नवी दिल्ली 07 एप्रिल 2022

आज सकाळी 7 वाजता प्राप्त झालेल्या तात्पुरत्या अहवालातील आकडेवारीनुसार, भारताच्या कोविड प्रतिबंधक लसीकरण मोहिमेत देण्यात आलेल्या लसीच्या मात्रांच्या संख्येने 185 कोटी 20 लाखांचा (1,85,20,72,469)  टप्पा ओलांडला आहे. देशभरात 2,23,20,478 सत्रांच्या आयोजनातून हे उद्दिष्ट साध्य करण्यात आले.
 
देशातील 12 ते 14 वर्ष वयोगटातील मुलामुलींसाठी 16 मार्च 2022 रोजी कोविड प्रतिबंधक लसीकरण मोहीम सुरु झाली. आतापर्यंत 2 कोटी 04 लाखांहून अधिक (2,04,40,247) किशोरवयीनांना कोविड-19 प्रतिबंधक लसीची पहिली मात्रा देण्यात आली आहे.
 
आज सकाळी 7 वाजता प्राप्त झालेल्या तात्पुरत्या अहवालातील आकडेवारीनुसार, आतापर्यंत देण्यात आलेल्या कोविड प्रतिबंधक लसीच्या एकूण मात्रांची गटनिहाय खालीलप्रमाणे आहे:
 

 देशभरात कोविड बाधितांच्या संख्येत घसरण होण्याचा कल कायम ठेवत भारतातील कोविड सक्रीय रुग्णसंख्या आता कमी होऊन 11,639 झाली आहे,  देशातील आतापर्यंतच्या एकूण कोविड बाधितांच्या तुलनेत ही सख्या केवळ 0.03% आहे.

परिणामी, भारतातील रोगमुक्ती दर आता 98.76% झाला आहे. गेल्या 24 तासांत 1,222 रुग्ण कोविड आजारातून बरे झाल्यामुळे, देशात महामारीची सुरुवात झाल्यापासून आतापर्यंत कोविड-19 आजारातून पूर्णपणे बऱ्या झालेल्या रुग्णांची संख्या आता 4,24,98,789 झाली आहे.
 

गेल्या 24 तासांत, देशात 1,033 नव्या कोविड रुग्णांची नोंद झाली.
 

गेल्या 24 तासांत देशात कोविड संसर्ग तपासण्यासाठी एकूण 4,82,039 चाचण्या करण्यात आल्या. देशात आतापर्यंत एकंदर 79 कोटी 25 लाखांहून अधिक (79,25,09,451) चाचण्या करण्यात आल्या आहेत.
देशातील साप्ताहिक आणि दैनंदिन पॉझिटीव्हिटी दर देखील सातत्याने कमी होत आहेत. देशात साप्ताहिक पॉझिटीव्हिटी दर सध्या 0.22% आहे आणि दैनंदिन पॉझिटीव्हिटी दर देखील  0.21%.इतका नोंदला गेला आहे.

***
 

JPS/SC/DY

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com