প্রধান মন্ত্রীনা লুচিংবা এন.দি.এম.এ., রাজ্যগী মুখ্য মন্ত্রীশিংনা লুচিংবা এস.দি.এম.এ. অমসুং পুম্নমক পুন্সিনবা থৌওং অমগা লোয়ননা, কেন্দ্র অমসুং রাজ্য সরকারনা দিজাজতর মেনেজমেন্তকী থবকশিং য়াম্না থাজনা পায়খৎলি

দিজাজতর রেস্পোন্সকী থবকশিং অসি রিসোর্স নত্ত্রগা রিসর্চ পেপর খক্তদগী পাংথোকপা য়াদে, থৌওং অসিবু গ্রাউন্দ লেভেলদা পুরিবা মীওইশিংগী কেপাসিতী শাগৎপা হায়বসি য়াম্না মরু ওই

এজেন্সী কয়া অমনা মশাগী থৌদাং নীংথিজনা খঙদুনা পুন্না থবক তৌমিন্নগদবনি, করিগুম্বা মখোয়গী থৌদাংদা অহাঙবা লৈরবদি, দিজাজতর রেস্পোন্সকী থবক অসি অহাঙবশিং মেন্দ্রিবমখৈ গ্রাউন্দ লেভেল ফাওবদা নীংথিনা পাংথোকপা ঙম্লোই

মীওই করোর ১৩০ লৈবা লৈবাক অমদা লুপ অমত্তনা হেক হৌদোকপদগীনা অসুক য়াম্না তেল্লবা মতমগী মনুংদা অসুক য়াম্না থাজনা থবক তৌবা অমসুং মীয়াম্না থাজবা থমখিবা লুপ অমত্তা মমাংদা লৈখিদ্রি

লৈবাক্কী মফম অমা হেক্তদা দিজাজতর অমা থোকপা মতমদা মীয়াম্না করিগুম্বা এন.দি.আর.এফ.না এস.দি.আর.এফ.কা লোয়ননা লাক্লে খঙবা মতমদা, মখোয়গী অৱাবা তংখাই অমদি মাঙখি

এন.দি.আর.এফ.না থৌদোক কয়া অমদা মফমদুমক্তদা তেংবাংদুনা পুন্সি অমসুং লন-থুম কয়া কনখিবনা মীয়াম্না মখোয়দা থাজবা থম্লি

এন.দি.আর.এফ.না দিজাজতর রেস্পোন্সকী লমদা থবক তৌরিবা মালেমগী লুপ কয়াগী মফমদগী ইকায় খুম্নবগী থাক ফংবা ঙম্লে অমসুং মসিদি ঐখোয়গী লৈবাক্কী ওইনা য়াম্না চাউথোকচনীংঙাইনি

য়ুম্লোন্নবা লৈবাকশিংদা কয়ারক হন্না চত্তুনা, মীওইবা খুন্নাইগী মিৎয়েংদগী য়েংদুনা, এন.দি.আর.এফ.না মখোয়বু তেংবাংখি অমসুং ভারতকী পাউজেলবু মালেমদা শন্দোকখি

ভারত মনুংদা ঐখোয়না ২০০০দগী ২০২২ ফাওবগী তেল্লবা মতমগী মনুংদা মায় পাক্লবা মফম অমদা য়ৌবা ঙম্লে। মসিদি ভারত্তা মতম কুইরবগী তুংদা, দিজাজতর মেনেজমেন্তকী লমদা সনাগী য়ুগ অমনি হায়না খঙনরগনি

এন.দি.আর.এফ.কী পাক চাউরবা থবক্না মরম ওইরগা, ঐখোয়না চহি ২০দগী তাবা মতমদা শাংলবা খোঙচৎ অমা চৎখ্রে

ইং মরিফুতরাগী মমাংগী মতমদা, ঐখোয়না রিলিফ সেন্তর্দ এপ্রোচ লৈরম্মি, মদুদা মীওইবগী পুন্সি অমসুং লন-থুম কনবগী ওইথোকপা লৈরমদে অমসুং মদুনা থৌরাংগী মনুংসু চনলমদে

অঙনবা চেকশিন ৱা, ইচং থৌনা ঙাকথোকপা, খুদোংথীবা হন্থহনবা অমসুং মাংজৌননা শেম শাবদা য়ুম্ফম ওইরগা পুন্সি অমসুং লন-থুম কনবগী সাইন্তিফিক ওইবা প্রোগ্রামগী মতাংদা ঐখোয়না হৌজিক্তি থবক য়াম্না পাংথোক্লে

ইং ১৯৯৯গী ওরিশাগী সুপর সাইক্লোন অমসুং ইং ২০০১গী গুজরাতকী য়ুহা হাবদা পুন্সি লিশিং কয়া মাঙখি, অদুবু ঙসিদি, সাইক্লোন কয়া য়াম্না লাক্লবসু, মী শিবগী চাংবু চাদা ১দগী তানা পুথরকপা ঙম্বগী থাক্তা ঙসি ঐখোয়না লৈরে

হৌজিক ফাওবগী ওইনা, কাঙলোন ৩২ শেমখ্রে অমসুং মসিগী মনুংদগী ৮দি মমাংগী চহি অনি মখায়দা শেমখিবনি

কোল্দ ৱেব, য়ূহা হাবদগী ঙাকথোকপা, য়ুম্থক ইংহন্নবা য়ুম্বুশিংগী কাঙলোন, গ্লেসিয়র লেক পোকখায়বা, হিৎৱেবকী কাঙলোন, লৈবাক নীংখায়বগী খুদোংথীবা, দিজএবিলিতী য়াওনা দিজাজতর রিস্ক হন্থহনবা, দিজাজতরনা শোকহল্লবা ইমুংশিংগী মতম খরগী লৈনবা য়ুম – মসিগী কাঙলোন ৮ অসিনা চহি অনি অসিদা মসিবু লৈবাক্কী রাজ্যশিংদা থাবগী থবক পাংথোকখি

লৈবাক্কী প্রধান মন্ত্রী, শ্রী নরেন্দ্র মোদীনা মসিগী থবকশিং অসি শকখঙনবা, ইকায় খুম্ননবা অমসুং খোঙজেল য়াঙখৎহন্নবগীদমক্তা সুভাস চন্দ্র বোস আপরা প্রবন্ধন পুরস্কার হৌদোকখ্রবনি

নীংতম্বা মতুংদা খ্বাইদগী অহানবা ওইনা, দিজাজতর মেনেজমেন্ত অসিবু লৈবাক্কী থাক্তা অসুক্কী য়াম্না য়ানখি অমসুং হন্দক্কী চহিগী জনুৱারী ২৩দা এন.দি.আর.এফ.কী ৮শুবা বত্তালীয়ন্দা ইন্সতিত্যুসন অমা ওইনা অহানবা মনা পীখি

এপ কয়া অয়া শেমখ্রে, সাইক্লোন, অকনবা নোং, মৈশা অমসুং অইংবা ৱেবকুম্বগী ৱেদর এপ লৈরে, ৱেদরদা য়ুম্ফম ওইদুনা লৌউ-শিংউবগী থৌওং শেন্নবগীদমক্তা লৌমীশিংগী মেঘদুত এপ শাখ্রে, দামিনি এপ অসিনা ব্রজা তাবগী পাউ তাক্নবা শাখিবনি

এপশিং অসিগী চেকশিনৱাশিং অসি য়াম্না চুম্বা অমসুং মাংজৌননা লাকপনা মরম ওইরগা এপশিং অসিবু মীপুম খুদিংদা য়ৌহন্নবা মেকানিজম অমা লৈফম থোকই

কম্মন এলর্ত প্রোতোকোল অসি য়াম্না কান্নবা ওইখি অমসুং অৱাং নোংপোক্তা নেসাক ফ্লদ মেনেজমেন্তকী মতেংনা ঈশিংগী ইচেলদা য়ুম্ফম ওইরগা রোদ এলাইনমেন্ত তৌবা, ইনফ্রাস্ত্রকচর শাগৎপনা ঈশিংগী ইচেল থিংবা ঙমগনি, মসিগী খোঙথাংশিং অসিগী মতেংনা মফমশিংগী য়াম্না ফরবা ফল মেপ্পিংসু তৌখ্রে

অসিগুম্বা ৱাখল্লোন অমসুং ই-পাউশিং অসিবু মীপুম খুদিংদা য়ৌহন্নবগীদমক্তা, এন.সি.সি., এন.এস.এস., হোম গার্দ অমসুং মসিগা মরী লৈনবা লুপ খুদিংমক, নুপীশিংগী সেল্ফ হেল্প গ্রুপ অমসুং পঞ্চায়তশিংসু মরু ওইনা মসিগা মরী লৈনফম থোকই

লৈবাক্কী অপীকপা মফম অমদা দিজাজতর অমা হেক্তা থোকপা মতমদা, ঐখোয়গী ত্রেন তৌরবা মীওইশিং মফমদুদা লৈগদবনি, মহাক মশামক্না এন.দি.আর.এফ.কী থবক পাংথোক্কদবনি অমসুং এস.দি.আর.এফ. অমসুং এন.দি.আর.এফ.না য়ৌশিল্লকত্রিবা ফাওবা, মহাক্না ফিভম অদুবু শেন্নগদবনি

হোম এফিয়র্স অমসুং কোওপরেসনগী কেন্দ্র মন্ত্রী, শ্রী অমিৎ শাহনা নেস্নেল দিজাজতর রেস্পোন্স ফোর্স (এন.দি.আর.এফ.)না নই দিল্লীগী বিগ্যান ভবন্দা শীনবা কেপাসিতী বিলদিং ফোর দিজাজতর রেস্পোন্স-২০২২গী চহিগী কনফরেন্সতা ঙসি অথোইবা মীথুংলেন ওইনা শরুক য়াখ্রে। হোম এফিয়র্সকী রাজ্য মন্ত্রী, শ্রী নিত্যানন্দ রাই; কেন্দ্রগী হোম সেক্রেতরী অমসুং এন.দি.আর.এফ.কী দাইরেক্তর জেনেরেল, শ্রী অতুল কর্ৱালনা অতোপ্পা মীথুংলেন কয়াগা লোয়ননা থৌরম অসিদা শরুক য়াখি।

কেন্দ্রগী গৃহ মন্ত্রী শ্রী অমিৎ শাহনা থমখিবা ৱারোলদা প্রধান মন্ত্রীনা লুচিংবা এন.দি.এম.এ., রাজ্যগী মুখ্য মন্ত্রীশিংনা লুচিংবা এস.দি.এম.এ. অমসুং পুম্নমক পুন্সিনবা থৌওং অমগা লোয়ননা, কেন্দ্র অমসুং রাজ্য সরকারনা দিজাজতর মেনেজমেন্তকী থবকশিং য়াম্না থাজনা পায়খৎলি হায়খি। ইং মরিফুতরাগী মমাংগী মতমদা, ঐখোয়না রিলিফ সেন্তর্দ এপ্রোচ লৈরম্মি, মদুদা মীওইবগী পুন্সি অমসুং লন-থুম কনবগী ওইথোকপা লৈরমদে অমসুং মদুনা থৌরাংগী মনুসু চনলমদে। অঙনবা চেকশিন ৱা, ইচং থৌনা ঙাকথোকপা, খুদোংথীবা হন্থহনবা অমসুং মাংজৌননা শেম শাবদা য়ুম্ফম ওইরগা পুন্সি অমসুং লন-থুম কনবগী সাইন্তিফিক ওইবা প্রোগ্রামগী মতাংদা ঐখোয়না হৌজিক্তি থবক য়াম্না পাংথোক্লে। ঙসিদি, মালেমগী ওইনা দিজাজতর রেস্পোন্সকী মতাংদা, ঐখোয়না মান্নবা থাক্ত লেপ্পা ঙম্লে অমসুং হীরম কয়াদা মাংজিল থাবসু য়াওরি।

শ্রী অমিৎ শাহনা হায়খিবদা, লৈবাক্কী প্রধান মন্ত্রী, শ্রী নরেন্দ্র মোদীনা ইং ২০১৬তা এন.দি.এম.এ.গী এন.দি.এম.পি. স্কিম হৌদোকখিবনি হায়খি। হায়রিবা অসি লৈবাক অসিদা শেম্বা খ্বাইদগী অহানবা নেস্নেল দিজাজতর প্লান অমনি অমসুং মসিনা সেন্দাই দিজাজতর রিস্ক রিদক্সন ফ্রেমৱর্ক-২০১৫দগী ২০৩০ ফাওবগী পেরামীতর লোইনমক ইল্লি। খ্বাইদগী অহানবা থৌওং অমা ওইনা, এজেন্সী খুদিংগী হোরাইজোন্তেল অমসুং ভর্তিকেল, সরকারগী বিভাগ পুম্নমক পুন্সিনবগী থৌওংগী থৌরাং য়াৎখি অমসুং মসিগী মহৈদি ঐখোয় ময়ামগী মাঙদা লৈরে। স্কিম অসিদা, সরকারনা পঞ্চায়ত, অর্বান লোকেল বোদী অমসুং সরকারগী বিভাগ কয়াগা মরী লৈনরি অমসুং কল্লেক্তরবু নোদেল এজেন্সী ওইহনখি। প্লান অসিদা ইং ২০১৬তা দিজাজতর ১১ মনুং চলহনখি অমসুং ইং ২০১৯দনা দিজাজতর ১৭ মনুং চলহনখি। মসিনা ঐখোয়না দিজাজতর মখল খুদিংগীদমক্তা লেপ্তনা থবক পায়খৎলি হায়বা উৎলি অমসুং ঐখোয়না দিজাজতরদগী মী শিবগী মশিং য়াম্না হন্থহনবা ঙম্লে অমসুং মসি ঐখোয়গী অচৌবা মায় পাকপা অমনি।

দিজাজতর রেস্পোন্সকী থবকশিং অসি রিসোর্স নত্ত্রগা রিসর্চ পেপর খক্তদগী পাংথোকপা য়াদে, এজেন্সী কয়া অমনা পুন্না থবক তৌমিন্নবনা মরম ওইরগা থৌওং অসিবু গ্রাউন্দ লেভেলদা পুরিবা মীওইশিংগী কেপাসিতী শাগৎপা হায়বসি য়াম্না মরু ওই হায়না কেন্দ্রগী গৃহ মন্ত্রীনা ফোংদোকখি। মখোয় মখোয়গী থৌদাং ময়েক শেংনদ্রবা অমসুং করিগুম্বা মখোয়গী থৌদাংদা অহাঙবা লৈরবদি, দিজাজতর রেস্পোন্সকী থবক অসি অহাঙবশিং মেন্দ্রিবমখৈ গ্রাউন্দ লেভেল ফাওবদা নীংথিনা পাংথোকপা ঙম্লোই। অসিগুম্বা থৌওং অসিগী মতেংদগী অমগা অমগগী মরক্তা তেংবাংনবগী থৌওং লাক্কনি অমসুং রাজ্য, জিলা অমসুং খুঙ্গংগী থাক ফাওবদা তেংবাংনবগী থৌওং লৈরক্কনি অমসুং মসিগী তেংবাংনবা অসিনা খ্বাইদগী অরোইবদা দিজাজতরশিংদগী পুন্সি অমসুং লন থুম কনগনি।

শ্রী অমিৎ শাহনা হায়খিবদা, তেক্নোলোজী অমসুং সাইন্সকী মতেংদগী ঐখোয়না ই-পাউ কয়া য়াম্না ঙন্না ফংবা ঙম্লে, অদুবু দিজাজতরগী মতাংদা মীপুম খুদিংবু খঙহন্দুনা অমসুং অচুম্বা ই-পাউ য়ৌহনবা ঙমদ্রিবা ফাওবদি প্রোফেস্নেল মাস্তরী ফংবদি ঙমখিরোই হায়না ফোংদোকখি। মসিগী থবকশিং অসিগা মরী লৈনবা এজেন্সী ৫-৬কী মরক্তা তেংবাংনবগী প্রোতোকোল লৈ অমসুং প্রেক্তিকেল ওইবা এক্সপেরিএন্স অসিসু য়াম্না মরু ওই হায়না মহাক্না মখা তাখি।

এন.দি.আর.এফ.কী থবকশিংবু থাগৎলদুনা, কেন্দ্রগী গৃহ মন্ত্রীনা মীওই করোর ১৩০ লৈবা লৈবাক অমদা লুপ অমত্তনা হেক হৌদোকপদগীনা অসুক য়াম্না তেল্লবা মতমগী মনুংদা অসুক য়াম্না থাজনা থবক তৌবা অমসুং মীয়াম্না থাজবা থমখিবা লুপ অমত্তা মমাংদা লৈখিদ্রি হায়না ফোংদোকখি। লৈবাক্কী মফম অমা হেক্তদা দিজাজতর অমা থোকপা মতমদা মীয়াম্না করিগুম্বা এন.দি.আর.এফ.না এস.দি.আর.এফ.কা লোয়ননা লাক্লে খঙবা মতমদা, মখোয়গী অৱাবা তংখাই অমদি মাঙখি। মসিগী থাজবা অসি সরকারগী ই-পাউ শন্দোকপনা ওইহনবা নত্তে, মখোয়গী থবক্না ওইহনবনি। এন.দি.আর.এফ.না থৌদোক কয়া অমদা মফমদুমক্তদা তেংবাংদুনা পুন্সি অমসুং লন-থুম কয়া কনখিবনা মীয়াম্না মখোয়দা থাজবা থম্লি। এন.দি.আর.এফ.না দিজাজতর রেস্পোন্সকী লমদা থবক তৌরিবা মালেমগী লুপ কয়াগী মফমদগী ইকায় খুম্নবগী থাক ফংবা ঙম্লে অমসুং মসিদি ঐখোয়গী লৈবাক্কী ওইনা য়াম্না চাউথোকচনীংঙাইনি। য়ুম্লোন্নবা লৈবাকশিংদা কয়ারক হন্না চত্তুনা, মীওইবা খুন্নাইগী মিৎয়েংদগী য়েংদুনা, এন.দি.আর.এফ.না মখোয়বু তেংবাংখি অমসুং ভারতকী পাউজেলবু মালেমদা শন্দোকখি।

ভারত মনুংদা ঐখোয়না ২০০০দগী ২০২২ ফাওবগী তেল্লবা মতমগী মনুংদা মায় পাক্লবা মফম অমদা য়ৌবা ঙম্লে। মসিদি ভারত্তা মতম কুইরবগী তুংদা, দিজাজতর মেনেজমেন্তকী লমদা সনাগী য়ুগ অমনি হায়না খঙনরগনি হায়না শ্রী অমিৎ শাহনা হায়খি। ঐখোয়গী লৈবা অসিদা দিজাজতর মেনেজমেন্ত হায়বসি অনৌবা থৌওং অয়া নত্ত্রে, ঐখোয়না গঙ্গাবু পৃথিবীদা পুরকখিবা ভগিরথকী মতাংদা লোয়না তারে। অদুগা ঙসি, ঐখোয়না গঙ্গানা উত্তরাখন্দগী চিংশাং পরেংদগী বে ওফ বেঙ্গোলদা চেন্থরকপা উবা মতমদা, মীওই অমনা সাইন্তিফিক ওইবা মওংদা খল্লবা তুংদা লম্বী অসি শেম্লমবা ওইগনি হায়না খন্নৈ অমসুং মহাক্না ফ্লদ মেনেজমেন্ত অমসুং ৱাতর মেনেজমেন্ত নীংথিনা পাংথোক্লে হায়না উবা য়াই। মরম অদুনা, চহি লিশিং কয়াগী মতুংদা ওইরবসু, করিগুম্বা মীওই অমনা য়াম্না কন্না হোৎনরবদি, সাইন্তিফিক ওইবা মওংদা অমসুং থবক কন্না শু-নোমদুনা, ঐখোয়না মদুবু “ভগীরথ প্রয়াস” হায়না কৌরি। ইং মরিফুতরাগী মতমদা ঐখোয়গী নাক্তা সাইন্তিফিক ওইবা পথাপ অমত্তা লৈরমদে। দিজাজতর অমা থোকপা মতমদা, শেমজিন শাজিনবা অমসুং শেল পীবগী ৱাখলনা হান্না লাকই, মরম অদুনা মদুদা মীওইবগী পুন্সি অমসুং লন-থুম কনবগী ওইথোকপা লৈরমদে অমসুং মদুনা থৌরাংগী মনুংসু চনলমদে। অদুবু, এন.দি.আর.এফ.কী ভগীরথ প্রয়াসনা মরম ওইরগা ঐখোয়না চহি ২০দগী তাবা মতমগী মনুংদা শাংলবা খোঙচৎ অমা চৎলক্লে। মীওই পুম্নমক্না ইং ১৯৯৯গী ওরিশাগী সুপর সাইক্লোন উনখ্রে, মদুদা মীওই লিশিং তরা হেন্না শিখি। ইং ২০০১গী গুজরাতকী য়ুহা হাবদা মীওই লিশিং কয়া লৈখিদে। অদুবু ঙসিদি, সাইক্লোন কয়া য়াম্না লাক্লবসু, মী শিবগী চাংবু চাদা ১দগী তানা পুথরকপা ঙম্বগী থাক্তা ঙসি ঐখোয়না লৈরে।

কেন্দ্রগী গৃহ মন্ত্রীনা হায়খিবদা, প্রধান মন্ত্রী, শ্রী নরেন্দ্র মোদীগী মখাদা কেন্দ্র সরকারনা খোঙথাং কয়া অমা পায়খৎখি অমসুং রাজ্য সরকারনসু য়াম্না নীংথিজনা তেংবাংখি হায়খি। হৌজিক ফাওবগী ওইনা, রাজ্য অমসুং য়ুনিয়ন তেরিতোরী ২৬তা এস.দি.আর.এফ. লৈখ্রে। এস.দি.আর.এফ. শেমখিবা মতমদা এন.দি.আর.এফ.না মখোয়গী ত্রেনিংদা শরুক য়াখি, মসিনা মরম ওইরগা চাউরবা লৈবাক অসিগী এন.দি.আর.এফ., এস.দি.আর.এফ., পঞ্চায়তকী থাক্কী ফিল্দ মেনেজমেন্ততা মান্নবা থৌওং কয়া লৈরিবনি। ঐখোয়না ফেদেরেল স্ত্রকচর ইকায় খুম্নবদগী ঙসিগী মায় পাকপা অসি ফংবা ঙম্লিবনি। হৌজিক ফাওবগী ওইনা, এস.দি.আর.এফ. মীওই ২১,০০০ হেনববু ত্রেন তৌখ্রে। হৌজিক ফাওবগী ওইনা, কাঙলোন ৩২ শেমখ্রে অমসুং মসিগী মনুংদগী ৮দি মমাংগী চহি অনি মখায়দা শেমখিবনি হায়না মহাক্না হায়খি। কোল্দ ৱেব, য়ূহা হাবদগী ঙাকথোকপা, য়ুম্থক ইংহন্নবা য়ুম্বুশিংগী কাঙলোন, গ্লেসিয়র লেক পোকখায়বা, হিৎৱেবকী কাঙলোন, লৈবাক নীংখায়বগী খুদোংথীবা, দিজএবিলিতী য়াওনা দিজাজতর রিস্ক হন্থহনবা, দিজাজতরনা শোকহল্লবা ইমুংশিংগী মতম খরগী লৈনবা য়ুম – মসিগী কাঙলোন ৮ অসিনা চহি অনি অসিদা মসিবু লৈবাক্কী রাজ্যশিংদা থাবগী থবক পাংথোকখি। লৈবাক্কী প্রধান মন্ত্রী, শ্রী নরেন্দ্র মোদীনা মসিগী থবকশিং অসি শকখঙনবা, ইকায় খুম্ননবা অমসুং খোঙজেল য়াঙখৎহন্নবগীদমক্তা সুভাস চন্দ্র বোস আপরা প্রবন্ধন পুরস্কার হৌদোকখ্রবনি। নীংতম্বা মতুংদা খ্বাইদগী অহানবা ওইনা, দিজাজতর মেনেজমেন্ত অসিবু লৈবাক্কী থাক্তা অসুক্কী য়াম্না য়ানখি অমসুং হন্দক্কী চহিগী জনুৱারী ২৩দা এন.দি.আর.এফ.কী ৮শুবা বত্তালীয়ন্দা ইন্সতিত্যুসন অমা ওইনা অহানবা মনা পীখি। মনা অসিদি য়েংবদা য়াম্না পীকপনি, অদুবু, মনা অসি ফংনবগীদমক্তা হোৎনবা অমসুং চাংয়েংনবা অদুনা খ্বাইদগী নীংথিনা ওইহল্লিবনি অমসুং চাউথোকচবা ফাওহল্লিবনি হায়না মহাক্না মখা তাখি।

শ্রী অমিৎ শাহনা হায়খিবদা, প্রী-দিপ্লোয়মেন্ত নোতিস পোলিসীগী মখাদা ফংবা মাংজৌননা ফংবা পাউগী মতুং ইন্না ফোর্স শিজিন্ননবা মীওই ফংহনবগী ওইনা রাজ্য শিংনা মশক থোকপা থবক পাংথোকখি হায়না ফোংদোকখি। ই-পাউ নত্ত্রগা এলর্ত চৎপা খুদিংগী, রাজ্যশিংনা প্ররে-দিপ্লোয়মেন্ত প্রিন্সিপল থবক ওইনা পাংথোক্নবা মথৌ তৌখি অমসুং এন.দি.আর.এফ.কী বত্তালিয়ন ১২না রাজ্য অমসুং এস.দি.আর.এফ.কা লেংগোন্নদুনা লৈমিন্নরি। থবক অসিবু হেন্না মখা চত্থহন্নবা হায়দুনা, জিলা ৩৫০দা আপ্রা স্কিম পায়খৎখ্রে অমসুং মসিনা নহা ওইরিবা ভলন্তিয়র লাখ অমা হেন্না পুথোক্নবা পান্দম থম্লি। মখোয়না ত্রেনিং পীদবা নহারোল লৈতবা খুঙ্গং অমসুং শহরগী মফম অমত্তা লৈহল্লোইদবনি অমসুং নহারোলশিং অসিবু দিজাজতর মেনেজমেন্তকী হীরম খুদিংগী ত্রেনিং পীগদবনি। মখোয়না অকক্নবা থবক খরা পাংথোক্কদবনি। তোকঙা শন্দোকহন্দবা, মীওইবু রিসক জোন্দগী মতম চানা পুথোকপা, মরু ওইবা ই-পাউ পীবা, অমসুং তাঞ্জা লাকপা মতমদা এস.দি.আর.এফ.কী মহুৎ শিন্দুনা থবক তৌবা, হায়রিবশিং অসি মখোয়গী ত্রেনিংগী শরুক ওইহনখ্রবনি। এপ কয়া অয়া শেমখ্রে, সাইক্লোন, অকনবা নোং, মৈশা অমসুং অইংবা ৱেবকুম্বগী ৱেদর এপ লৈরে, ৱেদরদা য়ুম্ফম ওইদুনা লৌউ-শিংউবগী থৌওং শেন্নবগীদমক্তা লৌমীশিংগী মেঘদুত এপ শাখ্রে, দামিনি এপ অসিনা ব্রজা তাবগী পাউ তাক্নবা শাখিবনি। এপশিং অসিগী চেকশিনৱাশিং অসি য়াম্না চুম্বা অমসুং মাংজৌননা লাকপনা মরম ওইরগা এপশিং অসিবু মীপুম খুদিংদা য়ৌহন্নবা মেকানিজম অমা লৈফম থোকই। এলর্ত অসিনা কল্লেক্তরদা য়ৌরবা, অদুবু মহাক্কী মফমদগী খুঙ্গংদা য়ৌদ্রবদি, এলর্ত অসিগী কান্নবা করিসু লৈতে। ঐখোয়না চাউরবা দিজাজতর কয়াদা নীংথিবা থবক কয়া পায়খৎখ্রে, অদুবু নোং খাকপগুম্বা দিজাজতরগী ওইনদি মতম অসি য়াম্না তেল্লি, ঐখোয়গী পথাপ অসি নীংথিনা শেমদোকপগী থৌ তারি অমসুং এলর্ত অসি রীএল তাইমদা ওইগদবনি, অদু ওইরবদি নোং খাক্কদৌবা মফমশিংদা ঐখোয়গী এলর্ত য়ৌবা ঙমগনি। এন.দি.আর.এফ.না মসিগী মেকানিজম অসিগী মতাংদা থবক পাংথোকফম থোক্লি। এপসিং অসি বত্তমদা পুরক্নবগীদমক্তা থবক কয়া অমা ৱাৎলি।

কম্মন এলর্ত প্রোতোকোল অসি য়াম্না কান্নবা ওইখি অমসুং অৱাং নোংপোক্তা নেসাক ফ্লদ মেনেজমেন্তকী মতেংনা ঈশিংগী ইচেলদা য়ুম্ফম ওইরগা রোদ এলাইনমেন্ত তৌবা, ইনফ্রাস্ত্রকচর শাগৎপনা ঈশিংগী ইচেল থিংবা ঙমগনি, মসিগী খোঙথাংশিং অসিগী মতেংনা মফমশিংগী য়াম্না ফরবা ফল মেপ্পিংসু তৌখ্রে হায়না কেন্দ্রগী গৃহ মন্ত্রীনা হায়খি। ফ্লদ মেপ্পিগ অসি হৌজিক্তি শোরোক শেম্বগী থবকশিংগী শরুক অমা ওইরে। অসিগুম্বা ৱাখল্লোন অমসুং ই-পাউশিং অসিবু মীপুম খুদিংদা য়ৌহন্নবগীদমক্তা, এন.সি.সি., এন.এস.এস., হোম গার্দ অমসুং মসিগা মরী লৈনবা লুপ খুদিংমক, নুপীশিংগী সেল্ফ হেল্প গ্রুপ অমসুং পঞ্চায়তশিংসু মরু ওইনা মসিগা মরী লৈনফম থোকই। মসিগীদমক্তা শিজিন্নরিবা চে-চাং খুদিংমক লোকেলগী লোলদা ওইগদবনি, ত্রেনিং মোদ্যুলশিংসু লোকেলগী লোলদা ওইগদবনি। ত্রেনরশিংনা লোকেলগী লোলদা ত্রেনিং তৌবগী পোৎলম শেম-শাদুনা মখোয়গী মশাগী রাজ্য মক্তদা ত্রেনিং পীগদবনি অমসুং মসিগী পথাপ অমসু শেমগদবনি। এন.সি.সি., এন.এস.এস., হোম গার্দনা হায়রিবশিং অসি পুন্সিন্দ্রিবা মখৈ ভলন্তিয়র ফংবা ৱাগনি অমসুং ঐখোয়গী স্কিমগী মায় পাকপা হায়বসিনা লৈবাক্কী অপীকপা মফম অমদা দিজাজতর অমা হেক্তা থোকপা মতমদা, ঐখোয়গী ত্রেন তৌরবা মীওইশিং মফমদুদা লৈহনবনা ওইগনি। মহাক মশামক্না এন.দি.আর.এফ.কী থবক পাংথোক্কদবনি অমসুং এস.দি.আর.এফ. অমসুং এন.দি.আর.এফ.না য়ৌশিল্লকত্রিবা ফাওবা, মহাক্না ফিভম অদুবু শেন্নগদবনি।

*****