সেন্ত্রেল এসিয়ন লৈবাকশিংগা শম্নহনবা হায়বসিনা ভারতকী ওইনা মরু ওইবা প্রাইয়োরিতী অমা ওইরি হায়না শ্রী রাম নাথ কোবিন্দনা ফোংদোকখি৷ মহাক্না ঙসি (২০২২গী এপ্রীল ৩) অশগবাতকী ইন্সতিত্যুত  ওফ ইন্তরনেসনেল রিলেসন্সতা তর্কমেনিস্তানগী নহা ওইরিবা দিপ্লোমেতশিংদা ৱারোল থম্লমখি৷ ভারত অসি ইন্তরনেসনেল নোর্থ-সাউথ ত্রান্সপোর্ত কোরিদোর অমসুং অশগবাত এগ্রীমেন্ত অনিমক্কী মেম্বর অমা ওইরি হায়না রাস্ত্রপতিনা ফোংদোকখি৷ সেন্ত্রেল এসিয়ন লৈবাকশিংগী ওইনা সমুদ্রদা য়াম্না সেক্যোর ওইবা, মাই পাক্না থবক তৌবা য়াবা অমসুং অয়েৎ-অপন লৈতনা চৎথোক-চশিন তৌবা য়াহনগদৌরিবা ইরানগী চাবহার হিথাংফম চলাইনবা ঐখোয়না খোংথাংশিং লৌখৎখ্রে৷ কন্নেক্তিবিতী চাওথোকহনবগা লোইননা, লৈবাক পুম্নমক্কী সোভরিন্তী অমসুং তেরিতোরিএল ইন্তিগ্রিতীগা মরী লৈননা কন্নেক্তিবিতী ইনিসিয়েতিবশিং অসিদা তাথোক তাশিন য়াহনবা, ত্রান্সপরেন্সী ওইহনবা অমদি শরুক য়াবা হায়বসি য়াম্না মরু ওই হায়না মহাক্না ফোংদোকখি৷ ভারতনা লমদম অসিদা কোওপরেত তৌনবা, শেল থাদনবা অমদি কন্নেক্তিবিতী শেমগৎনবা শেম-শাদুনা লৈরি৷

ভারতনা মনিং-মখা তম্লকপদগী ভারতকী ফোরেন্দ পোলিসী অসি লেপ্প-লৈতনা তপ্ন-তপ্ন ফিভম ফগৎলক্লি হায়না রাস্ত্রপতিনা ফোংদোকখি৷ ভারতনা মালেমগী অচৌবা ইকোনোমীশিংগী মনুংদা অমা ওইরকপা অমদি ভারতকী তেক্নোলোজীগী তৌবা ঙম্বশিং অসিনা মরু ওইবা গ্লোবেল নেগোসিয়েসনশিংগী মাই চুম্লি৷ গ্লোবেল সাউতকী লৈবাকশিংগা ভারতকা লৈনরিবা মরীশিং অসি ফগৎলকখ্রে অদুগা অচৌবা শক্তি লৈবশিংগা লৈবাক অসিগা লৈনরিবা মরী অদুসু মখাতানা হেন্না চেৎনা লৈনখ্রে৷

হৌখিবা চহি খরা অসিদা ভারতকী ফোরেন্দ পোলিসীগী মরু ওইবা পিল্লরশিংগী মনুংদা “নৈবরহুদ ফর্স্ত” পোলিসীসু অমা ওইখ্রে হায়না রাস্ত্রপতিনা ফোংদোকখি৷ ভারতনা মহাক্কী য়ুমথংনরিবশিংগা এনগেজ তৌনবগী ফিলোসোফী অসি মখোয়নসু ঐখোয়গী শেন্মীৎলোনগী ফিভম ফগৎলক্লিবা অমদি চাওখৎলক্লিবা অসিদগী কান্নবা ফংনবনি৷ মতৌ অসিগুম্না, লম্বী-থোং শম্নহনবা হেনগৎহন্নবা, ললোন-ইতিক হেন্না তৌননবা অমদি শেল থাদনবা অমদি সেক্যোর অমসুং স্তেবল ওইবা নৈবরহুদ অমা শেম্বা হায়বসিনা ঐখোয়গী নৈবরহুদ ফর্স্ত পোলিসীদাগী মরু ওইবা পান্দম ওইরি৷ ‘ইন্দো-পেসিফিক’ অসি ইকুই কুইদ্রিঙৈদা জিওপোলিতিকেল লেক্সিকোনদা হাপচিল্লক্তুনা, ইন্দো-পেসিফিক্তা ভারতনা এনগেজ তৌরক্লিবা অসি চহি-চা কয়াগী মমাংদগীনি হায়না মহাক্না ফোংদোকখি৷  লমদম অসিগী দাইনামিজম অমসুং বাইতেলিতী অসিনা লমদম অসিবু গ্লোবেল ইকোনোমিক সেন্তর অমা ওইহল্লিবনি৷ ইন্দো-পেসিফিক্তা ঐখোয়না ওপন, বেলেন্স, রুল্স-বেজ অমদি স্তেবল ওইবা ইন্তরনেসনেল ত্রেদ রেজিম অমগীদমক লেপ্লি৷

হৌখিবা চহি খরা অসিদা ভারতকী ফোরেন্দ পোলিসীগী মীৎয়েং চংফম ওইরিবা মরু ওইবা এরিয়াশিংগী মনুংদা অমা ওইরিবা অসি ঐখোয়গী ‘এক্সতেন্দেদ নৈবরহুদ’কী শরুক অমা ওইরিবা সেন্ত্রেল এসিয়ন লৈবাকশিংগা ঐখোয়গা হিস্তোরিকেলগী ওইবা মরীশিং লৈনরিবা অসিবু অমুক হন্না অনৌবা খোংথাংদা হিংগৎহন্দুনা চাওখৎহনবা হায়বসিনা ওইখ্রে হায়না রাস্ত্রপতিনা ফোংদোকখি৷ চাওখৎলক্লিবা লৈবাকশিং ওইবনা, ভারত অমদি সেন্ত্রেল এসিয়ন লৈবাকশিংনা কম্মন ওইবা পর্সপেক্তিবশিং অমদি মান্নবা খোংথাংশিং সেয়র তৌনরি৷ ঐখোয়না কম্মন ওইবা চেলেঞ্জশিং খুদম ওইনা তেরোরিজম, এক্সত্রিমিজম, রেদিকেলাইজেসন, দ্রগ ত্রাফিক্কিংনচিংবশিং থেংনরি৷ ভারতসু সেন্ত্রেল এসিয়ন লৈবাক অয়াম্বগা স্ত্রাতিজিক ওইবা মরীশিং লৈনরি৷

য়ুক্রেনদা হৌজিক হৌজিক খৎন-চৈন খোক্লিবা অসিগী মতাংদা ৱা ঙাংলদুনা, ইসু অসিগী মতাংদা ভারতকী পোজিসন অসি ফিভম চেৎনা অমদি হোংদনা লৈরে হায়না রাস্ত্রপতিনা ফোংদোকখি৷ ইন্তরনেসনেল লো, য়ু.এন. চার্তর অমদি লৈবাকশিংগী তেরিতোরিএল ইন্তিগ্রিতী অমদি সোভরিন্তীবু ইকাই খুম্নবদা হৌজিক হৌজিক্কী ওইবা গ্লোবেল ওর্দর থোক্লি হায়না ঐখোয়না ফোংদোকখি৷ মীওইবা জাতিগী ওইবা ফিভম শোকচিল্লক্লিবা অসিদা ঐখোনা হকচিন্না ৱারি৷ ঐখোয়না হিংশাগী অমসুং য়েক্নবা থম্বগী থবক অসি লেপ্নবা অমদি দাইলোগ অমসুং দিপ্লোমেসীগী লম্বীদা চংশিল্লক্নবা হায়খ্রে৷ য়ুক্রেনদা ঐখোয়না মীওইবগী মীনুংশিগী ওইবা মতেংসু পীখ্রে৷

য়ুনাইতেদ নেসন্সনা খ্বাইদগী য়ুনিভর্সেল অমদি রিপ্রজেন্তেতিব ওইবা ইন্তরনেসনেল ওর্গনাইজেসন অমা ওইরি হায়না রাস্ত্রপতিনা ফোংদোকখি৷ মল্তিলেতরেলিজম রিফোর্ম তৌনবগীদমক্তা ভারতনা থম্লিবা ৱাফমদা য়ু.এন. সেক্যুরিতী কাউন্সিলগী রিফোর্ম লৈরি, মদুনা কম্তেম্পোররী রিয়েলিতীশিংদা রিফ্লেক্ত তৌরি৷ হিরম অসিগী মতাংদা, ভারতনা য়ু.এন. সেক্যুরিতী কাউন্সিলদা ঐখোয়গী পর্মেনেন্ত ওইবা মেম্বরশিপ তান্নবদা তর্কমেনিস্তাননা সপোর্ত তৌবিরকপা অসি লৈবাক অসিনা মমল লৈনা লৌজরি৷

‘ইরা ওফ পিপল ৱিথ আর্কাদেগ’তা তর্কমেনিস্তাননা মমাং থানা চৎপনা, ভারতনা মতম কুইনদগী লৈরক্লবা মরুপ অমা ওইনা ঐখোয়গী প্রজাগী কল্লেক্তিব ওইবা মংলানশিং অসি মংফাওনহন্নবা লমদম অসিগা পার্তনর ওইদুনা চৎমিন্ননবা শেম-শাদুনা লৈরি হায়না রাস্ত্রপতিনা ফোংদোকখি৷ তর্কমেনিস্তানদা লাক্লিবা মহাক্কী খোংচৎ অসিনা লৈবাক অনিগী মরক্তা পার্তনরশিপ হেন্না তৌনবা অনৌবা শাফু অমা পীরগনি হায়বগী থাজবা অদু মহাক্না পীখি৷

থৌরম অসিদা রাস্ত্রপতিনা ইন্সতিত্যুত ওফ ইন্তরনেসনেল রিলেসন্সতা ‘ইন্দিয়া কোর্নর’ অমসু শঙ্গারগনি৷ ভারতকা মরী লৈনবা থবক-থৌরমশিং ওর্গনাইজ তৌবদা ইন্সতিত্যুতকী মহৈরোইশিংগী মরক্তা ভারতকী ইন্তরেস্ত লৈহন্নবা ‘ইন্দিয়া কোর্নর’না মীৎয়েং থম্লি৷ ‘ইন্দিয়া কোর্নর’বু ইক্ব্যুইপ তৌনবা ভারত সরকারনা কম্প্যুতরশিং, ভারতকী মরমদা লৈরিবা লাইরিকশিং অমদি ম্যুজিকেল ইন্সত্রুমেন্তশিং অমসুং অতোপ্পা পোৎলমশিং পীথখ্রে৷

নুমিৎসিগী অঙনবা শরুক্তা, রাস্ত্রপতিনা অশগবাতকী পিপল্স মিমোরিএল কমপ্লেক্সতা চৎখি অমদি ইতর্নেল গ্লোরীগী মোনুমেন্তদা লৈকৎ তমখি৷ মহাক্না বগতিয়রলাইক স্পোর্তস কমপ্লেক্সতসু চৎখি, মফমদুদা মহাক্না মহাত্ম গান্ধীগী মীতমদা লৈ কৎতুনা ইকাই খুম্নবা উৎখি অমদি ইন্দিয়ন ইন্সত্রক্তরগী মীৎয়েং মখাদা তর্কমেন মীয়াম্না য়োগ উৎখিবা অদু উবা ফংখি৷

হয়েংগী অয়ুক্তা (এপ্রীল ৪, ২০২২), রাস্ত্রপতিনা তর্কমেনিস্তান অমসুং নেদরলেন্দস লমদমদা চৎলিবা মহাক্কী খোংচৎকী অরোইবা লেগ ওইনা নেদরলেন্দসকীদমক থাদোক্লগনি৷

রাস্ত্রপতিগী ৱারোল য়েংনবা মফম অসিদা নম্বীয়ু৷

*******