নশিং, ত্রাইবেল পুৱারীগা শাগোন্নরিবা রিসর্চরশিং, এনথ্রোপোলোজিস্তশিং, ফিল্মমেকরশিং, কুরেতরশিং, আর্তিস্তশিং অমদি ম্যুজিয়ম শেমগৎপদা য়াওগদৌরিবা এক্সপর্তশিং য়াওনা এক্সপর্ত য়াংখৈ হেনবগা লোইননা ত্রাইবেল ম্যুজিয়মশিং শেমগৎ-শাগৎকদৌরিবা তোঙান তোঙানবা রাজ্যশিংগী ত্রাইবেল রিসর্স ইন্সতিত্যুতশিংগী দাইরেক্তরশিং অমদি মীহুৎশিংগা কুপথনা খন্ন-নৈনখ্রে৷

২০১৬কী ওগস্ত ১৫দা, প্রধান মন্ত্রী শ্রী নরেন্দ্র মোদীনা রেদ ফোর্ততা ঙাংখিবা মহাক্কী ইন্দিপেন্দেন্স দে ৱারোলদা, মহাক্না লৈবাক্কী নিংতম ইহৌদা ত্রাইবেলগী মশক নিংথিনা খঙহৌদ্রবা অথৌবশিংনা লৌখিবা থৌদাং অদুবু মশক খঙবিবা ওইনা ত্রাইবেল নিংতম লান্মীশিংগী ম্যুজিয়মশিং  শেমগৎনবা লাওথোকখ্রে৷  মসিনা মরম ওইরগা, ত্রাইবেল এফিয়র্স মন্ত্রালয়না গুজরাত, ঝর্খন্দ, আন্ধ্র প্রদেশ, ছত্তিশগর, কেরলা, মধ্য প্রদেশ, তেলঙ্গনা, মনিপুর, মিজোরাম অমসুং গোৱাদা শাননবা ত্রাইবেল ফ্রীদম ফাইতর ম্যুজিয়ম তরা সেঙ্কসন তৌখ্রে৷ ২০২১গী নবেম্বর ১৫, জনজাতিয়া গৌরব দিৱসতা,ঝর্খন্দগী ভগবান বিস্বা মুন্দা ত্রাইবেল ফ্রীদম ফাইতর ম্যুজিয়ম লৈবাক অসিদা প্রধান মন্ত্রী শ্রী নরেন্দ্র মোদীনা কৎখি৷ নর্মদা জিলাগী গুরুদেশ্বরদা শেমগৎলিবা ম্যুজিয়ম অদু নেস্নেল ম্যুজিয়ম ওইরগা, মসিদা অচৌবা গেল্লরী ১৬তি ভারত্তা হৌখিবা ত্রাইবেল  নিংতম ইহৌশিংদা কৎলগনি৷ শেমগৎ-শাগৎলিবা ম্যুজিয়ম অসি স্তেচু ওফ য়ুনিতীদগী কি.মি. ৬রোম লাপ্লি৷

২০১৭তগী হৌদুনা, নেস্নেল লেবেল কম্মিতী মীতিং ১৩ পাংথোকখ্রে, হায়রিবা ম্যুজিয়মশিং অসিগী সিবিল অমসুং কুরেসনেল এস্পেক্ততা মখোয়গী রিকম্মেন্দেসনশিং পীখ্রে৷ মমাংদা গুরুদেশ্বরদা নেস্নেল লেবেল কম্মিতী (এন.এল.সি.) গী মীফম ফমখ্রে, মসিদা ত্রাইবেল এফিয়র্স মন্ত্রালয়গী সেক্রেতরী অমসুং ন্যু দিল্লীগী কলচর মন্ত্রালয়গী সেক্রেতরী অমদি তোঙান তোঙানবা এরিয়াশিংগী এক্সপর্তশিংনা নেস্নেল ম্যুজিয়ম অসিগীদমক সজেসনশিং পীরকখ্রে৷ এন.এল.এস.কী রিকম্মেন্দেসনশিংগী মতুং ইন্না, ভোপালদা ৱার্কশোপ শিনখিবনি৷

ত্রাইবেল এফিয়র্স মন্ত্রালয়গী জোইন্ত সেক্রেতরী দা. নবালজিৎ কাপুরনা নিংতম লান্মীশিংগী ম্যুজিয়ম তরাগী ওভরভ্যু অমা উৎখি৷ লাক্কদৌরিবা ত্রাইবেল ম্যুজিয়ম পুম্নমক্কী অইবা এস.ও.পি. (স্তেন্দর্দ ওপরেতিং প্রোসিদ্যোর) অমা শেম্নবা অমদি য়াওরিবা কন্তেন্ত অদুবু কুপথনা য়েংশিন্নবগী মেকানিজম থম্নবা অমসুং এন.এল.সি.না ফোংদোরকপগী মতুং ইন্না ত্রাইবেল কম্ম্যুনিতীশিংগা মরী লৈননা শেমগৎকদৌরিবা কুরেসনবু ত্রাইবেল কলচরগা চুনহন্নবা মহাক্না ফোংদোকখি৷ এন.এল.সি. মীতিংশিংগী রিকম্মেন্দেসনদা বেজ তৌদুনা মহাক্না এজেন্দা অমদি নুমিৎ নিনিগী ৱার্কশোপ অদুগী আউতকমশিংসু সেয়র তৌখি৷

প্রিন্সিপাল সেক্রেতরী গুজরার শ্রী মুর্লি কৃষ্ণ অমসুং শ্রীমতি পল্লভি জেন প্রিন্সিপাল সেক্রেতরী, এম.পি.না গুজরাত অমদি এম.পি.গী চিন্দৱরাদা ম্যুজিয়মশিং শেমগৎ-শাগৎপদা মখোয়গী ওইবা এক্সপরিয়েন্সশিং সেয়র তৌরকখি৷

ৱার্কশোপ  অদুদা, ত্রাইবেল ইহৌ খুদিংমক্কী কন্তেন্ত অমদি স্তোরীলাইনগী দিবেলপমেন্তদা মরী লৈনবা মরু ওইবা ইসুশিংদা খন্ন-নৈনখি৷ আর্কিতেকচরেল দিজাইন অদুস থীম/স্তোরীলাইন পুম্নমক্তা চুনগদবনি৷ হায়রিবশিং অসি গ্রাউন্দ রেয়েলিতীশিংগা চুননবা, ওথেন্তিসিতী অমদি কন্তেন্তকী অশেংবা মরু ওইবা অদু লৈহন্নবা, নোলেজ, রিসোর্সশিং অমদি এক্সপর্তাইস নিংথিনা পুনশিনহন্নবা, ইন্তরনেস্নেল স্তেন্দর্দশিং য়েংলগা তেক্নোলোজী শিজিন্ননবা; তেক্নোলোজী অপগ্রেদ তৌননবা অমদি আর্কিতেকচরগা চুননবা স্তোরীলাইনদা মীৎয়েং থমদুনা অহেনবা লৈতেংশিং হাপচিন্দুনা হেন্না পুক্নিং চিংশিংহন্নবা রাজ্য খুদিংমক্কা থ্রেদ বেয়র দিস্কস্সনশিং পাংথোকখি৷ কন্তেন্ত শেমগৎপদা অমদি অয়াবা পীবদা, আর্তিফেক্তশিং থিবদা অমসুং খন্দোকপদা, কুরেতোরিএল প্লানিং অমদি প্রোজেক্ত খোংজেল য়াংনা চৎনহন্নবা আর্তিসনশিং অমদি মেতরিএল খন্দোকপদা মতেং পাংগদৌরিবা তোঙান তোঙানবা ফিল্দশিংগী এক্সপর্তশিংগা লোইননা রিজনেল কম্মিতী ৫ শেমখি৷ ম্যুজিয়মগী তোঙান তোঙানবা এস্পেক্তশিংগী মরমদা অমদি কন্তেন্ত, কুরেসন অমদি সিবিল স্ত্রকচরগা মরী লৈনবা তোঙান তোঙানবা ৱাখল্লোনশিং অদুগী মরমদা এক্সপর্তশিংগা লোইননা কুপথনা খন্ন-নৈনখি৷ এক্সপর্তশিংনা তোঙান তোঙানবা রিকম্মেন্দেসনশিং পীখি৷

তোঙান তোঙানবা হৌরকফম লৈবা এক্সপর্ত কয়া অমা রাস্ত্রিয়া মানব সংগ্রহালয়া (আর.এম.এস.) ভোপালগা এসোসিয়েসনশিং শেমখ্রে৷ শরুক য়ারিবা মীইশিংনা ভারত্তা কুরেসনেল আর্তিস্তশিংগা লিঙ্কেজশিং থম্লিবা আর.এম.এস.তসু চৎখি৷ আর.এম.এস.কী এক্সপর্তশিং অসিনা হায়রিবা ম্যুজিয়মশিং অসি শেমগৎপদা মখোয়গী হৈ-শিংবা অমদি সর্ভিসশিং পীরি অমদি আর.এম.এস.তা লৈরিবা এক্সপর্তাইস অসি মতিক চানা শিজিন্নগদবনি হায়নসু ফোংদোকখি৷

নেরেতিব লেপ্প-লৈতনা হোংবা, ওফসাইত দিসপ্লে, ত্রাইবেল কম্ম্যুনিতীশিংদগী মীহুৎশিং য়াওবা, সস্তেনেবিলিতীগী ৱাখল্লোনশিং অমদি ম্যুজিয়মগী রিত্রাইবেলাইজেসন য়াওনা দিজিতেল আর্কিব অমা শেমগৎনবা এন.এল.সি.গী এক্সপর্ত এদভাইজর দা. কলয়ান কুমার চক্রবোর্তীনা ফোংদোকখি৷

প্রোফেসর এমরেশ্বর গল্লা, য়ুনেস্কো চিয়র অমদি ম্যুজিয়মশিংগী ফিল্দদা ইন্তরনেস্নেল এক্সপরিয়েন্স লৈরবা ম্যুজিয়ম এক্সপর্তনা কেপাসিতী শেমগৎপা, ম্যুজিয়মগীদমক নেস্নেল ফ্রেমৱার্ক অমা শেমগৎপা অমদি ম্যুজিয়মদা মল্তিপল ভোইশিং অমদি পর্সপেক্তিবশিং লৈহনবদা মীৎয়েং থম্নবা ফোংদোকখি৷ প্রোজেক্ত অসি ইফেক্তিব ওইনা চৎননবগীদমক বেজলাইন পোলিসীশিং অমদি স্ত্রকচরশিং শেম্নবসু মহাক্না ফোংদোকখি৷ ত্রাইবেল দোকুমেন্তেসন অয়াম্বনা কোলোনিএল পর্সপেক্তিব অমা লৈবনা নেরেতিব অমা খনবা মতমদা চেকশিন্নবা এক্স-এ.সি.এস. অমদি হৌজিক হৌজিক্কী স্তেত ইলেক্সন কম্মিশনার শ্রী সঞ্জে প্রসাদনা ফোংদোকখি৷

তি.আর.আই. এম.পি.গী দাইরেক্তর শ্রী নীতিরাজ, তি.আর.আই. ওরিশাগী দাইরেক্তর শ্রী এ.বি. ওতা, তি.আর.আই. ঝর্খন্দগী দাইরেক্তর শ্রী রনেন্দ্র কুমার অমদি তি.আর.আই. ছত্তিশগরগী দাইরেক্তর শ্রীমতি শামি অবিদিনা মখোয় মখোয়গী রাজ্যশিংদা লৈরিবা ম্যুজিয়মশিংগী মতাংদা খন্ন নৈনখি৷ ত্রাইবেল ইহৈ অয়াম্বনা মখোয় মখোয়গী রাজ্যশিংদা থোকখিবনা অমদি  ফংলিবা পোৎলম অয়াম্বা অসি ব্রিতিশ নত্রগা ওরেল হিস্ত্রী, ফোল্কলোরশিং অমদি ৱারীশিংগা বেজ তৌদুনা ফোংবনা, ত্রাইবেল ইহৌশিংগা মরী লৈনরিবা কন্তেন্ত অদু ত্রাইবেল পুৱারী নৈনরিবা হিস্তোরিয়ানশিংনা মতৌ করম্না চেকশিন্না য়েংশিনগদগে অমদি কম্ম্যুনিতী লিদরশিং শিজিন্নদুনা মতৌ করম্না অচুম্বনি হায়বসি তাক্কদগে হায়বদু মখোয়না ফোংদোকখি৷

মরী লৈনবা ত্রাইবশিংদগী মেম্বরশিং শরুক য়াহন্দুনা ম্যুজিয়মদা ত্রাইবেল ভোইস হাপ্নবা ইন্দিপেন্দেন্ত আর্কিতেক্ত অমদি প্লানিং প্রোফেসনেল অমা ওইরিবা শ্রীমতি মীরা দাসনা ফোংদোকখি৷ দা. বিনে কুমার, দিপার্তমেন্ত ওফ এন্সিয়েন্ত হিস্ত্রী, বি.ঐচ.য়ু. বরানাসি, শ্রী চন্দি প্রসাদ, স্কুল ওফ হ্যুমেনিতীস, নেস্নেল রেল এন্দ ত্রান্সপোর্তেসন ইন্সতিত্যুত, বাদোদ্র, দা. সরিত চৌধুরী, দা. এস.বি. ওতা, আই.জি.আর.এম.এস.কী এক্স দাইরেক্তরনা মখোয়গী লৈজরিবা এক্সপরিয়েন্সশিং সেয়র তৌরকখি অমদি মখোয়না কন্তেন্ত দিবেলপমেন্ত, আর্তিস্তশিং অমদি আর্তিফেক্তশিং থিবা অমসুং খন্দোকপদা মরী লৈনবা তি.আর.আই.শিংদা এক্সপর্তকী ওইবা পাউতাক পীগদৌরি৷

ম্যুজিয়মদা ত্রাইবেল ভোইসশিংবু খ্বাইদগী মরু ওইবা ফিচর অমা ওইনা থম্নবা, ওথরশিংগী পর্সপেক্তিবশিংবু নেরেতিব অমদা পুথোক্নবা অমদি ম্যুজিয়ম স্পেসপু ওর্গনিক ওইনা থম্নবা অমদি তপ্ন-তপ্ন দিবেলপ তৌহন্নবসু দিল্লী য়ুনিভর্সিতীগী প্রোফেসর সুভদ্রা চন্ননা ফোংদোকখি৷ মখাতানা, ‘সেক্রেদ স্পেস’কী ৱাখল্লোন অমা মহাক্না খন্ন-নৈনখি অমদি উমংশিং অমসুং ত্রাইবেলকী চিঞ্জাক্কী মনমশিং শিজিন্নবা অমদি গেল্লরীশিংদা ত্রাইবেলগী ইশৈশিং থাদুনা বিজিতরশিংদা মল্তিসেন্সরী এক্সপোজর উৎথোক্নবা মহাক্না খন্নখি৷

নেরেতিবতা অখন্নবা মীৎয়েং চংনবা অমসুং কম্ম্যুনিতী শরুক য়াহন্নবা ভুবনেশ্বরগী উতকল য়ুনিভর্সিতী ওফ কলচরগী হান্নগী ভাইস-চান্সলর, আই.জি.আর.এম.এস.কী হান্নগী দাইরেক্তর, এনথ্রোপোলোজিস্ত অমদি একাদমিসিয়ান অমা ওইরিবা দা. কে.কে. মিশ্রানা ফোংদোকখি৷ ত্রাইবেলগী নিংতম ইহৌ উৎপা হায়বসি মতম অমসুং স্পেস চংই হায়নসু মহাক্না ফোংদোকখি৷ স্তোরীলাইন অদু ম্যুজিয়মদা উৎত্রিঙৈগী মাংওইননা নিংথিনা নৈনবা মথৌ তারি৷

ৱার্কশোপকী মতমদা খন্ন-নৈনরিবা অদুগা মরী লৈননা ৱার্কশোপশিংদগী খঙজিল্লিবশিং অমদি তোঙান তোঙানবা ম্যুজিয়মশিংগী প্রোগ্রেস য়েংশিনবা য়ানবগীদমক রিজনেল ৱার্কশোপ লৈহন্নবা ৱারেপ্নখ্রে৷

******