فوج کی زمین سے ہوا میں مار کرنے والی اوسط دوری کی میزائل (ایم آر ایس اے ایم) نے ایک بار پھر اپنی اثر انگیزی ثابت کر دی ہے، کیوں کہ دو میزائلوں نے پرواز کی مشقوں کے دوران 30 مارچ، 2022 کو اوڈیشہ کے چاندی پور ساحل پر مربوط ٹیسٹ رینج پر ہائی اسپیڈ والے ہوائی ٹارگیٹ پر سیدھے نشانہ لگایا۔  اسلحہ کے نظام کی درستگی اور معتبریت کو قائم کرتے ہوئے سمندر کے کنارے اور  زیادہ اونچائی پر کام کرنے کی صلاحیت کو شامل کرتے ہوئے حکمت عملی کے تحت انہیں ٹارگیٹ پر چھوڑا گیا تھا۔ ان جانچوں کے دوران میزائل، اسلحہ کے نظام سے متعلق راڈار اور کمانڈ پوسٹ سمیت  اسلحہ کے نظام  کی، تمام حصوں کی کارکردگی کے لیے تصدیق کی گئی۔ پرواز کی مشق دفاعی تحقیق و ترقی کی تنظیم (ڈی آر ڈی او) اور ہندوستانی فوج کے سینئر عہدیداروں کی موجودگی میں کی گئی۔ مختلف زمروں اور تناظر کے لیے پرواز کی جانچ کے اختتام کے ساتھ، سسٹم نے اپنی تیاری کی جانچ مکمل کر لی ہے۔

رکشا منتری جناب راجناتھ سنگھ نے ایم آر ایس اے ایم-آرمی کی کامیاب پرواز کے لیے ڈی آر ڈی او، ہندوستانی فوج اور صنعت کی تعریف کی اور کہا کہ کامیاب پروازوں نے ایک بار پھر نظام کی معتبریت ثابت کر دی ہے۔ دفاعی تحقیق و ترقی کے محکمہ کے سکریٹری اور ڈی آر ڈی او کے چیئرمین ڈاکٹر جی ستیش ریڈی نے اسلحہ کے نظام کی کامیاب ٹیسٹ فائرنگ سے جڑی ٹیموں کو مبارکباد دی۔

27 مارچ، 2022 کو، لائیو فائرنگ ٹرائل کے حصہ کے طور پر میزائل سسٹم کا دو بار کامیاب ٹیسٹ کیا گیا تھا، جو مختلف رینج کے لیے ہائی اسپیڈ والے ہوائی ٹارگیٹ کے خلاف تھا۔

*****

ش ح – ق ت – ت ع

U: 3495