ఈరోజు ఉదయం 7 గంటల వరకు తాత్కాలిక నివేదికల ప్రకారం భారతదేశపు కోవిడ్‌-19 టీకా కవరేజీ 185.20 కోట్ల  (1,85,20,72, 469) మార్క్‌ను దాటేసింది. ఇది మొత్తం 2,23,20,478 సెషన్ల ద్వారా సాధించబడింది. 12-14 సంవత్సరాల వయస్సు గల వారికి కోవిడ్‌-19 వ్యాక్సినేషన్ 16 మార్చి, 2022న ప్రారంభించబడింది. ఇప్పటి వరకు 2.04 కోట్ల‌ (2,04,40,247) కంటే ఎక్కువ మంది యుక్తవయస్కులకు కోవిడ్‌-19 వ్యాక్సిన్ మొదటి డోస్‌ అందించబడింది. ఈరోజు ఉదయం 7 గంటల వరకు తాత్కాలిక నివేదిక ప్రకారం సంచిత సంఖ్య యొక్క వివ‌రాల విభజన ఈ క్రింది విధంగా  ఉన్నాయి:

నిరంతర అధోముఖ ధోరణిని అనుసరిస్తూ భారతదేశం యొక్క యాక్టివ్ కేస్‌లోడ్ నేటికి 11,639 యాక్టివ్ కేసులకు క్షీణించింది, ఇప్పుడు దేశంలోని మొత్తం పాజిటివ్ కేసులలో 0.03% ఉన్నాయి.

పర్యవసానంగా, భారతదేశం యొక్క రికవరీ రేటు 98.76% వద్ద ఉంది. గత 24 గంటల్లో 1,222 మంది రోగులు కోలుకున్నారు.  కోలుకున్న రోగుల సంఖ్య (మహమ్మారి ప్రారంభం నుండి) ఇప్పుడు 4,24,98,789కి చేరుకుంది.

గడిచిన 24 గంటల్లో 1,033 కొత్త కేసులు నమోదయ్యాయి.

గ‌డిచిన 24 గంటల్లో మొత్తం 4,82,039 కోవిడ్-19 పరీక్షలు జరిగాయి. భారతదేశం ఇప్పటివరకు 79.25 కోట్ల (79,25,09,451) సంచిత పరీక్షలను నిర్వహించ‌డ‌మైంది.  వారం మరియు రోజువారీ  పాజిటివిటీ రేట్లలో కూడా స్థిరమైన క్షీణ‌త కనిపించింది. దేశంలో వారంవారం పాజిటివిటీ రేటు ప్రస్తుతం 0.22%గా ఉంది. రోజువారీ సానుకూలత రేటు కూడా 0.21 శాతంగా తాజాగా నివేదించబడింది.

****