প্রধানমন্ত্রীগী লোইশঙ
পি.এম.না মধ্য প্রদেশতা পি.এম.এ.ৱাই.-জি.গী বেমিফিসরী লাখ ৫ হেনবগী ‘গৃহ প্রবেশ’তা শরুক য়াখ্রে
“পুকচেল শেংবা সরকার অমনা হোৎনরিবশিং অমসুং এম্পাৱর তৌরবা লায়রবনা হোৎনরিবশিং অদুগা অমত্তা ওইনা পুনশিল্লবা মতমদা লৈতা লায়রববু মাইথিবা পীবা ঙম্মি”
“লায়রবশিংদা পক্কাগী য়ুমশিং ফংহনবগী কেম্পেন অসি শুপ্নগী সরকারগী স্কিম অমা নত্তে মসিদি খুঙ্গংগী লায়রবদা থাজবা পোকহন্নবা ফিরেপ অমনি”
“সরকারনা অসিনা স্কিমশিংগী কবরেজকী সেচুরেসন ফংবা ঙম্নবা পান্দম থম্বনা মান্নদবা মীৎয়েং য়েংবা অমসুং শেঞ্জা থুমজাগী ওইথোকপা য়াবা অদু মুত্থৎলি”
রাজ্য সরকার, লোকেল বোদী অমসুং পঞ্চায়ৎ খুদিংমক্না জিলা খুদিংদা অমৃত সরোবর ৭৫ লৈহনবগীদমক থবক তৌগদবনি
Posted On:
29 MAR 2022 2:00PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা মধ্য প্রদেশতা প্রধান মন্ত্রী আৱাজ য়োজনা – গ্রামিনগী বেনিফিসরী লাখ ৫.২১রোমগী ‘গৃহ প্রবেশতা’ শরুক য়াখ্রে। থৌরম অদুদা মধ্য প্রদেশকী মুখ্য মন্ত্রী শ্রী শিবরাজ সিংহ চোহান, কেন্দ্র অমসুং রাজ্য মন্ত্রীশিং, পার্লিমেন্তমেন্তগী মেম্বরশিং অমসুং বিধান সভাগী মেম্বরশিংসু শরুক য়াখি।
থৌরম অদুদা ৱা ঙাংলদুনা প্রধান মন্ত্রীনা বিক্রম সমবতকী চহি হৌবা লাক্কদৌরিবা অসিদা মখোয়গী ‘গৃহ প্রবেশ’ তৌবগীদমক বেনিফিসরীশিংদা নুংঙাইবা ফোঙদোকখি। প্রধান মন্ত্রীনা মমাংদা রাজনিতী দলশিংনা মখোয়না ফোঙনা ফোঙদোকখ্রবসু লায়রবশিংগীদমক থবক নীংথিনা পাইখৎলমখিদে হায়না ফোঙদোকখি। “লায়রবশিং অসি এম্পাৱর তৌরবা মতমদা, মখোয়না লৈতা লায়রবা অসি মায়োক্নবা ঙম্নবা থৌনা ফংগনি। পুকচেল শেংবা সরকার অমনা হোৎনবশিং অমসুং এম্পাৱর তৌরবা লায়রবা হোৎনবশিংগা অমত্তা ওইনা পুনশিনবা মতমদা লৈতা লায়রববু মাইথিবা পীবা ঙম্মি” হায়না মহাক্না হায়খি।
প্রধান মন্ত্রীনা হায়খি মদুদি “প্রধান মন্ত্রী আৱাজ য়োজনাগী মখাদা খুঙ্গাশিংদা শাখিবা য়ুম লাখ ৫.২৫ অসি শুপ্নগী স্তেতিস্তিক্স খক্তা নত্তে। য়ুম লাখ ৫.২৫ অসিনা লৈবাক অসিদা লায়রবশিংনা মপাঙ্গল কনখৎলক্লি হায়বগী মশক তাক্লি”। শ্রী মোদীনা মখা তারদুনা হায় লায়রবশিংদা পক্কাগী য়ুমশিং ফংহনবগী কেম্পেন অসি শুপ্নগী সরকারগী স্কিম অমা নত্তে মসিদি খুঙ্গংগী লায়রবদা থাজবা পোকহন্নবা ফিরেপ অমনি হায়খি। “মসি লায়রবশিংবধ লৈতা লায়রবগী অৱাবদগী কোকহন্নবা অহানবা খোঙথাং ওইরি”, হায়না মহাক্না হায়খি। “য়ুমশিং অসিনা খুঙ্গংশিংগী নুপীশিংবু ‘লাখপতি’ ওইহন্নবা সর্ভিস স্পিরিৎ অমসুং কেম্পেন অদু তাক্লি”, হায়না মহাক্না মখা তাখি।
মমাংদা য়ুম লাখ খরা শারমখিবা অদুগী মতাংদা প্রধান মন্ত্রী হায়খি সরকার অসিনা পক্কাগী য়ুম করোর ২.৫ হেন্না খুৎশিন্নবা ঙমখ্রে মসিগী মনুংদা করোর ২দি খুঙ্গংগী মফমশিংদা ওইরি। লাইচৎনা ফাওবা কেম্পেন অসিগী খোঙজেলদা থিন্থবা ঙমহনখিদে হায়না প্রধান মন্ত্রীনা ফোঙদোকখি। মধ্য প্রদেশতা অয়াবা পীখিবা য়ুম লাখ ৩০গী মনুংদা লাখ ২৪দি ভাইগা, সহারিয়া অমসধং ভারিয়া সমাজকী মীয়ামদা য়াওনা কান্নবা ফংহনদুনা শাবা লোইশিনখ্রে।
পি.এম.এ.ৱাই.গী মখাদা য়ুমশিং অসিদা তোইলেৎ, সোভাগ্যা য়োজনা ইলেক্ত্রিসিতী কন্নেক্সন, উজালা স্কিলগী এল.ই.দি. বল্ব, উজ্জ্বালা গ্যাস কন্নেক্সন অমসুং হর ঘর জলগী মখাদা ৱাতর কন্নেক্সন য়াওহন্দুনা বেনিফিসরিশিংনা কান্নবশিং অসি লৌনবা কোইচেন চেন্নবগী মথৌ তাহন্দে হায়না প্রধান মন্ত্রীনা ফোঙদোকখি।
প্রধান মন্ত্রীনা পি.এম.এ.ৱাই. স্কিমগী মখাদা শাখিবা য়ুমশিংগী মনুংদা য়ুম করোর অনিরোমদি নুপীশিংগী মমিংদা রেজিস্তর তৌখি। মসিগী মপু ওইবনা ইমুং-মনুংদা নুপীশিংবু শেল-থুমগী ওইবা ৱারেপ লৌবদা শরুক য়াহন্নবা মপাঙ্গল কনখৎহল্লি। নুপীশিংগী ইকাই খুম্নবা অমসুং ইজ ওফ লিবিং হেনগৎহন্নবা সরকারগী ফিরেপ অসি নৌহৌননা ফোঙদোক্লদুনা প্রধান মন্ত্রীনা হৌখিবা চহি অনি মখাই অসিদা য়ুমথোং করোর ৬ হেনবদা থক্নবা ঈশিংগীদমক তোতি ঈশিংগী কন্নেক্সন ফংহনখি হায়না ফোঙদোকখি।
প্রধান মন্ত্রীনা সরকার অসিনা লায়রবদা লেম্না রাসন পীনবা লুপা করোর লাখ ২গা লিশিং ৬০ চাদিং তৌখি হায়না ফোঙদোকখি। স্কিম অসি মথংগী থা ৬ অঞগা শাংদোরকপা অসিনা অহেনবা লুপা করোর লিশিং ৮০ মসিদা চাদিং তৌরগনি। সরকারগী ফিরেপ অসিগী মখাদা ফংফম থোকপা বেনিফিসরীশিংদা কান্নবা মপুং ফানা ফংহন্নবা সরকারনা রেকোর্দতা লৈরিবা শাশিন্নবা বেনিফিসরী করোর ৪ লৌথোকপা ঙমখ্রে। ২০১৪গী মতুংদা মসিগী খোঙথাং অসি লায়রবশিংনা মখোয়গী ফংফম থোকপা কান্নবা অদু ফংনবা অমসুং পুকচেল শেংদবা কয়ানা শিনবা লাংদগী মখোয়গী শেল কনবা ঙম্নবা হোৎনখি। অমৃত কালগী মতম অসিদা বেনিফিসরী খুদিংমক্তা তঙাই ফদবা ফেসিলিতীশিং ফংহন্নবা খোঙথাং পাইখৎলি। মহাক্না স্কিমশিংগী কবরেজকী সেচুরেসন ফংবা ঙম্নবা পান্দম থম্বনা সরকারনা হন্থনা য়েংবা অমসুং শেঞ্জা থুমজা ওইথোকপা য়াবা অদু মুত্থৎলি হায়না ফোঙদোকখি।
স্বামিত্ব স্কিমগী মখাদা লম ফোর্মেলাইজ তৌবগী খুত্থাংদা সরকারনা খুঙ্গংশিংদা লৈরিবা ললোন-ইতিক তৌবগী ফীভম ফগৎহল্লি। মধ্য প্রদেশতা লৈরিবা জিলা পুম্নমক্কী খুঙ্গং লিশিং ৫০দা সর্ভে চত্থরি।
প্রধান মন্ত্রীনা মতম শাংনা খুঙ্গংগী শেন্মীৎলোন অসি লৌউ-শিংউ খক্তগী মপাল চাংদুনা লৈরমখি হায়না ফোঙদোকখি। দ্রোনশিং অসিগুম্বা মোদর্ন তেক্নোলোজী অমসুং নেচরেল ফার্মিং গুম্বা অরিবা পথাপ থৌগৎপা অসিনা খুঙ্গংশিংদা অনৌবা লম কয়া হাংদোকপা ঙমহল্লি। এম.এস.পি.দা পোৎ লৈশিনবদা অনৌবা রেকোর্দশিং থম্বা ঙম্বগীদমক মধ্য প্রদেশ সরকার অমসুং মুখ্য মন্ত্রীবু মহাক্না থাগৎপা ফোঙদোকখি। মধ্য প্রদেশকী লৌমীনা পি.এম. কিসান সম্মান নিধিগী মখাদা লুপা করোর লিশিং ১৩ ফংখি।
অনৌবা চহি হৌবগী নুমিৎ (প্রতিপদা) লাকপা অসিদা জিলা খুদিংমক্তা অমৃত সরোবর (পুখ্রি) ৭৫ তৌথোকপা ঙম্নবা প্রধান মন্ত্রীনা হায়খি। মহাক্না সরোবরশিং অসি অনৌবা অমসুং অচৌবা ওইহন্নবা হায়খি। মহাক্না মসিগীদমক এম.এন.আর.ই.জি.এ.গী ফন্দশিং শীজিন্নবা য়াগনি হায়খি অমসুং মসিনা লম, মহৌশা, অপীকপা লৌমীশিং, নুপীশিং অমসুং শা-উচেকতা চাউনা কান্নবা পীগনি হায়না ফোঙদোকখি। মহাক্না রাজ্য সরকার, লোকেল বোদী অমসুং পঞ্চায়ৎ খুদিংমক্তা মাইকৈ অসিদা থবক পাইখৎনবা অপীল তৌখি।
***********
(Release ID: 1810973)
Visitor Counter : 190
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam