২০২১গী মতমদা থোকখিবা ইশিং ইচাউশিং/চিং নিংখায়বশিং/লেন য়াওবা অকনবা নোংলৈ-নুংশিৎশিংনা শোকহনখিবা রাজ্য মঙাদা নেসনেল দিজাস্তর রেস্পোন্স ফন্দ (এন.দি.আর.এফ.)গী মখাদা অহেনবা কেন্দ্রগী মতেং পীননবা কেন্দ্রগী গৃহ মন্ত্রী শ্রী অমিত শাহনা লুচিংদুনা শেমখিবা হাই লেবেল কম্মিতী (ঐচ.এল.সি.)না অয়াবা পীখ্রে৷ হায়রিবা নেচরেল কলামিতীশিং অসি থেংনরিবা রাজ্য মঙাদা লৈরিবা মীয়ামবু মতেং পাংননবা হোৎনরিবা অদু প্রধান মন্ত্রী শ্রী নরেন্দ্র মোদীগী লুচিং মখাদ শেম্লিবা কেন্দ্র সরকারগী থৌওং অসিনা উৎলি৷

এন.দি.আর.এফ.তগী রাজ্য মঙাদা লুপা কোতি ১,৮৮৭.২৩গী অহেনবা কেন্দ্রগী মতেং পীনবা ঐচ.এল.সি.না অয়াবা পীখি:

• বিহারদা লুপা কোতি ১,০৩৮.৯৬; হিমাচল প্রদেশতা লুপা কোতি ২১.৩৭; রাজস্থানদা লুপা কোতি ২৯২.৫১; সিক্কিমদা লুপা কোতি ৫৯.৩৫; অমসুং ৱেস্ত বেঙ্গলদা লুপা কোতি ৪৭৫.০৪৷

মসিগী অহেনবা মতেং অসি মাংজৌননা কেন্দ্রনা রাজ্যশিংদা স্তেত দিজাস্তর রেস্পোন্স ফন্দ (এস.দি.আর.এফ.) ওইনা কাইথখিবা ফন্দশিং অদুগী মথক্তনি৷ শেনবা চহি ২০২১-২২গী মতমদা, কেন্দ্র সরকারনা রাজ্য ২৮দা মখোয়গী এস.দি.আর.এফ.তা লুপা কোতি ১৭,৭৪৭.২০ অমসুং এন.দি.আর.এফ.তগী রাজ্য মাপনদা লুপা কোতি ৬,১৯৭.৯৮ রিলিজ তৌখ্রে৷

কেন্দ্র সরকারনা রাজ্যশিং অমদি য়ুনিয়ন তেরিতেরীশিং অসিদগী মিমোরেন্দম ঙাইদনা কলামিতীশিং অসিগীদমক অথুবা মতমদা রাজ্যশিং অমদি য়ুনিয়ন তেরিতোরীশিং অসিদা ইন্তর-মিনিস্তিরিএল সেন্ত্রেল তীমশিং (আই.এম.সি.তি.শিং) খনখ্রে৷

*******