প্রধানমন্ত্রীগী লোইশঙ

অহিংসা সম্পন্নতা সমারোহ কার্য়ক্রমদা প্রধান মন্ত্রীনা থমখিবা ৱারোল

Posted On: 27 MAR 2022 3:54PM by PIB Imphal

খুরুমজরি, থৌরম অসিদা শরুক য়াবীরিবা আচার্য়া শ্রী মহাশ্রমনজী, মুনী গনা, ইকায় খুম্ননীংঙাই ওইরবা সাধভীজী অমসুং লেংবীরক্লিবা মীয়াম খুদিংমক! ঐখোয়গী ভারত লৈবাক অসি চহি লিশিং কয়াদগী লাইনীংবা, মুনি, আচার্য়াশিংগী মশক নাইরবা চৎনবী কয়াগী লৈবাক ওইদুনা লাক্লি। মতমগী ইচেলনা পুরকপা শিংনবা কয়া লাক্লবসু চৎনবী অসিদি মখা তানা চত্থদুনা লাক্লি। ঐখোয়গী লমদমসিদা আচার্য়া ওইখিবশিংনা চরেৱেতি- চরেৱেতিগী মন্ত্রবু ঐখোয়দা পীবিরি। ঐখোয়গী লমদমসিদগী আচার্য়া ওইখিবশিংনা চরেৱেতি- চরেৱেতিগী মন্ত্রবু হিংজখি। শ্বেতাম্বর তেরা পন্থনা চরেৱেতি- চরেৱেতিবু লেপ্তনা পাংথোকপগী মশক থোক্লবা চৎনবীবু অৱাংবা থাক্তা পুখৎখি। আচার্য়া ভিক্সুনা কত্থোকপবু মহাক্কী লাইনীংগী ৱারেপ ওইহনখি।

আচার্য়া তুলসী অমসুং আচার্য়া মহাপ্রগ্যাদগী হৌদোকখিবা মশক নাইরবা চৎনবীনা হৌজিক্কী মতম অসিদসু আচার্য়া মহারাজ মহাশ্রমনজীগী শক্তমদা ঐখোয়গী মাংদা চঙ-চঙ লাওনা লৈবীরি। আচার্য়া মহাশ্রমনজীনা চহি ৭কী মনুংদা কিলোমীতর লিশিং ১৮গী অথাপ্পবু মখোঙনা চৎখি, মসিগী খোঙচৎ অসি মালেমগী লৈবাক অহুমগীনি। আচার্য়া শ্রীনা ভারতকী ‘বাসুধৈবা কুতুম্বাকম’গী ৱাখল্লোনবু পাকথোক-চাউথোকহনখি। মসিগী খোঙনা চৎপা খোঙচৎ অসিনা লৈবাক্কী রাজ্য ২০বু ৱাখল্লোন অমা অমসুং ইথিল অমনা পুন্সিনখি। অহিংসা লৈবা মতমদা অমত্তা ওইবগী মতৌ লৈগনি। অমত্তা ওইবা মফমদা অপুনবগী মতৌ লৈগনি। অপুনবগী মতৌ লৈবা মফমদা মীথোই মীহেনবা লৈগনি। অদোম খুদিংনা ‘ভারত অমা, শ্রেস্থ ভারত অমা’ হায়বা মন্ত্র অসিবু মীপুম খুদিংদা য়ৌহনবা হায়বসি ইশাগী ৱারেপ ওইনা লৌনরে হায়বা ঐহাক্না খঙই। অসিগুম্বা খোঙচৎ অসিনা মপুং ফাখিবা অসিদা ঐহাক্না আচার্য়া মহাশ্রমন অমসুং মহাক্কী তুং-ইনবশিংবু নুংঙাইবগী য়াইফ-পাউজেল পীজরি।

মরুপশিং,

শ্বেতাম্বর তেরা পন্থকী আচার্য়শিংদগী ঐহাক্না মতম পুম্বদা অখন্নবা থৌজাল অমসুং নুংশিবা ফংদুনা লাক্লি। আচার্য়া তুলসীজী, মহাক্কী পত্তাধার আচার্য়া মহাপ্রগ্যাজী অদুগা হৌজিক্না, আচার্য়া মহাশ্রমনজীনা ঐহাকপু য়াম্না চাল্লি অমসুং কান্নবা কয়া পীবি। অসিগুম্না নুংশিবীবা অসিনা মরম ওইরগা, ঐহাক্না তেরা পন্থকী থৌরম অসিদা য়াওজবা ফংবগী খুদোংচাবা ফংজরিবনি। মসিনা মরম ওইদুনা, ঐহাক্না অদোম আচার্য়শিংগী মরক্তা তিন্দুনা মসি তেরা পন্থনি, মসি ঐহাক্কী তেরা পন্থনি হায়জবা ঙম্লিবনি। 

ইচিল ইনাওশিং,

ঐহাক্না আচার্য়া মহাশ্রমনজীগী খোঙনা চৎপা খোঙচৎকা মরী লৈনবা ই-পাউ য়েংজবা মতমদা, ঐহাক্না য়াম্না তান চান্নবা নুংঙাইজবা অমসু ফাওজৈ। অদোম্না খোঙচৎ অসি ইং ২০১৪দগী দিল্লীগী লাল কিলাদগী হৌখি। চহিদুমক্তদা লৈবাক অসিনা খোঙচৎ অমা হৌখি, ঐহাক্না মসিদি অনৌবা ভারতকী অনৌবা খোঙচৎ অমনি হায়না লাল কিলাদগী হায়জখি। মসিগী খোঙচৎ অসিদসু, লৈবাক্না মান্নবা ৱারেপ লৌখি – মীয়ামগী সেবা, মীয়ামগী য়াইফ য়ুম্বাল। অদোম্না ঙসিদি, লৈবাক মীয়াম করোর কয়াগা উন্নরগা চাউখৎ-খোংথাংগী থবকশিংদা মখোয়সু শরুক য়াগনি হায়বগী ৱাশক শকহল্লগা দিল্লীদা লাক্লি। অদোম্না লৈবাক্কী কাচিন-কোয়া খুদিংদা থেংনরকখিবা মীয়াম খুদিংনা খোঙচৎ অসিগী মতাংদা নুংঙাইবা ফাওবগী মতৌ উদুনা লাক্লমগনি হায়বা ঐহাক্না থাজৈ। হোংলক্লিবা ভারতকী অসিগুম্বা মতৌ অসিবু লৈবাক মীয়ামদা পাউদম্বীদুনা মখোয়দা ইথিল পীবিয়ু হায়না ঐহাক্না থমজরি।

মরুপশিং,

আচার্য়া শ্রীনা মহাক্কী খোঙগী অসিগুম্বা খোঙচৎ অসিদা ‘অফবা ৱাখল চেনবা, অফবা ৱাখল খনবগী মতৌ অমসুং নিশাদগী লাপথোকপা’ হায়বসিবু অনৌবা ৱারেপ ওইনা খুন্নাইগী মাঙদা থম্বীরি। হৌজিক্কী মতমসিদা মীওই লাখ কয়ানা নিশাদগী লাকপথোকপগুম্বা ৱারেপকা মরী লৈননা থবক কয়া পায়খৎলি হায়বা ঐহাক্না তাজবা ফংলে। মসিদি, য়াম্না ফবা ৱাফম অমনি। স্পিরিচুএল ওইবা মিৎয়েংদগী য়েংবা মতমদা, ঐখোয়না নিশাদগী লাপথোক্লবা মতমদা খক্তা ইশাবু তসেংনা উজবা ফংগনি। লাপথোকপা হায়বসিদা নিশা, মীহৌবদগীসু ওইবা য়াই। ঐখোয়না অসিগুম্বা থৌওং অসি পাংথোক্লবা মতুংদা ইশানা ইশাবু উজবা অমসুং খঙজবা ঙমগনি। ঐখোয়না মীহৌবা অমসুং অরান-করাম্ববু মাইথীবা পীরবা মতুংদা অতোপ্পবু তেংবাংবগী ইশাগী থৌদাং খঙবা ঙমগনি।

মরুপশিং,

ঙসিগী নীংতম্বগী অমৃত মহোৎসবকী মতমসিদা লৈবাক অসিনা মশাগী হায়বা ৱাখল্লোন্দগী ৱাংমা লান্দুনা খুন্নাই অমসুং লৈবাক্কী থৌদাং পায়খৎসি হায়বা ৱাফম থম্লি। ঙসিদি, লৈবাক অসিনা ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী ৱারেপ্পু খুমাং চাউশিনহল্লি। সরকারনা লোইনমক তৌগদবনি, লৈঙাকপশিংনা হীরম খুদিংমক চলায়গদবনি হায়বসি ঙসিগী ভারতকী ৱাখল্লোন ওইদ্রে। মসিনা ভারতকী মহৌশাগী লিচৎ ওইদ্রে। ঐখোয়গী মফমসিদা লৈঙাকপগী শক্তি, খুন্নাইগী শক্তি অমসুং স্পিরিচুএলগী শক্তিদা পুম্নমক্কী মান্নবা থৌদাং য়াওরে। ঐখোয়গী লৈবাক অসিদদি ইশাগী থৌদাং খক্তনা ইশাগী লাইনীং ওইরে। মহাক্না অসুম্না হায়বীরম্মি- “ঐহাক অসি অহানবদা মীওইবা অমনি। মতুংদা, ঐহাক অসি ধর্মগী মীওই অমনি। মতুংদা, ঐহাক অসি লাই নীংজবা জেন মুনি অমনি। মদুগী মতুংদা, ঐহাক অসি তেরা পন্থকী আচার্য়নি”। ইশাগী থৌদাংগী লম্বীদা চত্তুনা, লৈবাক অসিনসু মহাক্কী ৱারেপ্তা মসিগী ৱাখল্লোন অসি ইন্দুনা চৎলি।

মরুপশিং,

ঐখোয়গী ভারত অসিনা ঙসিদি অনৌবা ভারত অমগী মঙলানগা লোয়ননা অপুনবগী পাঙ্গলনা শাফু পীদুনা তুংলমচৎকীদমক্তা চঙশিল্লিবা অসিদা ঐহাক্না নুংঙাইবা ফাওই। ঙসিদি, ঐখোয়গী ইশাগী পাঙ্গল, ঐখোয়গী আচার্য়া, ঐখোয়গী সন্তশিংনা অমত্তা ওইনা পুন্দুনা ভারতকী তুংগী মতমগী মাইকৈ তাক্লি। অসিগুম্বা ৱারেপ, অপাম্বা, লৈবাক্কী হোৎনজমনশিংবুসু লৈবাক্কী মীয়াম খুদিংদা য়ৌহন্নবগীদমক্তা ইশাবু পাম্বৈ অমা ওইহনসি হায়না ঐহাক্না থমজনীংই। নীংতম্বগী অমৃতকী মতমসিদা, লৈবাক অসিনা ৱারেপ কয়াগা লোয়ননা তুংলমচৎকীদমক্তা চঙশিল্লবা, ৱারেপশিং অসিনা অকোয়বগা মরী লৈনবা হীরম ওইরো, ন্যুত্রিসনগী হীরম ওইরো, নত্ত্রগা লাইরবশিংগী য়াইফ য়ুম্বালগী ওইরো, ৱারেপ খুদিংদা ইশাগী চাউরবা থৌদাং য়াওরিবনি। অদোম সন্তশিংগী থৌজালদগী লৈবাক্না হোৎনরিবশিংবু হেন্না চেৎশিনহল্লগনি অমসুং অহেনবা মায় পাকপা কয়া পীবা ঙমগনি হায়না ঐহাক্না থাজৈ। অসিগুম্বা ৱাখল্লোন অসিগা লোয়ননা, সন্তশিংগী খুয়াখাদা ইকায় খুম্নবা উৎপগা লোয়ননা, অদোম খুদিংবু অমুক্কা হন্না থাগৎচরি অমসুং অদোমগী মফমদা য়াইফ পাউজেল পীজরি।

 

***



(Release ID: 1810274) Visitor Counter : 163